شينجياڭنىڭ اۋىل – قىستاقتارىن گۇلدەندىرۋ بويىنشا مامانداردىڭ قىزمەت وتەۋ قيمىلى باستالدى

    التاي گازەتىنىڭ 7 – ايدىڭ 13 – كۇنى ۇرىمجىدەن بەرگەن حابارى، انار بۇلت / شينجياڭ گازەتىنىڭ ٴتىلشىسى شيە حۇيبيان، ەرىكتى ٴتىلشى گوھارنيسا يمين حابارلايدى. 7 – ايدىڭ 12 – كۇنى ”شينجياڭ اۋىل – قىستاقتارىن گۇلدەندىرۋ بويىنشا مامانداردىڭ قىزمەت وتەۋ قيمىلى“ حوتان ايماعى لوپ اۋدانىندا باستالدى.

  ”شينجياڭ اۋىل – قىستاقتارىن گۇلدەندىرۋ بويىنشا مامانداردىڭ قىزمەت وتەۋ قيمىلى“ — ادام كۇشى بايلىعى جانە قوعامدىق قامتاماسىزداندىرۋ مينيسترلىگى بەلگىلەگەن 2021 – جىلعى مامانداردىڭ نەگىزگى ساتىعا قىزمەت وتەۋىنەن ۇلگى كورسەتۋ ۇيىرمەسى نىساندارىنىڭ ٴبىرى، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، اۆتونوميالى رايوندىق عىلىم – تەحنيكا قوعامى بىرگە ۇيىمداستىرىپ اتقارادى. بۇل نىسان، باستىسى، اۋىل – قىستاقتى دامىتۋدىڭ ٴىس جۇزىندىك قاجەتىن ارقاۋ ەتىپ، 20دان استام ماماننان ۇيىمداسقان قىزمەت وتەۋ ۇيىرمەسىن قۇرىپ، حوتان، قاشقار سىندى ەكى ايماقتاعى 20 قىستاقتا ٴجۇز رەتتەن استام تەحنيكالىق تاربيەلەۋىن جانە اقىل – كەڭەس بەرۋ قىزمەت وتەۋىن ورىستەتەدى.

  ”نىسان باستىسى ەگىنشى - مالشىلاردىڭ ٴىس جۇزىندىك قاجەتىنە ساي، تەحنيكالىق جاقتان باۋلۋ ورىستەتەدى، سونىمەن بىرگە تەحنيكالىق باستاماشىلاردى ٴتۇيىندى تۇردە باۋلىپ، تەحنيكانى ەگىنشى – مالشىلاردىڭ كىرىسىن ارتتىرىپ، اۋقاتتانۋىنداعى تاماشا قولعاناتىنا شىنايى اينالدىرادى“، - دەدى اۆتونوميالى رايوندىق عىلىم – تەحنيكا قوعامى عىلىم – تەحنيكانى جالپىلاستىرۋ ٴبولىمىنىڭ باستىعى پاتيمان ابىليكم. ول بىلاي دەپ تانىستىردى: تاربيەلەۋ مازمۇنى ەلەكتروندى ساۋدا، اۋىل شارۋاشىلىعى، مال شارۋاشىلىعى سياقتى سالالارعا سايادى.

  باستالۋ سالتىنان كەيىن، 7 مامان اتىز باسىنا ىشكەرىلەي بارىپ، قىستاق تۇرعىندارىنا 5 رەت تەحنيكالىق باۋلۋ جۇرگىزدى، مازمۇن ەلەكتروندى ساۋدا تىكە تاراتۋى ارقىلى زات ساتۋ، جىلىجايدا كوكونىس ەگۋ تەحنيكاسى، باعىمشىلىق تەحنيكاسى سياقتىلاردى قامتيدى. جەرگىلىكتى ورىنداعى ينتەرنەتتە تانىمالى جۇرگىزۋشى اۋىلدىڭ جەرگىلىكتى ونىمدەرىن الىپ، سول جەردە تىكە تاراتۋ ارقىلى زاتتى قالاي ساتۋدى كورسەتتى. لوپ اۋدانى بۇيا اۋىلى اياققىشاقلىق قىستاعىنىڭ تۇرعىنى رازيا وسمان بىلاي دەدى: ”كاسىپ كوزىن اشىپ، جۇرگىزۋشى بولىپ، اۋىلىمىزدىڭ ەرەكشە اۋىل شارۋاشىلىعى ونىمدەرىن بۇكىل ەلدىڭ جەر – جەرىنە ساتسام دەيمىن، مۇنداي كۋرستاردىڭ بارعان سايىن مولايا بەرۋىن ٴۇمىت ەتەمىن“.

  وسى نىساننىڭ جەتەكشىلىگىندە، اۆتونوميالى رايوندىق عىلىم – تەحنيكا قوعامى «اۆتونوميالى رايوندىق عىلىم – تەحنيكا قوعامىنىڭ عىلىم – تەحنيكا ارقىلى اۋىل – قىستاقتى گۇلدەندىرۋگە دەم بەرۋ قيمىلىن اتقارۋ جوباسىن» جاساپ، باسىپ تاراتىپ، اۋىل – قىستاقتى كاسىپ سالاسى ارقىلى گۇلدەندىرۋ، دارىندىلار ارقىلى گۇلدەندىرۋ، مادەنيەت ارقىلى گۇلدەندىرۋ، ۇيىم ارقىلى گۇلدەندىرۋ، ەكولوگيا ارقىلى گۇلدەندىرۋ جانە وڭتۇستىك شينجياڭنىڭ نەگىزگى ساتىلارىنا عىلىم جالپىلاستىرۋ قيمىلىن اتقارۋدى ارقاۋ ەتىپ، نازاردى اۆتونوميالى رايوننىڭ ”10 ٴىرى كاسىپ سالاسىنىڭ“ دامۋىن ىلگەرىلەتۋگە شوعىرلاندىرىپ، عىلىم – تەحنيكا فاكتورلارىن، عىلىم – تەحنيكا بايلىقتارىن، عىلىم – تەحنيكا كۇشتەرىن اۋىل شارۋاشىلىعىنا، اۋىل – قىستاقتارعا، شارۋالارعا كۇش سالا جەتەكتەپ، عىلىم – تەحنيكا ارقىلى اۋىل – قىستاقتى گۇلدەندىرۋدى جەبەۋدىڭ ومىرشەڭدىك كۇشىن تولىق ىسكە قوسىپ، اۋىل شارۋاشىلىعى، اۋىل – قىستاقتاردى وسىزامانداندىرۋدى ىلگەرىلەتۋگە عىلىم – تەحنيكالىق جاقتان نەگىز ازىرلەدى.

جاۋاپتى رەداكتور: ءاننا اكىمقان قىزى