كەدەيلىكتى ازايتۋدىڭ جۇڭگوشا جولى، كەدەيلىكتەن ارىلتۋدان قامال الۋدىڭ نازاريالىق جاۋھارى

 كەدەيلىكتى ازايتۋدىڭ جۇڭگوشا جولى، كەدەيلىكتەن ارىلتۋدان قامال الۋدىڭ نازاريالىق جاۋھارى

  − باس شۋجي شي جينپيڭنىڭ كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىنداعى ماڭىزدى ءسوزىن ۇيرەنۋ، دايەكتىلەندىرۋ جونىندە

  حالىق گازەتىنىڭ شولۋشىسى

  ”ءبىز ەلىمىزدىڭ مەملەكەت جاعدايىن تياناق ەتىپ، كەدەيلىكتى ازايتۋدىڭ زاڭدىلىعىن يگەرىپ، ءبىر قىدىرۋ ەرەكشە ساياسات، شارا شىعارىپ، ءبىر تۇتاس ۇتىمدى ساياسات جۇيەسىن، قىزمەت جۇيەسىن، ءتۇزىم جۇيەسىن ورناتىپ، كەدەيلىكتەن ارىلتۋدىڭ جۇڭگوشا جولىمەن ءجۇرىپ، كەدەيلىككە قارسى تۇرۋدىڭ جۇڭگوشا ەرەكشەلىكتەگى نازارياسىن قالىپتاستىردىق“. كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىندا باس شۋجي شي جينپيڭ كەدەيلىكتەن ارىلتۋدان قامال الۋدا قالىپتاستىرعان ماڭىزدى تاجىريبەلەرىمىز بەن تانىمدارىمىزدى تەرەڭ قورىتىندىلاپ، وسى ماڭىزدى تاجىريبەلەر مەن تانىمدار ەلىمىزدىڭ كەدەيلىكتەن ارىلتۋدان قامال الۋىنىڭ نازاريالىق جاۋھارى، كەدەيلىككە قارسى تۇرۋداعى ماركستىك نازاريانىڭ جۇڭگوشالانۋىنىڭ ەڭ جاڭا جەتىستىگى، ءسوز جوق، ۇزاق ۋاقىت تاباندى بولۋ ءارى ۇزدىكسىز دامىتۋ كەرەك، - دەپ باسا دارىپتەدى.

  كەدەيلىك − ادامزات قوعامىنداعى كەسىر. كەدەيلىككە قارسى تۇرۋ باستان - اياق ەرتەدەن بۇگىنگە، جۇڭگودان شەتەلگە دەيىن مەملەكەتتى جونگە سالىپ ەلدى ورنىقتىرۋداعى كەلەلى ءىس بولىپ كەلەدى. بۇكىل پارتيانىڭ، بۇكىل ەلدەگى ءار ۇلت حالقىنىڭ بىرگە قۇلشىنۋىنىڭ ارقاسىندا قازىرگى ولشەمدەگى 98 ميلليون 990 مىڭ اۋىل - قىستاقتاعى كەدەي حالىق تۇگەلدەي كەدەيلىكتەن ارىلدى، 832 كەدەي اۋدان تۇگەلدەي كەدەيلىك قالپاعىن الىپ تاستادى، 128 مىڭ كەدەي قىستاق تۇگەلدەي كەدەيلىك تىزىمىنەن شىقتى، وڭىرلىك جالپىلاي كەدەيلىك شەشىلىپ، مۇلدە كەدەيلىكتى جويۋدىڭ جاپالى مىندەتى ورىندالدى. باس شۋجي شي جينپيڭ بىلاي دەپ باسا دارىپتەدى: ”كەدەيلىكتەن ارىلتۋدان قامال الۋدا كۇللى دۇنيە ءجۇزىن جالت قاراتقان تابىستارعا قول جەتكىزۋدە پارتيانىڭ پارمەندى باسشىلىعىنا سۇيەندىك، جۇڭحۋا ۇلتىنىڭ ءوز كۇشىنە سۇيەنىپ ءومىر ءسۇرۋ، قاجىرلىلىقپەن كۇرەس جۇرگىزۋ رۋحاني قاسيەتىنە سۇيەندىك، جاڭا جۇڭگو قۇرىلعاننان بەرگى، اسىرەسە، رەفورما جاساعان، ەسىك اشقاننان بەرگى توپتالعان مىعىم زاتتىق نەگىزگە سۇيەندىك، كەزەكتەن - كەزەككە جالعاپ ىستەيتىن مويىماس تاباندىلىققا سۇيەندىك، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋىنە سۇيەندىك“. كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسى جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ ساياسي ابزالدىلىعىن پارمەندى تۇردە ايگىلەپ، جۇڭگو كوممۋنيستىك پارتياسىنىڭ نە ءۇشىن ”يقۋاتتى ەكەندىگىنە“، ماركسيزمنىڭ نە ءۇشىن ”ىسكە اساتىندىعىنا“، جۇڭگوشا سوتسياليزمنىڭ نە ءۇشىن ”جاقسى“ ەكەندىگىنە ىشكەرىلەي جاۋاپ بەردى.

