ايماعىمىز جاڭا تيپتى ايدارشا ۆيرۋس ۆاكسيناسىن تەگىن ەگۋ قىزمەتىن جاپپاي ىلگەرىلەتتى

  ءوز ءتىلشىمىز قۇرمانگۇل جەڭىسبەك قىزى حابارلايدى. 3-ايدىڭ 28-كۇنى، ٴتىلشىنىڭ ايماعىمىزداعى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ-تىزگىندەۋ قىزمەتى قولباسشىلىق شتابىنان ۇعىسۋىنشا، 3-ايدىڭ 28-كۇنىنەن 29-كۇنىنە دەيىن، ايماعىمىز جاڭا تيپتى ايدارشا ۆيرۋس ۆاكسيناسىن تەگىن ەگۋ قىزمەتىن جاپپاي ىلگەرىلەتىپ، اۆتونوميالى رايوننىڭ جىبەرگەن تۇڭعىش توپتاعى 50 مىڭ جاڭا تيپتى ايدارشا ۆيرۋس ۆاكسيناسىن ەگۋ قىزمەتىن ورىندايدى ەكەن.

  ”كوپشىلىك، ازاماتتىق كۋالىكتەرىڭىزدى دايارلاپ، قاتىستى ينفورماتسيالاردى تىزىمدەتىڭىزدەر“. سول كۇنى، ٴتىلشى التاي ايماقتىق حالىق شيپاحاناسىنىڭ ۆاكسينا ەگۋ تۇيىنىنەن شيپاحانا قىزمەتكەرلەرىنىڭ جەتەكشىلىگىندە، تۇرعىنداردىڭ سانالى تۇردە 1.5 مەتر ارالىق ساقتاپ، دەنە تەمپەراتۋرالارىن ولشەتىپ، ءتارتىپ بويىنشا ۆاكسينا قويدىرتىپ، جالپى بارىسىتىڭ جۇيەلى ورىستەتىلىپ جاتقاندىعىن كوردى.

  ”شيپاحانامىز بۇگىن 1200 ادامعا ۆاكسينا ەگىپ،4 ۆاكسينا ەگۋ ءبولىمىن قۇردى. قىزمەتكەرلەردىڭ كاسىپتىك ورەسى ٴبىرشاما جوعارى، الدىن الا تاربيەلەنگەن، سونىمەن بىرگە، باقىلاۋ بولمەسىنە تىنىس الدىرۋ اسپابى، جۇرەك كارديوگرامماسى سياقتى قۇتقارۋ جابدىقتارىن دايىنداپ، حالىق بۇقاراسىنىڭ باس اماندىعىنا كەپىلدىك ەتەمىز. قازىر ۆاكسينا قويدىرعانداردىڭ اراسىندا كورنەكتى كەرى اسەر بەرگەندەر بايقالمادى“، ـ دەدى التاي ايماقتىق حالىق شيپاحاناسى اۋرۋدىڭ الدىن الۋ، دەنساۋلىق ساقتاۋ ٴبولىمىنىڭ مەڭگەرۋشىسى جاڭ دۇڭشيا.

  ٴتىلشىنىڭ ۇعىسۋىنا قاراعاندا، تۇرعىندار ۆاكسينا ەكتىرتكەننەن كەيىن، باقىلاۋ بولمەسىندە 30 مينۋت ايالداپ تۇرادى، كەرى اسەرى بولماعان جاعدايدا قايتا بەرۋىنە بولادى، سونىمەن بىرگە، ىقىلاستى ەسكەرتپە كارتۋچكاسى، بايلانىس تەلەفون كارتۋچكاسىن تاراتىپ، كەرى اسەر بايقالسا دەركەزىندە كەلىپ ەمدەلۋدى ۇقتىردى. ”ۆاكسينا قويدىرعانىما 20 نەشە مينۋت بولدى، جايسىزدانۋ بەلگىسى بايقالمادى. ەمدەۋ قىزمەتكەرلەرى بىزگە اراق ىشپەۋ، كۇشتى ارەكەت جاساماۋ سياقتى كوڭىل بولەتىن ىستەردى ەسكەرتتى. جاڭا تيپتى ايدارشا ۆيرۋس ۆاكسيناسىن تەگىن ەگۋ پارتيا مەن ۇكىمەتتىڭ بۇقاراعا جاساعان قامقورلىعى“، ـ دەدى التاي قالاسىنىڭ تۇرعىنى شيە جىجيە.

