سۇيىسپەنشىلىك جەتكىزدى، ىنتىماقتى اڭگىمەلەدى، پارتيانىڭ مەيىرىنە العىس ايتتى

 رايونىمىزداعى ءار دارەجەلى ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى بۇقارامەن بىرگە مەرەكەنى قارسى الدى −

  سۇيىسپەنشىلىك جەتكىزدى، ىنتىماقتى اڭگىمەلەدى، پارتيانىڭ مەيىرىنە العىس ايتتى

  7 - ايدىڭ 19 - كۇنى كۇشار قالالىق دەنساۋلىق ساقتاۋ، سالاماتتىق كوميتەتىنىڭ ۇزىن قالاشىعى تاعچى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى قىستاق تۇرعىندارىمەن بىرگە ءان سالىپ، بيگە باسىپ، قۇربان ايت مەرەكەسىن شاتتانا قارسى الدى. سۋرەتتى يۋان حۋانحۋان تۇسىرگەن

  □ انار بۇلت / شينجياڭ گازەتىنىڭ تىلشىلەرى

  قۇربان ايت مەرەكەسى كەلۋ بايلانىسىمەن، رايونىمىزداعى ءار دارەجەلى ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى كوپ ءتۇرلى تاسىلدەر ارقىلى ءار ۇلت بۇقاراسىنان جاعداي ۇعىسىپ، ولاردان حال سۇراپ، بۇقارانىڭ جۇرەگىنە سۇيىسپەنشىلىك جەتكىزدى.

  ارالاۋ، حال سۇراۋ حالىق جۇرەگىن جىلىتتى

  قۇربان ايت مەرەكەسى قارساڭىندا، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتىنىڭ اقتاۋ اۋدانى پىلال اۋىلى جايىلعان قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ابىلات ابدۇكەرىم قىزمەت اترەتىنىڭ مۇشەلەرىن، قىستاق كادرلارىن باستاپ قىستاق تۇرعىنى ياقۇپجان ماۋلا وتباسىنا بارىپ حال سۇرادى.

  ياقۇپجان قىستاقتاعى كەدەي وتباسى بولاتىن، 2017 - جىلى شاعىن سوماداعى قارىز اقشامەن كىشكەنە جۇك اۆتوكولىگىن ساتىپ الىپ جەمىس - جيدەك ساۋداسىن ىستەدى. قازىر ول قارىزىن قايتارىپ قانا قويماي، بيىل تاعى قىستاقتان 20 مۋلىق جەمىس باعىن كوتەرمەگە الدى.

  7 - ايدىڭ 19 - كۇنى تۇستەن بۇرىن ونسۋ اۋدانى كوكيار قالاشىعى پاقىلىق قىستاعىنداعى كەدەيلىكتەن ارىلعان شارۋا تۇرعۇن مامەت ونسۋ اۋداندىق پارتكوم بىرلىكساپ ءبولىمىنىڭ پاقىلىق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ليۋ دۇڭۋىننىڭ قىزمەت اترەتىنىڭ مۇشەلەرىن باستاپ جاعداي ۇعىسىپ، حال سۇراپ ۇيگە كەلگەندىگىن كورگەندە الدارىنان قارسى الا شىعىپ: ”ليۋ شۋجي، بۇگىن ءسىز ۇيىمنەن ءدام تاتپايدى ەكەنسىز، رەنجيمىن“، - دەدى.

  ”6 - ايدان باستاپ ۇيىمدە مالاچۋار ساتقاننان بەرى سىزدەر ۇنەمى كەلىپ كومەكتەسىپ تۇردىڭىزدار، مەن بۇگىن ەرتە دايىندالىپ پالاۋ ىستەپ قويدىم، تاعى ارنايى مالاچۋار دايىندادىم، سىزدەر، ءسوز جوق، تاماقتانىپ قايتاسىزدار“، - دەدى ليۋ دۇڭۋىننىڭ قولىنان جىبەرمەي ۇستاعان تۇرعۇن.

  بۇقارانىڭ كۇتكەنىن جۇرەگىنە ساقتادى

  7 - ايدىڭ 18 - كۇنىنەن 19 - كۇنىنە دەيىن قۇمىل قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ اراتۇرىك اۋدانى نارىنكىر قازاق ۇلتتىق اۋىلى شىموگوۋ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى قاربالاستىقتان مۇرىندارىنا سۋ جەتپەدى.

  بۇقارانىڭ مەرەيلى دە بەرەكەلى مەرەكە وتكىزۋىنە مۇمكىندىك جاساۋ ءۇشىن، ولار ەلەكتر اسپاپتارىن تەكسەردى، حاۋىپسىزدىك كومەسكى قاتەرلەردى ءبىر - بىرلەپ اداقتادى، جەتىم - جەسىر قارتتارعا كومەكتەسىپ اۋلا سىپىردى...