      باس شۋجي شي جينپيڭ كەدەيلىكتەن ارىلتۋدان قامال الۋدا قالىپتاستىرعان ماڭىزدى تاجىريبەلەرىمىز بەن تانىمدارىمىزدى ”جەتىگە تاباندى بولۋعا“ جيناقتادى: پارتيانىڭ باسشىلىعىنا تاباندى بولىپ، كەدەيلىكتەن ارىلتۋدان قامال الۋعا پارمەندى ساياسي جانە ۇيىمدىق كەپىلدىك ازىرلەدىك؛ حالىقتى وزەك ەتكەن دامۋ يدەياسىنا تاباندى بولىپ، بىرگە بايۋ جولىمەن بۇلجىماي جۇردىك؛ ەلىمىز سوتسياليستىك ءتۇزىمىنىڭ كۇشتى شوعىرلاندىرىپ، ءىرى ءىس تىندىراتىن ساياسي ابزالدىلىعىن ساۋلەلەندىرۋگە تاباندى بولىپ، كەدەيلىكتەن ارىلتۋدان قامال الۋدىڭ ورتاق ەرىك - جىگەرىن، ورتاق ارەكەتىن قالىپتاستىردىق؛ كەدەيلەردى دالمە - ءدال سۇيەمەلدەۋ جالپى جوباسىنا تاباندى بولىپ، دامۋ ءادىسى ارقىلى كەدەيلىكتىڭ ءتۇپ توركىنىن الاستادىق؛ قالىڭ كەدەي قاۋىمنىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرۋعا تاباندى بولىپ، كەدەيلىكتەن ارىلتۋدىڭ ىشكى قوزعاۋشى كۇشىن قاۋلاتتىق؛ ءبىر نيەتپەن كۇش بىرىكتىرۋ، ىنتىماقتاسىپ ءوزارا كومەكتەسۋ تاماشا ءمورالىن اسقاقتاتۋعا تاباندى بولىپ، تۇتاس قوعامدا قيىنشىلىقتا قالعاندارعا كومەكتەسەتىن قويۋ راي قالىپتاستىردىق؛ شىندىققا جۇگىنىپ، ناقتى ىستەۋگە، شىنداپ كىرىسىپ، قيىندىقتاردى تالقانداۋعا تاباندى بولىپ، كەدەيلەردى شىن سۇيەمەلدەۋدى، ناعىز كەدەيلەردى سۇيەمەلدەۋدى، كەدەيلەردى كەدەيلىكتەن شىنايى ارىلتۋدى ورىندادىق. وسى ”جەتىگە تاباندى بولۋدىڭ“ يدەياسى تەرەڭ، مازمۇنى باي، ەلىمىزدىڭ كەدەيلىكتەن ارىلتۋدان قامال الۋداعى كەلەلى نازاريالىق جانە امالياتتىق ماسەلەلەرىنە تەرەڭ جاۋاپ بەردى، ول − ەلىمىزدىڭ كەدەيلىكتەن ارىلتۋدان قامال الۋدا جالپى بەتتىك جەڭىسكە قول جەتكىزۋىندەگى ماڭىزدى نازاريالىق جەتەكشى، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، كەڭەيتۋ، اۋىل - قىستاقتى گۇلدەندىرۋدىڭ جۇڭگوشا جولىمەن جۇرۋدە، جالپى حالىقتىڭ بىرگە بايۋىن ىلگەرىلەتۋدە كەلەلى جەتەكشى مانگە يە.