  كەزەكتە، مەملەكەتتىڭ ٴبىر تۇتاس ورنالاستىرۋىنا ساي، ٴار ٴتۇرلى قاۋىمعا ۆاكسينا ەگۋ قىزمەتىن ساتىعا ٴبولىپ ورىستەتەدى ەكەن. جاڭا تيپتى ايدارشا ۆيرۋس ۆاكسيناسىن كەڭ كولەمدە ەگۋ جاڭا تيپتى ايدارشا ۆيرۋس وكپە قابىنۋىنىڭ الدىن الۋدىڭ ەڭ ءونىمدى ٴتاسىلى، ءارى ۆيرۋستىڭ تارالۋىن ٴونىمدى تۇردە تەجەپ، ادامداردىڭ جۇعىمدالۋ جانە دەرتكە شالدىعۋ قاتەرىن تومەندەتىپ، يممۋنيتەت قالتقىسىن قالىپتاستىرىپ، بۇكىل ايماقتاعى ٴار ۇلت بۇقاراسىنىڭ باس اماندىعى مەن دەنساۋلىعىن قامتاماسىزداندىرۋعا بولادى.

  ”بۇل رەتكى ەگۋ وبيەكتىسى 18 ~ 59 جاس ارالىعىنداعى ادامدار توبى، سونداي-اق، 60 جاستان جوعارى دەنساۋلىق جاعدايى جاقسى تۇراقتى تۇرعىندار مەن جىلجىمالى جان سانى“،-دەدى التاي ايماقتىق اۋرۋدىڭ الدىن الۋ ورتالىعى يممۋنيتەتتەندىرۋدى جوبالاۋ ٴبولىمىنىڭ باستىعى يۇي حۋافىڭ.”بۇرىن باسقا ۆاكسينا تۇرلەرىن قويدىرعاننان كەيىن، كەرى اسەر تۋىلعاندار مەن كەيبىر سالماقتى نەرۆ جۇيەسى اۋرۋى بارلاردان سىرت، جوعارى قان قىسىم، جۇرەك اۋرۋى سياقتى سوزىلمالى اۋرۋلار دا ەكتىرۋگە بولادى“ـ دەدى ول.

  ۇعىسۋعا قاراعاندا، شينجياڭ مەملەكەت بويىنشا تۇڭعىش رەت ۆاكسينا ەكتىرگەن 14 ولكەنىڭ (قالانىڭ) ٴبىرى ەكەن، التاي ايماعىنىڭ ەرەكشە جاعراپيالىق ورنىن ەسكەرە وتىرىپ، اۆتونوميالى رايون جاعىنان تۇڭعىش توپتا ۆاكسينا ەگىلەتىن ايماق، وبلىس قاتارىنا ەنگىزىلدى. 4-ايدىڭ سوڭىنان بۇرىن، اۆتونوميالى رايون التاي ايماعىنا 300 مىڭ جاڭا تيپتى ايدارشا ۆيرۋس ۆاكسيناسىن جەتكىزىپ، جاڭا تيپتى ايدارشا ۆيرۋس ۆاكسيناسىن ەگۋ قىزمەتىن قاتار ورىستەتەدى. 3-ايدىڭ 27-كۇنىنە دەيىن، اۆتونوميالى رايون دايىنداعان تۇڭعىش توپتاعى 50 مىڭ جاڭا تيپتى ايدارشا ۆيرۋس ۆاكسيناسى التايعا جەتىپ، ايماقتىق اۋرۋدىڭ الدىن الۋ ورتالىعى اۋداندىق (قالا) اۋرۋدىڭ الدىن الۋ ورتالىعىمەن بىرلەسىپ، ۆاكسينانى تۇندەلەتىپ اۋداندارداعى (قالا) ەگۋ تۇيىنىنە جەتكىزدى.

