دارىندىلار ومىرشەڭدىك كۇشىمەن تيانشاندى نارلەندىردى

 انار بۇلت / شينجياڭ گازەتىنىڭ ءتىلشىسى جاڭ يانفاڭ

  جاڭا كەزەكتى شينجياڭعا باعىتتامالى كومەكتەسۋ قىزمەتى باستالعاننان بەرى بۇكىل ەلدەگى شينجياڭعا كومەكتەسەتىن 19 ولكە، قالا، ورتالىق جانە مەملەكەت ورگاندارى، ورتالىق كاسىپورىندارى پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، توپ - توپ كادرلار، دارىندىلار الىستان ات ارىتا جەتىپ، اۋەلگى ماقساتتى، بورىشتى ەستە بەرىك ساقتاپ، ”3000 شاقىرىم ورمانمەن كومكەرىپ الابىن، كوكتەم سامالى جەلپىپ ءوتتى يۇيمىن قامالىن“ دەيتىن اسىل ارمان، اسقاق جىگەرمەن جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، شينجياڭ سىندى وسى ىرىستى مەكەندە ماڭداي تەرلەرىن اعىزىپ، اقىل - پاراساتتارى مەن كۇش - قۋاتتارىن ارناپ، شينجياڭنىڭ كادرلارىنىڭ، دارىندىلارىنىڭ يدەيانى ازات ەتۋىن، كوزقاراستى جاڭالاۋىن، ساپاسىن ءوسىرۋىن ىلگەرىلەتىپ، ”ماڭگىلىك“ قوسىنىن سومدادى. دارىندىلار ومىرشەڭدىك كۇشىمەن تيانشاندى نارلەندىرىپ، شينجياڭنىڭ بايتاق دالاسى شىت جاڭا بەينەگە ەندى.

  دارىندى ەنگىزىپ، دارىندى تاربيەلەپ، تاپجىلماس قوسىن باۋلىدى

  بۇگىندەرى سانجى حۇيزۋ اۆتونوميالى وبلىستىق اۋىل شارۋاشىلىعى، اۋىل - قىستاق مەكەمەسى اۋىل شارۋاشىلىق ونىمدەرىنىڭ ساپا حاۋىپسىزدىگى ورتالىعىندا قىزمەت ىستەيتىن فۋجياننان شينجياڭعا كومەككە كەلگەن كادر جۋ جينحۇڭ ىلعي دا اتىز - ارىق باسىندا زىر جۇگىرىپ، سانجى وبلىسىنداعى اۋدان، قالالاردىڭ اۋىل شارۋاشىلىق ونىمدەرىن تەكسەرۋ - ولشەۋ قىزمەتىنە باقىلاۋ - تەكسەرۋ، تەكسەرۋ - زەرتتەۋ جۇرگىزىپ، جاسىل اۋىل شارۋاشىلىعىنا قورعاۋشى بولۋدا.

  بۇل جۋ جينحۇڭنىڭ 3 - رەت ۇندەۋگە ءۇن قوسىپ، سانجى وبلىسىنا كەلىپ اقىل - پاراسات جاعىنان شينجياڭعا كومەكتەسۋ قىزمەتىن ورىستەتۋى. شينجياڭعا كومەكتەسۋ كەزىندە جۋ جينحۇڭ بورىشىن اقتادى، ول 3 شاكىرت باۋلىپ، ءوزىنىڭ توپىراق ۇلگىسىنە تالداۋ جاساۋ، توپىراق ولشەپ رەتسەپ بويىنشا تىڭايتقىش بەرۋ تەحنيكاسى سياقتى جاقتارداعى ەرەكشە ونەرىن ولارعا دەن قويا ۇيرەتتى. سونىمەن بىرگە باۋلۋ وقىتۋ ماتەريالدارىن ءوزى قۇراستىرىپ، ەگىنشىلەردىڭ تىڭايتقىشتان عىلمي پايدالانۋىنا، بەتتىك لاستاۋىن ازايتۋىنا جەتەكشىلىك ەتىپ، اۋىل شارۋاشىلىق ونىمدەرىنىڭ ءونىم مولشەرى مەن ساپاسىن جوعارىلاتتى ءارى ءوزىنىڭ كاسىپتىك ارتىقشىلىعىنان پايدالانىپ، فۋجيان ولكەسى نانپيڭ قالاسىنىڭ قالا گۇلى − ءلالا گۇلىن موريعا اكەلىپ ەكتى. بۇگىنگى تاڭدا، اۋداندا ءتىپتى دە كوپ ەگىنشىلەر ءلالا گۇل ەگىمشىلىگى تەحنيكاسىن ۇيرەنىپ، بايۋ جولىمەن ءجۇردى.

