شي جينپيڭ تەلەگرامما جولداپ، رۋان چۇنفۋدىڭ ۆيەتنامنىڭ مەملەكەت ءتوراعاسى بولىپ سايلانعاندىعىن قۇتتىقتادى

لي كىچياڭ تەلەگرامما جولداپ، فان ميڭجىڭنىڭ ۆيەتنام ۇكىمەتىنىڭ زۇڭليى بولىپ سايلانعاندىعىن قۇتتىقتادى

  شينحۋا اگەنتتىگىنىڭ 4 - ايدىڭ 5 - كۇنى بەيجيڭنەن بەرگەن حابارى. 4 - ايدىڭ 5 - كۇنى مەملەكەت ءتوراعاسى شي جينپيڭ رۋان چۇنفۋعا تەلەگرامما جولداپ، ونىڭ ۆيەتنامنىڭ مەملەكەت ءتوراعاسى بولىپ سايلانعاندىعىن قۇتتىقتادى.

  شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: جۇڭگو مەن ۆيەتنام تاۋ - سۋى تۇتاسقان سوتسياليستىك كورشى ەلدەر. بىلتىردان بەرى ەكى جاق ءوزارا قارايلاسىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدىڭ كەلەلى جەتىستىگىنە قول ۇستاسا قول جەتكىزدى، ەكى ەلدىڭ قارىم - قاتىناسى ءۇرتىس جاقسارىپ، دامىپ، جۇڭگو مەن ۆيەتنامنىڭ تاتۋ كورشىلىگىنىڭ، دوستىعىنىڭ جاڭا تاراۋىن بىرگە جازدى.

  شي جينپيڭ بىلاي دەپ باسا دارىپتەدى: قازىرگى تاڭداعى دۇنيە ءجۇزى 100 جىلدا بولماعان زور وزگەرىسكە ءدوپ كەلدى، جۇڭگو مەن ۆيەتنامنىڭ قارىم - قاتىناسى جانە ەكى ەلدىڭ سوتسياليستىك قۇرىلىس ىستەرى الدىڭعىعا مۇراگەر، كەيىنگىگە بۇيداگەر بولاتىن شەشۋشى كەزەڭگە ءوتتى. مەن جۇڭگو - ۆيەتنام قارىم - قاتىناسىنىڭ دامۋىنا ايرىقشا ءمان بەرەمىن، سىزبەن بىرگە قۇلشىنىپ، ەكى جاقتىڭ ستراتەگيالىق مانگە يە تاعدىرلاس ورتاق تۇلعا قۇرۋىن جەتەكشى ەتىپ، ەكى ەلدىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ جاڭا دا اناعۇرلىم زور جەتىستىككە ۇزدىكسىز قول جەتكىزۋىن ىلگەرىلەتىپ، ەكى ەلدى جانە ەكى ەل حالىقتارىن اناعۇرلىم جاقسى باقىتقا كەنەلتۋدى قالايمىن.

  سول كۇنى مەملەكەتتىك كەڭەستىڭ زۇڭليى لي كىچياڭ تەلەگرامما جولداپ، فان ميڭجىڭنىڭ ۆيەتنام ۇكىمەتىنىڭ زۇڭليى بولىپ سايلانعاندىعىن قۇتتىقتاپ، فان ميڭجىڭ زۇڭليمەن بىرگە قۇلشىنىپ، دامۋ ستراتەگيالارىنىڭ ۇشتاسۋىن نىق قاداممەن ىلگەرىلەتىپ، ءوزارا پايدا جەتكىزىپ، تەڭ يگىلىككە كەنەلەتىن سەلبەستىك ارناسىن جەدەل قالىپتاستىرىپ، جۇڭگو مەن ۆيەتنامنىڭ تاتۋ كورشىلىك، دوستىق جانە جالپى بەتتىك سەلبەستىك قارىم - قاتىناسىنىڭ دامۋىنا بەلسەنە ۇلەس قوسۋدى قالايتىندىعىن ءبىلدىردى.

جاۋاپتى رەداكتور: ءاننا اكىمقان قىزى