نەگىزدى بەكەمدەپ، رۋحتى سومداپ، وقۋشىلادىڭ ەسەيىپ-ەرجەتۋىنە جول باستاۋشى بولايىق

ايماق باسشىلارى وقىتۋشىلار مەرەكەسى قارساڭىندا، حال سۇراۋ قيمىلىن ورىستەتتى

  التاي گازەتىنىڭ جالپىلىق اقپارات قۇرالدارى ءتىلشىسى حۋ جۇنشيۋ، پراكتيكانت ءتىلشى دۋمان ماقسات ۇلى حابارلايدى. 9-ايدىڭ 9-كۇنى 37-رەتكى وقىتۋشىلار مەرەكەسى قارساڭىندا، ايماقتىق پارتكومنىڭ شۋجيى جاڭ يان قاتارلى ايماقتاعى ءتورت باسشىلىق القاداعى باسشىلار گرۋپپاعا ءبولىنىپ، ايماقتىق 2-تولىق ورتا مەكتەپتىڭ وقىتۋشىسى شۇي گۋاڭحۇي، ايماقتىق كاسىپتىك تەحنيكا مەكتەبىنىڭ وقىتۋشىسى سەرجان ەرسۇلتان ۇلى، ايماقتىق 1-تولىق ورتا مەكتەپتىڭ وقىتۋشىسى امانگۇل ابىلەمەيت جانە سەرىك زاقان ۇلى، ايماقتىق ەرەكشە وقىتۋ مەكتەبىنىڭ وقىتۋشىسى لي ۋىنحۋا قاتارلىلاردان شىنايى حال سۇراپ، ولاردىڭ ءوز قىزمەت ورنىندا ءىس جۇزىندىك ارەكەتتەرىمەن جاۋاپكەرلىكتى ادا ەتىپ، مىندەتتى باتىلدىقپەن ارقالاپ، ايماعىمىزدىڭ وقۋ-اعارتۋ ىستەرىنە كورنەكتى ۇلەس قوسقاندىقتارىنا العىس ءبىلدىردى ءارى ايماقتىق پارتكوم، اكىمشىلىك مەكەمەسى اتىنان ولاردىڭ مەرەكەلەرىنە قۇتتى بولسىن ايتتى.

  جاڭ يان مىنانى باسا دارىپتەدى: وقىتۋشىلار جۇڭگوشا سوتسياليزم مۇرات-سەنىمىن بەرىك ورناتىپ، سوتسياليستىك وزەكتى قۇن كوزقاراسىن باستاماشىلدىقپەن امالياتتا ايگىلەپ، ءبىلىم بەرىپ ادام تاربيەلەۋ داڭق سەزىمى مەن جاۋاپكەرلىك سەزىمىن سانالىلىقپەن كۇشەيتىپ، ءبىلىمى، ءىس-ارەكەتى ارقىلى ۇلگى كورسەتىپ، وقۋشىلاردىڭ ەسەيىپ-ەرجەتۋىندەگى جول باستاۋشى بولۋى كەرەك. ءومىر بويى ۇيرەنۋ ۇستانىمىن بەرىك ورناتىپ، ۇيرەنۋدى كۇشەيتىپ، كوزايانى كەڭەيتىپ، ءبىلىمىن جاڭالاپ، كاسىپتىك قابىلەتى مەن وقۋ-وقىتۋ ساپاسىن ۇزدىكسىز جوعارىلاتىپ، كاسىپكە جەتىك، وقۋشىلار ۇناتاتىن جوعارى ساپالى وقىتۋشى بولۋى كەرەك. رەفورما جاساپ، جاڭالىق اشۋ تانىمىن بەرىك ورناتىپ، وقۋ-اعارتۋ ىستەرىندە جاڭالىق اشۋدا الدا ءجۇرىپ، جۇڭگوشا ەرەكشەلىككە يە، دۇنيە ءجۇزى دارەجەلى وسىزامانعى وقۋ-اعارتۋعا ۇلەس قوسۋى كەرەك.

  جاڭ يان مىنالاردى تالاپ ەتتى: ءار دارەجەلى پارتكوم جانە ۇكىمەت وقىتۋشىلار قوسىنى قۇرىلىسىن كۇشەيتۋدى وقۋ-اعارتۋ ىستەرىن دامىتۋداعى ەڭ ماڭىزدى نەگىزدىك قىزمەت رەتىندە مىقتى يگەرىپ، وقىتۋشىلار ساپاسىن جوعارىلاتىپ، وقىتۋشىلاردىڭ مامىلەسىن جاقسارتىپ، ولاردىڭ دەنساۋلىق اقاۋسىزدىعىنا كوڭىل ءبولىپ، ۇقىق-مۇددەسىن قورعاپ، ساپالى وقىتۋشىلار قوسىنىنىڭ ۇزاق ۋاقىت، ءومىر بويى وقىتۋ ىستەرىمەن اينالىسۋىن قولداۋ كەرەك.جەڭىس قادىس ۇلى، جۋ شين قاتارلى ايماق باسشىلارى حال سۇراۋ قيمىلىنا قاتىناستى.

  سۋرەتىن، كەسكىنىن تارتقان گازەتىمىزدىڭ جالپىلىق اقپارات قۇرالدارى ءتىلشىسى حۋ جۇنشيۋ، پراكتيكانت ءتىلشى ۇلانبەك سەرعازى ۇلى.

جاۋاپتى رەداكتور: ءاننا اكىمقان قىزى