بۋرىلتوعاي اۋدانىنىڭ جازعى كوشى-قونى رەسمي باستالدى

   التاي گازەتىنىڭ جالپىلىق اقپارات قۇرالدارى ءتىلشىسى ارداق بەيىسقان ۇلى، پراكتيكانت ءتىلشى نۇرزيلا جەڭىس قىزى حابارلايدى. 6-اي كەلىسىمەن مالشىلاردىڭ جازعى كوشى-قونى جاپپاي باستالدى. 6-ايدىڭ 5-كۇنى، بۋرىلتوعاي اۋدانىنداعى 1100 نەشە مالشى وتباسى مالىن ايداپ جايلاۋعا كوشتى.

  كوشى-قون بارىسىندا مالشىلار مالىن ايداپ، كيىز ءۇي مەن تۇرمىستىق بۇيىمدارىن تۇيەگە ارتىپ، ساربۇلاق تولدەۋلىگىنەن جايلاۋعا كوشىپ ەرەكشە كورىنىس قالىپتاستىردى.

  ۇعىسۋىمىزشا، بۋرىلتوعاي اۋدانىنىڭ جىرا شاتقالى-ساربۇلاق-قىزىلتاۋ كوش جولى التاي ايماعىنداعى ەڭ ۇزاق، كولەمى ەڭ ۇلكەن، كوشى-قون مادەنيەتى تولىق ساقتالعان كوش جولى ەكەن. وڭتۇستىكتەن سولتۇستىككە دەيىن 480 كيلومەترگە جەتىپ، ”مىڭ شاقىرىمدىق كوشى-قون“ جولى دەپ اتالعان، التاي ايماعىنداعى كوشى-قون مادەنيەتىنىڭ تيپتىك ۋاكىلى، بۋرىلتوعاي اۋدانىنىڭ كوشى-قون مادەنيەت ساياحاتىنىڭ ماڭىزدى بۋىنى.

  تاياۋ جىلداردان بەرى، ”التاي تەگەنە قۇيرىقتى قويىنىڭ كوشى-قونى“ بۋرىلتوعاي اۋدانىنىڭ ساربۇلاق كوشى-قون مادەنيەت-ساياحات شاعىن قالاشىعىنىڭ دارالىق ەرەكشەلىككە يە مادەنيەت-ساياحات بايلىعىنا اينالىپ، ءار جولعى كوشى-قوندا كوپتەگەن فوتو سۋرەت اۋەسكەرلەرىن باۋرادى. قۇمىلدان كەلگەن فوتو سۋرەت اۋەسكەرى ۋاڭ سايشيا بىلاي دەدى: كوش جولىندا مالدىڭ قونىس اۋدارۋى ەرەكشە كوركەم كورىنىس قالىپتاستىرادى، بۇل راسىندا، عاجايىپ كورىنىس.

جاۋاپتى رەداكتور: ءاننا اكىمقان قىزى