اۋىل شارۋاشىلىعى، اۋىل - قىستاق جاعىندا شينجياڭعا كومەكتەسۋ قىزمەتى جونىندەگى مەملەكەتتىك اڭگىمە ءماجىلىس اشىلدى

  چىن چۋانگو، تاڭ رىنجيان ءسوز سويلەدى، شوكىرات زاكىر، ۋاڭ جۇنجىڭ، جاڭ چۇنلين قاتىناستى

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 7 - ايدىڭ 10 - كۇنى ۇرىمجىدەن حابارلايدى. 7 - ايدىڭ 10 - كۇنى تۇستەن بۇرىن اۋىل شارۋاشىلىعى، اۋىل - قىستاق جاعىندا شينجياڭعا كومەكتەسۋ قىزمەتى جونىندەگى مەملەكەتتىك اڭگىمە ءماجىلىس ۇرىمجىدە اشىلدى. ءماجىلىس 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، ”13 - بەسجىلدىقتاعى“ اۋىل شارۋاشىلىعى، اۋىل - قىستاق جاعىندا شينجياڭعا كومەكتەسۋ قىزمەتىن قورىتىندىلادى، ”14 - بەسجىلدىقتا“ اۋىل شارۋاشىلىعى، اۋىل - قىستاق جاعىندا شينجياڭعا كومەكتەسۋدىڭ ءتۇيىندى مىندەتتەرىن ورنالاستىردى.

  اۆتونوميالى رايوندىق پارتكومنىڭ شۋجيى چىن چۋانگو، ورتالىق اۋىل - قىستاق قىزمەتى باسشىلىق گرۋپپاسى كەڭسەسىنىڭ مەڭگەرۋشىسى، اۋىل شارۋاشىلىعى، اۋىل - قىستاق مينيسترلىگىنىڭ مينيسترى تاڭ رىنجيان ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى ۋاڭ جۇنجىڭ، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين ماجىلىسكە قاتىناستى. ورتالىق اۋىل - قىستاق قىزمەتى باسشىلىق گرۋپپاسى كەڭسەسىنىڭ ورىنباسار مەڭگەرۋشىسى، اۋىل شارۋاشىلىعى، اۋىل - قىستاق مينيسترلىگىنىڭ ورىنباسار مينيسترى ليۋ حۋانشين ءماجىلىستى باسقاردى.

  چىن چۋانگو اۆتونوميالى رايوندىق پارتكوم، ۇكىمەت، بيڭتۋان جانە تۇتاس رايونداعى ءار ۇلت كادر - بۇقاراسى اتىنان اۋىل شارۋاشىلىعى، اۋىل - قىستاق مينيسترلىگىنىڭ، ورتالىقتاعى قاتىستى مينيسترلىكتەردىڭ، كوميتەتتەردىڭ جانە تۋىسقان ولكەلەردىڭ، قالالاردىڭ ۇزاق ۋاقىتتان بەرى شينجياڭ قىزمەتىنە كوڭىل بولگەندىگىنە، قولداۋ كورسەتكەندىگىنە جانە كومەكتەسكەندىگىنە شىن جۇرەكتەن العىس ايتتى. چىن چۋانگو بىلاي دەدى: اۋىل شارۋاشىلىعى، اۋىل - قىستاق مينيسترلىگى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، شينجياڭعا كومەكتەسۋ قىزمەتىن كەلەلى ساياسي مىندەت رەتىندە ماڭىزدى ورىنعا قويىپ، قىزمەت جالپى جاعدايىنا ەنگىزىپ، ۇلگىدە جاڭالىق اشىپ، مازمۇندى بايىتىپ، اۋىل شارۋاشىلىعى، اۋىل - قىستاق جاعىندا شينجياڭعا كومەكتەسۋ قىزمەتىنىڭ جاڭا جاعدايىن اشتى. شينجياڭعا كومەكتەسۋشى ولكە، قالالار كەدەيلىكتەن ارىلتۋدان قامال الۋ، اۋىل - قىستاقتى گۇلدەندىرۋ، اۋىل شارۋاشىلىعىن، اۋىل - قىستاقتى وسىزامانداندىرۋ سياقتى جاقتاردا شينجياڭعا بار كۇشپەن قولداۋ كورسەتتى جانە قالتقىسىز كومەك بەردى.

