رايونىمىز باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ جونىندە جەلىلەس ارناۋلى تاقىرىپتاعى ۇگىت لەكسيا، بايانداما جينالىسىن وتكىزدى

  انار بۇلت / شينجياڭ گازەتىنىڭ ءتىلشىسى جاڭ يانفاڭ 8 - ايدىڭ 31 - كۇنى ۇرىمجىدەن حابارلايدى. باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا تاريحىن ۇيرەنۋ تاربيەسىن ىشكەرىلەي ورىستەتۋدى جەبەۋ ءۇشىن، پارتيا ورتالىق كوميتەتىنىڭ ءبىر تۇتاس ورنالاستىرۋىنا ساي، اۆتونوميالى رايوندىق پارتكومنىڭ قىزمەت تالابى بويىنشا، اۆتونوميالى رايوندىق پارتكومنىڭ پارتيا تاريحىن ۇيرەنۋ تاربيەسى باسشىلىق گرۋپپاسى كەڭسەسى قاتىستى تاراۋلارمەن بىرلەسىپ، تاياۋدا باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ جونىندە جەلىلەس ارناۋلى تاقىرىپتاعى ۇگىت لەكسيا، بايانداما جينالىسىن وتكىزدى.

  اۆتونوميالى رايوننىڭ ۇگىت لەكسيا ۇيىرمەسىنىڭ مۇشەلەرى جيا پىڭ، ۋاڭ جانرىن، چىن لەي، قايرات، ديڭ شوۋچيڭ، دۋان لياڭ، پارحات جالەل ارت - ارتىنان 7 رەت ۇگىت لەكسيا، بايانداما جاسادى، سونداي - اق كەسكىنگە الىپ تاراتۋ تاسىلىمەن ”ۇيرەنۋدە قۋاتتى ەل“ شينجياڭ ۇيرەنۋ تۇعىرىندا تاراتىلدى.

  اۆتونوميالى رايوننىڭ ۇگىت لەكسيا ۇيىرمەسىنىڭ مۇشەلەرى نەگىزگى تاقىرىپپەن بايلانىستىرىپ، وزدەرىنىڭ زەرتتەۋ سالالارىمەن ۇشتاستىرىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ كەلەلى ماڭىزىن، باستى مازمۇنىن جانە باي ءمانىن جان - جاقتى، دالمە - ءدال، ىشكەرىلەي ءتۇسىندىرىپ، سوزدە العا قويىلعان ءبىر قىدىرۋ جاڭا يدەيانى، جاڭا كوزقاراستى، جاڭا تۇجىرىمدى ءتۇسىندىرىپ، جاپپاي دوڭگەلەك داۋلەتتى قوعام قۇرىپ شىعۋدىڭ تاريحي ماڭىزى، جۇڭگو كوممۋنيستىك پارتياسىنىڭ 100 جىلدىق كۇرەسىنىڭ شۇعىلالى بارىسى مەن ۇلى تابىسى، ۇلى پارتيا قۇرۋ رۋحىنىڭ تەرەڭ ءمانى، تاريحتى اينا ەتىپ، بولاشاق اشۋداعى ”9 ءسوز جوق“، سونداي - اق باس شۋجي شي جينپيڭنىڭ ”1 - شىلدەدەگى“ ماڭىزدى سوزىندەگى جاستاردان كۇتكەن كوكەي تەستى تىلەگى سياقتىلار جونىندە جۇيەلى پايىمداۋ جاسادى.

  جەلىلەس ۇگىت لەكسيا، باياندامانىڭ تاقىرىبى ايقىن، مازمۇنى باي، يدەياسى تەرەڭ بولىپ، تىڭداۋشىلار قىزۋ اڭىس ءبىلدىردى. كوپشىلىك مىنانى ءبىلدىردى: باياندامانى تىڭداعاننان كەيىن، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ونان ارى تەرەڭ ءتۇسىنىپ، ونان ارى دۇرىس يگەردىك، ءىس جۇزىندىك ارەكەتىمىز ارقىلى باس شۋجي شي جينپيڭ مەن پارتيا ورتالىق كوميتەتىنىڭ ۇندەۋىنە ءۇن قوسىپ، ەكىنشى 100 جىلدىق كۇرەس نىساناسىنا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنا قاراي ەكپىندەي العا ىلگەرىلەيمىز.

