ءۇرىمجى-قاناس ارالىعىنا كۇنىنە 4 كەزەك ۇشاق قاتىنايدى

  ءوز ٴتىلشىمىز دۇڭ شىجۇي حابارلايدى. 7-ايدىڭ 14-كۇنى، ءتىلشىنىڭ وڭتۇستىك اۆياتسيا سەرىكتەستىگىنىڭ شينجياڭ بولىمشە سەرىكتەستىگىنەن ۇعىسۋىنشا، 7-ايدىڭ25-كۇنىنەن9-ايدىڭ 30-كۇنىنە دەيىن، ٴۇرىمجى ـ قاناس ارالىعىنا ٴار كۇنى 4 كەزەك ۇشاق قاتىناپ، بۇقارانىڭ، ساياحاتشىلاردىڭ ٴجۇرىس ـ تۇرىس قاجەتىن قاناعاتتاندىرادى.

  كەزەكشى ۇشاقتىڭ ناقتى قاتىنايتىن ۋاقىتى مىناداي : ۇرىمجىدەن قاناسقا ۇشاتىن كەزەكشى ۇشاقتىڭ شىعاتىن ۋاقىتى : 07:35، 08:25، 15:15، 20:05، قاناستان ۇرىمجىگە ۇشاتىن كەزەكشى ۇشاقتىڭ شىعاتىن ۋاقىتى: 09:40، 10:35، 19:15، 22:15. مۇنىڭ ىشىندە CZ 5189 / 90 ءنومىرلى كەزەكشى ۇشاق ٴۇرىمجى ـ قۇلجا ـ قاناس ـ ٴۇرىمجى قالاسىنىڭ ەرەكشە ساياحات اينالما لەنيالارىندا قاتىنايدى.

  جۇڭگو وڭتۇستىك اۆياتسيا سەرىكتەستىگى التاي ايماعىنىڭ نەگىزگى اۆياتسيا سەرىكتەستىگى رەتىندە التايعا تامىر تارتقان نەشە 10 جىلدا، اۋە جولى تورابىنىڭ باسىمدىعىن تولىق ساۋلەلەندىرىپ، التاي ايماعىنىڭ كوپتەگەن ساياحات اۋە جەلىسىن اشىپ، التاي، قاناس، كوكتوعاي سياقتى سولتۇستىك شينجياڭداعى كوپتەگەن اۋەجايلاردى قامتىدى، سونداي-اق، قاناس ءتۇيىندى ساياحات كورىنىس وڭىرىن نەگىز ەتىپ، اۋە جەلىسىن بىرتىندەپ جيىلەتىپ، ۋاقىتتى ساپالىلاندىرىپ، قاناس اۋەجايىنىڭ اۋە جولى تورابىن ۇزدىكسىز كەمەلدەندىردى جانە كەڭەيتتى.

  وسى رەتكى قاناس اۋە قاتىناسىن جيىلەتۋدىڭ ماقساتى-جولاۋشىلاردى وزىندىك ەرەكشەلىككە يە سولتۇستىك شينجياڭنىڭ ساياحات ونىمدەرىمەن قامداپ، شىعىس بولەكتەگى قالا-سولتۇستىك شينجياڭنىڭ التىن ساياحات جەلىسىن ورناتىپ، اۆياتسيا تاسىمال بازارى مەن سولتۇستىك شينجياڭنىڭ ەرەكشە ساياحات بازارىنىڭ ىشكەرىلەي توعىسۋىن ۇزدىكسىز كەڭەيتىپ، ەكونوميكانىڭ، قوعامنىڭ دامۋى مەن جولاۋشىلاردىڭ سولتۇستىك شينجياڭنىڭ جالپى كورىنىستىك ساياحاتىنا بولعان تەرەڭ سۇرانىسىنا اناعۇرلىم سايكەسىپ، جولاۋشىلاردى قولايلى، ءمان-ماعىنالى ساپار كەشىرمەلەرىمەن قامداپ، سولتۇستىك شينجياڭنىڭ ساياحات مادەنيەتىنىڭ تارالۋىنا دەم بەرۋ“،-دەدى وڭتۇستىك اۆياتسيا سەرىكتەستىگى التاي تيجارات باسقارماسىنىڭ جاۋاپتىسى ۋي.

  اۋدارعان: جانار قاناپيا قىزى

جاۋاپتى رەداكتور: ءاننا اكىمقان قىزى