  چىن چۋانگو بىلاي دەپ اتاپ كورسەتتى: قازىر شينجياڭ باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، باس شۋجي شي جينپيڭنىڭ پارتيا ورتالىق كوميتەتى اتىنان شىعارعان ۇلى ۇندەۋىنە باتىل ءۇن قوسىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ورنىقتىلىق، دامۋ قىزمەتتەرىنىڭ جاڭا جاعدايىن اشۋعا كۇش سالۋدا. بۇكىل ەلدەگى اۋىل شارۋاشىلىعى، اۋىل - قىستاق جۇيەسىنىڭ شينجياڭ قىزمەتىنە، اسىرەسە، اۋىل شارۋاشىلىعى، اۋىل - قىستاق، شارۋالار قىزمەتىنە بۇرىنعىداي كوڭىل ءبولۋىن، قولداۋ كورسەتۋىن ءۇمىت ەتەمىن. اۆتونوميالى رايوندىق پارتكوم مەن ۇكىمەت الداعى جەردە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل تياناقتاندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، اۋىل شارۋاشىلىعى، اۋىل - قىستاق، شارۋالار قىزمەتىن كورنەكتى ورىنعا قويىپ، شينجياڭعا كومەكتەسۋ قىزمەتىنىڭ باسىمدىعىنان ويداعىداي پايدالانىپ، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، كەدەيلىكتەن ارىلتۋدان قامال الۋ جەتىستىگىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتىپ، نەگىزگى ساتى ۇيىمى مەن نەگىزگى ساتى اكىمياتى قۇرىلىسىن كۇشەيتىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەلدەتىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتىپ، جاڭا داۋىردەگى شينجياڭنىڭ اۋىل شارۋاشىلىعى، اۋىل - قىستاق، شارۋالار قىزمەتىنىڭ جاڭا جاعدايىن اشۋعا قۇلشىنادى.

  تاڭ رىنجيان بىلاي دەدى: 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى شينجياڭ ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولماعان تابىسقا قول جەتكىزدى. بۇكىل ەلدىڭ اۋىل شارۋاشىلىعى جاعىندا شينجياڭعا كومەكتەسۋىنىڭ پارمەندى دەمەۋىندە، شينجياڭنىڭ ەگىن، مال شارۋاشىلىعى جەدەل دامىپ، ەگىنشى - مالشىلاردىڭ كىرىسى ۇزدىكسىز ارتىپ، اۋىل شارۋاشىلىعىنىڭ، اۋىل - قىستاقتىڭ دامۋىندا ورنىقتى جاقسارۋ جاعدايى جارىققا شىقتى. ول بىلاي دەپ اتاپ كورسەتتى: ”14 - بەسجىلدىق“ مەزگىلىندە اۋىل شارۋاشىلىعى، اۋىل - قىستاق جاعىندا شينجياڭعا كومەكتەسۋ قىزمەتىن ويداعىداي ىستەۋدە باس شۋجي شي جينپيڭنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، حالىق تۇرمىسىنا جاناسىپ جوعارى ساپالى دامۋدى ىلگەرىلەتۋ تالابى بويىنشا كاسىپ سالاسىن دامىتۋ جانە جۇمىستاندىرىپ كىرىستى ارتتىرۋ سىندى ەكى تەتىكتى يگەرىپ، ەرەكشە، ابزال كاسىپ سالاسىن جەتىلدىرۋدى، زورايتۋدى نەگىزگى كۇش سالۋ بەتالىسى ەتىپ، وڭتۇستىك شينجياڭنىڭ دامۋىن كۇش سالا ىلگەرىلەتۋدى كورنەكتى ورىنعا قويىپ، جاپپاي قولداۋ مەن ءتۇيىندى قامال الۋدى ۇشتاستىرۋعا تاباندى بولىپ، وسى زامانعى ەگىن، مال شارۋاشىلىعىنىڭ كاسىپ سالاسى جۇيەسىن، ءوندىرىس جۇيەسىن، شارۋاشىلىق - ساۋدا جۇيەسىن جەدەل ورناتىپ، كاسىپ سالاسى قۇرىلىمىن رەتتەۋدى ىلگەرىلەتىپ، ەگىن، مال شارۋاشىلىعىنىڭ دامۋ نەگىزىن بەكەمدەپ، عىلىم - تەحنيكا دارىندىلارىنىڭ قىزمەت وتەۋىن كۇشەيتىپ، كاسىپ سالاسىنىڭ توعىسا دامۋىن ىلگەرىلەتىپ، اۋىل شارۋاشىلىعى ونىمدەرىن ساتۋدى كوپ ارنامەن جەبەپ، شينجياڭنىڭ ەگىن، مال شارۋاشىلىعىنىڭ جوعارى ساپالى، جوعارى ءونىمدى بولۋىن، ەگىن، مال شارۋاشىلىق رايوندارىنىڭ قونىسقا جايلى، كاسىپكە قولايلى بولۋىن، ەگىنشى - مالشىلاردىڭ باي - باقۋاتتى بولۋىن جەبەۋ كەرەك.

