التاي قويى كوشى-قون مادەنيەت-ساياحات مەرەكەسى

  التاي گازەتىنىڭ جالپىلىق اقپارات قۇرالدارى ءتىلشىسى ارداق بەيىسقان ۇلى، پراكتيكانت ءتىلشى نۇرزيلا جەڭىس قىزى حابارلايدى. جۇڭگو كوممۋنيستىك پارتياسىنىڭ قۇرىلعاندىعىنىڭ 100 جىلدىعىن قۇتتىقتاپ، اۆتونوميالى رايوننىڭ ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي دايەكتىلەندىرىپ، ايماقتىق پارتكومنىڭ ”ساياحات كاسىبىن نەگىزگى تۇلعا ەتىپ، 1- كاسىپتى جەتەلەۋ، 2- كاسىپتى سۇيەمەلدەۋ“ سىندى دامۋ ويى جەلىسىن تياناقتاندىرۋدى ماقسات ەتكەن جۇڭگو بۋرىلتوعاي 2021-جىلعى ”التاي قويى كوشى-قون مادەنيەت-ساياحات مەرەكەسى“ 6-ايدىڭ 3-كۇنى، بۋرىلتوعاي اۋدانىنىڭ ساربۇلاق كوشى-قون مادەنيەت-ساياحات شاعىن قالاشىعىندا سالتاناتپەن باستالدى.

  باستالۋ سالتىندا اقىندار ايتىسى، بالۋان، قول باسىسۋ، بۇقاشا تارتىس جانە قوي قىرقۋ، كيىز باسۋ قاتارلى ءداستۇرلى قيمىلدار شينجياڭنىڭ ءىشى-سىرتىنان كەلگەن ساياحاتشىلارعا كوشى-قون مادەنيەتىن سەزىندىردى. اقىندار ايتىسىندا اقىندار ۇلى وتاندى جىرعا قوسىپ، پارتياعا العىس ايتىپ، جاڭا داۋىردەگى باقىتتى تۇرمىستى جىرلادى. انالار شىرقاعان «بەيجيڭنەن تاراعان التىن شۇعىلا» اتتى اندە ۇلى جۇڭگو كوممۋنيستىك پارتياسىن جىرعا قوسىپ، پارتيا قۇرىلعاندىعىنىڭ 100 جىلدىعىنا انمەن سي ارنادى.

  بۋرىلتوعاي اۋدانى وڭىرلىك ساياحاتتىڭ دامۋىن ىلگەرىلەتىپ، التاي قويى كوشى-قون مادەنيەتىن ويداعىداي ەستەلىككە الىپ جانە ۇگىتتەۋ ءۇشىن، ”التاي قويىنىڭ كوشى- قون مادەنيەت-ساياحات مەرەكەسىنىڭ ءبىر مازمۇنى بولعان كوشى-قون مادەنيەتى فوتو سۋرەت كورمەسى“ قيمىلى دا ءبىر ۋاقىتتا جۇرگىزىلدى.

  ۇعىسۋىمىزشا، التاي ايماعى كوزالدا جۇڭگوداعى، اۋەلدەسەڭىز، دۇنيە جۇزىندەگى ەڭ ۇزاق جانە ەڭ كەمەلدى كوشى-قون لەنياسى ــ جىرا شاتقالى ــ ساربۇلاق ــ قىزىلتاۋ بايىرعى كوش جولىن ساقتاپ كەلەدى ەكەن. بۋرىلتوعاي اۋداننىڭ كوشى-قون مادەنيەتىنىڭ مازمۇنى باي، بۋرىلتوعاي اۋدان قالاشىعىنان 100 نەشە كيلومەتر قاشىقتىقتاعى ساربۇلاقتا، ءار جىلى كوكتەم، كۇز ماۋسىمىندا نەشە ءجۇز مىڭ مال تۇلىگى قونىس اۋدارىپ، ساياحاتشىلار مەن فوتو سۋرەت اۋەسكەرلەرىن باۋرايدى.

  قيمىلدان قيىقتار

جاۋاپتى رەداكتور: ءاننا اكىمقان قىزى