اۋىل شارۋاشىلىق ماشينالارىن جوندەپ، كوكتەمگى ەگىستىڭ ءساتتى جۇرىلۋىنە كەپىلدىك ەتتى

  ەرىكتى ءتىلشى ارمان حابارلايدى. قازىر كوكتەمگى ەگىس دايىندىعىنىڭ شەشۋشى مەزگىلى، اۋىل شارۋاشىلىق ماشينالارىنىڭ كوكتەمگى ەگىس وندىرىسىندەگى ماڭىزدى رولىن تولىق ساۋلەلەندىرۋ ٴۇشىن، بىرنەشە كۇننەن بەرى، التاي قالالىق اۋىل شارۋاشىلىق، اۋىل-قىستاق مەكەمەسى اۋىل شارۋاشىلىق ماشينالارى تەحنيكتەرىن اۋىل-قىستاققا بارىپ، اۋىل شارۋاشىلىق ماشينا جابدىقتارىن تەكسەرىپ، جوندەۋگە ۇيىمداستىرىپ، كوكتەمگى وندىرىستىڭ ٴساتتى جۇرگىزىلۋىنە كەپىلدىك ەتتى.

  اۋا رايى بىرتىندەپ جىلىنىپ، كوكتەمگى ەگىس ٴوندىرىسى تاياعان سايىن، شىرىكشى اۋىلى كۇزەۋشي قىستاعىنىڭ تۇرعىنى قۇرمەتبەك بۇزىلىپ قالعان تراكتورىن قايتىپ جوندەرىن بىلمەي ۋايىمداپ وتىرعان ەدى، تەحنيكتەر ونىڭ ۇيىنە بارىپ، تراكتورىن جوندەپ، ۋايىمىنان ارىلتتى.

  ”تەحنيكتەر تراكتورىمدى جوندەپ بەردى، ەندى كوكتەمگى ەگىسكە نۇقسان جەتپەيتىن بولدى، سونىمەن بىرگە تىراكتورىمدى جۇرگىزىپ اقشا تاۋىپ، كىرىسىمدى ارتتىرامىن“،-دەدى قۇرمەتبەك قۋانا.

  شىرىكشي اۋىلى ليمين ەگىن، مال شارۋاشىلىق سەلبەستىك كووپەراتيۆىندە تەحنيكتەر تراكتور، سۋلياۋ جارعاق ماشيناسى، تاپتاۋ ماشيناسى سياقتى اۋىل شارۋاشىلىق ماشينالارىن تەكسەرىپ جوندەدى، سەلبەستىك كووپەراتيۆى ءتۇرلى تاسىلدەر قولدانىپ، اۋىل شارۋاشىلىق ماشينا جابدىقتارىندا ساقتالعان كىناراتتار مەن كومەسكى قاتەرلەردى ٴبىر-بىرلەپ تەكسەرىپ، كوكتەمگى ەگىس جۇمىسىنىڭ ءساتتى جۇرىلۋىنە كەپىلدىك ەتتى.

  شىرىكشي اۋىلدىق اۋىل شارۋاشىلىق ماشينالارى پۋنكتىنىڭ باستىعى چىن شينۋي بىلاي دەدى: ”كوكتەمگى ەگىسكە دايىندالۋ قىزمەتىنىڭ قالىپتى ورىستەتىلۋىنە كەپىلدىك ەتۋ ٴۇشىن، ٴبىز الدىڭعى مەرزىمدە ەگىس جۇمىسىنىڭ سايابىر ۋاقىتىنان پايدالانىپ، اۋىل شارۋاشىلىق ماشينالارى شوفەرلەرىنە ارناۋلى كاسىپتىك تاربيە جۇرگىزىپ، حاۋىپسىز ءوندىرىس جانە اۋىل شارۋاشىلىق ماشينالارىن جوندەۋ جاعىنان جەتەكشىلىك ەتتىك. كوكتەمگى ەگىس دايىندىعى باستالۋدان بۇرىن، اۋىل شارۋاشىلىق ماشينالارىن باسقارۋ پۋنكتىنىڭ تەحنيكتەرىن نەگىزگى ساتىعا جىبەرىپ، ديقانداردىڭ اۋىل شارۋاشىلىق ماشينا جابدىقتارىن تەكسەرىپ، جوندەۋىنە كومەكتەسىپ، كوكتەمگى ەگىس ۋاقىتىن وتكىزىپ الماۋىنا كەپىلدىك ەتتىك. سوڭعى مەزگىلدە، ٴبىز اتىز باسىنا بارىپ، قىستاق تۇرعىندارىنا ساپالى قىزمەت وتەيمىز“.

  قازىرگە دەيىن، التاي قالاسى 147 اۋىل شارۋاشىلىق ماشيناسى، 70 ٴىرى تۇرپاتتى تراكتوردى، 20 شاعىن تۇرپاتتى تراكتوردى تەكسەرىپ جوندەدى، مەجەمەن 4-ايدىڭ باسىندا اۋىل شارۋاشىلىق ماشينالارىن تەكسەرىپ جوندەۋ جۇمىسى جاپپاي ورىندالادى ەكەن.

  ”ءبىز تەحنيكتەردى ۇيىمداستىرىپ، ديقانداردىڭ اۋىل شارۋاشىلىق ماشينالارىن تەكسەرىپ-جوندەۋىنە كومەكتەسىپ، بارلىق اۋىل شارۋاشىلىق ماشينا جابدىقتارىن تەكسەرىپ، جوندەپ جانە رەتتەپ، بۇكىل قالاداعى اۋىل شارۋاشىلىق ماشينالارىنىڭ ەگىس وندىرىسىنە اناعۇرلىم جاقسى قىزمەت كورسەتۋىنە مۇمكىندىك جاسايمىز“-،دەدى التاي قالالىق ەگىن، مال شارۋاشىلىعىن ماشينالاندىرۋ تەحنيكاسىن جالپىلاستىرۋ پۋنكتىنىڭ باستىعى بايتەك.

  اۋدارعان: جانار قاناپيا قىزى

جاۋاپتى رەداكتور: ءاننا اكىمقان قىزى