شينجياڭدا تۇڭعىش مادەنيەت، ساياحات كاسىپ سالاسى قورى قۇرىلدى

  انار بۇلت / شينجياڭ گازەتىنىڭ ءتىلشىسى رىن جياڭ 7 - ايدىڭ 23 - كۇنى ۇرىمجىدەن حابارلايدى. 7 - ايدىڭ 19 - كۇنى شينجياڭداعى تۇڭعىش مادەنيەتتى، ساياحاتتى نەگىزگى قارجى قوسۋ بەتالىسى ەتكەن كاسىپ سالاسى قارجى قوسۋ قورى − شينجياڭ مادەنيەت، ساياحات كاسىپ سالاسى قورى قۇرىلدى.

  اتالعان قور شينجياڭ مادەنيەت، ساياحات قارجى قوسۋ توبى شەكتى سەرىكتەستىگىنىڭ (تومەندە قىسقارتىلىپ ”شينجياڭ مادەنيەت، ساياحات قارجى قوسۋ“ دەپ الىندى) باستاماشى بولۋىمەن، شينجياڭ شينلۇي كاپيتال باسقارۋ شەكتى سەرىكتەستىگىنىڭ (تومەندە قىسقارتىلىپ شينلۇي كاپيتالى دەپ الىندى) ۇيىمداستىرۋىمەن قۇرىلعان.

  ۇعىسۋعا قاراعاندا، شينجياڭ مادەنيەت، ساياحات كاسىپ سالاسى قورىنىڭ جالپى كولەمى ءبىر ميلليارد يۋان، شينجياڭ مادەنيەت، ساياحات قارجى قوسۋ، شينجياڭ مەملەكەت مەنشىگىندەگى كاپيتال كاسىپ سالاسى قارجى قوسۋ قورى، تيانجين حىڭجيا كينو - تەلەۆيزيا اقپارات قۇرالى، بەيجيڭ بونا فىڭشيڭ مادەنيەت اقپارات قۇرالى سياقتى كاسىپورىندار بىرگە قارجى شىعارعان، باستى قارجى قوسۋ سالاسى مادەنيەت، ساياحات، كينو - تەلەۆيزيا دەنە تاربيە، تۇتىنۋ دارەجەسىن جوعارىلاتۋ، ەمدەۋ، دەنساۋلىق كۇتۋ سياقتىلاردى قامتيدى، كاسىپ سالاسىندا باسىمدىعى كورنەكتى، جوعارى، تومەن بۋىنداعى كاسىپ سالاسىندا ىقپالى جانە مەڭگەرۋ قۋاتى بار ءتۇيىندى كاسىپورىندارعا كۇشتى شوعىرلاندىرا وتىرىپ قارجى قوسادى ەكەن.

  شينجياڭ مادەنيەت، ساياحات قارجى قوسۋ توبى اۆتونوميالى رايوندىق پارتكوم مەن اۆتونوميالى رايوندىق حالىق ۇكىمەتىنىڭ بەكىتۋىمەن 2019 - جىلى 12 - ايدا قۇرىلعان كاپيتال جۇمىسىن جانە جۇمىس جۇرگىزۋدى باسقارۋدى باستى مىندەت ەتكەن اۆتونوميالى رايون دارەجەلى مادەنيەت، ساياحات سەركە كاسىپورىن. ”14 - بەسجىلدىق“ مەزگىلىندە، شينجياڭ مادەنيەت، ساياحات قارجى قوسۋ توبى ءىرى تۇعىرلار بىرىكتىرىلگەن، ءىرى كاپيتالدان پايدالانىپ جۇمىس جۇرگىزگەن، ءىرى كاسىپ سالاسىن دامىتاتىن، تانىمالى ماركالار ارقىلى باستايتىن، ءىرى فينانس تىرەك بولعان ستراتەگيالىق جۇلگەنى بىرتىندەپ قالىپتاستىرىپ، اۆتونوميالى رايونداعى 10 ميلليارد يۋان دارەجەلى مادەنيەت، ساياحات كاسىپ سالاسى ەرەكشە كاسىپورىن توبىن قالىپتاستىرۋعا كۇش سالادى.

جاۋاپتى رەداكتور: ءاننا اكىمقان قىزى