اققايىڭ باقشاسىنىڭ قۇرىلعىلارى كەمەلدەنىپ، ساياحاتشىلارعا تاماشا قىزمەت وتەدى

  التاي گازەتىنىڭ جالپىلىق اقپارات قۇرالدارى پراكتيكانت ءتىلشىسى چاڭ يرۋ حابارلايدى. قالا تۇرعىندارىنا، ساياحاتشىلارعا ءتىپتى دە جايلى ساياحات ورتاسىن جاراتۋ ءۇشىن، جىل باسىنان بەرى التاي قالاسىنداعى اققايىڭ باقشاسى حالىققا قولايلى قىزمەت وتەۋ سايكەستى قۇرىلعىلارىن كەمەلدەندىرىپ، ساياحات باقشاسىنداعى بۇقاراعا ويداعىداي قىزمەت وتەۋدى سەزىندىردى.

  ۇعىسۋعا قاراعاندا، قالا تۇرعىندارىنىڭ، ساياحاتشىلاردىڭ ساياحات باقشاسىنىڭ ينفورماتسياسىن تۇسىنۋىنە قولايلى بولۋ ءۇشىن، اققايىڭ باقشاسى الەۋمەتتىك ءۇنحات تەكشەسىندە جانە باقشا ىشىندەگى بەلگىلەردى كورسەتۋ تاقتاسىندا ”سەيىلدەۋ، تاماشالاۋ كارتاسىن“ جاريالاپ، بۇقارانىڭ جالپى جاعدايدى جەدەل كورۋىنە قولايلىلىق جاراتقان. سونىمەن بىرگە، ساياحاتشىلارعا قىزمەت وتەۋ ورتالىعىندا ساياحاتشىلاردى شاي، قول تەلەفون زاريادتاعىش، ينە-ءجىپ قاپشىعى، ماقتا شارك، سپيريت، قول شاتىر (مايعا بەرىلەدى)، دوڭگەلەكتى ورىندىق (مايعا بەرىلەدى) قاتارلى ۇنەمىلىك بۇيىمدارمەن قامداپ، جوعالعان زاتىن تانىپ الۋعا قىزمەت وتەدى جانە قاتىستى ساياحات ماتەريالدارىن بەردى.

  بۇل عانا ەمەس، قالا رايونىنداعى ادام سانى ءبىرشاما كوپ الەۋمەتتىك ورىن رەتىندە، اققايىڭ باقشاسى ادامدى نەگىز ەتۋگە تاباندى بولىپ، ءتۇرلى جاعدايدى مۇمكىندىكتىڭ بارىنشا بولجاپ، ساياحاتشىلارعا ءتىپتى دە تاماشا قىزمەت وتەپ، انالار مەن نارەستەلەر ءۇيىن اشىپ، حالىققا قولايلى ەمدەۋ ساندىعىن ورناتىپ، باقشاداعى بۇقارانىڭ پايدالانۋىنا بەرىپ، قاجەتكە قاراي قىزمەت وتەۋدى ىرىقتى قىزمەت وتەۋگە اينالدىرۋ ارقىلى اققايىڭ باقشاسى بۇقارامەن بارىس-كەلىس جاساۋدىڭ جاقسى باعاسىنا يە بولدى.

  ــ قالانىڭ شۋىلىنان اۋلاق جەردە كىتاپ وقۋ وتە جاقسى كورەمىن،- دەدى ”دىشين باقشاسىندا“ ءبىر جاعىنان شاي ءىشىپ، ەندى ءبىر جاعىنان كىتاپ وقىپ وتىرعان چىن مىرزا.

  تاياۋ جىلداردان بەرى، اققايىڭ باقشاسى كوپ رەت دارەجەسىن جوعارىلاتىپ وزگەرتىپ، نەگىزگى اينالما جول مەن ەكىنشى اينالما جولدان 3900 مەترىن قايتا سالىپ، سەمەنت باقشا جولى، گرانيت تاس جولدان 1600 مەترىن، تاقتاي جولدان 4700 مەترىن جاڭادان سالىپ، 3 اسپالى كوپىر، 2 كورىنىس كوپىرى جانە 55 مەتر ۇزىندىقتاعى كورىنىس داۋالىن سالىپ، الەۋمەتتىك دارەتحانا، قابىلداۋ بولمەسى قاتارلى نەگىزدىك قۇرىلعىلاردى جوندەپ وزگەرتىپ، ساياحات، سەيىل-سەرۋەن، كوڭىل اشۋ ءبىر تۇلعالانعان ۋنيۆەرسال جاڭا باقشا قۇرۋعا كۇش سالدى.

جاۋاپتى رەداكتور: ءاننا اكىمقان قىزى