التاي قالاسىنىڭ كوشە ءىس باسقارماسى مىندەت بەرۋ، تاراۋلار ورىنداۋى بۇقارا كوڭىلىنە جىلۋلىق سيلادى

  التاي گازەتىنىڭ جالپىلىق اقپارات قۇرالدارى ءتىلشىسى حۋ جۇنشيۋ حابارلايدى.

  تاياۋدا، التاي قالاسى ازات سولتۇستىك جولى الەۋمەتتىك اۋماعىنىڭ تۇرعىنى ساۋ شىڭلان تىلشىگە: نەشە كۇننەن بەرى، كوشە ءىس باسقارماسىنداعى، الەۋمەتتىك اۋماقتاعى كادرلار مەن ”ۇعىسۋ، تيىمدىلىك جاساۋ، توعىستىرۋ“ قيمىلى بويىنشا الەۋمەتتىك اۋماقتا تۇراتىن قىزمەت اترەتى شارشاپ ـ شالدىققانىنا قاراماي ءۇيىمىزدى كوشىرىستى، ولارعا كوپ راقىمەت،-دەدى.

  20 جىلدىڭ الدىندا، ساۋ شىڭلان مەن جۇبايى شاندۇڭ ولكەسىنەن التايعا كەلىپ، 7603-تەكشە رايونىنداعى جەر ۇيدە تۇردى. بيىل ساۋ شىڭلاننىڭ جۇبايى مەن ۇلى شاندۇڭعا شيپاگەرگە كورىنۋگە كەتىپ، ۇيدە ول ءوزى جالعىز قالدى. 8-ايدان باستاپ 7603-تەكشە رايونىنداعى كونە جاتاعان ۇيلەر شاعىلا باستاعاندا، بۇل ارادان كوشۋ ماسەلەسى ساۋ شىڭلاننىڭ باسىن قاتىردى. التاي قالاسى ازات جولى كوشە ءىس باسقارماسى ۋنيۆەرسال زاڭ اتقارۋ ۇلكەن اترەتىنىڭ ورىنباسار مەڭگەرۋشىسى ۋاڭ لەي بۇل جاعدايدان حابار تاپقاننان كەيىن دەرەۋ ازات سولتۇستىك جولى الەۋمەتتىك اۋماعىنان ەكى جۇك ماشينا شاقىرتتى. قالالىق قالا-اۋىل قۇرىلىسى جانە تۇرعىن ءۇي مەكەمەسى، ازات جولى كوشە ءىس باسقارماسى، ازات سولتۇستىك جولى الەۋمەتتىك اۋماعىنىڭ كادرلارىن جانە ”ۇعىسۋ، تيىمدىلىك جاساۋ، توعىستىرۋ“ قيمىلى بويىنشا الەۋمەتتىك اۋماقتا تۇراتىن قىزمەت اترەتىندەگىلەردى ساۋ شىڭلاننىڭ وتباسىنا كومەكتەسۋگە ورنالاستىردى.ساۋ شىڭلان نەشە كۇننەن بەرى، باسى قاتىپ جۇرگەن ءىسىنىڭ وسىلايشا شەشىم تابارىن قايدان ءبىلسىن. ۋاڭ لي ساۋ شىڭلانعا بىلاي دەدى: مۇنى التاي قالاسىنىڭ جۋىق جىلدان بەرى اتقارعان ”كوشە ءىس باسقارماسى مىندەت بەرۋ، تاراۋلار ورىنداۋ“ قىزمەت مەحانيزمىنەن بولە قاراۋعا بولمايدى. بۇل قىزمەت مەحانيزمى ”كوشە ءىس باسقارماسى بىلە تۇرعانىمەن باسقارا الماۋ، تاراۋلار باسقارا العانىمەن بايقاي الماۋ“ قيىن ماسەلەسىن شەشىپ، تۇرعىنداردىڭ تابىس سەزىمى، باقىت سەزىمى، حاۋىپسىزدىك سەزىمى كۇشەيدى.

