ايماقتىق پارتكومنىڭ شۋجيى جاڭ يان جەمەنەي اۋدانىندا ءدىن قىزمەتىندە تەكسەرۋ- زەرتتەۋ جۇرگىزدى

  التاي گازەتىنىڭ جالپىلىق اقپارات قۇرالدارى ءتىلشىسى جىڭ ميڭ حابارلايدى. 8-ايدىڭ 13-كۇنى تۇستەن كەيىن ايماقتىق پارتكومنىڭ شۋجيى جاڭ يان جەمەنەي اۋدانى توپتەرەك قالاشىعىندا ءدىن قىزمەتىنە تەكسەرۋ-زەرتتەۋ جۇرگىزدى. جاڭ يان تەكسەرۋ-زەرتتەۋ بارىسىندا توپتەرەك قالاشىعى مەشىتىن ناق مايداندا كوزدەن كەشىرىپ، نەگىزگى ساتىداعى ءدىن قىزمەتى كادرلارىمەن، مەشىت باسقارۋ كوميتەتىنىڭ مۇشەلەرىمەن، ءدىن قايراتكەرلەرىمەن ىستىق ىقىلاستى اڭگىمەلەستى، ءدىن قايراتكەرلەرىن، ءدىني ورىنداردى جانە ءدىني قيمىلداردى تاربيەلەۋ، باسقارۋ، قىزمەت وتەۋ جاعدايىن ەگجەي-تەگجەيلى ۇعىستى.

  جاڭ يان مىنالاردى اتاپ كورسەتتى: ۇزاق ۋاقىتتان بەرى، وتانشىل ءدىني قايراتكەرلەر شينجياڭدا ءسىلام ءدىنىن جۇڭگوشالاندىرۋ بەتالىسىندا باستان-اياق تاباندى بولىپ، ءدىن سالاسىنىڭ تاتۋلىعىن، جاراسىمدىلىعىن قورعاپ، ءدىندى سوتسياليستىك قوعامعا ۇيلەسۋگە جەتەكتەۋگە بەلسەندى ۇلەس قوستى. ءدىني قايراتكەرلەرگە، ءدىني ورىندارعا جانە ءدىني قيمىلدارعا قاراتىلعان تاربيەلەۋدى، باسقارۋدى، قىزمەت وتەۋدى كۇشەيتۋ ــ قوعام ورنىقتىلىعى مەن باياندى تىنىشتىقتى جەبەۋدىڭ ماڭىزدى شاراسى، پارتيانىڭ ءدىن ساياساتىن جاپپاي دايەكتىلەندىرۋدىڭ، اتقارۋدىڭ ماڭىزدى جولى. ءدىن ىستەرىن زاڭ بويىنشا باسقارۋعا تاباندى بولىپ، پارتيانىڭ ۇلت، ءدىن ساياساتىن ناقتى تياناقتاندىرىپ، وتانشىل ءدىني قايراتكەرلەردى وتاندى ءسۇيۋ، ءدىندى ءسۇيۋ سىندى تاماشا ءداستۇردى ساۋلەلەندىرۋگە باستاپ، دىنگە سەنەتىن بۇقارانى مەملەكەت تانىمىن، ازامات تانىمىن، زاڭمەن جونگە سالۋ تانىمىن جانە جۇڭحۋا ۇلتى ورتاق تۇلعا تانىمىن بەرىك ورناتۋعا جەتەلەۋ، وتان تۇتاستىعىن، قوعام ورنىقتىلىعىن، ۇلتتار ىنتىماعىن، ءدىن جاراسىمدىلىعىن قورعاۋعا جالعاستى بەلسەندى ۇلەستەر قوسۋ كەرەك.

  جاڭ يان مىنالاردى تالاپ ەتتى: پارتيانىڭ ءدىني سەنىم ەركىندىگى ساياساتىن جاپپاي دايەكتىلەندىرىپ، زاڭدىلارىن قورعاۋعا، زاڭسىزدارىن تەجەۋگە، ۇشقارىلىقتى اۋىزدىقتاۋعا، سىنالاپ كىرۋگە قارسى تۇرۋعا، قىلمىسقا سوققى بەرۋگە تاباندى بولۋ قاجەت. ءدىني ورىنداردى ويداعىداي باسقارىپ، ءدىني قيمىلدارعا ويداعىداي قىزمەت وتەپ، ءدىني قايراتكەرلەر مەن دىنگە سەنەتىن بۇقارانى ويداعىداي تاربيەلەپ، جەتەلەپ، شينجياڭدا ءسىلام ءدىنىن جۇڭگوشالاندىرۋ بەتالىسىنا باستان-اياق تاباندى بولىپ، ءدىندى سوتسياليستىك قوعامعا ۇيلەسۋگە بەلسەنە جەتەلەپ، ءدىننىڭ اقاۋسىز دامۋىن جەبەۋ كەرەك.

جاۋاپتى رەداكتور: ءاننا اكىمقان قىزى