التايدىڭ دامۋىنا اقىل-پاراسات جاقتان تىرەك بولۋعا قۇلشىندى

حيلۇڭجياڭ، جيلين ولكەلەرىنىڭ التايعا باعىتتامالى كومەكتەسۋدە اقىل-پاراسات جاعىنان تىرەك بولۋ تاراۋى

  التاي گازەتىنىڭ جالپىلىق اقپارات قۇرالدارى پراكتيكانت ءتىلشىسى چاڭ يرۋ حابارلايدى. جىل باسىنان بەرى، حيلۇڭجياڭ، جيلين ولكەلەرىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى كادرلار مەن دارىندىلاردىڭ شينجياڭعا كومەكتەسۋىن تىڭعىلىقتى ىلگەرىلەتىپ، شينجياڭعا كومەكتەسۋدىڭ ”نەگىزگى كۇشىن“ جەتىلدىرۋ، ءوندىرىسپەن دارىندىلاردى توعىستىرۋدىڭ ”ەكولوگيالىق شەڭبەرىن“ قۇرۋ، شينجياڭعا كومەكتەسۋدىڭ ”تۇتاس جەلىسىن“ مىقتى يگەرۋ ارقىلى اۋىل-قىستاقتى گۇلدەندىرۋ ستراتەگياسىن اتقارۋدى دارىندىلارمەن جانە اقىل ـ پاراساتتىق كەپىلمەن قامدادى.

  اقىل-پاراسات جاعىنان شينجياڭعا كومەكتەسۋدە حيلۇڭجياڭ، جيلين ولكەلەرىنەن شينجياڭعا كومەككە كەلگەن دارىندىلار 5000 كيلومەتردەن استام جول باسىپ التاي ايماعىنا كەلىپ، 118 مىڭ شارشى كيلومەترلىك كەڭ-بايتاق القاپقا وزدەرىنىڭ اقىل-پاراساتى مەن كۇش-قۋاتىن ارنادى. ولار وزىق تەحنيكا، ۇستانىم جانە مادەنيەت الا كەلۋمەن بىرگە، ونان دا ماڭىزدىسى، جەرگىلىكتى ورىنعا ”تابان تىرەپ قىزمەت ىستەيتىن دارىندىلار قوسىنىن“ تاربيەلەپ بەردى.

  ساياسي جاقتان جەتەكشىلىك ەتىپ، شينجياڭعا باعىتتامالى كومەكتەسۋدىڭ ”نەگىزگى كۇشىن“ جەتىلدىردى. شينجياڭعا كومەككە كەلگەن كادرلار مەن دارىندىلاردى تاربيەلەۋ-باۋلۋدى جەرگىلىكتى كادرلار مەن دارىندىلاردى تاربيەلەۋ-باۋلۋ جوسپارىنا كىرگىزىپ، شي جينپيڭ جاڭا ءداۋىر جۇڭگوشا سوتسياليزم يدەياسىن، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، 3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ارقاۋ ەتىپ، شوعىرلى كەزەكپەن تاربيەلەۋ، كلاسقا كىرىستىرىپ تاربيەلەۋ قاتارلى تاسىلدەردى قولدانىپ، شينجياڭعا كومەككە كەلگەن كادرلار مەن دارىندىلاردى تاربيەلەۋدى جاپپاي قامتۋعا كۇش سالدى؛ ”بۇقارا ءۇشىن ناقتى ءىس ىستەيمىن“ اتىندا امالياتتىق قيمىلمەن ۇشتاستىرىپ، ناقتى ىستەردى، جاقسى ىستەردى ىستەپ، شينجياڭعا كومەككە كەلگەن كادرلار مەن دارىندىلاردىڭ وتانشىلدىق سەزىمىن جاپپاي كۇشەيتىپ، حالىق ءۇشىن قالتقىسىز ۇلەس قوسۋ جاۋاپكەرلىك تانىمىن تەرەڭدەتتى؛ ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، شينجياڭعا باعىتتامالى كومەكتەسۋ قىزمەتىنە دارىندىلاردىڭ زاپاس كۇشىن ازىرلەپ، شينجياڭعا باعىتتامالى كومەكتەسۋدىڭ ”نەگىزگى كۇشىن“ قالىپتاستىردى.

