حالىق تۇرمىسىن قامتاماسىز ەتۋ مەن جاقسارتۋدىڭ تاماشا داستانىن جازدى

حيلۇڭجياڭ، جيلين ولكەلەرىنىڭ التايعا باعىتتامالى كومەكتەسۋىنىڭ حالىق تۇرمىسى تاراۋى

  التاي گازەتىنىڭ جالپىلىق اقپارات قۇرالدارى ءتىلشىسى ياڭ ۋيشۋان حابارلايدى. 2021-جىل ــ ”14-بەسجىلدىق“ كەزىندەگى شينجياڭعا باعىتتامالى كومەكتەسۋ جوباسىن جاپپاي اتقارۋدىڭ العاشقى جىلى. جىل باسىنان بەرى، حيلۇڭجياڭ ولكەسى، جيلين ولكەسى شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى 3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن جانە 7-رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە-ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتى يگەرىپ، حالىق تۇرمىسىن قامتاماسىز ەتۋ جانە جاقسارتۋ قاتارلى ءتۇرلى قىزمەت مىندەتىنىڭ تياناقتانۋىن تىڭعىلىقتى ىلگەرىلەتىپ، ايماق ەكونوميكاسىنىڭ، قوعامىنىڭ دامۋىنا، قوعام ورنىقتىلىعى مەن باياندى تىنىشتىعىنا بەلسەنە ۇلەس قوستى.

  ۇعىسۋعا قاراعاندا، حيلۇڭجياڭ ولكەسى الدىڭعى شەپ قولباسشىلىق شتابىنىڭ دەمەۋىندە، ايماقتىڭ ساياحات كاسىبىنىڭ دامۋىندا تىڭ تابىستارعا قول جەتكىزگەن. 6-ايدىڭ 1-كۇنى 520 ساياحاتشى وتىرعان ”حيلۇڭجياڭ ــ شينجياڭ“ (بۇرىنعى ”حيلۇڭجياڭ ــ التاي“) ساياحات ارناۋلى پويەزى حاربين ۆوكزالىنان التايعا جول العان، بۇل حيلۇڭجياڭ ولكەسىنىڭ بيىل شينجياڭعا باعىتتامالى كومەكتەسۋ بويىنشا تۇڭعىش قاتىناعان ساياحات ارناۋلى پويەزى، سونداي-اق بۇكىل ەلدىڭ شينجياڭعا كومەكتەسۋ ارناۋلى پويەزىندە كومەك قابىلداۋشى ەكى جەردىڭ قوس باعىتتا قاتىناۋىن تۇڭعىش رەت ىسكە اسىرۋى. ”حيلۇڭجياڭ ــ شينجياڭ“ شينجياڭعا كومەكتەسۋ ساياحات ارناۋلى پويەزى حيلۇڭجياڭ، جيلين، ىشكى موڭعۇل، نيڭشيا، گانسۋ، شينجياڭ قاتارلى 6 ولكە، 18 قالانى ەندەي ءوتىپ، جول بويى دۇنحۋاڭ، قاناس، التاي، تيانشان بوعدا كولى، تۇرپان قاتارلى ايگىلى كورىنىس رايوندارىن قامتيتىن، حيلۇڭجياڭ ولكەسىنەن التايعا توتە باراتىن بىردەن-ءبىر ساياحات ارناۋلى پويەزى. 2017-جىلى تۇڭعىش رەتكى ”حيلۇڭجياڭ ــ شينجياڭ“ ارناۋلى ساياحات پويەزى قاتىناعاننان بەرى، جيىنى 23 رەت قاتىناپ، حيلۇڭجياڭ ولكەسىنەن 16 مىڭعا جۋىق ساياحاتشىنى قابىلداپ-جونەلتىپ، جەرگىلىكتى ورىننىڭ ساياحات تۇتىنۋىن 35 ميلليون يۋانعا جەتكىزىپ، التايدىڭ اتاعىن، داڭقىن جوعارىلاتتى.

