ەلىمىز كەدەيلىكتەن ارىلعانداردىڭ قايتا كەدەيلەسۋىنەن ساقتانۋ ءۇشىن 5 ءتۇرلى جاقتان كۇش سالادى

  شينحۋا اگەنتتىگىنىڭ تىلشىلەرى حوۋ شۋەجيڭ، گاۋ جيڭ 4 – ايدىڭ 6 – كۇنى بەيجيڭنەن حابارلايدى. ورتالىق كوميتەت اۋىل شارۋاشىلىعى ىستەرى كەڭسەسىنىڭ ورىنباسار مەڭگەرۋشىسى، مەملەكەتتىك اۋىل – قىستاقتى گۇلدەندىرۋ مەكەمەسىنىڭ باستىعى ۋاڭ جىڭپۋدىڭ 4 – ايدىڭ 6 – كۇنى ايتۋىنشا، كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە قول جەتكىزگەن كەيىن، ءدوپ كەلىپ وتىرعان ماڭىزدى ماسەلە — كەدەيلىكتەن ارىلعانداردىڭ قايتا كەدەيلەسۋىنەن ساقتانۋ، ەلىمىز الدا كەدەيلىكتەن ارىلعانداردىڭ قايتا كەدەيلەسۋىنەن ساقتانۋ ءۇشىن 5 ءتۇرلى جاقتان شارا قولدانادى.

  4 – ايدىڭ 6 – كۇنى مەملەكەتتىك كەڭەس كەڭسەسى «ادامزاتتىڭ كەدەيلىكتى ازايتۋىنداعى جۇڭگونىڭ ءامالياتى» اق تىستى كىتابىن جاريالادى، سونىمەن بىرگە، اقپار جاريالاۋ ءماجىلىسىن اشتى. ۋاڭ جىڭپۋ اقپار جاريالاۋ ماجىلىسىندە جوعارىداعىداي مالىمدەدى.

  ول بىلاي دەپ تانىستىردى: قازىر كەدەيلىكتەن ارىلعان وتباسىلار مەن كەدەيلىك شەگىندەگى وتباسىلاردىڭ قايتا كەدەيلەسۋ حاۋپى ساقتالىپ وتىر. ولاردىڭ قايتا كەدەيلەسۋىنىڭ الدىن الۋ ءۇشىن، بىرىنشىدەن، ۇزاق مەرزىمدىك ۇتىمدى مەحانيزم قۇرىلدى، اتاپ ايتقاندا، قايتا كەدەيلەسۋدەن ساقتانۋعا قاتىستى باقىلاۋ - تەكسەرۋ جانە كومەكتەسۋ مەحانيزمى قۇرىلدى. بۇل مەحانيزم ارقىلى نەگىزىنەن كىرىس جاعدايى، «ۇشتە قامسىزداندىرىلۋ» جاعدايى، اۋىز سۋ حاۋىپسىزدىگى جاعدايى باقىلانىپ – تەكسەرىلىپ وتىرادى. مەملەكەت دەڭگەيىندە، جەر – جەردىڭ قىزمەتىنە مەرزىم بويىنشا رەتتەۋ جۇرگىزىلىپ، اۋىل – قىستاقتارداعى كىرىس دەڭگەيى تومەن جان سانىن باقىلاۋ – تەكسەرۋ جانە ولارعا كومەكتەسۋ مەحانيزمى كەمەلدەندىرىلەدى، قۇتقارۋ – كومەكتەسۋ قىزمەتى ساتىعا، تۇرگە ءبولىنىپ ويداعىداي جۇرگىزىلىپ، ولاردىڭ نەگىزگى تۇرمىس جاعدايى قامتاماسىزداندىرىلادى.

  ەكىنشىدەن، ساياساتتىڭ ۇلاسپالىلىعى مەن ورنىقتىلىعى ساقتالادى. ورتالىق كوميتەت كەدەيلىكتەن ارىلعان اۋداندارعا باعىتتاپ، 5 جىلدىق وتپەلى كەزەڭ ورنالاستىرۋدى ۇيعاردى، وسى 5 جىل ىشىندە كەدەيلەرگە كومەكتەسۋدەگى باستى ساياساتتاردىڭ ورنىقتىلىعى ساقتالادى ءارى بۇل ساياساتتار ۇزدىكسىز كەمەلدەندىرىلەدى، «اتقا سۇيەپ مىنگىزۋمەن بىرگە، جولعا دا شىعارىپ قويۋ» كەرەك. قازىرگى كەدەيلەرگە كومەكتەسۋ ساياساتتارى جونىندە تالداۋ جاساۋ، رەتتەۋ، جاقسارتۋ جانە كەمەلدەندىرۋ قىزمەتتەرى ورىستەتىلۋدە، بايلىق قاينارىن شوعىرلاندىرىپ، كەدەيلىكتەن ارىلتۋدان قامال الۋعا قولداۋ كورسەتۋدەن اۋىل – قىستاقتى كوركەيتۋدى جالپى بەتتىك ىلگەرىلەتۋگە ورنىقتى تۇردە بىرتىندەپ ءوتۋ قاجەت، بۇل جونىندە جيىنى 30 نەشە ءتۇرلى سايكەستى ساياساتتار تۇراقتاندىرىلدى، الدا ءبىر – بىرلەپ ورتاعا قويىلادى.