  جوعارى ساپالى دامۋ جوعارى ساپالى شەبەرلىك دارىندىلارىنان قول ۇزە المايدى. شينجياڭعا باعىتتامالى كومەكتەسۋ قىزمەتىندە شينجياڭعا باعىتتامالى كومەكتەسەتىن ءارقايسى ولكە، قالالار جەرگىلىكتى دارىندىلاردى باۋلۋدى ورنىقتىلىقتىڭ، دامۋدىڭ ىشكى قوزعاۋشى كۇشىن جانە ”قان جاساۋ“ يقۋاتىن كۇشەيتۋدىڭ ماڭىزدى تۇتقاسى ەتۋگە تاباندى بولدى. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، ءبىر ميلليارد 503 ميلليون يۋان قاراجات ءبولىنىپ، كادرلار، دارىندىلار جاعىنان شينجياڭعا كومەكتەسۋ نىسانىنان 310نان استامىن اتقاردى. ”ەنگىزۋ“ مەن ”شىعارۋدى“ ءوزارا ۇشتاستىرۋ ءتاسىلىن قولدانىپ، شينجياڭنىڭ ءىشى - سىرتىندا ءتۇرلى كادرلاردان، دارىندىلاردان 285 مىڭ 300 ادام - رەت باۋلىپ، جەرگىلىكتى كادرلاردان، دارىندىلاردان 11 مىڭ 500 ادامدى كومەكتەسىپ جەتەكتەپ، دەڭگەيىن كوتەرىپ، جەرگىلىكتى ورىنداردىڭ تەحنيكا اقتاڭداعىن تولتىردى نەمەسە تەحنيكادا جاڭالىق اشۋ بويىنشا 270 نەشە نىسان ورىستەتتى. وسىمەن بىرگە دارىندىلاردى ەنگىزۋ تاسىلىندە جاڭالىق اشىپ، شۇعىل قاجەتتى، تاپشى دارىندىدان 3880 نەشە ادامدى يكەمدى ەنگىزىپ، كومەك العان جەرلەردىڭ دارىندى تاپشى بولۋداعى قيىن ماسەلەسىن ءونىمدى شەشتى.

  توپ - توپ شينجياڭعا كومەكتەسۋشى كادرلار، دارىندىلار ۇيرەتۋ، كومەكتەسۋ، جەتەكتەۋ رولىن ساۋلەلەندىرىپ، كومەك العان جەرلەردىڭ دارىندىلار قوسىنىن كۇشەيتىپ، ءبىر توپ ”تاماشا وركەن“ باۋلىپ، شينجياڭنىڭ جوعارى ساپالى دامۋىنا دارىندىلار قامتاماسىزدىعىن جانە اقىل - پاراسات قولداۋىن ازىرلەدى.

  ۇيىرمە قۇراۋ ۇلگىسىندە شينجياڭعا كومەكتەسۋدى تەرەڭدەتىپ، جالپىلىق ونىمدىلىكتى ۇزدىكسىز كورنەكتىلەندىردى

  ”قازىر دەنساۋلىعىمنىڭ قالپىنا كەلۋى وتە جاقسى، شينجياڭعا كومەكتەسۋشى اعايلاردىڭ، اپايلاردىڭ مەنىڭ ەمدەلۋىمە كومەك كورسەتكەندىگىنە العىس ايتامىن“، - دەدى 7 جاستاعى قىرعىز قىز تارا (جاناما اتى) قۋانا.

  ءبىر جىلدىڭ الدىندا تارا ازىراق قيمىلداپ قالسا بولدى جۇرەلەي وتىرا قالىپ دەمالاتىن، باسقا بالدىرعاندارداي شاتتانا اسىر سالىپ ويناي المايتىن، قىزىلسۋ قىرعىز اۆتونوميالى وبلىستىق حالىق شيپاحاناسى ”جياڭسۋ ەمدەۋ ۇلكەن بازارىنىڭ“ اۋىلعا بارىپ، تەگىن ەمدەۋ قيمىلى بارىسىندا تارانىڭ قالىپسىزدىعىن بايقايدى، تەكسەرۋ ارقىلى وعان تۋما جۇرەك اۋرۋى ارتەريا تۇتىكشەسى جابىلماي قالعان دەگەن دياگنوز قويىلادى.

