ونەگە كورسەتىپ، ادام تاربيەلەۋ ءتۇبىرلى مىندەتىن بۇلجىماستان تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋگە دارىندىلار تىرەگىن ازىرلەۋ كەرەك

چىن چۋانگو شينجياڭ مەديتسينا داشۋەسىندە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

ونەگە كورسەتىپ، ادام تاربيەلەۋ ءتۇبىرلى مىندەتىن بۇلجىماستان تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋگە دارىندىلار تىرەگىن ازىرلەۋ كەرەك

  7 - ايدىڭ 14 - كۇنى اۆتونوميالى رايوندىق پارتكومنىڭ شۋجيى چىن چۋانگو شينجياڭ مەديتسينا داشۋەسىندە تەكسەرۋ - زەرتتەۋ جۇرگىزدى. سۋرەتتە: چىن چۋانگو ءۇرىمجى قالاسى حىماچۋان جاڭا رايونىنداعى شينجياڭ مەديتسينا داشۋەسى شۋەليانشان مەكتەپ رايونى كىتاپحاناسىندا مەكتەپتىڭ پارتيا تاريحىن ۇيرەنۋ تاربيەسىن جۇرگىزۋ احۋالىن ۇعىسۋدا. سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 7 - ايدىڭ 14 - كۇنى ۇرىمجىدەن حابارلايدى. 7 - ايدىڭ 14 - كۇنى تۇستەن بۇرىن اۆتونوميالى رايوندىق پارتكومنىڭ شۋجيى چىن چۋانگو شينجياڭ مەديتسينا داشۋەسىندە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، پارتيا ءۇشىن ادام تاربيەلەپ، مەملەكەت ءۇشىن دارىندى تاربيەلەپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ءبىلىم بەرۋ دەڭگەيى مەن ساپاسىن ۇزدىكسىز جوعارىلاتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋگە، شينجياڭ قىزمەتىنىڭ باس نىساناسىن جۇزەگە اسىرۋعا پارمەندى دارىندىلار تىرەگىن ازىرلەۋ كەرەك.

  شينجياڭ مەديتسينا داشۋەسى شۋەليانشان مەكتەپ رايونى ءۇرىمجى قالاسى حىماچۋان جاڭا رايونىنا ورنالاسقان، جوباداعى جەر اۋدانى 2165 مۋ، 2020 - جىلى 6 - ايدا رەسمي پايدالانۋعا بەرىلگەن. مەكتەپ اۋلاسىنىڭ ورتاسى تاماشا، اعاشتارى سايالى، وقىتۋ عيماراتى، تاجىريبەحانا عيماراتى، جاتاق عيماراتى، كىتاپحانا، دەنە تاربيە سارايى سياقتى قۇرىلىستار رەتىمەن ورنالاسقان. چىن چۋانگو مەكتەپ اۋلاسىنا كەلىپ، جالپىلىق تاجىريبە عيماراتىنا، كلينيكالىق وقىتۋ عيماراتىنا، وقىتۋ عيماراتىنا كىرىپ، ءار ۇلت وقىتۋشىلارىمەن ىقىلاستى اڭگىمەلەسىپ، ءپان قۇرىلىسى، ساباق ورنالاستىرۋ، وقىتۋ جۇرگىزۋ، دارىندىلار تاربيەلەۋ سياقتى احۋالداردى ۇعىستى. ول بىلاي دەپ اتاپ كورسەتتى: مەكتەپتىڭ ەرەكشەلىگىمەن تىعىز ۇشتاستىرىپ، پاندەر ورنالاسۋىن ساپالىلاندىرىپ، نەگىزدىك زەرتتەۋدى كۇشەيتىپ، رەفورما جاساۋدى، جاڭالىق اشۋدى تەرەڭدەتىپ، وقىتۋ، عىلمي زەرتتەۋ، ادام تاربيەلەۋ قىزمەتتەرىنىڭ جوعارى دەڭگەيگە كوتەرىلۋىن ىلگەرىلەتۋ كەرەك. ول وقىتۋشىلاردى داڭقتى قاستەرلەپ، ءوزىن قاتاڭ تارتىپكە سالىپ، زەر سالا ىزدەنىپ، وقىتۋ مەن وقۋ ساپاسىن تەڭ ءوسىرىپ، پارتيا مەن حالىق رازى بولاتىن جاقسى وقىتۋشى بولۋعا شابىتتاندىردى.

