تۇيە باعىمشىلىعى باقشاسىنداعى اۋقاتتى باقتاشى

  التاي گازەتىنىڭ جالپىلىق اقپارات قۇرالدارى ءتىلشىسى دۋ پىڭفي حابارلايدى. 6-ايدىڭ 11-كۇنى، ءتىلشى جەمەنەي اۋدانى شالشىقاي اۋىلىنىڭ سولتۇستىگىندەگى 24 كيلومەتر جەردەگى تۇيە باعىمشىلىعى باقشاسىنا بارعاندا، قاز-قاتار تىزىلگەن ءىرى تۇرپاتتى بۇركىپ سۋارۋ ماشينالارىنىڭ جايىلىمدى سۋارىپ جاتقاندىعىن كورەدى.

  تۇيە باعىمشىلىعى باقشاسىندا گرۋپپا باستىعى دوسبول بازارقان ۇلى كوپشىلىكتى باستاپ تۇيەنى ۇيرەتۋدە، باعۋ تاجىريبەسى مول دوسبول شينجياڭ ۋاڭيۋان بيو عىلىم-تەحنيكا توبى شەكتى سەرىكتەستىگىنىڭ قىزمەتكەرى، سەرىكتەستىك جاعىنان وسى تۇيە باعىمشىلىعى باقشاسىنا قىزمەت ىستەۋگە كەلگەن، ول باقشاداعى وتباسىلارىنا اۋلانى تازالاۋ، تۇيە ساۋۋ قاتارلىلاردى ۇيرەتەدى.

  ۇعىسۋعا قاراعاندا، قازىر وسى تۇيە باعىمشىلىعى باقشاسىندا جيىنى 2063 تۇيە بار، 50 دەن استام ۇزاق ۋاقىتتىق جۇمىسشى-قىزمەتكەر بار، ولار ايىنا 3600 يۋان ەڭبەكاقى الادى. 2019-جىلى 6-ايدا تۇيە باعىمشىلىعى باقشاسى قۇرىلعاننان بەرى، اۋدان بويىنشا 1026 ەگىنشى-مالشى وتباسى جايىلىمدى مايعا بەرۋ، تۇيە باعۋ، جۇمىسقا ورنالاسۋ، پايدادان ۇلەس الۋ قاتارلى تاسىلدەرمەن كىرىس كىرگىزىپ، جان باسىندىق كىرىس ورتا ەسەپپەن 6000 يۋاننان استى.

  ءتىلشى باقشا ىشىندەگى ”تۇيە باعىمشىلىعى باقشاسى“ ساۋدا دۇكەنىنە كىرگەندە، ساۋدا دۇكەنىنىڭ قوجايىنى جاڭانۇر كەرىم قىزى كەستە تىگىپ وتىر ەكەن. جاڭانۇر مەن جولداسى تۇيە باعىمشىلىعى باقشاسىنىڭ قىزمەتكەرى، ايىنا 7000 يۋاننان استام ەڭبەكاقى الادى، بوس ۋاقىتتارىندا ەرلى-زايىپتىلار كاسىپ باقشاسى ىشىنە دۇكەن، اسحانا اشىپ، جىلدىق كىرىسىن ءتىپتى دە ارتتىرۋدا ەكەن.

  — بۇرىن قوڭىر قالتا تۇرمىس كەشىرەتىنبىز، قازىر تۇرمىسىمىز كۇننەن-كۇنگە جاقسارىپ كەلەدى. 2 بالام داشۋە بىتىرگەننەن كەيىن قىزمەتكە ورنالاستى. جولداسىم ەكەۋىمىزدىڭ دە تۇراقتى كىرىسىمىز بار، وسىنىڭ ءبارى پارتيانىڭ ابزال ساياساتىنىڭ ارقاسى،-دەدى جاڭانۇر.

  2019-جىلى تۇيە باعىمشىلىعى باقشاسى نىسانى قۇرىلعاننان كەيىن كاسىپورىنداردىڭ ونىمدىلىگىن ارتتىرۋ مەن ەگىنشى-مالشىلاردىڭ كىرىسىن ارتتىرۋدى جەبەۋ ءۇشىن، جەمەنەي اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى اۋدانداعى 45 قىزمەت اترەتى مەن قىستاق ”ەكى كوميتەتىنىڭ“ باسشىلىق القاسىمەن بىرلەسىپ، بۇقارانىڭ تىلەگىنە قۇرمەت ەتۋ العى شارتىندا ەڭبەككۇشتەر تىزىمدىگىن جاساپ، بەتپە-بەت ەمتيحان ارقىلى جەرگىلىكتى قيىنشىلىعى بار بۇقارانى تاڭداپ تاربيەلەدى. پارتيا تاريحىن ۇيرەنۋ تاربيەسىنىڭ ىشكەرىلەي ورىستەتىلۋىنە بايلانىستى، قاتىستى جاۋاپتى ورىندار پارتيالى كادرلاردى كاسىپورىندارعا بارىپ قيىن ماسەلەلەردى شەشىپ، ناقتى ءىس ىستەۋگە ۇيىمداستىرىپ، كاسىپ قۇرىلىسى مەن بۇقارانىڭ وندىرىسىندە ورىن تەۋىپ وتىرعان ماسەلەلەردى سايكەستىرە شەشىپ، اۋىل-قىستاقتى گۇلدەندىرۋگە جاپپاي دەم بەردى.

  — پارتيالى كادر رەتىندە حالىق بۇقاراسى ءۇشىن قىزمەت ىستەۋدى كۇندەلىكتى قىزمەتپەن ساباقتاستىرىپ، حالىق ءۇشىن ناقتى ءىس ىستەۋدىڭ ءىس جۇزىندىك ونىمدىلىگىنە اينالدىرامىن،- دەدى جەمەنەي اۋداندىق ساۋداگەر شاقىرۋ، قىزمەت وتەۋ ورتالىعىنىڭ مەڭگەرۋشىسى جاڭ ياڭ.

  تۇيە باعىمشىلىعى باقشاسى ەگىنشى-مالشىلاردى كىرىستى ارتتىرۋعا، تۇيەنى عىلمي باعۋعا جەتەلەيتىن ۇلگى كورسەتۋ باقشاسىنا، ءشول دالا، جايلىم ەكولوگياسىن قالپىنا كەلتىرۋدىڭ ەكولوگيالىق باقشاسىنا اينالىپ، ەكولوگيانىڭ، عىلمي زەرتتەۋدىڭ، ساياحاتتىڭ قاتار دامۋىن جۇزەگە اسىردى.

جاۋاپتى رەداكتور: ءاننا اكىمقان قىزى