”ءبىز شينجياڭنىڭ بولاشاعىنىڭ اناعۇرلىم تاماشا بولاتىندىعىنا كامىل سەنەمىز“

اۆتونوميالى رايون دەمالىسقا، زەينەتكە شىققان كادرلاردى ىلەگە، حوتانعا ەكسكۋرسيا جاساۋعا، ۇيرەنۋگە ۇيىمداستىردى

  ”ءبىز شينجياڭنىڭ بولاشاعىنىڭ اناعۇرلىم تاماشا بولاتىندىعىنا كامىل سەنەمىز“

  انار بۇلت / شينجياڭ گازەتىنىڭ ءتىلشىسى ميھىرگۇل عوپۇر 7 - ايدىڭ 19 - كۇنى ۇرىمجىدەن حابارلايدى. 7 - ايدىڭ 13 - كۇنىنەن 17 - كۇنىنە دەيىن اۆتونوميالى رايون دەمالىسقا، زەينەتكە شىققان ءبىر ءبولىم كادرلاردى ىلە قازاق اۆتونوميالى وبلىسىنا، حوتان ايماعىنا بارىپ، ”پارتيا قۇرىلعاندىعىنىڭ 100 جىلدىعى جاڭا تابىستارىن كورەمىن“ نەگىزگى تاقىرىبىنداعى ەكسكۋرسيالاۋ، ۇيرەنۋ قيمىلىن ورىستەتۋگە ۇيىمداستىردى.

      ەكسكۋرسيالاۋ، ۇيرەنۋ قيمىلىندا دەمالىسقا، زەينەتكە شىققان كادرلار ەلەكترون تۇلعالىق بولشەكتەر مەن ۇساق بولشەكتەر، اۆتوكولىك ۇساق بولشەكتەر، نان، كيىم - كەشەك سياقتى ءوندىرىس كاسىپورىندارىن ىشكەرىلەي ارالاپ، ءوندىرىس - تيجارات، تەحنيكالىق زەرتتەۋ - اشۋ، جۇمىستانۋعا جەتەكتەۋ جاعدايلارىن ۇعىستى؛ شەكارا وتكەلدەرىنە، اۋىل - قىستاقتارعا، الەۋمەتتىك اۋماقتارعا بارىپ، اۋىل - قىستاقتى گۇلدەندىرۋ، ەكولوگيانى قورعاۋ، ساياحاتتى دامىتۋ سياقتى جاعدايلاردى ۇعىستى.

  قورعاس گوشىڭچىماحى اۆتوكولىك عىلىم - تەحنيكا شەكتى سەرىكتەستىگىنىڭ زاۆود ۇيىندە جۇمىسشىلار مەحانيكالىق بىلەكتى قۇراستىرىپ، سىناپ جاتتى. ”شينجياڭنىڭ وڭىرلىك ورىن باسىمدىعى كورنەكتى، ’ءبىر بەلدەۋ، ءبىر جول‘ قۇرىلىسىنا سۇيەنىپ، شينجياڭدا ’قونىستانۋدى‘ تاڭداعان كاسىپورىنداردىڭ قاتارى بارعان سايىن مولايدى، شينجياڭنىڭ دامۋ كومەسكى كۇشى اسا زور“، - دەدى ەكسكۋرسيالاۋ بارىسىندا اۆتونوميالى رايوندىق جوعارى حالىق سوتى مەكەمەسى ىلە قازاق اۆتونوميالى وبلىستىق بولىمشە مەكەمەسىنىڭ بۇرىنعى باستىعى توقان بايدوللا تەبىرەنە.

  شاپشال سىبە اۆتونوميالى اۋدانىنداعى قونىس جاڭالاپ كەدەيلەردى سۇيەمەلدەۋ بويىنشا كوشىرۋ ءتۇيىنى − ۇزىنبۇلاق اۋىل - قىستاق الەۋمەتتىك اۋماعىنا ماڭايىنداعى 5 − 6 اۋىل - قالاشىقتان قونىس جاڭالاعان 600 نەشە وتباسى ورنالاستىرىلعان. تاۋدان كوشىپ كەلگەن مالشىلاردىڭ ءوندىرىس، تۇرمىس تاسىلىندە زور وزگەرىستەر جارىققا شىققان.

  ”ءبىز تىرشىلىك تىنىسى مەن ومىرشەڭدىك كۇشتى سەزىندىك. ءار ۇلت بۇقاراسىنىڭ شاتتىققا شومىپ، تۇرمىسىن ءماندى وتكىزىپ جاتقاندىعىن كورىپ ەرەكشە جەلپىندىك. ساقا پارتيا مۇشەسى، دەمالىسقا، زەينەتكە شىققان كادر رەتىندە، زەينەتكە شىقسام دا قاسيەتىمدى باستان - اياق جويماي، قىزمەت ورنىمنان شەگىنسەم دە پارتيادان قول ۇزبەي، كوركەم شينجياڭدى اناعۇرلىم كوركەم ەتۋگە بويىمداعى قالعان كۇشىمدى ۇزبەي ارنايمىن“، - دەدى اۆتونوميالى رايوندىق ايەلدەر بىرلەستىگى پارتيا باسشىلىق گرۋپپاسىنىڭ بۇرىنعى شۋجيى ۋاڭ جيانليڭ.