  ”مەزگىلگە، توپقا ٴبولىپ ۆاكسينا ەگۋ قىزمەتىن ويداعىداي ىستەۋ ٴۇشىن، ايماق جاڭا تيپتى ايدارشا ۆيرۋس ۆاكسيناسىن ەگۋ قىزمەتى ٴماجىلىسىن اشىپ، ەكىنشى ساتىداعى ۆاكسينا ەگۋ قىزمەتىنە قايتالاي ورنالاستىرۋ جاساپ، قايتالاي اتتانىسقا كەلتىرىپ، قايتالاي ورنالاستىرىپ، ۆاكسينا ەگۋ قىزمەتىن جوعارى دەڭگەيدە ىلگەرىلەتتى. سونىمەن بىرگە، ايما باسشىلىق گرۋپپاسىن قۇرىپ، قىزمەت جوباسىن جاساپ، ماماندار گرۋپپاسى، تەحنيكالىق سۇيەمەلدەۋ گرۋپپاسى، كەرى اسەرى بارلاردى ءبىرجاقتىلى ەتۋ گرۋپپاسىن قۇرىپ، ۆاكسينا ەگۋ قىزمەتىن پارمەندى ۇيىمدىق كەپىلمەن قامدادى“،-دەدى التاي ايماقتىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ-تىزگىندەۋ قىزمەتى قولباسشىلىق شتابى ساقتانۋ-تىزگىندەۋ گرۋپپاسىنىڭ ورىنباسار باستىعى چيان جىجياڭ.

  بۇدان سىرت، ايماقتىق دەنساۋلىق ساقتاۋ، سالاماتتىق كوميتەتى قاراستى رايوننىڭ دەنساۋلىق ساقتاۋ بايلىعىن ٴبىر تۇتاس جوسپارلاپ، 2-دارەجەلىدەن جوعارى ەمدەۋ قۇرىلىمدارى مەن اۋىل (قالاشىق) شيپاحانالارىندا، الەۋمەتتىك اۋماق دەنساۋلىق ساقتاۋعا قىزمەت وتەۋ ورتالىقتارىندا ۆاكسينا ەگۋ امبۋلاتورياسىن قۇردى، قازىرگە دەيىن، 92 ورىنداعى 227 تەكشەدە ۆاكسينا ەگۋ ورنىن ۇيلەسىمدى ورنالاستىرىپ، 10 سۋىق تىزبەكتى تاسىمال اۆتوموبيلى، 11 ساقتاۋ قويماسى، 756 ادامدىق 3 ساتى بويىنشا ەگۋ اترەتىن قۇرىپ، 123 كەرى اسەر بايقالعانداردى ٴبىر جاقتى ەتۋ توبى، 143 قۇتقارۋ اۆتوموبيلى 4-ايدىڭ 28-كۇنىنەن باستاپ تۇگەلدەي پايدالانۋعا بەرىلەدى. كۇندىك ەڭ كوپ ەگۋ مولشەرىن 25 مىڭ رەتكە جەتكىزىپ، تۇڭعىش توپتاعى 50 مىڭ رەتتىك ۆاكسينانىڭ ۋاعىندا ەگىلۋىنە كەپىلدىك ەتىلەدى.

  قاتىستى تاراۋلار قالىڭ بۇقاراعا مىنانى ەسكەرتەدى: ءوزىڭىزدىڭ جانە وتباسىڭىزداعىلاردىڭ باس اماندىعى ٴۇشىن، جاڭا تيپتى ايدارشا ۆيرۋس ۆاكسيناسىن بەلسەنە ەكتىرۋگە ۇندەيمىز. الدىن الا ۋادەلەسىپ، ەرتە ەكتىرىپ، ەرتە يگىلىكتەنىپ، ايماقتىڭ جۇقپالى اۋرۋلاردان ساقتانۋ حاۋىپسىزدىك قامالىن بىرگە قۇرايىق!

  اۋدارعان: ءاننا اكىمقان قىزى

جاۋاپتى رەداكتور: ءاننا اكىمقان قىزى