  مەكتەپ كىتاپحاناسىندا چىن چۋانگو باسقارۋ، قىزمەت وتەۋ جاعدايى جونىندەگى تانىستىرۋدى تىڭداپ، مەكتەپتىڭ پارتيا تاريحىن ۇيرەنۋ تاربيەسىن جۇرگىزۋ جاعدايىن ۇعىستى. ول بىلاي دەدى: ءار ۇلت جاستارىن باس شۋجي شي جينپيڭنىڭ ”1 - شىلدەدەگى“ ماڭىزدى سوزىندە جاستارعا ارتقان ىقىلاستى ءۇمىتىن مۇقيات ۇيرەنىپ، جەكەنىڭ ارمان - مۇراتىن، تالپىنىسىن پارتيا مەن مەملەكەتتىڭ ىستەرىمەن توعىستىرىپ، جۇڭگولىق بولۋ جىگەرىن، جالىنىن، سەنىمىن ۇزدىكسىز كۇشەيتىپ، ءداۋىردىڭ ءۇمىتىن اقتاپ، ەسىل شاقتاردىڭ ءۇمىتىن اقتاپ، پارتيا مەن حالىقتىڭ ىقىلاستى ءۇمىتىن اقتاپ، ءداۋىر بورىشىن باتىلدىقپەن ارقالاپ، ايانباي كۇرەسۋدى ماقسات ەتىپ، وتان قۇرىلىسىنىڭ تىرەكتى دارىندىلارىنان بولۋعا قۇلشىنۋعا تاربيەلەۋ، جەتەكتەۋ كەرەك.

  چىن چۋانگو كورنەكتىلەنگەن زەردەلى كورمە زالىنا بارىپ زەردەلى مەكتەپ اۋلاسى قۇرىلىسى جاعدايىن ۇعىستى، ينفورماتسيا تەحنيكاسىنىڭ وقۋ - وقىتۋمەن توعىسپالى قولدانىلۋىن جەبەپ، ”وقۋ - اعارتۋ + ينتەرنەت“ دامۋىن جەدەل ىلگەرىلەتىپ، وقۋ - وقىتۋ جانە قىزمەت وتەۋ، باسقارۋ دەڭگەيىن ۇزدىكسىز جوعارىلاتۋ كەرەكتىگىن اتاپ كورسەتتى.

  چىن چۋانگو تەكسەرۋ - زەرتتەۋدە بىلاي دەپ باسا دارىپتەدى: عاسىرلىق ۇلى ءىس وقۋ - اعارتۋدى نەگىز ەتەدى. باس شۋجي شي جينپيڭنىڭ وقۋ - اعارتۋ قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، وقۋ - اعارتۋ ىستەرىن الدىمەن دامىتۋدان جازباي، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، وقۋ - اعارتۋدىڭ وسىزاماندانۋىن جەدەل ىلگەرىلەتىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى دامىعان سوتسياليزمنىڭ قۇرىلىسشىلارى مەن ءىزباسارلارىن قۇلشىنا تاربيەلەۋ كەرەك. پارتيانىڭ جالپى بەتتىك باسشىلىعىنا تاباندى بولىپ، ماركسيزمنىڭ جەتەكشى ورنىنا تاباندى بولىپ، جۇڭگوشا سوتسياليستىك وقۋ - اعارتۋدىڭ دامۋ جولىنا تاباندى بولىپ، سوتسياليستىك ءبىلىم بەرۋ بەتالىسىنا تاباندى بولىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، جوعارى مەكتەپتەردىڭ پارتيا قۇرىلىسىن ۇزدىكسىز كۇشەيتىپ، پارتيانىڭ وقۋ - اعارتۋ قىزمەتىنە باسشىلىق ۇقىعىن مىقتاپ يگەرۋ كەرەك. يدەيا - ساياسي جاقتان جەتەكشىلىك ەتۋدى كۇشەيتىپ، يدەيا - ساياسي قىزمەتىن وقۋ - وقىتۋدىڭ جالپى بارىسىنا ءسىڭىرىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى كەلەلى ساياسي مىندەت ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ساباقحاناعا ەنگىزۋدى، وي - ساناعا ۇيالاتۋدى جاپپاي ىلگەرىلەتىپ، پارتيا تاريحىن ۇيرەنۋ تاربيەسىن ىشكەرىلەي ورىستەتىپ، مۇرات - سەنىم تاربيەسىن كۇشەيتىپ، پارتيانى ءسۇيۋ، وتاندى ءسۇيۋ، سوتسياليزمدى ءسۇيۋ ىنتا - ىقىلاسىن تەرەڭ جەتىلدىرۋ كەرەك. وقۋ - وقىتۋ دەڭگەيىن جوعارىلاتىپ، ماندىك دامۋ جولىمەن بۇلجىماي ءجۇرىپ، ءپان جۇيەسى، وقىتۋ جۇيەسى، وقىتۋ ماتەريالدارى جۇيەسى، باسقارۋ جۇيەسى قۇرىلىسىن ءبىر تۇتاس جوسپارلاپ، وقىتۋ بايلىعىن بىرىكتىرىپ، ساپالىلاندىرىپ، نەگىزدىك ءپان بويىنشا تاربيەلەۋ قابىلەتىن جوعارىلاتىپ، وسى زامانعى وقۋ - اعارتۋ جۇيەسىن جەدەل ورناتۋ، كەمەلدەندىرۋ كەرەك. وقىتۋشىلار قوسىنى قۇرىلىسىن جەدەلدەتىپ، پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ بورىشىنان اينىماي، وقىتۋشىلار قۇرىلىمىن ساپالىلاندىرىپ، قابىلەت دەڭگەيىن جوعارىلاتىپ، وقىتۋشىلار ءمورالى، وقىتۋشىلار ستيلى قۇرىلىسىن كۇشەيتىپ، ساياسي ساپاسى شىڭدالعان، كاسىپتىك قابىلەتى مىعىم، ادام تاربيەلەۋ ورەسى بيىك جوعارى ساپالى وقىتۋشىلار قوسىنىن قۇلشىنا قۇرۋ كەرەك. دارىندىلاردى تاربيەلەۋدى ۇزدىكسىز كۇشەيتىپ، جالپىلىق ساپانى جاپپاي جوعارىلاتىپ، ۇلتتىڭ گۇلدەنۋى سىندى كەلەلى مىندەتتى ارقالايتىن ءداۋىر جاڭا ادامدارىن كۇش سالا تاربيەلەپ، جاڭا داۋىردەگى جۇڭگوشا سوتسياليستىك شينجياڭ قۇرۋدى دارىندىلارمەن قامتاماسىز ەتۋ كەرەك.

