پارتيا تاريحىن ۇيرەنۋ تاربيەسى جونىندەگى اۆتونوميالى رايوندىق ۇگىت-لەكسيا ۇيىرمەسىنىڭ ۇگىت-لەكسيا جاساۋ جينالىسى التايدا وتكىزىلدى

  التاي گازەتىنىڭ جالپىلىق اقپارات قۇرالدارى ءتىلشىسى حۋ جۇنشيۋ حابارلايدى. 3-ايدىڭ 30-كۇنى، پارتيا تاريحىن ۇيرەنۋ تاربيەسى جونىندەگى اۆتونوميالى رايوندىق ۇگىت-لەكسيا ۇيىرمەسىنىڭ ۇگىت-لەكسيا جاساۋ جينالىسى التايدا وتكىزىلدى. پارتيا تاريحىن ۇيرەنۋ تاربيەسى جونىندەگى اۆتونوميالى رايوندىق ۇگىت-لەكسيا ۇيىرمەسىنىڭ مۇشەسى، اۆتونوميالى رايوندىق تابيعي بايلىق مەڭگەرمەسى پارتگرۋپپاسىنىڭ شۋجيى، ورىنباسار مەڭگەرمە باستىعى زىڭ يانياڭ ۇگىت-لەكسيا جاسادى. التاي ايماقتىق پارتكومنىڭ شۋجيى جاڭ يان بايانداما جاساۋ جينالىسىن باسقاردى ءارى ءسوز سويلەدى.

  ليۋ بين، باقىت ينايات ۇلى، گۇلنۇر نۇرعالي قىزى، اقجول انەس ۇلى، ۋاڭ جۇن-ان، سەرىك قابىكەن ۇلى جينالىسقا قاتىناستى.

  بايانداما جاساۋ جينالىسىندا زىڭ يانياڭ باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا سويلەگەن ماڭىزدى ءسوزى رۋحىن ۇيرەنۋ، جەتە تۇسىنۋدى ارقاۋ ەتىپ، باس شۋجي شي جينپيڭنىڭ پارتيا تاريحى جونىندەگى 9 جاقتاعى ماڭىزدى بايىمداۋلارىن ىشكەرىلەي ۇيرەنىپ، ءتۇسىنىپ، پارتيا تاريحىن ۇيرەنۋ تاربيەسىن ورىستەتۋدىڭ كەلەلى ءمانىن تولىق تانۋ؛ پارتيا تاريحى جونىندەگى نەگىزگى شىعارمالاردى مۇقيات زەرتتەپ وقىپ، جۇڭگو كوممۋنيستىك پارتياسىنىڭ 100 جىلدىق شۇعىلالى كۇرەس تاريحىن جانە تاريحي سيپاتتى ۇلەسىن جاپپاي يگەرۋ؛ پارتيا تاريحىن ۇيرەنۋ تاربيەسىن ورىستەتۋدىڭ ءتۇيىنىن ىشكەرىلەي يگەرۋ؛ پارتيا تاريحىن ۇيرەنۋ تاربيەسىن ورىستەتۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنىپ، جەتە ءتۇسىنىپ، شىنايى تياناقتاندىرىپ، ”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ سىندى 4 جاقتان ىشكەرىلەي بايىمدادى جانە جۇيەلى تۇسىنىك جاسادى.

  بايانداما جينالىسىنىڭ نەگىزگى تاقىرىبى ايقىن، مازمۇنى ناقتى، جاعدايعا تولىق تالداۋ جاساعان، بايىمداۋى ەگجەي-تەگجەيلى بولىپ، وسكەلەڭ ساياسيلىققا، تەرەڭ نازاريالىلىققا يە بولىپ قالماستان، امالياتپەن ۇشتاسقان، تاريحي زاڭدىلىقتى يگەرۋمەن بىرگە، ءداۋىر قاجەتىن ايگىلەدى، جينالىسقا قاتىناسقانداردىڭ پارتيا تاريحىن ۇيرەنۋى ءۇشىن ءبىر رەتكى ىشكەرىلەگەن تۇردە جالپى بەتتىك، ەگجەي ـ تەگجەيلى پىسىقتاۋ بولدى. پارتيالى كادرلار ارت-ارتىنان بىلاي دەدى: باياندامادا جاعدايعا تولىق تالداۋ جاسالىپ، تاجىريبە جان-جاقتىلى قورىتىندىلانعان، تەرەڭ تاربيەلىك قۇنعا يە، ءسوزسىز، مۇقيات ۇيرەنىپ، جەتە ءتۇسىنىپ، جەتە يگەرىپ، شىنايى تياناقتاندىرۋ نەگىزىندە كوكەيگە ۇيالاتۋ ءتيىس.

