گۇلدەردى تاماشالاپ، ارمانعا تالپىنىپ، شينجياڭعا نازار سالۋ 丨شينجياڭ حوشۇت اۋدانى: مىڭ مۋعا جۋىق اتىزداعى كۇنباعىس شەشەك اتىپ، التىنداي جارقىرادى

اۆتورى: پازىليە تۇرعۇن

  شىلىڭگىر جاز كۇنى، شينجياڭ بايىنعولين موڭعۇل اۆتونوميالى وبلىسى حوشۇت اۋدانىنىڭ مىڭ مۋعا جۋىق اتىزىنداعى كۇنباعىستار جابال قۇلپىرا شەشەك اتىپ، كوزدىڭ جاۋىن الىپ، جەرگىلىكتى ورىننىڭ كوركەم كورىنىسىنە اينالدى.

  7 - ايدىڭ 4 - كۇنى، حوشۇت اۋدانى تاعارشى قالاشىعى زورمۇنسۇل قىستاعىن ارالاساڭىز، كۇنباعىس گۇلىنىڭ جۇپار ءيىسى الىستان اڭقيدى. قاتار - قاتار كۇنباعىستار كوز ۇيالتار سارى تۇسپەن الاۋلانىپ، التىنداي جارقىراپ، ماي بوياۋلى سۋرەتتەي بولىپ كورگەن جاننىڭ كەتكىسى كەلمەيدى.

  جاقىنعى جىلداردان بەرى، حوشۇت اۋدانىنىڭ ءارقايسى اۋىل - قالاشىقتارىنىڭ ديقاندارى جەردى اۋىستىرىپ ەگۋدى ۇيلەسىمدى اتقارىپ، بەلگىلى كولەمدە كۇنباعىس ەكتى. ءار رەتكى گۇل اشۋ مەزگىلىندە، ادەمى كۇنباعىستار اۋىل - قىستاقتىڭ ءسانىن اسىرۋمەن بىرگە ەگىمشى وتباسىلارىن ماردىمدى ەكونوميكالىق كىرىسكە كەنەلتتى.

  (اۆتوردىڭ قىزمەت ورنى: حوشۇت اۋداندىق توعىسپالى مەديا ورتالىعى)

جاۋاپتى رەداكتور: ءاننا اكىمقان قىزى