سوتسياليستىك زاڭمەن جونگە سالىناتىن مادەنيەت قۇرىلىسىن كۇشەيتەيىك

ورتالىق كوميتەت كەڭسەسى، مەملەكەتتىك كەڭەس كەڭسەسى پىكىر باسىپ تاراتتى

سوتسياليستىك زاڭمەن جونگە سالىناتىن مادەنيەت قۇرىلىسىن كۇشەيتەيىك

  شينحۋا اگەنتتىگىنىڭ 4 - ايدىڭ 5 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «سوتسياليستىك زاڭمەن جونگە سالىناتىن مادەنيەت قۇرىلىسىن كۇشەيتۋ جونىندەگى پىكىردى» باسىپ تاراتتى ءارى حابارلاندىرۋ تاراتىپ، جەر - جەردەن، تاراۋلاردان ءىس جۇزىندىك جاعدايمەن ۇشتاستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.

  «پىكىردە» العا قويىلعان جەتەكشى يدەيا: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، شي جينپيڭنىڭ زاڭمەن جونگە سالۋ يدەياسىن جانە باس شۋجي شي جينپيڭنىڭ مادەنيەت سەنىمى جونىندەگى ماڭىزدى بايىمداۋىن ىشكەرىلەي ۇيرەنىپ، ۇگىتتەپ، دايەكتىلەندىرىپ، سوتسياليستىك زاڭمەن جونگە سالىناتىن مادەنيەت قۇرۋدى جۇڭگوشا سوتسياليستىك زاڭمەن جونگە سالۋ جۇيەسىن قۇرۋدىڭ، سوتسياليستىك زاڭمەن جونگە سالىناتىن مەملەكەت قۇرۋدىڭ ستراتەگيالىق، نەگىزدىك قىزمەتى جانە سوتسياليستىك مادەنيەتتە قۋاتتى ەل قۇرۋدىڭ ماڭىزدى مازمۇنى ەتىپ، تۇتاس ۇلتتىڭ زاڭمەن جونگە سالۋ ساپاسى مەن ءمورال ساپاسىن شىن مانىندە جوعارىلاتىپ، وسىزاماندانۋعا بەت العان، دۇنيە جۇزىنە بەت العان، بولاشاققا بەت العان، ۇلتتىق، عىلمي، بۇقارالىق سوتسياليستىك زاڭمەن جونگە سالىناتىن مادەنيەت قۇرۋعا كۇش سالىپ، مەملەكەتتى جاپپاي زاڭمەن جونگە سالۋعا پارمەندى يدەيالىق كەپىلدىك جانە قۋاتتى رۋحاني قوزعاۋشى كۇش ازىرلەپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا زاڭمەن جونگە سالۋ نەگىزىن بەكەمدەۋ.

  «پىكىردە» العا قويىلعان قىزمەت پرينسيبى: پارتيانىڭ مەملەكەتتى جاپپاي زاڭمەن جونگە سالۋعا باسشىلىق ەتۋىنە تاباندى بولىپ، شي جينپيڭنىڭ زاڭمەن جونگە سالۋ يدەياسىنىڭ مەملەكەتتى جاپپاي زاڭمەن جونگە سالۋداعى جەتەكشىلىك ورنىن بەرىك ورناتىپ، سوتسياليستىك زاڭمەن جونگە سالۋ مادەنيەتى قۇرىلىسىنىڭ دۇرىس بەتالىسىنا شىنايى كەپىلدىك ەتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جۇڭگوشا سوتسياليستىك زاڭمەن جونگە سالۋ جولىمەن بۇلجىماي ءجۇرۋ؛ حالىقتى وزەك ەتۋگە تاباندى بولىپ، سوتسياليستىك زاڭمەن جونگە سالىناتىن مادەنيەت قۇرىلىسىن حالىق ءۇشىن جۇرگىزىپ، حالىققا ارقا سۇيەپ، حالىقتىڭ دەموكراتياعا، زاڭمەن جونگە سالۋعا، ادىلدىككە، تۋراشىلدىققا كۇن سايىن ارتىپ وتىرعان قاجەتىن ۇزدىكسىز قاناعاتتاندىرۋ؛ ەلدى زاڭمەن الاڭسىز ەتۋگە، جۇرەكتى مورالمەن نارلەندىرۋگە تاباندى بولىپ، سوتسياليستىك وزەكتى قۇن كوزقاراسىن سوتسياليستىك زاڭمەن جونگە سالىناتىن مادەنيەت قۇرىلىسىنىڭ جالپى بارىسىنا، ءارقايسى جاقتارىنا توعىستىرىپ، زاڭمەن جونگە سالۋ مەن مورالمەن جونگە سالۋدىڭ ءبىرىن - ءبىرى كەمەلدەندىرۋىن، بىرىنە - ءبىرى ساي كەلۋىن جۇزەگە اسىرۋ؛ تانىم مەن ارەكەتتىڭ بىرلىگىنە، امالياتتا ايگىلەۋگە دەن قويۋعا تاباندى بولىپ، جالپى حالىقتى سوتسياليستىك زاڭمەن جونگە سالۋدىڭ ادال ارداقتاۋشىلارى، سانالى بويسۇنۋشىلارى، باتىل قورعاۋشىلارى بولۋعا باستاۋ؛ جالعاستىرىپ دامىتۋعا، تۋرالىقتى ساقتاپ جاڭالىق اشۋعا تاباندى بولىپ، جۇڭحۋانىڭ تاڭداۋلى ءداستۇرلى مادەنيەتىن، توڭكەرىس مادەنيەتىن، سوتسياليستىك وزىق مادەنيەتتى اسقاقتاتىپ، دۇنيە ءجۇزىنىڭ تاڭداۋلى زاڭمەن جونگە سالۋ وركەنيەت جەتىستىكتەرىنەن ۇيرەنىپ، ۇلگى الىپ، سوتسياليستىك زاڭمەن جونگە سالىناتىن مادەنيەتتى ۇزدىكسىز دامىتۋ جانە گۇلدەندىرۋ.

