ءتۇرلى فورمامەن ۇيرەنىپ، رۋحتى سەرپىلتتى

كوكتوعاي اۋدانى: قىزىل قان -تامىردى ۇرپاقتان-ۇرپاققا جالعاستىرىپ، ۇدىرە العا تارتۋدىڭ داستانىن جازدى

  

      وتانىمىزدىڭ باتىس سولتۇستىك شەكاراسىنا ورنالاسقان كوكتوعاي اۋدانى جوعارى دەڭگەيدەگى قىزىل ءتۇستى، پارتيالىلىق تاربيەنى ورىستەتۋدەگى جاندى بايلىق.

  پارتيا تاريحىن ۇيرەنۋ تاربيەسى ورىستەتىلگەننەن بەرى، كوكتوعاي اۋدانى پارتيالى كادرلار مەن بۇقارانى پارتيا تاريحىن ۇيرەنۋ ارقىلى قاعيدانى تۇسىنۋگە، پارتيا تاريحىن ۇيرەنۋ ارقىلى سەنىمدى ارتتىرۋعا، پارتيا تاريحىن ۇيرەنۋ ارقىلى ءمورالدى اسقاقتاتۋعا، پارتيا تاريحىن ۇيرەنۋ ارقىلى ۇمتىلا ىستەۋگە ۇزدىكسىز جەتەلەپ، ۇيرەنۋ تابىستارىن ۇدەرە العا تارتۋدىڭ جاڭا ساپارىنا، جاڭا داۋىرگە ۇلەس قوسۋدىڭ ءىس جۇزىندىك ارەكەتىنە شىنايى اينالدىردى. التاي گازەتىنىڭ  جالپىلىق اقپارات قۇرالدارى ءتىلشىسى گۇلناز، ۇسىنىس ەتىلگەن ءتىلشى حۋ جينلياڭ حابارلايدى.

  پارتيا تاريحىن ۇيرەنۋ تاربيەسىن ىشكەرىلەي ورىستەتۋ ءۇشىن، كوكتوعاي اۋداندىق پارتكوم نازاريا ۇيرەنۋ وزەكتى گرۋپپاسى ىلگەرىندى-كەيىندى پارتيا تاريحىن ۇيرەنۋ تاربيەسى تاقىرىپتىق ۇيرەنۋىن 8 رەت ۇيىمداستىردى؛ تۇتاس اۋدانداعى 322 نەگىزگى ساتى پارتيا ۇيىمى 7029 پارتيا مۇشەسى وزدىگىنەن بەرىلە ۇيرەنۋ، كوللەكتيۆ زەرتتەپ ۇيرەنۋ قاتارلى ءتاسىلدى قولدانىپ، ىشكەرىلەي ۇيرەندى.

  اۋداندىق پارتكومنىڭ شۋجيى ۇيىرمە باستىعى بولعان كوكتوعاي ۇگىت-لەكسيا ۇيىرمەسى ۇلگى كورسەتىپ جەتەلەۋگە تاباندى بولىپ، پارتيا تاريحىن ۇيرەنۋ تاربيەسى تاقىرىپتىق ۇگىت-لەكسياسىن جالعاستى ورىستەتتى؛ ”ماتىنبەك ۇگىت-لەكسيا ۇيىرمەسى“، ”پارتيانىڭ ساياساتىن وتباسىلارىنا جەتكىزۋ“، ”دومبىرا شاعىن اترەتى“ قاتارلىلاردى ۋاكىل ەتكەن 100 نەشە ۇگىت-لەكسيا ۇيىرمەسى اۋىل-قىستاقتاردىڭ مال شارۋاشىلىق رايوندارىنا، عيمارات، ساۋدا سارايىنا بارىپ ۇگىت-لەكسيا ورىستەتتى؛ قىستاق كادرلارىن، ”ۇعىسۋ، تيىمدىلىك جاساۋ، توعىستىرۋ“ قيمىلى بويىنشا قىستاقتا تۇراتىن قىزمەت اترەتىنىڭ مۇشەلەرىن، تۋىس بولعان كادرلاردىڭ رولىن ساۋلەلەندىرىپ، ەگىنشى-مالشىلارعا پارتيا تاريحى جونىندە ۇگىت-لەكسيا جاسادى.