  نازاردى ماڭىزدى تۇيىنگە شوعىرلاندىرىپ، ءوندىرىسپەن دارىندىلاردى توعىستىراتىن ”ەكولوگيالىق شەڭبەر“ قۇردى. حيلۇڭجياڭ، جيلين ولكەلەرىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى حالىق تۇرمىسىنىڭ نەگىزىن مىقتى يگەرىپ، ”شينجياڭعا جاپپاي كومەكتەسۋ، شينجياڭعا دالمە-ءدال كومەكتەسۋ، شينجياڭعا ۇزاق ۋاقىت كومەكتەسۋ“ تالابىنا تۋرالانىپ، دارىندىلار، كاسىپ، قارجى جانە بازار ابزالدىلىعىمەن تىعىز ۇشتاستىرىپ، دارىندىلاردى شينجياڭعا كومەكتەسۋ قىزمەتىنىڭ ءبىرىنشى شەبىنە بارۋعا جەتەلەپ، ءبىر توپ دارىندى شوعىرلانعان، ەرەكشە كاسىپتى دامىتقان، ءبىر جاقتىڭ اۋقاتتانۋىن جەتەلەگەن ۇلگى كورسەتۋ اسەرىن قالىپتاستىردى.

  2021-جىلدىڭ العاشقى جارىمىندا جيلين ولكەلىك شينجياڭعا باعىتتامالى كومەكتەسۋدىڭ الدىڭعى شەپ قولباسشىلىق شتابى جۇڭگوشا ءشوپ ءدارى ەگۋ تەحنيكاسى ابزالدىلىعىنا، كاسىپ ابزالدىلىعىنا، دارىندىلار ابزالدىلىعىنا سۇيەنىپ 40 ءتۇرلى جۇڭگوشا ءشوپ ءدارى تۇقىمىن جەتىلدىرۋ سىناعى، 15 جەردەگى تابيعي جۇڭگوشا ءدارى ماتەريالدارى تۇقىمىن ەنگىزۋ سىناعى جانە ”استىق ءدارىسى“، ”ءشوپ ءدارى“ قاتارلى ءۇش ءتۇرلى فورمادا ارالاستىرىپ ەگۋ ۇلگىسىن قالىپتاستىرىپ، 10 مىڭعا جۋىق وتباسىنىڭ جۇڭگوشا ءشوپ ءدارى ەگۋىنە جەتەكشىلىك ەتتى؛ حيلۇڭجياڭ ولكەسى ”شينجياڭعا باعىتتامالى كومەكتەسۋ قارجىسى + سەلبەستىك كووپەراتيۆى + ەگىنشى-مالشى ات سالىسۋ + كاسىپورىن ەگىنشىلىكتى، باعىمشىلىقتى باسقارۋ“، ەسەك باعىمشىلىعى ۇلگىسىنە ىزدەنىس جاساپ، جوعارى، ورتا تەحنيكۋم بىتىرگەن 80 وقۋشىنىڭ شارۋاشىلىق قۇرۋىن، جۇمىسقا ورنالاسۋىن قولداپ، ەگىنشى-مالشىلاردىڭ كىرىسىن ارتتىرىپ، اۋقاتتانۋىنا دەم بەردى.