  «پىكىردە» العا قويىلعان جالپى تۇلعالىق نىسانا: قاجىماي قۇلشىنۋ ارقىلى نەگىزگى زاڭ، زاڭداردىڭ بەدەلىن ونان ارى تۇلعالاۋ، زاڭعا قۇرمەت ەتۋ، زاڭ ۇيرەنۋ، زاڭعا بويسۇنۋ، زاڭدى قولدانۋ رايىن كۇن سايىن قويۋلاتۋ، زاڭمەن جونگە سالىناتىن مادەنيەت ىستەرىن گۇلدەندىرۋ - كوركەيتۋ، زاڭمەن جونگە سالىناتىن مادەنيەت دارىندىلارى قوسىنىن ۇزدىكسىز ۇلعايتۋ، سوتسياليستىك زاڭمەن جونگە سالىناتىن مادەنيەت قۇرىلىسى قىزمەتى ءتۇزىلىسىن، مەحانيزمىن ونان ارى كەمەلدەندىرۋ. 2035 - جىلعا بارعاندا زاڭمەن جونگە سالىناتىن مەملەكەت، زاڭمەن جونگە سالىناتىن ۇكىمەت، زاڭمەن جونگە سالىناتىن قوعام ءوزارا ۇيلەسكەن، جۇڭگوشا سوتسياليستىك زاڭمەن جونگە سالۋ جۇيەسىمەن ءوزارا ۇيلەسكەن سوتسياليستىك زاڭمەن جونگە سالىناتىن مادەنيەتتى نەگىزىنەن قالىپتاستىرۋ، تۇتاس قوعام ءىس بىتىرۋدە زاڭعا نەگىزدەلەتىن، ىسكە جولىققاندا زاڭعا جۇگىنەتىن، ماسەلەنى شەشۋدە زاڭنان پايدالاناتىن، قايشىلىقتاردى شەشۋدە زاڭعا سۇيەنەتىن زاڭمەن جونگە سالۋ ورتاسىن نەگىزىنەن قالىپتاستىرۋ.

  «پىكىردە» ايقىندالعان نەگىزگى مىندەت: شي جينپيڭنىڭ زاڭمەن جونگە سالۋ يدەياسىن ىشكەرىلەي ۇيرەنىپ، ۇگىتتەپ، دايەكتىلەندىرىپ، جۇڭگوشا سوتسياليستىك زاڭمەن جونگە سالۋ نازارياسىن كەمەلدەندىرىپ، نەگىزگى زاڭ رۋحىن بار كۇشپەن اسقاقتاتىپ، زاڭمەن جونگە سالۋ امالياتى بارىسىندا ازاماتتاردىڭ زاڭمەن جونگە سالۋ ساپاسىن ۇزدىكسىز جوعارىلاتىپ، جۇڭحۋانىڭ تاڭداۋلى ءداستۇرلى زاڭ مادەنيەتىن جاسامپازدىقپەن كادەگە جاراتۋدى، جاڭالىق اشا دامىتۋدى ىلگەرىلەتىپ، سوتسياليستىك زاڭمەن جونگە سالىناتىن ادەبيەت - كوركەمونەردى گۇلدەندىرىپ، دامىتىپ، سوتسياليستىك زاڭمەن جونگە سالىناتىن مادەنيەت شەبى قۇرىلىسىن كۇشەيتىپ، زاڭمەن جونگە سالىناتىن مادەنيەت جاعىنداعى حالىقارالىق اۋىس - كۇيىستى كۇشەيتۋ.

  «پىكىردە» ۇيىمدىق قامتاماسىزدىق ارقاۋ ەتىلىپ، بىلاي دەپ باسا دارىپتەلدى: ۇيىمدىق باسشىلىقتى كۇشەيتىپ، قىزمەت مەحانيزمىن اقاۋسىزداندىرىپ، دارىندى باۋلۋدى كۇشەيتىپ، تيپتەردى جەتىلدىرۋ، جالپىلاستىرۋ كەرەك.

جاۋاپتى رەداكتور: ءاننا اكىمقان قىزى