  جاڭ يان بىلاي دەپ اتاپ كورسەتتى: بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ ــ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيانىڭ 100 جىلدىق تاريحىنىڭ تىڭ باستالۋ ءتۇيىنىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداي ستراتەگيالىق جالپى جاعدايعا ءبىر تۇتاس جوبا جاساۋدى جانە دۇنيە جۇزىندە 100 جىلدا بولماعان وزگەرىستەردى، بۇكىل پارتيانىڭ، بۇكىل ەلدىڭ تولىق سەنىممەن جاپپاي سوتسياليستىك وسىزاماندانعان مەملەكەت قۇرۋعا ات سالىسۋىن تياناق ەتە وتىرىپ جاساعان كەلەلى شەشىمى. باس شۋجي شي جينپيڭنىڭ ماڭىزدى ءسوزى رۋحىن جانە جۇڭگو كوممۋنيستىك پارتياسىنىڭ تاريحى جونىندەگى ماڭىزدى بايىمداۋىن ىشكەرىلەي ۇيرەنىپ، ءتۇسىنىپ، دايەكتىلەندىرۋ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن تاباندىلىقپەن باتىل بىرلىككە كەلتىرىپ، پارتيا تاريحىن ۇيرەنۋ تاربيەسىن تىڭعىلىقتى ويداعىداي ورىستەتىپ، تاريحتى ۇيرەنىپ، يدەيانى ءتۇسىنىپ، ناقتى ءىس ىستەپ، جاڭا جاعداي اشۋعا تاباندى بولۋ، تاريحتى ۇيرەنۋ ارقىلى قاعيدانى ءتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ءمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەپ، پارتيا تاريحىن ۇيرەنۋ تاربيەسىن قوعام ورنىقتىلىعى مەن باياندى تىنىشتىقتى جەبەيتىن قۇدىرەتتى كۇشكە قۇلشىنا اينالدىرۋ كەرەك.

  جاڭ يان مىنانى باسا دارىپتەدى: ايماقتاعى ءار دارەجەلى تاراۋلار وسى رەتكى ۇگىت-لەكسيا جينالىسىن وراي ەتىپ، پارتيا تاريحىن ۇيرەنۋ تاربيەسىنىڭ ماڭىزدىلىعىن ىشكەرىلەي تانىپ، پارتيامىزدىڭ وزىق ساياسي قاسيەتىن، وسكەلەڭ ساياسي مۇراتىن، اسقاق ساياسي تالپىنىسىن، كىرشىكسىز ساياسي ساپاسىن پارتيا تاريحىنان تەرەڭ تانۋ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قۋاتىن، ساياسي ءتۇسىنۋ قۋاتىن، ساياسي اتقارۋ قۋاتىن ۇزدىكسىز جوعارىلاتىپ، ءىس جۇزىندىك قىزمەت قابىلەتىن، دەڭگەيىن تىڭعىلىقتى ىلگەرىلەتۋ قاجەت.

