اۆتونوميالى رايون التاي ايماعىنىڭ قىزمەتىن تەكسەرۋ-زەرتتەۋ جونىندە اڭگىمە ءماجىلىسىن اشتى

  التاي گازەتىنىڭ جالپىلىق اقپارات قۇرالدارى ءتىلشىسى حۋ جۇنشيۋ حابارلايدى. 6-ايدىڭ 25-كۇنى اۆتونوميالى رايوندىق پارتكومنىڭ تۇراقتى مۇشەسى، ورىنباسار ءتوراعا ەركىن تۇنياز قاتارلىلار التاي ايماعىندا جاپپاي قامتىعان، تور جايۋ فورماسىنداعى ءوندىرىس حاۋىپسىزدىگىن ءبىر-بىرلەپ تەكسەرۋ، رەتتەپ جونگە سالۋ، قۋزاۋ، جەتەكشىلىك ەتۋ قىزمەتىن ورىستەتىپ، وزەندى، ورماندى شارلادى ءارى جيلين — شينجياڭ 2 جەردىڭ جۇڭگو (چاڭبايشان تاۋ سىلەمى-التاي تاۋ سىلەمى) قار-مۇز ەكونوميكاسىن جوعارى ساپالى دامىتۋ سىناق رايونىن بىرگە قۇرۋ قاتارلى قىزمەتتەر جونىندە تەكسەرۋ-زەرتتەۋ جۇرگىزدى. ايماقتىق پارتكومنىڭ شۋجيى جاڭ يان، ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى جەڭىس قادىس ۇلى، ايماقتىق پارتكومنىڭ مۇشەسى، باس حاتشى لي فۋچياڭ قاتارلىلار تەكسەرۋ-زەرتتەۋدە بىرگە بولدى.

  تەكسەرۋ-زەرتتەۋ گرۋپپاسىنداعىلار التاي قالالىق ليجۇڭ الەۋمەتتىك قاتىناس سەرىكتەستىگى، التاي تاۋى مەملەكەت مەنشىگىندەگى ورماندى باسقارۋ مەكەمەسىنىڭ التاي بولىمشە مەكەمەسى ۋشىلىك باسقارۋ-قورعاۋ بولىمشەسى، التاي قالاسىنداعى اققايىڭ باقشاسى، التاي قالالىق وتىندىق گاز پۋنكتى، ايماقتىق ورنىقتىلىقتى ساقتاۋعا قولباسشىلىق شتابى، التاي ايماقتىق مۇراجاي قاتارلى ورىندارعا بارىپ ناق مايداندا تەكسەرۋ-زەرتتەۋ جۇرگىزدى. التاي ايماعىنىڭ ءوندىرىس حاۋىپسىزدىگى، وزەن، كول باستىعى ءتۇزىمى، ورمان باستىعى ءتۇزىمىن تياناقتاندىرۋ قاتارلى قىزمەتتەردىڭ ورىستەتىلۋ احۋالىن تىڭداعاننان كەيىن ەركىن تۇنياز بىلاي دەدى: ساياسي دەڭگەيدى جوعارىلاتىپ، جاۋاپكەرلىكتى باتىلدىقپەن ارقالاپ، ماسەلەنى باعدار ەتۋدەن جازباي، حاۋىپسىزدىكتى ساقتاۋدى كورنەكتى ورىنعا قويىپ، كوزالداعى ءوندىرىس حاۋىپسىزدىگى قىزمەتىن كۇش سالا ويداعىداي ىستەۋ؛ ورمان باستىعى ءتۇزىمى، وزەن، كول باستىعى ءتۇزىمى قىزمەتىن تياناقتاندىرۋمەن بىرگە، ءوندىرىس حاۋىپسىزدىگى قىزمەتىن دە تەڭ قادامدا ورنالاستىرىپ، جەبەپ، ورمان حاۋىپسىزدىگىنە، وزەن، كول حاۋىپسىزدىگىنە كەپىلدىك ەتىپ، حاۋىپسىز، ورنىقتى قوعامدىق ورتانى كۇش سالا جاراتۋ كەرەك.

  6- ايدىڭ 25- كۇنى تۇستەن كەيىن تەكسەرۋ-زەرتتەۋ گرۋپپاسىنداعىلار التاي قالاسىندا اڭگىمە ءماجىلىسىن اشتى. ءماجىلىستى جەڭىس قادىس ۇلى باسقاردى. جاڭ يان جانە ايماقتىق پارتكومنىڭ مۇشەسى، اكىمشىلىك مەكەمەسىنىڭ ورىنباسار ءۋاليى ۋاڭ يگۋاڭ، اكىمشىلىك مەكەمەسىنىڭ، ايماققا توتە قاراستى قاتىستى تاراۋلاردىڭ (ورىنداردىڭ) جاۋاپتىلارى، بيڭتۋان 10-شى، ەرتىس وزەنى قۇرىلىسىن باسقارۋ مەكەمەسى، التاي تاۋى مەملەكەت مەنشىگىندەگى ورماندى باسقارۋ مەكەمەسىنىڭ قاتىستى جاۋاپتىلارى اڭگىمە ماجىلىسىنە قاتىناستى.