  جىل باسىنان بەرى، حيلۇڭجياڭ ولكەسى قاجەتكە قاراي ەمدەۋ-دەنساۋلىق ساقتاۋ دارىندىسىنان 56 ادامدى تاڭداپ جىبەرىپ، 45 ءتۇيىندى ءپاندى قولداپ، قوس باعىتتا 2 رەت اۋىس-كۇيىس جاساپ، 17 ادام (رەت) جىبەرىپ، كومەككە يە بولعان ورىنعا ءتۇيىندى ءپان باستاماشىسىنان 53 ادام تاربيەلەدى. ۇيرەتۋ، كومەكتەسۋ، جەتەلەۋ ارقىلى 128 كاسىپتىك تايانىش تاربيەلەۋمەن بىرگە، ايماقتىق وسپە اۋرۋىنان ساقتانۋ جانە ونى ەمدەۋ سەلبەستىك گرۋپپاسىن قۇرىپ، تۇڭعىش رەت ANCA عا قاتىستى قان تامىر قابىنۋى مەن تۇڭعىش رەت كەڭىردەكشەنىڭ قابىنۋىن دياگنوز قويىپ تۇراقتاندىردى. جەتەكشىلىك ەتكەن، قاتىناسقان جانە ەمدەگەن ناۋقاس 30 مىڭ 442 ادام (رەتكە) جەتىپ، 1424 رەت وپەراتسيا جاسالدى. 39 ءتۇرلى جاڭا تەحنيكا، جاڭا كاسىپ، جاڭا قىزمەت قانات جايدىرىلىپ، تەحنيكا، كاسىپ، قىزمەت جاعىنداعى 14 ءتۇرلى بوستىقتى تولتىردى.

  جيلين ولكەسى شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى ”كاسىپ ارقىلى شينجياڭعا كومەكتەسۋدى ماڭداي الدى ورىنعا قويۋ، حالىق تۇرمىسى ارقىلى شينجياڭعا كومەكتەسۋدى ءتۇيىن ەتۋ“ جونىندەگى قاتىستى نۇسقاۋدىڭ تالابىنا ساي، كاسىپ ارقىلى شينجياڭعا كومەكتەسۋدە بەلسەنە ىشكەرىلەي تەكسەرۋ-زەرتتەۋ جۇرگىزىپ، ”وزگەدەن كومەك الۋ“ مەن ”ءوزىن الۋەتتەندىرۋدى“ ۇشتاستىرۋعا ءمان بەرىپ، التايدىڭ بايلىق ابزالدىلىعىن تياناق ەتىپ، جەرگىلىكتى ورىننىڭ ەرەكشە كاسىپتەرىنىڭ دامىپ، قۇدىرەتتەنۋىن بەلسەنە جوبالادى. ەكى جەردەگى حالىق ۇكىمەتى «جيلين ولكەلىك حالىق ۇكىمەتىنىڭ شينجياڭ ۇيعۇر اۆتونوميالى رايوندىق حالىق ۇكىمەتىمەن بىرگە جۇڭگو (چاڭبايشان تاۋ سىلەمى ـــ التاي تاۋ سىلەمى) قار-مۇز ەكونوميكاسىن جوعارى ساپالى دامىتۋ سىناق رايونى ستراتەگيالىق سەلبەستىك جۇلگەلىك كەلىسىمىنە» قول قويىسىپ، 2 ولكە، اۆتونوميالى رايوندىق حالىق ۇكىمەتىنىڭ نەگىزگى باسشىلارى گرۋپپا باستىعى بولعان جۇڭگو (چاڭبايشان تاۋ سىلەمى ــ التاي تاۋ سىلەمى) قار-مۇز ەكونوميكاسىن جوعارى ساپالى دامىتۋ سىناق رايونىن بىرلەسىپ ىلگەرىلەتۋگە باسشىلىق ەتۋ گرۋپپاسىن قۇرىپ، التاي ايماعىنىڭ قار-مۇز كاسىبىنىڭ دارەجەسىن جوعارىلاتۋ مەن كولەمنىڭ شوعىرلى دامۋىن جەدەلدەتىپ، جۇڭگو قار-مۇز ەكونوميكاسىنىڭ جوعارى ساپالى دامۋ سىناق رايونى مەن قار-مۇز شارۋاشىلىعىنىڭ جاڭا بيىگىن تۇلعالاۋعا بەرىك نەگىز قالادى.

  ايماقتىق ورمان شارۋاشىلىعى جانە جايلىم مەكەمە باستىعىنىڭ كومەكشىسى جاڭ شين جيلين ولكەسىنەن شينجياڭعا كومەككە كەلگەن كادر، جيلين ولكەسى چاڭچۇن قالاسىنداعى قاتىستى تاراۋلارمەن دەركەزىندە بايلانىس جاساپ، تەحنيكتەردى تەرەكتىڭ انالىق ساباعىنداعى ۇشپا زاتتى تەجەيتىن ءدارى سۇيىقتىعى ۋكولىن قويۋعا ورنالاستىردى.