  قىزىلسۋ وبلىسىندا تۋما جۇرەك اۋرۋىنىڭ، شەلدىڭ كوپ تۋىلۋىنداي ءىس جۇزىندىك جاعدايعا باعىتتاي وتىرىپ، بىلتىر 5 - ايدا جياڭسۋدىڭ قىزىلسۋعا كومەكتەسۋ ۇيىرمە قۇراۋ ۇلگىسىندە ەمدەۋ اترەتى ”جۇرەكتى جانداندىرىپ، كوزدى جارىقتاندىرۋ“ ينجەنەرياسىن (جۇرەكتى نارلەندىرۋ جوسپارى + كوزدى جايناتۋ جوسپارى) جاسامپازدىقپەن اتقاردى، تارا ”زەردەلى ەمدەۋ“ + ”جۇرەكتى جانداندىرىپ، كوزدى جارىقتاندىرۋ“ ينجەنەرياسى بويىنشا كيلىگىپ جابۋ وپەراتسياسى جاسالعان ءبىرىنشى ناۋقاس بولدى، شينجياڭعا كومەكتەسۋشى شيپاگەرلەر جياڭسۋدىڭ جۇرەك - قان تامىر اۋرۋلارى ماماندارىمەن قاشىقتان بايلانىس ورناتۋ ارقىلى تارانىڭ ”تۋما جۇرەك اۋرۋى ارتەريا تۇتىكشەسىن“ ءساتتى جاپتى. كەزەكتە ”جۇرەكتى جانداندىرىپ، كوزدى جارىقتاندىرۋ“ ينجەنەرياسى بويىنشا 600 نەشە جۇرەك اۋرۋى ناۋقاسىن، شەل ناۋقاسىن تەگىن قۇتقارىپ ەمدەدى.

      3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، شينجياڭعا كومەكتەسۋشى ەمدەۋ ۇيىرمەسى جالپى 41 مىڭ ناۋقاسقا دياگىنوز قويدى - ەمدەدى، 10 مىڭعا تاياۋ وپەراتسيا جاسادى، جاڭا تەحنيكا، جاڭا نىساننان 120 نەشەسىن ورىستەتتى، جەرگىلىكتى ورىنداعى دارىندىدان 470 نەشە ادامدى كومەكتەسىپ، جەتەكتەپ، دەڭگەيىن كوتەردى، كومەك العان شيپاحانالاردىڭ دياگنوز قويۋ - ەمدەۋ قابىلەتى مەن باسقارۋ دەڭگەيىن ءۇرتىس جوعارىلاتۋىنا دەم بەرىپ، ”ۇيىرمە قۇراۋ ۇلگىسىندە“ ەمدەۋ جاعىنان شينجياڭعا كومەكتەسۋ تاجىريبە ۇلگىسى اناعۇرلىم كەمەلدەنىپ، دامۋ مازمۇنى كۇن سايىن بايىپ، جالپىلىق ونىمدىلىگى بارعان سايىن كورنەكتىلەندى.

