【سۋرەتتەگى شينجياڭ】 شينجياڭ تەكەس: جاڭبىردان كەيىنگى سەگىز تاڭبالى قالاسى بۋالدىر تۇمان اراسىنان كورىندى

اۆتورى: فۋ رۋچىن، ليۋ ليڭبو

  8 – ايدىڭ 15 – كۇنى شينجياڭ ىلە قازاق اۆتونوميالى وبلىسى تەكەس اۋدانىندا جالپى بەتتىك ورتاشا جاڭبىر جاۋىپ، سەگىز تاڭبالى قالانىڭ اسپانىندا ستراتوسفەرا تۇمانىنىڭ عاجايىپ كورىنىسى جارىققا شىقتى. بۋالدىر تۇمان اراسىندا قالا بەينە ٴبىر قابات جۇقا تورعىن جامىلعانداي ەرەكشە كوركەم كورىندى.

  تەكەس اۋدانى ىلە وزەنىنىڭ جوعارعى اعارىنداعى تەكەس وزەنى اڭعارىنىڭ شىعىس بولەگىنە ورنالاسقان، جۇڭگوداعى بىردەن – ٴبىر قۇرىلىسى كەمەلدى ٴارى جۇيەلى سەگىز تاڭبالى قالا ەسەپتەلەدى. جاڭبىردان كەيىنگى سەگىز تاڭبالى قالانى سەلدىر تۇمان باسىپ، اسپانىندا تۇيدەك – تۇيدەك اقشا بۇلتتار قالىقتادى، تەكەس وزەنى، الىستاعى اسقار تاۋلار، جاپ – جاسىل سالالى اتىزدار بۇلتتاردىڭ قىمتاۋىندا، كەيدە كورىنبەي، كەيدە كورىنىپ، سەگىز تاڭبالى قالاعا تاعى دا سىر قوستى.

  اۆتوردىڭ قىزمەت ورنى: تەكەس اۋداندىق توعىسپالى مەديا ورتالىعى

جاۋاپتى رەداكتور: ءاننا اكىمقان قىزى