بىلەگى اۆتوكولىكتىڭ ماي ناسوسىنا قىسىلعان ادامدى قۇتقاردى

  7-ايدىڭ 12-كۇنى ساعات 21 دەن 45 مينۋت وتكەندە، بۋرىلتوعاي اۋداندىق ٴورت ٴسوندىرۋ-ورتتەن ساقتانۋ، قۇتقارۋ-كومەكتەسۋ ۇلكەن اترەتى ٴبىر ەر ادامنىڭ بايقاۋسىزدا بىلەگىن اۆتوكولىكتىڭ ماي ناسوسىنا قىستىرىپ الىپ كومەك سۇراعان تەلەفونىن قابىلدايدى. ۇعىسۋعا قاراعاندا، زاقىمدالۋشىنىڭ بىلەگى ءىسىپ كەتكەندىكتەن شيپاحاناعا بارعاندا، شيپاگەرلەر شىعارا الماي، اقىرى ٴورت ٴسوندىرۋ-ورتتەن ساقتانۋ، قۇتقارۋ ـ كومەكتەسۋ ۇلكەن اترەتىنەن كومەك سۇراعان، ولار دەرەۋ ناق مايدانعا بارىپ كومەكتەستى.

  ٴورت ٴسوندىرۋ-ورتتەن ساقتانۋ، قۇتقارۋ-كومەكتەسۋ ۇلكەن اترەتىنىڭ كوماندير-جاۋىنگەرلەرى ناق مايدانعا بارعاننان كەيىن، بۇل ازاماتتىڭ اۆتوكولىك جوندەپ جاتقاندا، ابايسىزدا بىلەگىن ماي ناسوسىنا كىرگىزىپ العانىن ۇعىسادى. قۇتقارۋ قىزمەتكەرلەرى دەرەۋ كيىم-كەشەكتەرىن جارالانۋشىنىڭ بىلەگىنە قويىپ، قول ارامەن بىلەگىن قىسقان تەمىردى كەسىپ، ونان سوڭ، ەلەكترلى كەڭەيتكىشپەن تەمىردىڭ كەسىلگەن اۋزىن كەڭەيتىپ، جارىم ساعات ىشىندە بىلەگىن قىسقان تەمىردى ءساتتى الىپ تاستادى.

  التاي ٴورت ٴسوندىرۋ-ورتتەن ساقتانۋ، قۇتقارۋ-كومەكتەسۋ ۇلكەن اترەتى مىنانى ەسكەرتەدى: مەحانيكالىق جابدىقتاردى ىستەتكەندە، ٴسوز جوق، جۇيەلى جۇمىس ٴتارتىبى بويىنشا جۇمىس جۇرگىزۋ، لايىقتى ارالىق ساقتاۋ، سونداي-اق، زەيىن-زەردەنى جۇمىسقا شوعىرلاندىرۋ، الدا ـ جالدا وسىنداي قاتەرلى جاعدايلار تۋىلا قالسا، دەر-كەزىندە ٴورت ٴسوندىرۋ-ورتتەن ساقتانۋ، قۇتقارۋ-كومەكتەسۋ تاراۋلارىنان كومەك سۇراۋ كەرەك.

  اۋدارعان: ءاننا اكىمقان قىزى

  كەلۋ قاينارى: التاي ٴورت ٴسوندىرۋ-ورتتەن ساقتانۋ، قۇتقارۋ ـ كومەكتەسۋ ۇلكەن اترەتى

جاۋاپتى رەداكتور: ءاننا اكىمقان قىزى