باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىن ىشكەرىلەي ۇيرەنىپ، دايەكتىلەندىرىپ، ۇيرەنۋ جەتىستىكتەرىن ورنىقتىلىق، دامۋ قىزمەتتەرىن ويداعىداي ىستەۋدەگى ءىس جۇزىندىك ارەكەتكە اينالدىرۋ كەرەك

چىن چۋانگو قاشقار ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

  7 - ايدىڭ 14 - كۇنىنەن 15 - كۇنىنە دەيىن اۆتونوميالى رايوندىق پارتكومنىڭ شۋجيى چىن چۋانگو قاشقار ايماعىندا تەكسەرۋ - زەرتتەۋ جۇرگىزدى. سۋرەتتە: 7 - ايدىڭ 14 - كۇنى چىن چۋانگو قاشقار كوكونىس كاسىپ سالاسى باقشاسىنا كەلىپ، باقشا رايونىن جوبالاپ سالۋ، جۇمىستاندىرىپ كىرىستى ارتتىرۋعا جەتەكتەۋ سياقتى احۋالداردى ەگجەي - تەگجەيلى ۇعىستى. سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن

  انار بۇلت / شينجياڭ گازەتىنىڭ ءتىلشىسى ياۋ تۇڭ 7 - ايدىڭ 15 - كۇنى قاشقاردان حابارلايدى. 7 - ايدىڭ 14 - كۇنىنەن 15 - كۇنىنە دەيىن اۆتونوميالى رايوندىق پارتكومنىڭ شۋجيى چىن چۋانگو قاشقار ايماعىنا بارىپ تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، اۋەلگى ماقساتتى، بورىشتى ەستە بەرىك ساقتاپ، مۇرات - سەنىمدى بەكەمدەپ، پارتيانىڭ باس ماقساتىن امالياتتا ايگىلەپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، ”14 - بەسجىلدىقتىڭ“ جاقسى باستاما اشۋىنا، جاقسى قادام تاستاۋىنا شىنايى كەپىلدىك ەتۋ كەرەك.

  چىن چۋانگو ىلگەرىندى - كەيىندى كونەءشار اۋدانىنداعى توقىماشىلىق، كيىم - كەشەك كاسىپ سالاسى شارىنە، قاشقار كوكونىس كاسىپ سالاسى باقشاسىنا، قاشقار ءدامدى نان مادەنيەت باقشاسىنا كەلىپ، كاسىپورىن جاۋاپتىلارىمەن، ءار ۇلت قىزمەتكەرلەرىمەن جانە بۇقارامەن ىقىلاسپەن اڭگىمەلەسىپ، ءوندىرىس جانە شارۋاشىلىق، جۇمىستاندىرۋدى جەتەكتەۋ، كىرىستى ارتتىرۋدى جەبەۋ سياقتى جاعدايلاردى ۇعىستى. چىن چۋانگو بىلاي دەپ باسا دارىپتەدى: ەرەكشە، باسىمدىققا يە كاسىپ سالالارىن جەتىلدىرىپ، زورايتىپ، ەڭبەك شوعىرلانعان كاسىپ سالالارىن زور كۇشپەن دامىتىپ، اناعۇرلىم كوپ بۇقارانى سول جەردە، جاقىن ماڭدا جۇمىستانۋعا، كىرىستەرىن ۇزدىكسىز ورنىقتى ارتتىرۋعا جەتەكتەپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل - قىستاقتىڭ گۇلدەنۋىن جەبەۋ كەرەك.