  جىل باسىنان بەرى، بۇل اۋدانداعى ءارقايسى اۋىل (قالاشىق) بۇرىننان بار تابيعي باقشادان پايدالانىپ ورىندىك ەرەكشەلىككە يە پارتيا قۇرىلىسى تاقىرىپتىق باقشاسىن سالىپ، ”قىزىل كەيىپكەرلەردىڭ شاعىن الاڭىن“، ”پارتيا تاريحىنداعى 100 جىلدىق جول“، ”جۇڭگو رۋحى وبراز قابىرعاسى“ قاتارلى 200 نەشە ورىنداعى ناقتى كورىنىستى شەپ قۇردى. ”پارتيانىڭ ءۇنىن وتباسىلارىنا جەتكىزۋ“ قاتارلى ارناۋلى تاقىرىپ اشىپ، قاراپايىم دا ۇعىنىقتى تىلمەن، جاندى مىسالدارمەن جۇڭگو كوممۋنيستىك پارتياسىنىڭ 100 جىلدىق تاريحىن باياندادى.

  نازاردى ناقتى ءىستى ويداعىداي ىستەۋگە شوعىرلاندىردى

  ”بۇقارا ءۇشىن ناقتى ءىس ىستەيمىن“ اتىنداعى امالياتتىق قيمىل بارىسىندا كوكتوعاي اۋدانى بۇقارانىڭ ”شۇعىل، قيىن، الاڭدايتىن، ءزارۋ“ ماسەلەلەرىن شىنايى شەشىپ، ”بۇقارا ءۇشىن ناقتى ءىس ىستەيمىن“ اتىنداعى امالياتتىق قيمىلدىڭ نىسان تىزىمدىگىنەن 59 ىن اداقتادى؛ تاراۋلارداعى (ورىندارداعى) پارتيا مۇشەلەرى قاتەرلى ۇيلەردى وزگەرتىپ سالۋ، اۋىز سۋ حاۋىپسىزدىگى، كونە-شاعىن رايونداردىڭ ورتاسىن جاقسارتۋ، ۇكىمەت ىسىنە قىزمەت وتەۋ ءتارتىبى قاتارلى ءتۇرلى 627 حالىق تۇرمىسى ماسەلەسىن شەشۋدى جەبەدى؛ 2760 پارتيالى كادر 2842 بۇقارا وتباسىمەن تۋىس بولىپ، بۇقارا كورسەتۋ، قىستاق (الەۋمەتتىك اۋماق) پارتيا ۇيىمى مىندەت بەرۋ، بىرلەسكەن وتباسى پارتيا مۇشەلەرى مىندەت قابىلداۋ ارقىلى نەگىزگى ساتىداعى بۇقارانىڭ ءوندىرىس-تۇرمىسىنداعى 658 قيىن ماسەلەنى دەركەزىندە شەشتى.

  كوكتوعاي اۋدانى قارتايعان، ءالسىز، اۋرۋ، مۇگەدەك ادامداردىڭ دارەتحاناعا بارۋى قيىن بولۋ ماسەلەسىنە قاراتا، 3200 نەشە وتباسىنا سۇيەنىش تۇتقاسىن ورناتۋدى جوسپارلاپ، قازىر 1100 وتباسىنا ورناتتى؛ كونە-شاعىن رايوننىڭ ”تولعاقتى تۇيىندەر كوپ بولۋ“، سۋمەن قامداۋ، سۋ ىعىستىرۋ، جىلۋمەن قامداۋ، قۇبىر تورابىن جاقسارتۋ، جول بەتىن قاتتىلاندىرۋ، جاسىلداندىرۋ، جارىقتاندىرۋ، باقىلاۋ-مەڭگەرۋ اسپابىن كوبەيتۋ قاتارلى نىسانداردىڭ قىزمەت وتەۋ جۇيەسىن بىرتىندەپ ساپالاندىردى؛ وقۋعا تۇسۋدەن بۇرىنعى ”ۇلكەن كلاستاعى بالالار سانى“ ماسەلەسىنە قاراتا، 36 ميلليون يۋان قارجى قوسىپ، اۋدان دارەجەلى 3-بالالار باقشاسى قۇرىلىس نىسانىن باستاپ، 7500 شارشى مەترلىك جالپىلىق عيمارات جاڭادان سالىنىپ، 18 كلاس جاڭادان قۇرىلدى.