  بيىل جىل باسىنان بەرى، حيلۇڭجياڭ، جيلين ولكەلەرىنىڭ شينجياڭعا كومەكتەسۋ الدىڭعى شەپ قولباسشىلىق شتابى كاسىپتىك اعارتۋدىڭ مامان وقىتۋشىسىنان 69 ادامدى تاڭداپ جىبەرىپ، التاي ايماقتىق كاسىپتىك تەحنيكا شۋەيۋانىنىڭ ساباق مازمۇنىن بايىتۋىن، وقىتۋشىلاردى تاربيەلەپ جەتىستىرۋىن قولدادى؛ 7 سۋديانى ايماق، اۋدان قاتارلى 2 دارەجەلى سوتقا تاڭداپ جىبەرىپ، ايماعىمىزدىڭ زاڭ ىستەرى قىزمەتىنىڭ ارناعا ءتۇسۋ، جۇيەلەنۋ قۇرىلىسىنا كورنەكتى ۇلەس قوستى؛ 32 ەمدەۋ-دەنساۋلىق ساقتاۋ دارىندىلارىن تاڭداپ جىبەرىپ، شينجياڭعا كومەكتەسەتىن ولكە، قالالاردىڭ الدىڭعى قاتارىنداعى ءبىر توپ ەمدەۋ تەحنيكاسىن جالپىلاستىردى؛ وسىزامانعى ساياحات، وسىزامانعى ەگىن-مال شارۋاشىلىعى، سيفرلى ەكونوميكا قاتارلى جاقتارداعى 12 مامان دارىندىنى تاڭداپ جىبەرىپ، اقىل-پاراساتتىق جاقتان تىرەك بولىپ، تەحنيكالىق جاقتان جەتەكشىلىك ەتتى.

  شينجياڭعا كومەكتەسۋ قىزمەتىن ىشكەرىلەي جەبەپ، كومەكتەسىپ تاربيەلەۋ، تيپتىك باۋلۋ، ارناۋلى تاربيەلەۋ، وقىتۋ، باعالاۋ قاتارلى تاسىلدەردى قولدانىپ، 60 نەشە تىرەكتى وقىتۋشىنى تاربيەلەدى. ەمدەۋ جاعىندا ”ءبىر شيپاحانا ءبىر ءبولىمدى كوتەرەگە الۋ، ءبىر گرۋپپا ءبىر عىلىمدى جەبەۋ، ءبىر دارىندى ءبىر كاسىپتى جەتەلەۋ“ ۇلگىسىن قولدانىپ، 12 ءتۇرلى قولدانىلمالى جاڭا تەحنيكانى اكەلىپ، تۇتاس ايماعىمىزدىڭ ەمدەۋ ساپاسى دەڭگەيىن، ەمدەۋ تەحنيكاسى قابىلەتىن جوعارىلاتتى. ساياحات جاعىندا شينجياڭعا كومەكتەسۋگە ىزدەنىس جاساپ، 30 نەشە داشۋە پروفەسسورىن، ساياحاتتاعى ايگىلى كاسىپورىنشىنى، قار-مۇز باسقارۋشىنى ۇسىنىس ەتىپ، جيلين-التاي قار-مۇز ساياحاتى، قار-مۇز مادەنيەتى، قار-مۇز سپورتى قاتارلى جاقتاردا كوپ ساتىلى، كەڭ كولەمدى، الۋان ءتۇرلى سەلبەستىكتى جەبەدى.

  حيلۇڭجياڭ، جيلين ولكەلەرىنەن شينجياڭعا كومەككە كەلگەن كادرلار ءبىر اۋىزدان بىلاي دەدى: پارتيانىڭ 100 جىلدىق كۇرەس تاريحىنان اقىل-پاراسات جانە كۇش قابىلداۋعا تاباندى بولىپ، ”ءبىز شينجياڭعا نە ءۇشىن كەلدىك، شينجياڭدا نە ىستەيمىز، شينجياڭنان كەتەردە نە قالدىرامىز؟“ دەگەندى ەستە بەرىك ساقتاپ، قالاسى اسەم، اۋىل-قىستاعى ىرىستى، كورىنىس رايونى كوركەم، قاتىناسى قولايلى، قۇرىلىمى ساپالى، اشىق ۇستالعان، تىنىستى، قىزمەت وتەۋى ماڭداي الدى، گۇلدەنىپ ـ كوركەيگەن جاڭا داۋىردەگى ەكولوگيالىق، وركەنيەتتى التاي قۇرۋعا قۇلشىنامىز.

جاۋاپتى رەداكتور: ءاننا اكىمقان قىزى