ايماق 2021-جىلعى ەكولوگيالىق ورنالاستىرۋ جانە كولىكتە سۋارۋ قىزمەتىن باستادى

  التاي گازەتىنىڭ جالپىلىق اقپارات قۇرالدارى پراكتيكانت ءتىلشىسى نۇرزيلا جەڭىس قىزى حابارلايدى. 5 ـ ايدىڭ 27 ـ كۇنى، ايماق 2021 ـ جىلعى ەكولوگيالىق ورنالاستىرۋ جانە كولكىتە سۋارۋ قىزمەتىن باستادى. سول كۇنى تۇستەن بۇرىن ايماق 2021 ـ جىلعى ەكولوگيالىق ورنالاستىرۋ جانە كولكىتە سۋارۋ باسشىلىق گرۋپپاسىنىڭ ءماجىلىسىن اشتى. ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى جەڭىس قادىس ۇلى، ايماقتىڭ، اۋدانداردىڭ (قالانىڭ)، سونداي ـ اق بيڭتۋان 10 ـ شىسىنىڭ قاتىستى جاۋاپتىلارى ماجىلىسكە قاتىناستى.

  بۇل رەتكى ءماجىلىس تاياۋ مەزگىلدەگى اۋا رايى، سۋ رايى، سۋ قويماسىنىڭ سۋ ساقتاۋى قاتارلى جاعدايدى جان ـ جاقتىلى تالداۋ، تۇجىرىمداۋ نەگىزىندە اشىلعان ءماجىلىس بولدى. ءماجىلىستىڭ باستى مىندەتى: شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، تياناقتاندىرۋ جانە امالياتتا ايگىلەۋ، اۆتونوميالى رايوندىق پارتكومنىڭ ءتۇيىندى قىزمەتتەردى ورنالاستىرۋ تالابىنا ساي، عىلمي تالداۋ جاساپ، جۇيەلى جوبالاپ، 2021 ـ جىلعى ەكولوگيالىق ورنالاستىرۋ جانە كولكىتە سۋارۋ قىزمەتىن جاپپاي ورنالاستىرىپ، ايماقتىڭ ەكولوگيالىق ورنالاستىرۋ جانە كولكىتە سۋارۋدى ىلگەرىلەتۋدە ناقتى ونىمدىلىككە قول جەتكىزۋ.

  ماجىلىستە ايماقتىڭ ەكولوگيالىق ورنالاستىرۋ جانە كولكىتە سۋارۋ باسشىلىق گرۋپپاسىنا مۇشە ورىنداردىڭ جاۋاپتىلارى جەكە ـ جەكە 2021 ـ جىلعى ەكولوگيالىق ورنالاستىرۋ جانە كولكىتە سۋارۋعا دايىندالۋ قىزمەتى، اۋا رايى بولجامىنان مالىمەت بەرۋ، سۋ جاعدايى جانە ورنالاستىرۋ جوباسى قاتارلىلاردان مالىمەت بەردى؛ جەڭىس قادىس ۇلى ناق مايداندا «ەكولوگيالىق ورنالاستىرۋ جانە كولكىتە سۋارۋعا قاتىستى مامانداردان اقىل ـ كەڭەس سۇراۋ پىكىرىنە» قول قويدى.

  ءماجىلىس مىنانى تالاپ ەتتى: اۋداندار (قالا)، قاتىستى تاراۋلار (ورىندار) ورتاق تانىمدى كەڭىنەن ۇيىستىرۋ ءتيىس. ورنالاستىرۋ جوباسىن زەيىن قويا دايەكتى اتقارىپ، پارتيا تاريحىن ۇيرەنۋ تاربيەسىن ورىستەتۋدەگى ”بۇقارا ءۇشىن ناقتى ءىس ىستەيمىن“ اتىندا قيمىلدىڭ ناقتى مازمۇنى ەتۋ؛ سەلبەسۋدى، سايكەسۋدى كۇشەيتىپ، جالپى جاعداي كوزقاراسى، وڭىرلىك كوزقاراس يدەياسىن ورناتىپ، ەكولوگيالىق ورتانى قورعاۋدىڭ جالپى تۇلعالىق ەسەبىن، ۇزاق بولاشاقتىق ەسەبىن انىقتاپ، 2021 ـ جىلى كولكىتە سۋارۋ كولەمىن %70 كە جەتكىزۋگە كۇش سالۋ؛ ساندىق مالىمەتتەردى باقىلاۋدى كۇشەيتۋ قاجەت. كولكىتە سۋارىلاتىن جەردى كۇندەلىكتى باقىلاپ ـ تەكسەرۋ، باقىلاپ ـ تەكسەرۋ ساندىق مالىمەتتەرى دەر كەزىندە دالمە ـ ءدال، شىنايى، تولىق بولۋ؛ جوبا ارقىلى جەتەكشىلىك ەتىپ، «شينجياڭ التاي ايماعى مەن بيڭتۋان 10 ـ شىسىنىڭ سۋ ىستەرىن دامىتۋ ستراتەگيالىق جوباسىنىڭ (2020 ـ جىلدان 2035 ـ جىلعا دەيىن)» تالابىنا ساي، ەكولوگيانى قورعاۋ مەن قالپىنا كەلتىرۋدە ناقتى ونىمدىلىككە قول جەتكىزىپ، ءار ۇلت بۇقاراسىن تيىمدىلىككە كەنەلتۋ كەرەك.

  سول كۇنى تۇستەن كەيىن ساعات 4 تە، ايماقتىڭ ەكولوگيالىق كولكىتە سۋارۋ جۇمىسى رەسمي باستالدى. وسى رەتكى كولكىتە سۋارۋ جۇمىسى مەجەمەن، 6 ـ ايدىڭ 7 ـ كۇنى اياقتايدى.

جاۋاپتى رەداكتور: ءاننا اكىمقان قىزى