  وقۋ - اعارتۋ − جۇرت تىلەگىن ۇيىستىرىپ، ىنتىماقتى جەبەيتىن حالىق تۇرمىسى ينجەنەرياسى. اقتاۋ اۋدانى شۋەسۇڭ ورتا مەكتەبىنىڭ ”جياڭشي كلاسى“ مەن نانچاڭ ليانتاڭ 1 - ورتا مەكتەبىنىڭ شينجياڭ تولىق ورتا كلاسى ۇستاز - شاكىرت جۇپ قۇراۋ جانە ”تاپسىرىس ۇلگىسىمەن“ وقۋ - اعارتۋدى اۋىلعا جەتكىزۋ سياقتى ۇيرەتۋ، كومەكتەسۋ، جەتەكتەۋدىڭ ءونىمدى ءادىسى ارقىلى العاباسار وقىتۋ ۇستانىمىن، باسقارۋ ۇلگىسىن توعىستىرىپ، جياڭشي ولكەسىنىڭ ”ۇيىرمە قۇراۋ ۇلگىسىندە“ وقۋ - اعارتۋ ارقىلى شينجياڭعا كومەكتەسۋىندە مول جەتىستىككە قول جەتكىزىپ، قالىڭ وقىتۋشى - وقۋشىلارعا يگىلىگىن كورسەتتى؛ حۋبەي ولكەسى ”9 + 2“ بۇراتالا كاسىپتىك - تەحنيكا شۋەيۋانىنا ”ۇيىرمە قۇراۋ ۇلگىسىندەگى“ كومەكتەسۋ - سۇيەمەلدەۋ جۇيەسىن ورناتىپ، مينيسترلىككە قاراستى، ولكەگە قاراستى 2 جوعارى مەكتەپپەن سايكەسىپ، وسى شۋەيۋاننىڭ ماركسيزم شۋەيۋانىنا، وقۋ - اعارتۋ شۋەيۋانىنا، دەنساۋلىق ساقتاۋ، سالاماتتىق شۋەيۋانىنا ءتۇيىندى تۇردە باعىتتامالى كومەكتەسىپ سۇيەمەلدەدى، مەملەكەتتىك ۇلگى كورسەتۋ سيپاتىنداعى 9 جوعارى دارەجەلى كاسىپتىك مەكتەپ وسى شۋەيۋاننىڭ 7 ەكىنشى دارەجەلى شۋەيۋانىنا باعىتتامالى كومەكتەسىپ سۇيەمەلدەپ، وقىتۋ جۇرگىزۋ دەڭگەيىن ءونىمدى جوعارىلاتتى.

  شينجياڭعا كومەكتەسۋ بارىسىندا ورتالىق پەن مەملەكەت ورگاندارى شينجياڭعا كومەكتەسەتىن كادرلاردىڭ، دارىندىلاردىڭ كاسىپتىك ارتىقشىلىعىن ساۋلەلەندىرۋگە دەن قويىپ، شەكارا وتكەلى ەكونوميكاسى ”شاعىن ۇيىرمەسى بويىنشا“ شينجياڭعا كومەكتەسۋ قىزمەتىن ورىستەتۋ جونىندە ىزدەنىس جاساپ، قورعاس ەكونوميكالىق اشۋ رايونى مەن الاتاۋ ساعاسى شەكارا وتكەلىن سەرپىلىس ءتۇيىنى ەتىپ، سىرتقى ىستەر مينيسترلىگى، دامۋ جانە رەفورما كوميتەتى، ساۋدا مينيسترلىگى سياقتى مينيسترلىك - كوميتەتتەردىڭ شينجياڭعا كومەكتەسەتىن 13 كادرىنان ”شاعىن ۇيىرمە“ ۇجىمىن ۇيىمداستىرىپ، مەملەكەتتىڭ قاتىستى مينيسترلىك - كوميتەتتەرىمەن بەلسەنە ءتۇيىلىستىرىپ، ىشكەرىلەي تەكسەرۋ - زەرتتەۋ جۇرگىزىپ، شارا قولدانىپ، شەكارا وتكەلى ەكونوميكاسىنىڭ ”وتكەل ەكونوميكاسىنان“ ”كاسىپ سالاسى ەكونوميكاسىنا“ قاراي بۇرىلىس جاساۋىن جەبەۋگە قولداۋ كورسەتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن پارمەندى ىلگەرىلەتتى.

  نەگىزگى ساتىعا كەڭەيتىپ، باياندى تىنىشتىقتىڭ نەگىزىن بەكەمدەدى

  10 - توپتاعى ولكە، قالالاردىڭ شينجياڭعا كومەكتەسەتىن كادر - دارىندىلارىن تاڭداپ جىبەرۋ كەزىندە العاش رەت قاشقاردىڭ، حوتاننىڭ ءىشىنارا اۋىل - قالاشىقتارىنا، سونداي - اق بيڭتۋاننىڭ 3 - شىسىنىڭ، 14 - شىسىنىڭ تۋان الاڭدارىنا شينجياڭعا كومەكتەسەتىن كادر جىبەرىلدى. ولار كەڭ - بايتاق اۋىل - قىستاقتا بەلسەنە ارەكەت جاساپ، نەگىزگى ساتى بۇقاراسىنا قىزمەت وتەۋدىڭ ءبىرىنشى شەبىنە اتتاندى.