  ايماعىمىزدىڭ ءىس جۇزىندىك قاجەتىنە قاراي، جيلين ولكەسىنىڭ الدىڭعى شەپ قولباسشىلىق شتابى دارىندىلار مەن مامانداردان ۇيىرمە قۇرىپ تاڭداپ جىبەرىپ، شينجياڭعا باعىتتامالى كومەكتەسۋ قىزمەتىن ورىستەتىپ، كومەكتەسۋ ونىمدىلىگىن شىنايى جوعارىلاتتى. تاڭداپ جىبەرىلگەن ەمدەۋ ماماندارى ۇزاق مەرزىمدى ۇيىرمە جانە قىسقا مەرزىمدى ۇيىرمەنى ءوزارا ۇشتاستىرۋ ءتاسىلىن قولدانىپ، دەنساۋلىق ساقتاۋ-ەمدەۋ جاعىندا شينجياڭعا كومەكتەسۋ قىزمەتىن ورىستەتتى، ۇزاق مەرزىمدى ۇيىرمە كلەنيكالىق دياگنور قويىپ ەمدەۋ جانە ەمدەۋ وقىتۋى مىندەتىن ۇستىنە السا، قىسقا مەرزىمدى ۇيىرمە ءتۇيىندى ءبولىم كەڭسە قۇرىلىسىنا جانە ”A3 دارەجەلى“ شيپاحانا قۇرۋعا كومەكتەسەدى.

  بيىل 1-ايدىڭ 22-كۇنى اۆتونوميالى رايوندىق دەنساۋلىق ساقتاۋ سالاماتتىق كوميتەتى ايماقتىق قازاق ەمشىلىگى شيپاحاناسىنىڭ ولشەم تارماقتارىنىڭ ۇيلەسىمدى بولۋ مولشەرى مەملەكەتتىك جۇڭگوشا ەمشىلىكتى، ءدارى-دارمەكتەردى باسقارۋ مەكەمەسىنىڭ A3 دارەجەلى ۇلتتىق ەمشىلىك شيپاحاناسىن باعالاۋ تالابىنا جەتىپ، سولتۇستىك شينجياڭداعى بىردەن-ءبىر ”A3 دارەجەلى“ ۇلتتىق ەمشىلىك شيپاحاناسى بولىپ تۇراقتاندى.

  وقۋ-اعارتۋ دارىندىلار ۇيىرمەسىن تاڭداپ جىبەرىپ، سۇيەمەلدەپ كومەكتەسۋدى باعىتتامالى تۇردە جۇرگىزىپ، ايگىلى مەكتەپتەردى جۇپتاستىرۋ، ايگىلى مەكتەپ باستىقتارى باستاماشىلىق ەتۋ، ايگىلى ۇستازدار كومەكتەسىپ جەتەلەۋ قاتارلى قىزمەتتەردى كۇش سالا جەبەدى.

  ساياحات ”شاعىن ۇيىرمەسىن“ تاڭداپ جىبەرىپ، جاڭا كاسىپ ۇلگىسى مەن جاڭا باسقارۋ ۇلگىسىنە بەلسەنە ىزدەنىس جاساپ، التايدىڭ قىسقى قار ءۇستى جارىسىن وتكىزۋگە جانە قار-مۇز دەنەتاربيە ساياحات ونىمدەرىن اشۋعا كومەكتەسىپ، ساياحات بايلىعىن كەڭەيتىپ جانە مولايتتى؛ قۇمىلدان التايعا دەيىنگى ساياحات ارناۋلى پويەزى جولىن اشۋعا كومەكتەسىپ، شىعىس شينجياڭنان التاي ايماعىنا توتە جەتەتىن ساياحات لەنياسىنداعى بوستىقتى تولتىرىپ، ”جيلين-التاي“ ءنومىرلى شينجياڭعا كومەكتەسۋ ساياحات ارناۋلى پويەزى قاتىناپ، جيلين ولكەسىنىڭ ىندەتكە توتەپ بەرۋ ەمدەۋ قىزمەتكەرلەرىن ۇشاق مايلاپ التايعا ساياحاتتاۋعا ۇيىمداستىردى.

  كەلەسى قادامداعى قىزمەتتەر جونىندە حيلۇڭجياڭ ولكەسىنەن جانە جيلين ولكەسىنەن شينجياڭعا كومەككە كەلگەن كادرلار ءبىر اۋىزدان بىلاي دەدى: بولاشاقتىق شارانى كوزدە ۇستاپ، كاسىپ جاعىندا شينجياڭعا كومەكتەسۋدە جاڭا بەت-بەينە جاراتىپ، حالىق تۇرمىسى جاعىندا شينجياڭعا كومەكتەسۋدە تىڭ ىلگەرىلەۋشىلىكتەردى قولعا كەلتىرىپ، وقۋ-اعارتۋ، دەنساۋلىق ساقتاۋ جاعىندا شينجياڭعا كومەكتەسۋدە تىڭ قامال الىپ، ارالاسۋ، ىشتەسۋ، توعىسۋدا تىڭ سەلبەستىك جاساپ، شينجياڭ قوعامىنىڭ ورنىقتىلىعى جانە باياندى تىنىشتىعىنا ۇلەس قوسامىز.

جاۋاپتى رەداكتور: ءاننا اكىمقان قىزى