5G ايماعىمىزداعى مالشىلاردى ”سيفرلى“ جاڭا تۇرمىسقا باستادى

  التاي گازەتىنىڭ جالپىلىق اقپارات قۇرالدارى ءتىلشىسى حۋ جۇنشيۋ حابارلايدى. 9-ايدىڭ 4-كۇنى جۇڭگو تەلەگراف بۋرىلتوعاي اۋدانى بولىمشە سەرىكتەستىگىنىڭ تيجارات زالىندا جەرگىلىكتى ورىننىڭ تۇرعىنى ليۋ دۇڭميڭG 5 قولفون كاسىبىن ءبىتىرىپ، قىزمەتكەر وعان توراپتان تۇرعىن ءۇي كورۋ يقۋاتىن كورسەتتى. ليۋ دۇڭميڭ تىلشىگە:G 4 تۇرمىستى وزگەرتتى، G 5 قوعامدى وزگەرتەدى. راسىندا، بايىبىنا بارا المايمىن، G5 تورابى تۇرمىسىمىزعا قولايلىلىق جاراتتى،- دەدى.بيىل 9-ايدا جۇڭگو تەلەگراف التاي بولىمشە سەرىكتەستىگى پارتيا تاريحىن ۇيرەنۋ تاربيەسىن وراي ەتىپ، بۋرىلتوعاي اۋدانىندا تۇڭعىش G5 بازالىق بەكەتىن اشىپ، ينتەرنەتتىڭ ”ەڭ ۇلكەن وزگەرىس مولشەرىن“ ”ەڭ ۇلكەن ارتۋ مولشەرىنە“ اينالدىرىپ، زات تورابى، جاساندى زەردە، زەردەلى قالا، زەردەلى اۋىل شارۋاشىلىعى، الىس ارالىقتان ەمدەۋ، زەردەلى ءۇي جيھازدارى قاتارلى ءتۇرلى جاقتارداعى دامۋدى جەبەپ، ءار ۇلت بۇقاراسىنا توراپتا حابارلاسۋ الا كەلگەن ”سيفرلانۋدىڭ“ تىڭ تۇرمىسىن سەزىندىردى.

  قولفونمەن قوي باعۋ راس بولعانى ما

  مالشى تۇرسىن شاي ءىشىپ وتىرىپ قولفون ارقىلى ۇلىمەن بەينە ەكراندا سويلەسكەندە: الاڭداما، مەن ەندى سيىر، قويىمدى ىزدەپ شارشامايتىن بولدىم. سيىر مەن قويىما چيپ ورناتىلعاننان بەرى ۇيدە وتىرىپ قولفونىمداعى جول باستاۋ جۇمساق بولشەگىمەن ورنىن تۇراقتاندىرىپ، مالىمدى وپ-وڭاي ايداپ اكەلەمىن. قولفونمەن كوپتەگەن ىستەردى بىتىرۋگە بولادى، تۇرمىسىمىزدىڭ وسىنشاما جاقساراتىنىن بۇرىن ويلاپ كورمەگەن ەكەنمىن.

  بيىل جۇڭگو جىلجىمالى حابارلاسۋ شىڭگىل اۋداندىق بولىمشە سەرىكتەستىگىنىڭ پارتيا ياچەيكاسى جايلاۋعا بارىپ سىمدى، سىمسىز توراپتى توعىستىرۋ ءتاسىلىن قولدانىپ، توراپتىڭ جالپىلاسۋ ورنىن ارتتىرىپ، ءىشىنارا وڭىرلەردەگى توراپ ءۇزىلۋ كىناراتىن دەركەزىندە جاقسارتتى. شىڭگىل اۋدانىنداعى %90 تەن استام مالشى وتباسىلارىنا توراپتى جالپىلاستىرىپ، مال شارۋاشىلىق رايونىندا توراپ ارقىلى قىزمەت وتەۋدىڭ كەنجە قالۋداي ولقىلىعىن تولىقتادى.جايلاۋدا ساياحاتتاپ ءجۇرىپ، بەينە ەكراندا اڭگىمەلەسۋ جۇزەگە استى

  8- ايدىڭ 11- كۇنى جۇڭگو جىلجىمالى حابارلاسۋ كوكتوعاي اۋداندىق بولىمشە سەرىكتەستىگىنىڭ ”قىزىل ءتۇستى اۆانگاردتاردىڭ توراپتان قامال الۋ اترەتى“ كوكتوعاي اۋدان قالاشىعىنان 200 كيلومەتر جەردەگى سايقىنبۇلاق جايلاۋىنا بارىپ جەرگىلىكتى ورىنداعى مالشىلارعا توراپ ارقىلى قىزمەت وتەدى. توراپ تۇتاسقان سوڭ مالشىلار ۇيىندە وتىرىپ جوعارى تۇنىقتىقتاعى تەلەۆيزيا باعدارلامالارىن كورىپ، تەلەۆيزوردا سول كۇنگى گازەتتى وقىپ، الىس ارالىقتان ءارقايسى ۇلكەن شيپاحانالارداعى شيپاگەرلەردەن كەڭەس الدى.