  كوشە ءىس باسقارماسىنىڭ مىندەت بەرۋى — جونگە سالۋدىڭ قيىن بولۋ ماسەلەسىن شەشتى

  ”كوشە ءىس باسقارماسى مىندەت بەرۋ، تاراۋلار ورىنداۋ“ قىزمەت مەحانيزمىن نە ءۇشىن قۇرادى؟ التاي قالالىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى شۇي گۋاڭحۋا تىلشىگە: بۇرىن كوشە ءىس باسقارماسى تۇرعىندار اڭىس ەتكەن ماسەلەنى سايكەستىرىپ شەشكەندە، زاڭ اتقارۋ ۇقىعى بولماعاندىقتان، كوپتەگەن ماسەلە ويداعىداي شەشىم تاپپايتىن. ”كوشە ءىس باسقارماسى مىندەت بەرۋ، تاراۋلار ورىنداۋ“ قىزمەت مەحانيزمى اتقارىلعاننان كەيىن كوشە ءىس باسقارماسىنىڭ ءبىر تۇتاس جوسپارلاۋ، سايكەستىرۋ رولىن اناعۇرلىم كۇشەيتىپ، فۋنكتسيالىق تاراۋلار ءۇشىن كوشە ءىس باسقارماسى زاڭ اتقارۋ، قىزمەت وتەۋ قىزمەت تەكشەسىن قۇردى.

  نەگىزگى ساتىنىڭ جونگە سالۋ قۋاتى مەن دەڭگەيىن اناعۇرلىم جوعارىلاتۋ ءۇشىن، 2020-جىلى التاي قالاسى كوشە ءىس باسقارماسى باسقارۋ ءتۇزىلىسى رەفورماسىن قامال الۋ ءتۇيىنى ەتىپ، بۇكىل قالادا ”كوشە ءىس باسقارماسى مىندەت بەرۋ، تاراۋلار ورىنداۋ“ مەحانيزمىن اتقارىپ، فۋنكتسيالىق تاراۋلاردىڭ ۇقىعىن تومەنگە بەرۋ، قىزمەتكەرلەرىن تومەنگە ءتۇسىرۋ، ءتۇيىنىن تومەنگە ويىستىرۋدى كۇش سالا جەبەپ، بايلىق، باسقارۋ، قىزمەت وتەۋ قاتارلى ۇقىق شەگىن ەڭ جوعارى شەكتە نەگىزگى ساتىعا جىبەرىپ، نەگىزگى ساتىدا ءىس تىندىراتىن ادام بولۋعا، ءىس تىندىراتىن ۇقىق بولۋعا كەپىلدىك ەتتى.

  بۇگىنگى كۇنى التاي قالاسىنداعى زاڭ اتقاراتىن 8 ورىن ءبىر قالاشىقتا، 4 كوشە ءىس باسقارماسىندا تۇرىپ، زاڭ اتقارۋمەن بىرگە، ”ماسەلەنى جيناقتاۋ، تالقىلاۋ، مىندەت بەرىپ سايكەستىرۋ، مىندەت الىپ تياناقتاندىرۋ، پىكىردى اڭىس ەتۋ، مەرزىم سايىن قايتالاي ۇعىسۋ“ قىزمەت ءتارتىبىن قۇرىپ، كوشە ءىس باسقارماسى پارتيا قىزمەت كوميتەتىن وزەك ەتكەن، قاتىستى فۋنكتسيالىق تاراۋلار تىعىز سايكەسكەن ”ءبىر وزەك، كوپ نەگىزدى، سايكەسكەن، بىرلىكتە جونگە سالعان“ ورتاق ات سالىسقان كوشە ءىس باسقارماسىنىڭ ”ۇلكەن قىزمەت كوميتەتى“، الەۋمەتتىك اۋماقتىڭ ”ۇلكەن پارتكوم“ مەحانيزمىن قۇردى.

  التاي قالاسى ازات جولى كوشە ءىس باسقارماسى پارتيا قىزمەت كوميتەتىنىڭ شۋجيى جۋ جۇن-ى تىلشىگە: بۇقارا كوشە ءىس باسقارماسىنىڭ ۋنيۆەرسال زاڭ اتقارۋ كەڭسەسى ارىز-شاعىمىن ايتا كەلسە بولعانى، زاڭ اتقارۋ ورتالىعى ولاردىڭ ارىز-شاعىمىنا نەگىزدەلىپ، بولىسكە سالعان ءتۇرلى مىندەتتى قاتىستى فۋنكتسيالىق تاراۋلارعا دەر كەزىندە اڭىس ەتىپ، فۋنكتسيالىق تاراۋلار سوڭىنا ءتۇسىپ ءبىرجاقتىلى ەتەدى. مىندەت بەرۋ مەحانيزمى بولعاننان كەيىن پارتيا قىزمەت كوميتەتى نەگىزگى ساتىنىڭ جونگە سالۋ قىزمەتىن ورىستەتۋ بارىسىندا نەعۇرلىم كوپ سويلەۋ ۇقىعىنا يە بولدى،-دەدى.