  سونىمەن بىرگە، وسى اۋداندا 260 پارتيا مۇشەسى، كادر-ساقشى جانە بۇقارا ”ەرتىس وزەنى ساقشىسى“ ەرىكتى قىزمەت وتەۋ اترەتىنەن 8 ىن قۇردى. زاڭ-ءتۇزىم ۇگىتى قاتارلى قيمىلدان 1500 رەتكە جۋىق ورىستەتىلدى؛ اۋدان بويىنشا 192 ازىق-تۇلىك كاسىپورنى، مەكتەپ (بالالار باقشاسى قۇرىلىمى) اسحاناسى، اس-سۋ ورىندارىنىڭ كەسكىنىن ” 5G+ زەردەلى باقىلاپ-باسقارۋ“ تەكشەسىنە ءبىرتۇتاس ەنگىزىپ، ازىق-تۇلىك حاۋىپسىزدىگىن باقىلاۋ-باسقارۋ ءىرى ساندى مالىمەت بايلىعىنان ورتاق يگىلىكتەنۋدى جانە پايدالانۋدى ىلگەرىلەتتى؛ جۇمىستانۋ قيىن بولۋ ماسەلەسىن كورنەكتى تۇردە مىقتى يگەرىپ، 59 ورىنمەن، كاسىپورىنمەن بەلسەنە بايلانىس جاساپ، 133 مۇگەدەكتى ورنالاستىردى.

  جاۋاپكەرلىكتى باتىلدىقپەن ارقالاپ، باعىتتى ايقىندادى

  كوكتوعاي اۋدانى پارتيا تاريحىن ۇيرەنۋ تاربيەسىنە باسشىلىق ەتۋ گرۋپپاسى كەڭسەسىنىڭ كادرلارى الدىمەن ۇيرەنۋگە، ىشكەرىلەي ۇيرەنۋگە باستان-اياق تاباندى بولىپ، دەن قويا وزدىگىنەن ۇيرەنۋ نەگىزىندە ”توراپتا كىتاپ وقۋ + جەلىدەن تىسقارى تالقى جۇرگىزۋ“ فورماسى ارقىلى باسشىلىق ەتۋ گرۋپپاسى كەڭسەسىنىڭ اپتالىق قورىتىندى، ايلىق جيىن اشۋ ءتۇزىمىن تياناقتاندىرىپ، ۇيرەنۋ ناتيجەسىن قىزمەتتىڭ قوزعاۋشى كۇشىنە اينالدىردى. جوعارى دەڭگەيدە جوبالاۋ جاعىندا ءتۇرلى مىندەتتەردى ويداعىداي تياناقتاندىرىپ، 15 كەزەك ءتۇيىندى قىزمەت ەسكەرتۋىن، ءبىر كەزەك حابارلاندىرۋ تاراتتى، ءار دارەجەلى پارتيا ۇيىمدارىن ريتمدى، قادامدى ويداعىداي مەڭگەرۋگە قۋزاپ، جەتەكشىلىك ەتىپ، پارتيا تاريحىن ۇيرەنۋ تاربيەسىنىڭ نەگىزگى ساتىداعى ”ەڭ سوڭعى ءبىر شاقىرىمىن“ تۇتاستىردى.

  بۇل اۋدان ”پارتيا مۇشەلەرى ۇلگى كورسەتۋ قىزمەت ورنىن“، ”پارتيا مۇشەلەرى قىزمەت وتەۋ تەرەزەلىگىن“ ورناتتى؛ پارتيا مۇشەلەرى كاسىپ كوزىن اشۋ ارقىلى بايۋعا جەتەكشىلىك ەتۋ ينجەنەرياسىن اتقارىپ، اۋىل-قىستاقتاعى پارتيا مۇشەلەرىن ەگىنشىلىك، باعىمشىلىق، ءسۇت ونىمدەرى، كەستەشىلىك قاتارلى كووپەراتيۆتەردى قۇرۋعا شابىتتاندىردى؛ پارتيا مۇشەلەرىنىڭ عىلىم-تەحنيكادان ۇلگى كورسەتەتىن وتباسىلارىن تاربيەلەپ، ناق مايداندا ساباق ءوتۋ، وتباسىنا بارىپ وقىتۋ ءتاسىلىن قولدانىپ، وتباسى مال فەرماسى، جەمىس-جيدەك، كوكونىس جىلىجايى قاتارلىلاردى وقىتۋ ساباقحاناسى ەتتى. بۇقارانىڭ سيىر، قوي بورداقىلاۋ، ەگىس داقىلدارىن دەرت-دەربەزدەن ساقتاۋ جانە ونى ەمدەۋ قاتارلى قولدانىلمالى تەحنيكالاردى ۇيرەنۋىنە كومەكتەسىپ، بۇقارانى كىرىستى ارتتىرىپ، اۋقاتتانۋعا باستادى.

  سۋرەتپەن قامداعان: كوكتوعاي اۋداندىق پارتكوم ۇگىت ءبولىمى

جاۋاپتى رەداكتور: ءاننا اكىمقان قىزى