  تاڭ رىنجيان بىلاي دەپ اتاپ كورسەتتى: نازاردى تۇيىنگە شوعىرلاندىرىپ، كۇش بىرىكتىرىپ، امالدىڭ بارىنشا باستاماشىلاردى ەنگىزىپ، قاجەتتى سۇراپ، ونىمدىلىككە تالپىنۋ ارقىلى تەحنيكانى كۇشەيتىپ، ناقتى بولۋ، كادەگە جاراتۋ ارقىلى باۋلۋ جۇرگىزىپ، ارتىقشىلىقتى ساۋلەلەندىرىپ، ولقىلىقتاردى تولىقتاۋ ارقىلى قۇرىلعى سالىپ، ”كومەكتەسۋ“ جاعىندا ءىس تىندىرۋعا، ”ناقتى بولۋ“ جاعىنا كۇش سالۋعا قۇلشىنىپ، پارتيا ورتالىق كوميتەتىنىڭ قامقورلىعىن، بۇكىل ەلدىڭ قولداۋىن اۋىل شارۋاشىلىعىنىڭ، اۋىل - قىستاقتىڭ ناقتى دامۋ جەتىستىگىنە اينالدىرىپ، شينجياڭنىڭ ەگىن، مال شارۋاشىلىعىنىڭ جوعارى ساپالى دامۋىن جانە اۋىل - قىستاقتى جاپپاي گۇلدەندىرۋدى جەدەل ىلگەرىلەتۋ كەرەك.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز، بيڭتۋان پارتكومىنىڭ ورىنباسار شۋجيى، ورىنباسار جىڭۋي كۇڭ شيڭلۇڭ جەكە - جەكە اۆتونوميالى رايون مەن بيڭتۋاننىڭ ”13 - بەسجىلدىقتان“ بەرگى اۋىل شارۋاشىلىعى، اۋىل - قىستاق جاعىندا كومەك الۋ جاعدايىن جانە دامۋ تابىستارىن تانىستىردى. اۆتونوميالى رايون مەن بيڭتۋاننىڭ باسشىلارىنان چىن ۋيجۇن، پىڭ جيارۇي، اۋىل شارۋاشىلىعى، اۋىل - قىستاق مينيسترلىگىنىڭ باسشىلارىنان ۋي بايگاڭ، زىڭ ياندى ماجىلىسكە قاتىناستى.

  ماجىلىستە جىجياڭ ولكەلىك اۋىل شارۋاشىلىعى، اۋىل - قىستاق مەڭگەرمەسىندەگى، حىنان ولكەلىك اۋىل شارۋاشىلىعى، اۋىل - قىستاق مەڭگەرمەسىندەگى، حوتان ايماعىنداعى، تارباعاتاي ايماعىنداعى قاتىستى جاۋاپتى جولداستار پىكىر اۋىستىرىپ ءسوز سويلەدى. كومەكتەسۋشى، كومەك الۋشى ەكى جاق سەلبەستىك كەلىسىمىنە قول قويدى.

  اۋىل شارۋاشىلىعى، اۋىل - قىستاق مينيسترلىگىنىڭ قاتىستى مەكەمەسىندەگى جانە توتە قاراستى ورىندارىنداعى جاۋاپتى جولداستار، شينجياڭعا باعىتتامالى كومەكتەسۋشى ولكەلەردىڭ، قالالاردىڭ اۋىل شارۋاشىلىعى، اۋىل - قىستاق تاراۋلارىنداعى جاۋاپتى جولداستار، شينجياڭعا كومەكتەسۋشى كاسىپورىنداردىڭ ۋاكىلدەرى، ت.ب ماجىلىسكە قاتىناستى.

جاۋاپتى رەداكتور: ءاننا اكىمقان قىزى