ەكولوگيانى قورعاۋعا تولىقتاما تولەم بەرۋ ءتۇزىمى رەفورماسىن تەرەڭدەتۋ كەرەك

  ورتالىق كوميتەت كەڭسەسى، مەملەكەتتىك كەڭەس كەڭسەسى پىكىر باسىپ تاراتتى

  شينحۋا اگەنتتىگىنىڭ 9 - ايدىڭ 12 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەت كەڭسەسى، مەملەكەتتىك كەڭەس كەڭسەسى «ەكولوگيانى قورعاۋعا تولىقتاما تولەم بەرۋ ءتۇزىمى رەفورماسىن تەرەڭدەتۋ جونىندەگى پىكىردى» باسىپ تاراتتى، سونداي - اق حابارلاندىرۋ شىعارىپ، وڭىرلەردەن، تاراۋلاردان ءىس جۇزىندىك جاعدايمەن ۇشتاستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.

  پىكىردە بىلاي دەپ اتاپ كورسەتىلدى: ەكولوگيالىق وركەنيەت ءتۇزىمىنىڭ ماڭىزدى قۇرامداس بولىگى بولعان ەكولوگيانى قورعاۋعا تولىقتاما تولەم بەرۋ ءتۇزىمى −− ەكولوگيالىق ورتانى قورعاۋ ۇقىعى مەن جاۋاپكەرشىلىگىن تياناقتاندىرۋداعى، ءار جاقتىڭ ەكولوگيانى قورعاۋعا ات سالىسۋ بەلسەندىلىگىن جۇمىلدىرۋداعى، ەكولوگيالىق وركەنيەت قۇرىلىسىن ىلگەرىلەتۋدەگى ماڭىزدى ءتاسىل. ءونىمدى بازار مەن ىسكەر ۇكىمەت اناعۇرلىم ويداعىداي ۇشتاسقان، تۇرلەر بويىنشا تولىقتاما تولەم بەرۋ مەن جالپىلىق تولىقتاما تولەم بەرۋ ءبىر تۇتاس جوسپارلانعان، تەڭ ءمان بەرىلگەن، بويلىق باعىتتا تولىقتاما تولەم بەرۋ مەن ەندىك باعىتتا تولىقتاما تولەم بەرۋ سايكەستى ىلگەرىلەتىلگەن، شابىتتاندىرۋ مەن قاتاڭ تەجەۋدە سايكەستى كۇش سالۋ نىعايتىلعان ەكولوگيانى قورعاۋ تولىقتاما تولەم بەرۋ ءتۇزىمىن جەدەل اقاۋسىزداندىرۋ كەرەك.

  پىكىردە العا قويىلعان رەفورما نىساناسى مىناداي: 2025 - جىلعا بارعاندا ەكونوميكالىق، قوعامدىق دامۋ جاعدايىمەن ۇيلەسەتىن ەكولوگيانى قورعاۋ تولىقتاما تولەم بەرۋ ءتۇزىمىن نەگىزىنەن كەمەلدەندىرۋ. ەكولوگيانى قورعاۋ وزىندىك قۇنىن باستى نەگىز ەتكەن تۇرلەر بويىنشا تولەم بەرۋ ءتۇزىمىن كۇننەن - كۇنگە اقاۋسىزداندىرۋ، الەۋمەتتىك قىزمەت وتەۋ، قامتاماسىزداندىرۋ قابىلەتىن ءوسىرۋدى نەگىزگى بەتالىس ەتكەن جالپىلىق تولىقتاما تولەم بەرۋ ءتۇزىمىن ۇزدىكسىز كەمەلدەندىرۋ، يگىلىگىن كورۋشىلەر اقىسىن تولەۋ پرينسيبىن نەگىز ەتكەن، بازارلانعان، كوپ نەگىزدەنگەن تولىقتاما تولەم بەرۋ ارناسىن باستاپقى قادامدا قالىپتاستىرۋ، تۇتاس قوعامنىڭ ەكولوگيانى قورعاۋعا ات سالىسۋ بەلسەندىلىگىن كورنەكتى جوعارىلاتۋ، ەكولوگيانى قورعاۋشىلار مەن ودان يگىلىكتەنۋشىلەردىڭ ۇتىمدى ىقپالداستىعى جاعدايىن نەگىزىنەن قالىپتاستىرۋ. 2035 - جىلعا بارعاندا جاڭا ءداۋىر ەكولوگيالىق وركەنيەت قۇرىلىسى تالابىنا ساي كەلەتىن ەكولوگيانى قورعاۋ تولىقتاما تولەم بەرۋ ءتۇزىمىن نەگىزىنەن تۇلعالاۋ.