  2 ايدىڭ الدىندا حوتانداعى بىلەگى ۇزىلگەن بالا شياۋماي بۇكىل شينجياڭداعى ءار ۇلت بۇقاراسىنىڭ نازارىن اۋدارعان ەدى. چىن چۋانگو شينجياڭ مەديتسينا داشۋەسىنە قاراستى جۇڭي شيپاحاناسىنا تاعى دا بارىپ، دەنساۋلىعىن قالپىنا كەلتىرۋ بويىنشا ەمدەلىپ جاتقان شياۋمايدىڭ كوڭىلىن سۇرادى. ناۋقاس توسەگىنىڭ الدىندا چىن چۋانگو ەڭكەيىپ، بالاقايدىڭ قولىن ەپپەن سوزىپ، تاپتەشتەي قاراپ، ەمدەۋ - كۇتىمدەۋ قىزمەتكەرلەرىنەن بالانىڭ دەنساۋلىعىنىڭ قالپىنا كەلۋ جاعدايىن ىقىلاسپەن ۇعىستى. ”قازىر اۋىرا ما، جوق پا؟“، ”سەمىرىپ قالعانسىڭ با ءوزى؟“. شياۋماي جايراڭداي وڭ بىلەگىن كوتەرىپ، سول ساۋساعىمەن جارالانعان جەرىن كورسەتىپ، قۋانىشپەن چىن اتايعا: ”اۋىرمايدى!“، - دەدى. قايتا جالعانعان بىلەكتىڭ جاقسى قالپىنا كەلگەنىن، قازىر بۋىنىن جانە نەرۆتەرىن قالپىنا كەلتىرۋ بويىنشا ماشىقتانىپ جاتقانىن بىلگەندە، چىن چۋانگو ەرەكشە قۋانىپ، ەمدەۋ - كۇتىمدەۋ قىزمەتكەرلەرىنە كۇش ۇستىنە كۇش قوسىپ، دەن قويا ەمدەپ، زەر سالا كۇتىمدەپ، بالانىڭ دەنساۋلىعىنىڭ ەرتەرەك قالپىنا كەلىپ، شيپاحانادان شىعۋىنا كومەكتەسۋدى تاپسىردى. سونىمەن قاتار شياۋمايدى دەنساۋلىعىن قالپىنا كەلتىرۋ بويىنشا ماشىقتاندىرۋعا باتىلدىقپەن سايكەسىپ، شيپاحانادان شىققاننان كەيىن جاقسى وقىپ، تولىسا ەسەيىپ - ەرجەتىپ، بولاشاقتا وتاننىڭ، قوعامنىڭ ءۇمىتىن اقتاپ، مەملەكەت پەن حالىققا جارامدى ادام بولۋعا شابىتتاندىردى.

  اۆتونوميالى رايوننىڭ ورىنباسار ءتوراعاسى سۇن حۇڭمەي قاتارلىلار بىرگە تەكسەرۋ - زەرتتەۋ جۇرگىزدى.

جاۋاپتى رەداكتور: ءاننا اكىمقان قىزى