  قاشقار ەكونوميكالىق اشۋ رايونىنىڭ كەشەندى باجىسىز اۋماعى مەن يوپۇرعا ونەركاسىپ باقشا رايونىندا چىن چۋانگو باقشا رايونىن جوبالاپ سالۋ، جۇمىس جۇرگىزۋدى باسقارۋ، ساۋداگەر شاقىرىپ، قارجى ەنگىزۋ جانە كاسىپورىنداردىڭ ءوندىرىس جۇرگىزىپ، تيجاراتپەن شۇعىلدانۋى، ونىمدەردى زەرتتەۋ - اشۋ سياقتى جاعدايلارىن ەگجەي - تەگجەيلى ۇعىستى. ول بىلاي دەپ اتاپ كورسەتتى: ”ءبىر بەلدەۋ، ءبىر جولدى“ بىرگە قۇرۋ ورايىن يگەرىپ، مەملەكەتتىڭ تيىمدىلىك ساياساتىنان ويداعىداي پايدالانىپ، وڭىرلىك ورىن باسىمدىعىن تولىق ساۋلەلەندىرىپ، ساۋداگەر شاقىرىپ، قارجى ەنگىزۋ سەرپىنىن ارتتىرىپ، جۇمىس جۇرگىزۋدى باسقارۋ ورەسىن جوعارىلاتىپ، قىزمەت وتەۋدى قامتاماسىز ەتۋدى شىن ىقىلاسپەن ويداعىداي ىستەپ، اسەر ەتۋ، جەتەكتەۋ قۋاتىن ارتتىرىپ، نىسانداردىڭ تياناقتانۋىن جەدەل ىلگەرىلەتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىنا اناعۇرلىم ويداعىداي قىزمەت وتەۋ كەرەك. چىن چۋانگو كاسىپورىنداردى ءوز كۇشىنە سۇيەنىپ جاڭالىق اشۋدى كۇشەيتىپ، ساپالىلاندىرۋعا، زورايتۋعا قۇلشىنىپ، شينجياڭ ەكونوميكاسىنىڭ جوعارى ساپالى دامۋىنا بەلسەنە ۇلەس قوسۋعا جىگەرلەندىردى.

  چىن چۋانگو جاڭاءشار اۋدانى بارىن اۋىلىنىڭ يوقارقىبارىن قىستاعى تۇرعىندار كوميتەتىنە كىرىپ، پارتيا تاريحىن ۇيرەنۋ تاربيەسى، نەگىزگى ساتى شەپ قۇرىلىسى، بۇقاراعا قىزمەت وتەۋ سياقتى جاعدايلاردى ۇعىستى. ول بىلاي دەپ باسا دارىپتەدى: باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ويداعىداي ۇيرەنىپ، ۇگىتتەپ، دايەكتىلەندىرىپ، پارتيا تاريحىن ۇيرەنۋ تاربيەسىن ۇزدىكسىز تەرەڭدەتىپ، ”ءتورت تاريح“ ۇگىت تاربيەسىن كەڭ كولەمدە ورىستەتىپ، حالىق تۇرمىسىنداعى ناقتى ىستەردى، جاقسى ىستەردى كوڭىل قويا، سۇيىسپەنشىلىكپەن، كۇش سالا ىستەۋ كەرەك. قىستاقتىڭ بالاباقشاسىندا، چىن چۋانگو بالالاردىڭ ۇيرەنۋ، اس - سۋ جانە وقىتۋشىلاردىڭ ەڭبەكاقى مامىلەسى جاعدايلارىن كوڭىل قويا سۇراستىرىپ، مۇعالىمداردى بالالاردى ايالاپ، جۇمىس ورنىن قادىرلەپ، جۇڭگوشا سوتسياليزمنىڭ قۇرىلىسشىلارى مەن ءىزباسارلارىن قۇلشىنا ويداعىداي تاربيەلەۋگە جىگەرلەندىردى. چىن چۋانگو تاعى شارۋا پارتيا مۇشەسى تۇراجى مامۇتتىڭ ۇيىنە كەلىپ، ءبىر ءۇيلى جانمەن شاعىن اۋلادا شۇيىركەلەسە اڭگىمەلەسىپ، ءوندىرىس جانە تۇرمىس، وتباسى كىرىسى، پەرزەنتتەرىن تاربيەلەۋ سياقتى جاقتارداعى جاعدايلاردى ەگجەي - تەگجەيلى ۇعىسىپ، ولاردى پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە، تۇرمىستارىن شالقىتا تۇسۋگە شابىتتاندىردى.