  اڭگىمە ماجىلىسىندە جاڭ يان ايماقتىڭ ءوندىرىس حاۋىپسىزدىگى، وزەن، كول باستىعى ءتۇزىمىن، ورمان باستىعى ءتۇزىمىن جاپپاي جەبەۋ، جيلين — شينجياڭ 2 جەردىڭ جۇڭگو (چاڭبايشان تاۋ سىلەمى — التاي تاۋ سىلەمى) قار-مۇز ەكونوميكاسىن جوعارى ساپالى دامىتۋ سىناق رايونىن بىرگە قۇرۋ قىزمەتى احۋالىنان مالىمەت بەردى؛ اۆتونوميالى رايوندىق شۇعىل جاعدايعا توتەپ بەرۋ-باسقارۋ مەڭگەرمەسى پارتكومىنىڭ شۋجيى، ورىنباسار مەڭگەرمە باستىعى ءماردان مۇگايت اۆتونوميالى رايوندىق ءوندىرىس حاۋىپسىزدىگىن ءبىر-بىرلەپ تەكسەرۋ، رەتتەپ جونگە سالۋدىڭ 1-قۋزاۋ-جەتەكشىلىك ەتۋ گرۋپپاسى اتىنان قۋزاۋ-جەتەكشىلىك ەتۋدە بايقالعان ماسەلەلەردى اڭىس ەتتى.

  ەركىن تۇنياز مىنانى اتاپ كورسەتتى: التاي ايماعى ءوندىرىس حاۋىپسىزدىگى، وزەن، كول باستىعى ءتۇزىمى، ورمان باستىعى ءتۇزىمى جانە جيلين — شينجياڭ سەلبەستىگى قاتارلى قىزمەتتەردە ايتارلىقتاي ناتيجەگە قول جەتكىزدى، تابىسى سۇبەلى.

  ەركىن تۇنياز مىنانى باسا دارىپتەدى: باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى بايىمداۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، حاۋىپسىز دامۋ ۇستانىمىن بەرىك ورناتىپ، زەينەتتى كۇنى بەينەتتى كۇندەر بولارىن دا ويلاۋعا تاباندى بولىپ،ساقتىق دابىلىن ۇدايى قاعۋ، شوعىرلى قامال الۋدى ىشكەرىلەتىپ، ماسەلەنىڭ كومەسكى كىناراتتارىن رەتتەپ جونگە سالۋدى كۇشەيتىپ، حاۋىپسىزدىك كومەسكى كىناراتتارىن ءبىر-بىرلەپ تەكسەرۋ، رەتتەپ-جونگە سالۋدى جالعاستى ورىستەتۋ، ءتۇيىندى مەزگىلدەگى ”حاۋىپسىزدىك وتكەلىن“ مىقتاپ يگەرىپ، حاۋىپسىزدىك قاتەرىن باسقارۋ-تىزگىندەۋدى كۇشەيتىپ، حاۋىپسىزدىكتى قامتاماسىزداندىرۋ جاۋاپكەرلىگىن قاتاڭ اتقارىپ، جەر سىلكىنىسى قاتارلى جاراتىلىستىق اپاتتان ساقتانۋدى مىقتى يگەرىپ، ءوندىرىس حاۋىپسىزدىگى سالاسىنىڭ مۇلدە حاۋىپسىز بولۋىنا كەپىلدىك ەتۋ كەرەك.

  ەركىن تۇنياز مىنانى اتاپ كورسەتتى: وزەن، كول باستىعى ءتۇزىمىن، ورمان باستىعى ءتۇزىمىن جاپپاي جەبەۋ ــ پارتيا ورتالىق كوميتەتى جاساعان كەلەلى شەشىم-ورنالاستىرۋ. ”تۇنىق سۋ، جاسىل تاۋ ــ باعا جەتپەس بايلىق“ ۇستانىمىن بەرىك ورناتىپ، اۆتونوميالى رايوندىق پارتكومنىڭ ورنالاستىرۋ تالابىن ارقاۋ ەتىپ، ۇيىمدىق باسشىلىقتى اناعۇرلىم كۇشەيتىپ، تۇزىلىس مەحانيزمىن كەمەلدەندىرىپ، قىزمەت جاۋاپكەرلىگىن شىڭداۋ، وزەن، كول باستىعى ءتۇزىمى، ورمان باستىعى تۇزىمى جاعىندا ناقتى ارەكەتكە كەلىپ، ناقتى ونىمدىلىككە قول جەتكىزۋگە كەپىلدىك ەتۋ قاجەت. ورمان باستىعى ءتۇزىمىن جاپپاي جەبەۋ جاعىندا ءتۇيىندى يگەرۋگە تاباندى بولىپ، ورمان باستىعى ءتۇزىمىنىڭ ۇيىمدىق جۇيەسىن اناعۇرلىم كەمەلدەندىرىپ، جەرگىلىكتى ورىن مەن مەملەكەت مەنشىگىندەگى ورماندى باسقارۋ مەكەمەسىنىڭ قىزمەت بىرىككەن كۇشىن قالىپتاستىرىپ، ورماندى، جايىلىمدى باسقارۋ، قورعاۋ كۇشىن جالعاستى نىعايتىپ، ورمان باستىعى ءتۇزىمىن ۇگىتتەۋ قىزمەتىن ويداعىداي يگەرۋ ءتيىس. وزەن باستىعى ءتۇزىمىن، كول باستىعى ءتۇزىمىن جاپپاي جەبەۋ جاعىندا جالعاستى كۇش شىعارىپ، سۋ بايلىعىن قورعاۋدىڭ ەڭ قاتاڭ ءتۇزىمىن تياناقتاندىرىپ، وزەن، كول سۋ ايدىنىن، جاعاسىن، كەڭىستىگىن باسقارۋ، تىزگىندەۋدى كۇشەيتىپ، وزەن، كولدەگى ”بەتالدى يەمدەنۋ، بەتالدى قازۋ، بەتالدى قۇرىلىس سالۋ، بەتالدى ۇيۋدى الاستاۋدى“ جالعاستى ويداعىداي يگەرىپ، سۋ ەكولوگياسىن قورعاۋ مەن قالپىنا كەلتىرۋدى كۇشەيتىپ، تاسقىننان ساقتانۋ، قاتەردەن اراشالاۋ، اپاتتان قۇتقارۋ قىزمەتىن تىڭعىلىقتى ويداعىداي ىستەۋ كەرەك.

