”شينجياڭعا ساياحاتشى جەتكىزۋ“ تەك تانىمالىلىقتى ارتتىرۋمەن عانا شەكتەلمەيدى

  يۋە يانيۇن

  «شينجياڭ گازەتىنىڭ» 7 - ايدىڭ 18 - كۇنگى حابارىنا قاراعاندا، بيىل الدىڭعى جارتى جىلدا شينجياڭ 88 ميلليون 40 مىڭ 400 ادام - رەت ساياحاتشى قابىلداپ، سالىستىرمالى ولشەم بويىنشا 2019 - جىلعا، 2020 - جىلعا قاراعاندا تۇگەلدەي ارتقان. شينجياڭنىڭ ساياحات كاسىبىندەگى كومەسكى كۇشتىڭ اشىلۋى ادامدى شاتتاندىرادى، ال ارتۋدىڭ استارىنداعى كۇشكە نەمقۇرايدى قاراۋعا بولمايدى، ول بولسا ”شينجياڭعا ساياحاتشى جەتكىزۋ“ قيمىلى.

  حابارعا قاراعاندا، بيىل 4 - ايدا ”جيلين - التاي ءنومىرلى“، ”ۋانحۇي -حوتان ءنومىرلى“، ”بەيجيڭ - حوتان ءنومىرلى“ سياقتى كوپتەگەن ساياحات ارناۋلى پويەزدارى ىلگەرىندى - كەيىندى شينجياڭعا كومەكتەسكەن ولكە - قالالاردان اتتانىپ، ”شينجياڭعا ساياحاتشى جەتكىزۋدىڭ“ جوعارى ورلەۋىن كوتەرىپ، شينجياڭنىڭ ساياحات كاسىبىنىڭ دامۋىندا تەك تانىمالىلىقتى ارتتىرىپ عانا قالماستان، شينجياڭداعى ءار ۇلت كادر - بۇقاراسىنىڭ ىندەتتەن ساقتانۋ - تىزگىندەۋدى ۇدايىلاندىرۋ جاعدايىندا دامۋ سەنىمىن قايتا تابۋىنا مۇمكىندىك تۋدىرىپ، رايونىمىزدىڭ ساياحات كاسىبىنىڭ تەز دامۋىن ىلگەرىلەتۋدىڭ قۋاتتى قوزعاۋشى كۇشىن تۋىنداتتى.

  جۋىق جىلداردان بەرى شينجياڭعا باعىتتامالى كومەكتەسۋ قىزمەتى شينجياڭ قىزمەتىنىڭ ءتۇيىنىن تىعىز توڭىرەكتەي وتىرىپ ورىستەتىلىپ، شينجياڭنىڭ كاسىپ سالاسىنىڭ دامۋى، حالىق تۇرمىسى قاجەتى سياقتىلارمەن دالمە - ءدال ۇشتاستىرىلىپ، شينجياڭعا كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتىپ، شينجياڭعا ساياحاتشى جەتكىزۋمەن، نىسان اكەلۋمەن عانا تىنباي، تاعى ”ۇيىرمە قۇراۋ ۇلگىسىندە“ ەمدەۋ بويىنشا شينجياڭعا كومەكتەسۋدى ورىستەتىپ، شينجياڭنىڭ نەگىزگى ساتى ەمدەۋ ورەسىنىڭ تۇلعالىق جوعارىلاۋىنا كۇش ۇستەپ جەتەكتەدى... شينجياڭعا باعىتتامالى كومەكتەسۋ قىزمەتى كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتۋگە، جاپپاي دوڭگەلەك داۋلەتتى قوعام ورناتۋعا ماڭىزدى ۇلەس قوستى، سونداي - اق شينجياڭنىڭ جاڭا دامۋ كەزەڭىن تياناق ەتۋىندە، جاڭا دامۋ ۇستانىمىن دايەكتىلەندىرۋىندە، جاڭا دامۋ ارناسىن قالىپتاستىرۋىندا ىلگەرىلەتۋ جانە جەبەۋ رولىن اتقاردى.

  جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا، پارتيانىڭ پارمەندى باسشىلىعىندا، بۇكىل ەل حالقىنىڭ قۇلشىنا كومەكتەسۋىندە، شينجياڭداعى ءار ۇلت كادر - بۇقاراسىنىڭ، ءسوز جوق، كورىكتى شينجياڭ قۇرۋدىڭ، وتان ارمانىن بىرگە جۇزەگە اسىرۋدىڭ قۋاتتى قوزعاۋشى كۇشىن قاۋلاتىپ، وتاننىڭ شينجياڭىن بارعان سايىن كوركەم ەتىپ قۇرىپ شىعاتىنىنا سەنىمىمىز كامىل!

  (”لەپتى لەبىز“ ماقالا جولداۋ پوچتا ساندىعى: xjrbplb@126.com)

جاۋاپتى رەداكتور: ءاننا اكىمقان قىزى