  ۇشىنشىدەن، كومەكتەسۋ – سۇيەمەلدەۋدى كۇشەيتۋ كەرەك. كەدەيلەردى سىرت جەرگە كوشىرىپ سۇيەمەلدەۋ قىزمەتىن ۇزدىكسىز ويداعىداي ىستەپ، كاسىپ سالاسى ارقىلى كومەكتەسۋ – سۇيەمەلدەۋدى، كاسىپتەندىرۋ ارقىلى كومەكتەسۋ – سۇيەمەلدەۋدى باعىتتامالى تۇردە ويداعىداي ىستەپ، نەگىزدىك قۇرىلعىلار قۇرىلىسىن، الەۋمەتتىك قىزمەت وتەۋ قۇرىلىسىن كۇشەيتۋ كەرەك. كومەكتەسۋ – سۇيەمەلدەۋدەگى ءتۇيىندى اۋداندارعا قاتىستى قىزمەتتەردى مىقتى ۇستاۋ ءۇشىن ورتالىق كوميتەت باتىس بولىكتەگى وڭىرلەردە اۋىل – قىستاقتى گۇلدەندىرۋگە قاتىستى كومەكتەسۋ – سۇيەمەلدەۋدەگى ءتۇيىندى اۋدانداردى بەلگىلەپ، ولاردىڭ اۋىل – قىستاقتى جالپى بەتتىك گۇلدەندىرۋ جولىنا ءساتتى تۇسۋىنە كومەكتەسۋدى ۇيعاردى. ءارقايسى ولكەلەر ءتۇيىندى اۋدانداردى تاڭداپ، ولارعا شوعىرلى تۇردە كومەكتەسۋى كەرەك.

  تورتىنشىدەن، ءارقايسى جاقتاردىڭ كۇش – قۋاتىن توعىستىرۋ قاجەت. كەدەيلىكتەن ارىلتۋدان قامال الۋ قىزمەتىندەگى توتەنشە ماڭىزدى تاجىريبە قوعامداعى ءارقايسى جاقتاردىڭ كۇش – قۋاتىن شوعىرلاندىرا وتىرىپ قامال الۋ بولىپ تابىلادى. بۇل ساياساتتار، شارالار ۇزدىكسىز اتقارىلۋى كەرەك، مىسالى، شىعىس بولىك پەن باتىس بولىكتىڭ كەدەيلەردى سۇيەمەلدەۋ قىزمەتىندە سەلبەسۋى جانە باعىتتامالى كومەكتەسۋ، ورتالىق كوميتەتتەگى ورىنداردىڭ كەدەيلەرگە ارناۋلى كومەكتەسۋى قاتارلىلار جالعاسىن تابۋى كەرەك.

  بەسىنشىدەن، قىزمەت جاۋاپكەرشىلىگىن جالعاستى شىنايى تياناقتاندىرۋ كەرەك. وتپەلى كەزەڭدە كەدەيلىكتەن ارىلتۋدان قامال الۋ شايقاسىنىڭ جەتىستىكتەرىن بەكەمدەۋدى، اۋىل – قىستاقتى گۇلدەندىرۋدى جالپى بەتتىك ىلگەرىلەتۋدەگى ءتۇرلى قىزمەتتەردى 5 دارەجەلى شۋجيلار بىرگە مىقتى ۇستاۋى كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەۋدەن كەيىنگى باعالاۋ قىزمەتىن ۇيلەسىمدى ۋاقىتتا ۇيىمداستىرۋ، بەكەمدەۋ ساپاسىن جانە ءورىسىن كەڭەيتۋ، ونىمدىلىگىن ارتتىرۋ جاعدايىن ءتۇيىندى تۇردە باعالاۋ كەرەك، ءار دارەجەلى پارتكومدار مەن ۇكىمەتتەردىڭ جاۋاپكەرشىلىگىن اناعۇرلىم شىنايى تياناقتاندىرىپ، كەدەيلىكتەن ارىلعانداردىڭ كولەمدى تۇردە قايتا كەدەيلەسپەۋى سىندى تومەنگى شەكتى باتىل ساقتاۋ كەرەك.

جاۋاپتى رەداكتور: ءاننا اكىمقان قىزى