  تاراۋلار مىندەت قابىلداپ، بۇقاراعا قىزمەت وتەدى

  ”ازات جولى كوشە ءىس باسقارماسى حالىق ءۇشىن قىزمەت وتەۋدى سايكەستىرۋ گرۋپپاسى“ ءۇنحات شوعىرى قۇرىلعاننان كەيىن ازات جولى كوشە ءىس باسقارماسى جالپىلىق زاڭ اتقارۋ كەڭسەسى قاتىستى فۋنكتسيالىق تاراۋلارمەن ءار كۇنى تارتىپپەن بارىس-كەلىس جاسادى. ”كوشە ءىس باسقارماسى مىندەت بەرۋ، تاراۋلار مىندەت قابىلداۋ“ قىزمەت مەحانيزمىنىڭ نەعۇرلىم ىركىلىسسىز بولۋىنا كەپىلدىك ەتۋ ءۇشىن، التاي قالاسى ”التاي قالاسىنىڭ نەگىزگى ساتى زاڭ اتقارۋ كۇشتەرىن بىرىكتىرۋدى ىلگەرىلەتۋ جونىندەگى قىزمەت جوباسى“، ”التاي قالالىق كوشە ءىس باسقارماسىنىڭ ‹كوشە ءىس باسقارماسى تاپسىرىس بەرۋ، تاراۋلار تاپسىرىپ قابىلداۋ› قىزمەت مەحانيزمىن اتقارۋ جوباسى“ قاتارلىلاردى زەرتتەپ ءتۇزىپ، قالالىق اكىمشىلىك زاڭ اتقارۋ مەكەمەسى، بازاردى باقىلاپ-باسقارۋ مەكەمەسى، شۇعىل جاعدايعا توتەپ بەرۋدى باسقارۋ مەكەمەسى، تابيعي بايلىق مەكەمەسى، قالا-اۋىل قۇرىلىسى جانە تۇرعىن ءۇي مەكەمەسى قاتارلى 8 زاڭ اتقارۋ مەكەمەسىندەگى قىزمەتكەرىن ازات جولى كوشە ءىس باسقارماسىنا جىبەرىپ، ءار كۇنى شارلاۋ، تەكسەرۋ، بايقاۋ، زاڭ اتقارۋ، ءبىر جاقتى ەتۋ، ورنالاستىرۋ، تاپسىرىس بەرۋ قاتارلى مىندەتتى ۇستىنە الدى.

  شۇي گۋاڭحۋا تىلشىگە: جاۋاپكەرلىكتى ناقتىلاندىرۋ ءۇشىن، تۇرعىنداردىڭ فۋنكتسيالىق تاراۋلاردىڭ تاپسىرىپ الۋ ۋاقىتىنا، تياناقتاندىرۋ قارقىنىنا، ءبىرجاقتى ەتۋ ونىمدىلىگىنە رازى بولۋىنا نەگىزدەلىپ، ”جاقسى، ءبىرشاما جاقسى، ادەتتەگىدەي، ناشار“ سىندى 4 دارەجە بويىنشا ءادىل بەلگىلەيمىز، سونداي-اق ونى جىل سوڭىنداعى قىزمەت ناتيجەسىن باعالاۋدىڭ ءنومىر الۋ نەگىزى ەتىپ، ”كوشە ءىس باسقارماسى مىندەت بەرۋ، تاراۋلار مىندەت قابىلداۋ“ قىزمەت مەحانيزمىنىڭ ءونىمدى، ىركىلىسسىز بولۋىنا كەپىلدىك ەتەمىز،- دەدى.

  ساناققا قاراعاندا، ”كوشە ءىس باسقارماسى مىندەت بەرۋ، تاراۋلار مىندەت قابىلداۋ“ قىزمەت مەحانيزمى اتقارىلعاننان بەرى، التاي قالاسى 351 مىندەت بەرىپ، 351 ىن ءبىرجاقتىلى ەتىپ، بۇقارانىڭ رازى بولۋى %100 كە جەتتى.

جاۋاپتى رەداكتور: ءاننا اكىمقان قىزى