  شىموگوۋ قىستاعىنداعى 14 ولشەمدى باعىمشىلىق قوراسى 5 - ايدىڭ باسىندا قۇرىلىس باستاعان. قۇرىلىس باسىندا جۇمىسشىلار قۇرىلىستىڭ تاعانىن قۇيۋدا. سالىنىپ بولعان قورالاردى قوسقاندا، شىموگوۋ قىستاعى بيىل توپقا ءبولىپ 84 ولشەمدى قورا سالادى. قۇمىل قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ شىموگوۋ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي سۇن جيانشى بىلاي دەدى: ”بۇل ءبىزدىڭ قۇربان ايت مەرەكەسىن بىرگە وتكىزۋىمىزدە قىستاق تۇرعىندارىنا ۇسىنعان تارتۋىمىز“.

  7 - ايدىڭ 19 - كۇنى تاڭ بوزىنان شينجياڭ اۋىل شارۋاشىلىعى عىلىم اكادەمياسىنىڭ جاڭا ءشار اۋدانى قامسارىق اۋىلى قامسارىق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى قوي - سيىر ەتى بازارىنا بارىپ 480 كيلوگرام قوي ەتىن ساتىپ الدى، بۇل قىزمەت اترەتىندەگىلەردىڭ ارناۋلى تۇردە قىستاقتاعى ەڭ تومەنگى تۇرمىسى قامتاماسىز ەتىلەتىن وتباسىنا، بەستە قامتاماسىز ەتىلەتىن وتباسىنا دايىنداعان تەگىن قوي ەتى ەدى.

  قىستاق تۇرعىنى ايشامگۇل ايسا بىلاي دەدى: ”پارتيا مەن ۇكىمەت ءبىزدىڭ حال - جايىمىزدى اركەز كوكەيىندە ساقتاپ، بىزگە تۇرمىستىڭ باقىتىن سەزىندىردى“.

  شات - شادىمان باس قوسىپ، وزگەرىستى اڭگىمەلەدى

  ورىمدەنە وراتىلعان ءجۇزىم سورەسىنىڭ استىنا قويىلعان تاماق ۇستەلى سارى التىنداي ساڭزىعا، ءتۇرلى - ءتۇستى بالكۇلشەگە جانە جەمىس - جيدەككە تولىپتى.

  ”قۇبىر سۋى بارلىق وتباسىنا كىردى، قىستاقتىڭ باتپاق جولى اسفالت جولعا وزگەردى، قالا - اۋىل الەۋمەتتىك اۆتوبۋزى ەسىگىمىزدىڭ الدىنا كەلدى، قىستاقتا مادەنيەت الاڭى سالىندى، قىستاق تۇرعىندارىنىڭ تاماقتان كەيىن ارالايتىن تاماشا ورتاسى بار بولدى...“ 76 جاستاعى بۇلباق سۇلتان اۋىلىنىڭ وزگەرىسىن تىلگە تيەك ەتكەندە توتەنشە تەبىرەندى، ”ءبىز تاماشا تۇرمىسقا كەنەلدىك، ىشتەي قاتتى قۋاندىق“.

  7 - ايدىڭ 19 - كۇنى ءتۇس، قابا اۋدانى شىبار قالاشىعى شىبار قىستاعى قىستاق تۇرعىندار كوميتەتى اۋلاسى. قابا اۋداندىق سالىق مەكەمەسىنىڭ شبار قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى قىستاق كادرلارىمەن، 80نەن استام قىستاق تۇرعىنىمەن بىرگە ”پارتيانىڭ مەيىرىنە العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ، قۇربان ايت مەرەكەسىن بىرگە وتكىزۋ“ نەگىزگى تاقىرىبىنداعى بىرلەسكەن دوستىق قيمىلىن ورىستەتتى.

  سول كۇنى اۆتونوميالى رايوندىق سالىق مەكەمەسىنىڭ قاراقاش اۋدانى ۇرچى اۋىلى اۋات قىستاعىندا تۇراتىن ءبىرىنشى شۋجيى ليۋ ياڭميڭ قىستاق ”ەكى كوميتەتىنىڭ“، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرىن باستاپ، قىستاقتاعى ۇلتتار ىنتىماعىنداعى ۇلگىلى وتباسى، ”ءتورت ءتۇرلى قارت“ قاتارلىلاردان جاعداي ۇعىسىپ، حال سۇراپ، ولارعا مەرەكەلىك سالەم جانە تىلەگىن جەتكىزدى.

  قىستاق تۇرعىنى ءورلىقاقان سىراجاحمەت وتباسىندا ويناقى مۋزيكا كوتەرىلىپ، ءورلىقاقان ورنىنان تۇرىپ ليۋ ياڭميدى بيگە تارتتى، مۋزيكانىڭ داۋىسىن ەستىگەن قىستاق تۇرعىندارى تۇس - تۇستان كەلىپ قوسىلىپ، ءان - ءبي سالتاناتتى قوناعاسىنىڭ پەردەسىن اشتى.

  (ءتىلشى حى جياڭ، قاتىناسقان تىلشىلەر جاڭ جىلي، سۇڭ ۋيگو، ۋي يۇڭگۇي، حان چينيان، جاڭ تيڭ، ۋاڭ شينحۇڭ)

جاۋاپتى رەداكتور: ءاننا اكىمقان قىزى