  حوتان قالاسى بايىرعى قالا رايونىنداعى تۋانچىڭدى ارالاساڭىز، كوشە بويىنداعى قۇرىلىستار ۇلتتىق ەرەكشەلىككە يە بولۋمەن بىرگە، وسى زامانعى لەپ ەسىپ تۇرعاندىعىن كورەسىز، شىت جاڭارعان تۋانچىڭداعى ساۋدا دۇكەندەرى قاز - قاتار بوي كوتەرىپ تۇر، تۇرعىندار ءماز - ءمايرام بولىپ جاتىر. ”جول بويى ارالادىق، كوردىك، شينجياڭنىڭ قوعامدىق كەلەلى جاعدايى ۇزدىكسىز ورنىقتى بولىپ، ەكونوميكاسى ورنىقتى، اقاۋسىز دامىپ، بۇقارانىڭ تۇرمىسى كورنەكتى جاقسارىپ، ۇلتتار ىنتىماقتى، جاراسىمدى بولىپ، ءتۇرلى ىستەر ۇزدىكسىز العا باسىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيىپتى“، - دەدى اۆتونوميالى رايوندىق حالىق ۇكىمەتىنىڭ بۇرىنعى اقىلشىسى، اۆتونوميالى رايوندىق ساياحات مەكەمەسى پارتيا باسشىلىق گرۋپپاسىنىڭ بۇرىنعى شۋجيى چى چۇڭچيڭ.

  قاراقاش اۋدانى مەملەكەتتىك وسى زامانعى اۋىل شارۋاشىلىعى كاسىپ باقشاسىندا سۋىق تىزبەكتى زات تاسيتىن اۆتوكولىكتەر وسى ارادان شينجياڭنىڭ ءىشى - سىرتىنا اتتانىپ جاتتى، ماڭايىنداعى اۋىل - قالاشىقتاردىڭ ەگىنشى - مالشىلارى بۇل ارادا جۇمىستانىپ، كىرىستەرىن ارتتىردى. ”قازىر شينجياڭدا جاڭاشا وسىزاماندانعان كاسىپ باقشا رايوندارى، ونەركاسىپ باقشا رايوندارى جەدەل دامۋدا، اۋىلداستار جاقىن ماڭنان جۇمىس ىستەپ، اقشا تاۋىپ، تۇرمىستارى بارعان سايىن جاقسارا ءتۇستى“، - دەدى اۆتونوميالى رايوندىق حالىق ۇكىمەتىنىڭ بۇرىنعى ورىنباسار باس حاتشىسى يان جىنشين.

  ”پارتيا ورتالىق كوميتەتىنىڭ پارمەندى باسشىلىعىندا، شينجياڭدا مۇلدەم كەدەيلىك ماسەلەسى تاريحي سيپاتتى شەشىم تاۋىپ، ءار ۇلت بۇقاراسىنىڭ تۇرمىس دەڭگەيى زور دارەجەدە جوعارىلادى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ بولاشاعىنىڭ اناعۇرلىم تاماشا بولاتىندىعىنا كامىل سەنەمىز“، - دەدى اۆتونوميالى رايوندىق ساياسي كەڭەستىڭ بۇرىنعى ورىنباسار باس حاتشىسى عايرات ابدىرەيىم.

  ەكسكۋرسيالاۋ، ۇيرەنۋ بارىسىندا اۆتونوميالى رايونداعى دەمالىسقا، زەينەتكە شىققان كادرلار وتانشىلدىق تاربيە بازالارىنا دا بارىپ، پارتياعا كىرگەندە بەرگەن سەرتىن قايتا ەسكە الۋ، وتانشىلدىق تاربيە كورمەسىن ەكسكۋرسيالاۋ سياقتى قيمىلدار ورىستەتتى.

  دەمالىسقا، زەينەتكە شىققان كادرلار ءبىر اۋىزدان مىنالاردى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، ۇگىتتەپ، دايەكتىلەندىرىپ، پارتياعا بۇلجىماي ىلەسىپ، ءوز ارتىقشىلىعىمىزدى ساۋلەلەندىرىپ، اۆتونوميالى رايوندىق پارتكوم مەن ۇكىمەتتىڭ قىزمەتتەرىن بۇرىنعىداي قولداپ، جاڭا داۋىردەگى جۇڭگوشا سوتسياليستىك شينجياڭ قۇرۋعا تىڭ ۇلەس قوسامىز.

جاۋاپتى رەداكتور: ءاننا اكىمقان قىزى