ايماقتىق 120 جەدەل قۇتقارۋعا قولباسشىلىق ەتۋ ورتالىعى ”دۇنيە جۇزىلىك جەدەل قۇتقارۋ كۇنىندە“ ۇگىت قيمىلىن وتكىزدى

  التاي گازەتىنىڭ جالپىلىق اقپارات قۇرالدارى پراكتيكانت ءتىلشىسى گۇزال ابدىرەشيت حابارلايدى. 9-ايدىڭ 11-كۇنى ـــ 22-رەتكى ”دۇنيە جۇزىلىك جەدەل قۇتقارۋ كۇنى“. تاياۋدا، ايماقتىق 120 جەدەل قۇتقارۋعا قولباسشىلىق ەتۋ ورتالىعى التاي شۋەدۋ-ي ساقشى قوعامى، التاي تاۋى قۇتقارۋ-كومەكتەسۋ وداعى ـــ التاي جەدەل قۇتقارۋ-كومەكتەسۋ ۇلكەن اترەتىن ايماقتىق 120 جەدەل قۇتقارۋ-كومەكتەسۋ قولباسشىلىق ورتالىعىنا بارىپ ەكسكۋرسيالاۋعا ۇسىنىس ەتتى.

  قيمىل الاڭىندا ءتۇسىندىرۋشى كوپشىلىككە 120 جەدەل قۇتقارۋ ورتالىعىنىڭ قىزمەت مىندەتى، كۇندەلىكتى قىزمەت ءتارتىبى، سونداي-اق اۆتوكولىك جىبەرۋ ينفورماتسياسى ۇلكەن ەكرانى قاتارلى فۋنكتسيانى تانىستىردى. كوپشىلىكتى توپقا ءبولىپ 120 قولباسشىلىق-ورنالاستىرۋ زالىنا بارىپ ەكسكۋرسيالاۋعا ۇيىمداستىردى ءارى جەدەل قۇتقارۋ اۆتوكولىگىن ورنالاستىرۋ ءتارتىبى،GPS ورىن تۇراقتاندىرۋ جۇيەسى جانە جەدەل قۇتقارۋ قاتارلى قىزمەت جاعدايىن ناق مايداندا كورسەتتى.

  ەكسكۋرسيا گرۋپپاسى 120 جەدەل قۇتقارۋعا قولباسشىلىق ەتۋ ورتالىعىن ەكسكۋرسيالاۋ ارقىلى 120 جەدەل قۇتقارۋدى قابىلداۋ جانە جەدەل قۇتقارۋ اۆتوكولىگىن جىبەرۋ ءتارتىبى، شيپاحانا الدىنداعى جەدەل قۇتقارۋ اۆتوكولىگى جانە 120 جەدەل قۇتقارۋعا قولباسشىلىق ەتۋ ورتالىعىنداعى قىزمەتكەرلەردى ورنالاستىرۋ قاتارلى جاعدايدى اناعۇرلىم تىكە ءتۇسىنىپ، جەدەل قۇتقارۋعا قولباسشىلىق ەتۋ ورتالىعىنىڭ حالىق بۇقاراسىنىڭ ءومىرى مەن دەنساۋلىعىن جانە باس اماندىعىن قامتاماسىزداندىرۋداعى ماڭىزدى رولىن تەرەڭ سەزىندى.

  ــــ وسى رەتكى قيمىل ارقىلى ءبىز ەمدەۋ بويىنشا جەدەل قۇتقارۋ، ورنالاستىرۋ قىزمەتى جونىندە تىڭ تانىمعا يە بولدىق. وسىدان كەيىن 120 جەدەل قۇتقارۋعا قولباسشىلىق ەتۋ ورتالىعىمەن سايكەسۋدى، بىرلەسىپ ارەكەتتەنۋدى ونان ارى كۇشەيتىپ، ”شۇعىل قۇتقارۋدى تياناق، قوعامعا قىزمەت وتەۋدى ەرىكتى قىزمەت وتەۋدىڭ شىعار ءتۇيىنى ەتىپ، توسىن ۋاقيعا تۋىلعاننان كەيىن ناۋقاستارعا دەر كەزىندە ءونىمدى العاشقى ادىمدا قۇتقارۋ جۇرگىزىپ، توسىن ۋاقيعالاردان تۋىلعان ادامنىڭ جارالانۋىن، ءولىم-ءجىتىمىن ازايتىپ، قوعامدىق جەدەل قۇتقارۋ رولىن تولىق ساۋلەلەندىرىپ“، ”بارلىق ادام شۇعىل قۇتقارۋدى ۇيرەنەتىن، جەدەل قۇتقارۋ ادام ءۇشىن“ دەيتىن جالپى تۇلعالىق نىساناعا جەتەمىز،- دەدى التاي قالالىق التاي تاۋى قۇتقارۋ-كومەكتەسۋ وداعى اترەتىنىڭ باستىعى لي ىنشۇن.

جاۋاپتى رەداكتور: ءاننا اكىمقان قىزى