«جۇڭگو كوممۋنيستىك پارتياسىنىڭ 100 جىلدىق ءىرى ىستەر ەستەلىگى» باسپادان شىعادى

  ورتالىق تەلەۆيزياسى سايتىنىڭ 6 - ايدىڭ 27 - كۇنگى حابارى. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ ءۇشىن، پارتيا ورتالىق كوميتەتىنىڭ بەكىتۋىمەن، ورتالىق كوميتەت پارتيا تاريحى جانە حۇجات زەرتتەۋ اكادەمياسى «جۇڭگو كوممۋنيستىك پارتياسىنىڭ 100 جىلدىق ءىرى ىستەر ەستەلىگىن» قۇراستىردى. «ءىرى ىستەر ەستەلىگىنىڭ» تولىق مازمۇنى مولشەرمەن 100 مىڭ ءارىپ. حالىق باسپاسى جۋىردا كىتاپشاسىن باسپادان شىعارادى.

  «ءىرى ىستەر ەستەلىگى» ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ماۋ زىدۇڭ جولداستى ۇيتقى ەتكەن پارتيانىڭ 1 - ۇرپاق ورتالىق باسشىلىق كوللەكتيۆىنىڭ، دىڭ شياۋپيڭ جولداستى ۇيتقى ەتكەن پارتيانىڭ 2 - ۇرپاق ورتالىق باسشىلىق كوللەكتيۆىنىڭ، جياڭ زىمين جولداستى ۇيتقى ەتكەن پارتيانىڭ 3 - ۇرپاق ورتالىق باسشىلىق كوللەكتيۆىنىڭ، حۋ جينتاۋ جولداس باس شۋجي بولعان پارتيا ورتالىق كوميتەتىنىڭ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ حالىقتى ىنتىماقتاستىرىپ جانە باستاپ، ۇلتتىڭ تاۋەلسىزدىگىنە، حالىقتىڭ ازاتتىعىنا جانە مەملەكەتتىڭ باي - قۇدىرەتتى، حالىقتىڭ باقىتتى بولۋىنا ۇمتىلىپ، ماشاقاتتى دا ەرەن، ۇلى كۇرەس جۇرگىزگەن شۇعىلالى بارىسىن جاپپاي باياندايدى؛ 100 جىلدىق ۇزدىكسىز كۇرەس بارىسىندا پارتيانىڭ حالىقتى ىنتىماقتاستىرىپ جانە باستاپ، ۇلى جول اشىپ، ۇلى ەڭبەك ءسىڭىرىپ، ۇلى رۋح سومداپ، قۇندى تاجىريبەلەر توپتاعاندىعىن كورنەكتى بەينەلەيدى؛ جۇڭگو كوممۋنيستىك پارتياسى قۇرىلعاننان بەرى، اسىرەسە، پارتيا 18 - قۇرىلتايىنان بەرى ەكونوميكا، ساياسي، مادەنيەت، قوعام، ەكولوگيالىق وركەنيەت قۇرىلىسى، سونداي - اق مەملەكەت قورعانىسى مەن ارميا، ”ءبىر ەل، ەكى ءتۇزىم“ جانە وتاندى بىرلىككە كەلتىرۋ، ديپلوماتيا، پارتيا قۇرىلىسى سياقتى جاقتاردا قول جەتكەن شۇعىلالى تابىستاردى تولىق ايگىلەيدى.

  «ءىرى ىستەر ەستەلىگىنىڭ» قۇراستىرىلىپ باسپادان شىعۋى قالىڭ پارتيا مۇشەلەرىن، كادرلاردى، بۇقارانى پارتيا تاريحىن ۇيرەنۋ تاربيەسى بارىسىندا قىزىل بيلىكتىڭ وڭاي - وسپاق قولعا كەلمەگەندىگىن، جاڭا جۇڭگونىڭ وڭاي - وسپاق قولعا كەلمەگەندىگىن، جۇڭگوشا سوتسياليزمنىڭ وڭاي - وسپاق قولعا كەلمەگەندىگىن تەرەڭ تانۋعا، جۇڭگو كوممۋنيستىك پارتياسىنىڭ نەلىكتەن ىسكەر ەكەندىگىن، ماركسيزمنىڭ نە ءۇشىن جارامدى، جۇڭگوشا سوتسياليزمنىڭ نە ءۇشىن جاقسى ەكەندىگىن تەرەڭ تانۋعا باستاۋعا پايدالى. جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن ونان ارى بەكەمدەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قايراتتانا العا ۇمتىلىپ، بەرىلە شوگەلدىكپەن ىستەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ، حالىقتىڭ تاماشا تۇرمىسقا تالپىنىسىن جۇزەگە اسىرۋ ءۇشىن ۇزدىكسىز كۇرەس جاسايىق!

جاۋاپتى رەداكتور: ءاننا اكىمقان قىزى