  چىن چۋانگو تەكسەرۋ - زەرتتەۋ بارىسىندا قاشقار ايماعىنىڭ ءتۇرلى قىزمەتتەردە قول جەتكىزگەن ناتيجەلەرىن تولىق تۇراقتاندىردى. ول بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدەن تاسقىنداعان قۇدىرەتتى قوزعاۋشى كۇشتى جاۋاپكەرشىلىك ارقالاپ، ىسكەرلىك كورسەتۋدەگى، ءىس تىندىرىپ، ناتيجە شىعارۋداعى ءىس جۇزىندىك ارەكەتكە اينالدىرىپ، ورنىقتىلىق، دامۋ قىزمەتتەرىنىڭ تىڭ ساتىعا كوتەرىلۋىن ىلگەرىلەتۋ كەرەك. پارتيا تاريحىن ۇيرەنۋ تاربيەسىن تىڭعىلىقتى تۇردە ىشكەرىلەي ورىستەتىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى پارتيا تاريحىن ۇيرەنۋ تاربيەسىنىڭ وزەكتى مازمۇنى ەتىپ، پارتيا تاريحىن ۇيرەنۋ تاربيەسىنىڭ مازمۇنىن ونان ارى بايىتىپ، كەڭەيتىپ، پارتيا تاريحىن ۇيرەنۋ تاربيەسىنىڭ ىشكەرىلەۋىن، ناقتىلانۋىن ىلگەرىلەتۋ كەرەك. جوعارى ساپالى دامۋدى كۇش سالا ىلگەرىلەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، قامداۋ جاعىنداعى قۇرىلىمدىق رەفورمانى ۇزدىكسىز تەرەڭدەتىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، 1 - ، 2 - ، 3 - كاسىپتەردىڭ توعىسا دامۋىن جەبەۋ كەرەك. اۋىل - قىستاقتى گۇلدەندىرۋدى جاپپاي ىلگەرىلەتىپ، ”ءتورتتى توقتاتپاۋدى“ تياناقتاندىرىپ، قايتا كەدەيلەسۋدەن ساقتانۋدى قاداعالاۋ جانە كومەكتەسۋ - سۇيەمەلدەۋ ءتۇزىم مەحانيزمىن اقاۋسىزداندىرىپ، كەمەلدەندىرىپ، اۋىل - قىستاق قۇرىلىسى ارەكەتىن اتقارىپ، اۋىل - قىستاقتىڭ قونىس ورتاسىن جاقسارتىپ، شارۋالاردىڭ ساپاسىن جوعارىلاتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتۋ كەرەك. حالىق تۇرمىسىن زور كۇشپەن قامتاماسىزداندىرىپ، جاقسارتىپ، حالىقتى وزەك ەتكەن دامۋ يدەياسىنا تاباندى بولىپ، جۇمىستاندىرۋ، وقۋ - اعارتۋ، ەمدەۋ، قوعامدىق قامتاماسىزداندىرۋ سياقتىلاردى ماڭىزدى ءتۇيىن ەتكەن حالىققا تيىمدىلىك جەتكىزۋ ينجەنەرياسىن ۇزدىكسىز ىلگەرىلەتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. ەسىك اشۋدى بۇلجىماستان كەڭەيتىپ، سىرتقا ەسىك اشۋ دانەكەرىن بايىتىپ، سىرتقا ەسىك اشۋ دەڭگەيىن كوتەرىپ، اشىق ەكونوميكالىق تۇزىلىستە جاڭالىق اشىپ، ىشكى قۇرلىقتىق ەسىك اشۋ مەن شەكارالىق ەسىك اشۋدىڭ بيىگىن تۇلعالاۋ كەرەك. ۇلتتار ىنتىماعىن بەكەمدەپ، كۇشەيتىپ، ۇلتتار ىنتىماعى، العاباسارلىعى جاعىندا وزات ورىن قۇرۋدى تەرەڭدەتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتىپ، جۇڭحۋا ۇلتى ورتاق تۇلعا تانىمىن بەرىك ورناتۋ كەرەك. ءتۇيىندى قىزمەتتەردى ءبىر تۇتاس جوسپارلاپ ىلگەرىلەتىپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى قىزمەتتەرىن تىڭعىلىقتى تۇردە ويداعىداي ىستەپ، ەكونوميكانىڭ، قوعامنىڭ جوعارى ساپالى دامۋىنا تاماشا ورتا ازىرلەۋ كەرەك.

  اۆتونوميالى رايون باسشىلارىنان لي نيڭپيڭ، ماڭلىك سەيىت قاتارلىلار بىرگە تەكسەرۋ - زەرتتەۋ جۇرگىزدى.

جاۋاپتى رەداكتور: ءاننا اكىمقان قىزى