  جاڭ يان مىنانى باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنۋ، جەتە ءتۇسىنۋ، شىنايى تياناقتاندىرۋ ءتيىس. شي جينپيڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنۋ، جەتە ءتۇسىنۋ، شىنايى تياناقتاندىرۋدى پارتيا تاريحىن ۇيرەنۋ تاربيەسىندەگى كەلەلى ساياسي مىندەت رەتىندە قاراپ، پارتيانىڭ 18-قۇرىلتايىنان بەرگى پارتيا جانە مەملەكەت ىستەرىندە قول جەتكىزگەن تاريحي سيپاتتى جەتىستىگىمەن، تۋىلعان تاريحي سيپاتتى وزگەرىسپەن ۇشتاستىرىپ، ونىڭ وزەكتى ءمانىن، رۋحاني ءنارىن، مول مازمۇنىن، ناقتى تالابىن ىشكەرىلەي ءتۇسىنۋ، پارتيانىڭ نازاريادا جاڭالىق اشۋىنان پايدالانىپ، پارتيالىلىقتى شىڭداپ، ءمورالدى شىڭداپ، سەنىم نەگىزىن اناعۇرلىم بەكەمدەپ، رۋحاني كالتسيدى تولىقتاپ، يدەيالىق رولدى مىقتى يگەرۋ، وزەككە ادال بولۋ، وزەكتى قورعاۋ، وزەككە قاراپ ساپ تۇزەۋدەي ساياسي سانالىلىق پەن ارەكەت سانالىلىعىن ۇزدىكسىز كۇشەيتۋ، ءتۇرلى قىزمەتتىڭ باستان-اياق باس شۋجي شي جينپيڭنىڭ كورسەتكەن دۇرىس باعىتتا العا باسۋىنا كەپىلدىك ەتۋ كەرەك.

  جاڭ ياڭ مىنانى تالاپ ەتتى: پارتيا تاريحىن ۇيرەنۋ تاربيەسىن تاجىريبەنى قورىتىندىلاۋمەن، كەزەكتەگى جاعدايعا تالداۋ جاساۋمەن، بۇدان كەيىنگى قىزمەتتى جەبەۋمەن ۇشتاستىرىپ، دامۋ مەن حاۋىپسىزدىكتى، ىندەتتەن ساقتانۋ-تىزگىندەۋ مەن ەكونوميكانىڭ، قوعامنىڭ دامۋىن ءبىرتۇتاس جوسپارلاپ، قوعام ورنىقتىلىعىن ەش بوساڭسىتپاستان ويداعىداي يگەرۋگە، ىندەتتەن ساقتانۋ-تىزگىندەۋدى ۇدايىلاندىرۋدى ويداعىداي يگەرۋگە، حاۋىپسىز ءوندىرىستى مىقتى يگەرۋگە تاباندى بولىپ، تىڭ دامۋ تانىمىن جاپپاي دايەكتىلەندىرۋ، قار-مۇز كاسىبىن، ءتۇيىندى قىزمەتتى، نىسان قۇرىلىسى اياق الىسىن تەزدەتىپ، ەكونوميكانىڭ جوعارى ساپالى دامۋىن جەبەۋ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن ۇزدىك ناتيجەمەن قارسى الۋ ءتيىس.

  ءتىلشى مىنانى ۇعىستى: كەلەسى قادامدا ۇگىت-لەكسيا ۇيىرمەسى كوكتوعاي جانە شىڭگىل اۋداندارىنا بارىپ ۇگىت-لەكسيا جاسايدى.

  ۇگىت-لەكسيا جينالىسى تەلەۆيزور-تەلەفون جينالىسى فورماسىندا اۋداندارعا (قالاعا، كورىنىس رايونىنا)، اۋىلدارعا (قالاشىق، فەرما، كوشە ءىس باسقارماسىنا)، قىستاقتارعا (الەۋمەتتىك اۋماقتارعا) دەيىن اشىلدى. ايماقتىق ءتورت باسشىلىق القانىڭ باسشىلارى، باس حاتشى، ورىنباسار باس حاتشىلار، حالىق سوتىنىڭ، بولىمشە پروكۋراتۋرانىڭ جاۋاپتى جولداستارى، ايماققا توتە قاراستى تاراۋلاردىڭ (ورىنداردىڭ) نەگىزگى جاۋاپتى جولداستارى، ايماقتىق پارتيا تاريحىن ۇيرەنۋ تاربيەسىنە باسشىلىق ەتۋ گرۋپپاسى كەڭسەسىنىڭ جاۋاپتىلارى بولىپ جيىنى 4500 نەشە ادام ۇگىت-لەكسيا جينالىسىنا قاتىناستى.

جاۋاپتى رەداكتور: ءاننا اكىمقان قىزى