اۋەلگى ماقساتتى، بورىشتى ەسكە الىپ، توڭكەرىستىك گەندى جالعاستىردى

  ءوز ءتىلشىمىز قۇرمانگۇل جەڭىسبەك قىزى حابارلايدى. پارتيا تاريحىن ۇيرەنۋ تاربيەسىن تىڭعىلىقتى ورىستەتىپ، ساياسي كەڭەس كادرلارىنىڭ وتانشىلدىق سۇيىسپەنشىلىگىن كۇشەيتىپ، اۋەلگى ماقساتتى، بورىشتى ەسكە الىپ، قىزىل گەندى جالعاستىرۋ ٴۇشىن، 4-ايدىڭ2-كۇنى، التاي ايماقتىق ساياسي كەڭەس قىزمەت كوميتەتى ورگانىنىڭ پارتيا ياچەيكاسى التاي قۇرباندار قابىرىستانىندا « توڭكەرىستىك قۇربانداردى ەسكە الىپ، توڭكەرىستىك رۋحتى ساۋلەلەندىرەيىك» اتىنداعى پارتيا كۇنى قيمىلىن ورىستەتتى. ايماقتىق ساياسي كەڭەس قىزمەت كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشىسى باقىت ينايات ۇلى، ايماقتىق ساياسي كەڭەس قىزمەت كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشىسى ماقسۇر ءالىپ ۇلى قيمىلعا قاتىناستى.

  بارلىق پارتيالى كادرلار قۇرباندار قابىرىنىڭ الدىندا تۇرىپ، ۇلتتىڭ تاۋەلسىزدىگى مەن حالىقتىڭ ازاتتىق ىستەرى ٴۇشىن قان كەشىپ شايقاس جاساعان، ەرلىكپەن قۇربان بولعان توڭكەرىستىك قۇرباندارعا ٴۇنسىز ازا ٴبىلدىرىپ، گۇل شەڭبەر قويىپ، توڭكەرىستىك قۇرباندارعا دەگەن شەكسىز ساعىنىشىن ٴبىلدىردى ٴارى پارتياعا كىرۋ سەرتىن قايتا ەسكە ٴتۇسىردى.

  وسىدان كەيىن بارلىق پارتيا مۇشەسى قۇرباندار قابىرىستاندىعى ەسكەرتكىش سارايىن ەكسكۋرسيالاپ، قاھارمان ـ قۇربانداردىڭ قاھارماندىق ىزگى ىستەرىن قايتالاي سەزىندى، جان تەبىرەنتەرلىك سۋرەتتەر، كورىنىستەر قاھارمان ـ قۇربانداردىڭ اسقاق وتانشىلدىق سۇيىسپەنشىلىگىن، بەرىك مۇرات ـ سەنىمىن، وسكەلەڭ ٴمورالدىق قاسيەتىن جانە قۇربان بەرۋدەن تايىنبايتىن تۋراشىلدىعىن جاندى ايگىلەپ، جان دۇنيەنى ٴدۇر سىلكىندىرىپ، رۋحاني جاقتان سىننان ٴوتتى.

  كوپشىلىك توڭكەرىستىك ٴداستۇر تاربيەسى ارقىلى توڭكەرىستىك قۇربانداردىڭ قۇربان بەرۋدەن قورىقپايتىن، باتىلدىقپەن كۇرەس جۇرگىزەتىن توڭكەرىستىك رۋحىنان ۇيرەنىپ، اۋەلگى ماقساتتى ايقىنداپ، توڭكەرىستىك قۇربانداردى ۇلگى ساناپ، قۇربانداردىڭ توڭكەرىستىك رۋحىنا مۇراگەرلىك ەتىپ، مۇرات ـ سەنىمدى ونان ارى بەكەمدەپ، پارتياعا ادال بولۋداي ساياسي قاسيەتتى شىڭداپ، جاڭا داۋىردەگى حالىق ساياسي كەڭەسى ىستەرىنىڭ جاڭالىق اشا دامۋىنىڭ جاڭا ساپارىندا تولىمدى پارتيا مۇشەسى بولاتىندىقتارىن ٴبىلدىرىستى.

  ”بۇگىن قۇرباندار قابىرىستانىندا توڭكەرىستىك قۇرباندارعا ازا ٴبىلدىرىپ، قۇربانداردىڭ قاھارماندىق ىزگى ىستەرىن ٴبىلىپ، تەرەڭ شابىت الدىم، ولاردىڭ تايسالمايتىن رۋحى مەنى قاتتى تەبىرەنتتى، قاھارماندارعا دەگەن قۇرمەتىمىز ارتا ٴتۇستى“. ساياسي كەڭەس ايماقتىق قىزمەت كوميتەتى مۇشەلەر قىزمەتى باسقارماسىنىڭ ۇسىنىس جوبا ٴبولىمىنىڭ باستىعى ٴاشىم بىلاي دەدى : ” پارتيا مۇشەسى رەتىندە، بۇدان كەيىن پارتيا تاريحىن ۇيرەنۋ تاربيەسىمەن ۇشتاستىرىپ، قۇربانداردىڭ توڭكەرىستىك رۋحىنا مۇراگەرلىك ەتىپ، قىزمەت وتەۋ دەڭگەيىم مەن كاسىپتىك قابىلەتىمدى قۇلشىنا جوعارىلاتىپ، اناعۇرلىم كۇشتى تاريحي بورىشتىلىق سەزىممەن جانە ساياسي جاۋاپكەرشىلىك سەزىممەن قىزمەتكە كىرىسىپ، كوممۋنيستەردىڭ العاباسارلىعىن ماڭگى ساقتايمىن“.

اۋدارعان: مەيرامگۇل مۇسىنات قىزى

جاۋاپتى رەداكتور: ءاننا اكىمقان قىزى