  پىكىردە مىنالار اتاپ كورسەتىلدى: نازاردى ماڭىزدى ەكولوگيالىق ورتا فاكتورلارىنا شوعىرلاندىرىپ، تۇرلەر بويىنشا تولەم بەرۋ ءتۇزىمىن كەمەلدەندىرۋ كەرەك. بۇل تۇرلەر بويىنشا تولىقتاما تولەم بەرۋ ءتۇزىمىن ورناتىپ، اقاۋسىزداندىرىپ، ءبىر تۇتاس جوسپارلاپ قورعاۋ ۇلگىسى جونىندە بىرتىندەپ ىزدەنىس جاساۋدى قامتيدى. مەملەكەتتىڭ ەكولوگيالىق حاۋىپسىزدىگىنىڭ ماڭىزدى تۇيىندەرى توڭىرەگىندە جالپىلىق تولىقتاما تولەم بەرۋ ءتۇزىمىن اقاۋسىزداندىرۋ كەرەك. بۇل بويلىق باعىتتاعى تولىقتاما تولەم بەرۋ تەبىنىن ارتتىرىپ، بويلىق باعىتتاعى تولىقتاما تولەم بەرۋ تۇيىندەرىن كورنەكتىلەندىرىپ، بويلىق باعىتتاعى تولىقتاما تولەم بەرۋ ادىستەرىن جاقسارتىپ، ەندىك باعىتتاعى تولىقتاما تولەم بەرۋ مەحانيزمىن اقاۋسىزداندىرۋدى قامتيدى. بازار مەحانيزمىنىڭ رولىن ساۋلەلەندىرىپ، كوپ نەگىزدى تولىقتاما تولەم بەرۋدى جەدەل ىلگەرىلەتۋ كەرەك. بۇل بازار ساۋدا مەحانيزمىن كەمەلدەندىرىپ، بازارلانعان قارجى قۇراۋ ارنالارىن كەڭەيتىپ، ءار الۋان تولىقتاما تولەم بەرۋ ءتاسىلىن قاراستىرۋدى قامتيدى. قاتىستى سالالارداعى سايكەستى شارالاردى كەمەلدەندىرىپ، رەفورمانى سايكەستىرۋدى كۇشەيتۋ كەرەك. بۇل زاڭمەن جونگە سالۋ قۇرىلىسىن جەدەل ىلگەرىلەتىپ، ەكولوگيالىق ورتانى باقىلاۋ - ولشەۋ جۇيەسىن كەمەلدەندىرىپ، قازىنا، باجى ساياساتىنىڭ رەتتەۋ رولىن ساۋلەلەندىرىپ، قاتىستى سايكەستى ساياساتتار مەن شارالاردى كەمەلدەندىرۋدى قامتيدى. ەكولوگيانى قورعاۋ جاۋاپكەرشىلىك تانىمىن مىقتاپ ورناتىپ، شابىتتاندىرۋدى، تەجەۋدى كۇشەيتۋ كەرەك. بۇل تۇلعالىق جاۋاپكەرشىلىكتى تياناقتاندىرىپ، تەكسەرۋ - باعالاۋ مەحانيزمىن اقاۋسىزداندىرىپ، باقىلاۋدى، جاۋاپقا تارتۋدى كۇشەيتۋدى قامتيدى.

جاۋاپتى رەداكتور: ءاننا اكىمقان قىزى