  جيلين — شينجياڭ 2 جەردىڭ جۇڭگو (چاڭبايشان تاۋ سىلەمى — التاي تاۋ سىلەمى) قار-مۇز ەكونوميكاسىن جوعارى ساپالى دامىتۋ سىناق رايونىن بىرگە قۇرۋ قىزمەتى جونىندە ەركىن تۇنياز مىنالاردى تالاپ ەتتى: ورايدى مىقتى يگەرىپ، ىرىقتىلىقپەن ىسكەرلىك كورسەتىپ، تۇيىندى قىزمەتتەردىڭ تياناقتانۋىن، جەبەلۋىن ويداعىداي يگەرىپ، قار-مۇز كاسىبىن جاڭا دامۋ ۇستانىمى مەن جوعارى ساپالى دامۋ تالابىن تياناقتاندىرۋداعى ءتۇيىندى ارناعا اينالدىرۋ؛ اۆتونوميالى رايوندىق پارتكوم ورتاعا قويعان ”10 ءىرى كاسىپتى“ دامىتۋدى ارقاۋ ەتىپ، وز ورنىن ءداپ باسىپ تاۋىپ، ەكونوميكانىڭ دامۋ ساپاسىن جوعارىلاتىپ، اۆتونوميالى رايوندىق پارتكومنىڭ تۇرلى شەشىم-ورنالاستىرۋلارىنىڭ ويداعىداي تياناقتانۋىنا كەپىلدىك ەتۋ كەرەك.

  سوڭىندا جەڭىس قادىس ۇلى اۆتونوميالى رايوندىق ءوندىرىس حاۋىپسىزدىگىن قۋزاۋ، جەتەكشىلىك ەتۋ گرۋپپاسى اڭىس ەتكەن التاي ايماعىنداعى ەكى ءتۇرلى، التى جاقتاعى ناقتى ماسەلە جونىندە بىلاي دەدى: التاي ايماعى پارتيا ورتالىق كوميتەتىنىڭ، اۆتونوميالى رايوندىق پارتكومنىڭ ءوندىرىس حاۋىپسىزدىگى قىزمەتى جونىندەگى ءتۇرلى ورنالاستىرۋ تالابىن باتىلدىقپەن، تاباندىلىقپەن دايەكتىلەندىرىپ، تياناقتاندىرىپ، اۆتونوميالى رايون اڭىس ەتكەن ماسەلەلەردى بۇكىلدەي قابىلداپ، تىزگىن ۇشىمەن تەكسەرىپ، تىزگىن ۇشىمەن تۇزەتىپ، يدەيالىق تانىمدى شىنايى كۇشەيتىپ، ساياسي دەڭگەيدى جوعارىلاتىپ، قىزمەت شارالارىن اشالاپ، قىزمەت جاۋاپكەرلىگىن شىڭداپ، پارتيا قۇرىلعاندىعىنىڭ 100 جىلدىعىن ايتارلىقتاي ءوندىرىس حاۋىپسىزدىگى ورتاسىمەن قۇتتىقتايدى.

  اۆتونوميالى رايوندىق حالىق ۇكىمەتىنىڭ ورىنباسار باس حاتشىسى گاۋ جىمين، اۆتونوميالى رايوندىق شۇعىل جاعدايعا توتەپ بەرۋ-باسقارۋ مەڭگەرمەسى، سۋ ىستەرى مەڭگەرمەسى، مادەنيەت-ساياحات مەڭگەرمەسى، ورمان جانە جايلىم مەكەمەسى قاتارلى قاتىستى تاراۋلاردىڭ باسشىلارى تەكسەرۋ-زەرتتەۋدە بىرگە بولدى.

جاۋاپتى رەداكتور: ءاننا اكىمقان قىزى