  اۆتونوميالى رايوندىق پارتكوم بىرلىكساپ ءبولىمىنىڭ كادرى ءامينا ابدىراحمان بىلاي دەدى: ۇگىت لەكسيا، باياندامادا نازاريالىق پايىمداۋلار دا، جاندى مىسالدار دا ايتىلدى، تىڭداپ توتەنشە شابىت الدىم. مۇنان بىلاي ءوز قىزمەت ورنىمدى تياناق ەتىپ، ۇلى پارتيا قۇرۋ رۋحىن بارىنشا اسقاقتاتىپ، جۇڭحۋا ۇلتى ورتاق تۇلعا تانىمىن مىقتاپ ورناتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا ۇلەس قوسامىن.

  اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى پارتكومىنىڭ مۇشەسى، ورىنباسار مەڭگەرۋشى ساۋ جى بىلاي دەدى: باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدى باس شۋجي شي جينپيڭنىڭ مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىن رەفورماسى جونىندەگى ماڭىزدى بايىمداۋىن ۇيرەنۋمەن ۇشتاستىرىپ، پارتيا قۇرىلىسىن ۇزدىكسىز كۇشەيتىپ، مەملەكەت مەنشىگىندەگى كاسىپورىنداردى تاباندىلىقپەن قۋاتتاندىرىپ، ساپالىلاندىرىپ، ۇلعايتىپ، ۇيرەنۋ ونىمدىلىگىن مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىن رەفورماسىنىڭ دامۋىن ىلگەرىلەتەتىن قۇدىرەتتى قوزعاۋشى كۇشكە اينالدىرۋعا قۇلشىنۋىمىز كەرەك.

  شينجياڭ شىفان داشۋەسى دەنە تاربيە شۋەيۋانى پارتكومىنىڭ شۋجيى ياڭ شياۋرۇڭ باياندامانى تىڭداعاننان كەيىن جاۋاپكەرشىلىگىنىڭ ماڭىزدىلىعىن سەزىندى. ول بىلاي دەدى: ”وقۋ - اعارتۋ قىزمەتكەرى رەتىندە، الداعى جەردە ونەگە كورسەتىپ ادام تاربيەلەۋ ءتۇبىرلى مىندەتىن ارقاۋ ەتىپ، جاس وقۋشىلاردىڭ جالپىلىق ساپاسىن ۇزدىكسىز جوعارىلاتىپ، ولاردى جەكەنىڭ ارمان، مۇراتىن، تالپىنىسىن پارتيا مەن مەملەكەتتىڭ ىستەرىمەن توعىستىرىپ، جۇڭگولىق بولۋ جىگەرىن، جالىنىن، سەنىمىن ۇزدىكسىز كۇشەيتىپ، ءداۋىردىڭ ءۇمىتىن اقتاپ، ەسىل شاقتاردىڭ ءۇمىتىن اقتاپ، پارتيا مەن حالىقتىڭ ىقىلاستى ءۇمىتىن اقتاپ، وتان قۇرىلىسىنىڭ تىرەكتى دارىندىلارىنان بولۋعا قۇلشىنۋعا جىگەرلەندىرەمىن“.

  اۆتونوميالى رايوندىق پارتكومنىڭ ءارقايسى بولىمدەرىنىڭ، كوميتەتتەرىنىڭ، اۆتونوميالى رايونداعى ءارقايسى كوميتەتتەردىڭ، كەڭسەلەردىڭ، مەڭگەرمەلەردىڭ، مەكەمەلەردىڭ، حالىقتىق توپتاردىڭ، ۇرىمجىدەگى رايونعا توتە قاراستى جوعارى مەكتەپتەردىڭ، اۆتونوميالى رايونداعى مەملەكەت مەنشىگىندەگى ءىرى، ورتا كاسىپورىنداردىڭ، ورتالىقتىڭ شينجياڭداعى ورىندارىنىڭ باسشىلىق القاسىنداعىلار، پارتيالى كادرلاردىڭ ۋاكىلدەرى، سونداي - اق اۆتونوميالى رايونداعى ءار ۇلت، ءار سالا جاستارىنىڭ ۋاكىلدەرى بولىپ 700گە تاياۋ ادام جەلىلەس ارناۋلى تاقىرىپتىق ۇگىت لەكسيا، بايانداما جينالىسىنا قاتىناستى.

جاۋاپتى رەداكتور: ءاننا اكىمقان قىزى