  جايلاۋدا ساياحات كاسىبىمەن شۇعىلدانۋعا بىرنەشە كۇننەن بەرى دايىندىق جاساعان مالشى تولەۋبەك 3 كيىز ءۇيىن جاڭالاپ، حالىقتىق قونالقى دايىنداۋمەن قاربالاس بولۋدا. ول ءاربىر كيىز ءۇيدىڭ ىشىنە سىمدى توراپ ورناتىپ،WiFi اشتى. ول بىلاي دەدى: بۇرىن بۇل جەردە توراپ بولمايتىن، تەك عانا مال باعاتىنمىن. قازىر توراپ جالپىلاستى، سايقىنبۇلاق جايلاۋىنداعى كوركەم كورىنىستەردى، ءسۇت ونىمدەرىن، سيىر، قويدى سۋرەتكە تارتىپ توراپقا شىعاراتىن بولدىم.توراپ مالشىلاردىڭ تۇرمىسىن وزگەرتتى

  جەمەنەي اۋدانىنىڭ تۇرعىنى ءۇمىت تىلشىگە: وتباسىمىزعا كەڭ جيلىكتى توراپ ورناتىلعاننان كەيىن ەلەكتروندىق ساۋداعا ەرەكشە قىزىقتىم، الايدا، قالاي ىستەۋدى بىلمەيمىن. جۇڭگو تەلەگراف جەمەنەي اۋداندىق بولىمشە سەرىكتەستىگىنىڭ قىزمەتكەرى بۇل جاعدايدى بىلگەن سوڭ، ەلەكتروندىق ساۋدا كۋرسىنە قاتىناستىرىپ، تۇيە ءسۇتى پاراشوگىن وندىرەتىن ورىندى تاۋىپ بەردى. قازىر ءار ايدا ەلەكتروندىق ساۋداداعى ساتۋ سومامىز 3000 يۋاننان استى،-دەدى.

  جاقىنعى جىلداردان بەرى، جۇڭگو تەلەگراف التاي بولىمشە سەرىكتەستىگى اۋىل-قىستاقتى گۇلدەندىرۋ ستراتەگياسىن اتقارۋعا كۇش قوسىپ، جەمەنەي اۋدانىنداعى 41 اكىمشىلىك قىستاقتى 1-توپتاعى تەلەگرافتىڭ جالپى بەتتىك قىزمەت وتەۋىندەگى ءتۇيىندى قىستاعى قۇرىلىسىنا دەركەزىندە ەنگىزدى. كەزەكتە، جۇڭگو تەلەگراف التاي بولىمشە سەرىكتەستىگى جەمەنەي اۋدانىندا جىلجىمالى حابارلاسۋ بازالىق پۋنكتىنەن 92 سىن سالىپ، تۇتاس اۋدانداعى 41 اكىمشىلىك قىستاققا جانە 4 الەۋمەتتىك اۋماققا، شەكارا وتكەل وڭىرىنە G4 تورابىن جالپىلاستىردى؛G 5 بازالىق پۋنكتىنەن ەكەۋىن سالىپ، قالا رايونىنداعى وزەكتى وڭىرگە G5 تورابىن نەگىزىنەن جالپىلاستىردى.

  جۇڭگو تەلەگراف جەمەنەي اۋداندىق بولىمشە سەرىكتەستىگىنىڭ ورىنباسار باس ديرەكتورى ۋاڭ سۇڭتاۋ تىلشىگە: 2021-جىلى تەز قارقىنمەن جەمەنەي اۋدانىنداعى شالعاي مال شارۋاشىلىق قىستاقتارىنا توراپ جەتكىزۋ ينجەنەرياسىن جاپپاي اتقارىپ، جەرگىلىكتى ورىنداعى ۇكىمەتپەن بەلسەنە سايكەسىپ، سيفرلى اۋىل-قىستاق ينفورماتسيا نەگىزدىك قۇرىلعىلارى جوسپارىنا قاتىستى قىزمەتتەردى ورىستەتىپ، ”سيفرلى اۋىل-قىستاق + ۇكىمەتتىڭ قىزمەت وتەۋىن“ ىلگەرىلەتىپ، ءار ۇلت بۇقاراسىنا باقىت جاراتامىز،-دەدى.

جاۋاپتى رەداكتور: ءاننا اكىمقان قىزى