  بىلتىر كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتەتىن جىل، كەدەي وتباسىلاردىڭ ۇيلەرىنىڭ جانىندا جۇمىستانۋىنا كومەكتەسۋ ءۇشىن، تيانجيننىڭ شينجياڭعا كومەكتەسەتىن كەريا قىزمەت گرۋپپاسى كوپ جاقتا تەكسەرۋ - زەرتتەۋ جۇرگىزىپ، قىزمەت تەكسەرىپ، ”قۇربان كەدەيلەردى سۇيەمەلدەۋ شەبەرحاناسىنىڭ“ قۇرىلىسىن ىسكە قوسۋدى ۇيعاردى. تيانجين قالاسىنىڭ شينجياڭعا كومەكتەسەتىن كادرى، كەريا اۋدانى ارال اۋىلىنىڭ ورىنباسار اۋىل باستىعى ياڭ ي ورىن ىزدەۋدەن جەلپۋىش وندىرەتىن شيكىزاتتى تۇراقتاندىرۋعا دەيىن، ودان قىستاقتاعى ايەلدەردى جۇمىسقا قابىلداۋعا دەيىن، ءبىر - بىردەن شىن جۇرەكپەن، شىن پەيىلمەن ىلگەرىلەتتى، قاجىماي - تالماي قۇلشىنۋدىڭ ارقاسىندا، ”قۇربان كەدەيلەردى سۇيەمەلدەۋ شەبەرحاناسى“ سالىنىپ قانا قالماستان، تاعى 27 قىستاققا دەيىن كەڭەيىپ، 8 ۇلكەن تۇردەگى جەلىلەس 40تان استام ءونىم شىعارىپ، 500دەن استام ادامنىڭ جۇمىستانۋىن شەشتى.

  دامۋ − شينجياڭنىڭ باياندى تىنىشتىعىنىڭ ماڭىزدى نەگىزى. اۋىل - قالاشىقتاعى شينجياڭعا كومەكتەسەتىن كادرلار باسىمدىقتارىن، ارتىقشىلىقتارىن تولىق ساۋلەلەندىرىپ، ىنتا - ىقىلاس كەرنەگەن ىرىقتىلىقپەن قىزمەتتى جوسپارلاۋدىڭ اقىلشىسى، دامۋدى ىلگەرىلەتۋدىڭ قىزمەتكەرى، كەدەيلىكتەن ارىلتۋعا دەم بەرۋدىڭ مايدانگەرى، جۇپ قۇراپ كومەكتەسىپ سۇيەمەلدەۋدىڭ بايلانىسشىسى بولىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى ساۋداگەر شاقىرىپ، قارجى ەنگىزۋ بويىنشا 80 نىساندى سايكەستىرىپ، 2 ميلليارد 21 ميلليون يۋان قارجى ەنگىزىپ، اسا قۇنتتى ەڭبەك ارقىلى اۋىل - قىستاقتى گۇلدەندىرۋگە ومىرشەڭ كۇش قوستى. بۇل عانا ەمەس، شينجياڭعا كومەكتەسەتىن ءارقايسى ولكە - قالالار نىسان قارجىسىنىڭ اۋىل - قىستاقتىڭ ءبىرىنشى شەبىنە بەيىمدەلۋىن بەلسەنە ىلگەرىلەتىپ، ءبىر ميلليارد 235 ميلليون يۋان قارجىمەن كومەك العان جەردىڭ نەگىزگى ساتى نەگىزدىك قۇرىلىستارىنا قولداۋ كورسەتىپ، نەگىزگى ساتىنىڭ جاۋىنگەرلىك قورعانىن كۇشەيتۋگە بەرىك نەگىز قالادى.

  تاۋ زاڭعار بيىك، وزەن الىسقا اعادى، شىنايى سۇيىسپەنشىلىك ماڭگىلىك. شينجياڭعا كومەكتەسەتىن كادرلاردىڭ قاجىرلى ەڭبەگىن شينجياڭداعى ءار ۇلت حالقى كوكەيىندە ساقتايدى. جاڭا ساپاردا شينجياڭداعى ءار ۇلت كادر - بۇقاراسى شينجياڭعا كومەكتەسەتىن كادرلارمەن بىرگە ءبىر نيەتپەن كۇرەس جاساپ، كورىكتى شينجياڭدى قۇرىپ، وتان ارمانىن بىرگە جۇزەگە اسىرادى.

جاۋاپتى رەداكتور: ءاننا اكىمقان قىزى