  ەرتەدەگى مەن بۇگىنگە كوز جىبەرىپ، بۇكىل الەمگە نازار اۋدارار بولساق، وسىنداي قىسقا ۋاقىت ىشىندە 100 ميلليونداعان ادامدى كەدەيلىكتەن ارىلتقان ەشقانداي مەملەكەت جوق. كەدەيلىكتەن ارىلتۋدان قامال الۋدىڭ وسى ايبىنى زور حالىقتىق شايقاسىنىڭ جالپى بەتتىك جەڭىسى پارتيامىزدىڭ ەل باسقارۋ جونىندەگى تانىمىن ونان ارى جوعارىلاتۋىنا، 100 ميلليونداعان حالىقتى ىنتىماقتاستىرىپ، باستاپ، بارلىق حاۋىپ - قاتەر، سىن - سايىستاردى جەڭۋ، جاڭا داۋىردە شۇعىلالى جەتىستىك جاراتۋ جونىندەگى سەنىمىن ونان ارى كۇشەيتۋىنە مۇمكىندىك جاسادى. جاڭا باستامانى تياناق ەتىپ، جاڭا ساپاردا ەكپىندەي ىلگەرىلەگەندە، پارتيانىڭ باسشىلىعىنا باستان - اياق بۇلجىماي تاباندى بولعاندا، ءسوز جوق، العا باسۋ جولىنداعى ءارقانداي جاپا - ماشاقات، قيىنشىلىق، حاۋىپ - قاتەر، كەدەرگىنى جەڭىپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز قاناعاتتاندىرا الامىز! حالىقتى وزەك ەتكەن دامۋ يدەياسىنا باستان - اياق تاباندى بولىپ، ىستەردى بىرىنەن سوڭ ءبىرىن جالعاپ تىندىرىپ، جىلدان - جىلعا جالعاپ ىستەسەك بولعانى، ءسوز جوق، جالپى حالىقتىڭ بىرگە بايۋىن تىنباي ىلگەرىلەتىپ، اناعۇرلىم كورنەكتى ماندىك ىلگەرىلەۋشىلىككە قول جەتكىزە الامىز! پارتيانىڭ باسشىلىعىنا تاباندى بولىپ، جۇڭگوشا سوتسياليزم جولىمەن تاباندىلىقپەن جۇرسەك بولعانى، ءسوز جوق، كەدەيلىكتەن ارىلتۋدان قامال الۋ سياقتى ءىرى ىستەردى، قيىن ىستەردى اناعۇرلىم كوپ تىندىرىپ، جەڭىستەن - جەڭىستەرگە جەتە الامىز! دالمە - ءدال عىلمي ادىسكە تاباندى بولىپ، دالمە - ءدال قىزمەت تالابىن تياناقتاندىرىپ، دامۋدىڭ بىركەلكى بولماۋى، تولىق بولماۋى ماسەلەسىن دامۋ ادىسىنەن پايدالانىپ شەشۋگە تاباندى بولساق بولعانى، ءسوز جوق، ەكونوميكالىق، قوعامدىق دامۋعا جانە حالىق تۇرمىسىن جاقسارتۋعا عىلمي جول مەن باياندى قوزعاۋشى كۇش ازىرلەي الامىز! حالىق ءۇشىن ىستەۋگە، حالىققا سۇيەنۋگە باستان - اياق تاباندى بولىپ، حالىق بۇقاراسىنىڭ تۇلعالىق ورنى مەن جاسامپازدىق رۋحىنا قۇرمەت ەتىپ، حالىق بۇقاراسى اراسىنداعى كومەسكى اقىل - پاراسات پەن كۇش - قۋاتتى تولىق قاۋلاتا الساق بولعانى، ءسوز جوق، ەلدى ءتانتى ەتەتىن اناعۇرلىم كوپ دۇنيە كەرەمەتىن ۇزدىكسىز جاراتا الامىز! ءمورالدىق تالپىنىستان مىزعىماي، بۇكىل قوعامنىڭ بيىككە، ىزگىلىككە قاراي ورلەۋىنىڭ وڭ ەنەرگياسىن قاۋلاتساق بولعانى، ءسوز جوق، جۇڭحۋا ۇلتىنىڭ تولقىن جارىپ، ارشىندى قاداممەن العا ىلگەرىلەۋىنە سارقىلماس رۋحاني كۇش ازىرلەي الامىز! ناقتى ىستەپ ەلدى گۇلدەندىرۋگە، ناقتى ىستەپ حالىققا يگىلىك جەتكىزۋگە تاباندى بولساق بولعانى، ءسوز جوق، جاپپاي سوتسياليستىك وسىزاماندانعان مەملەكەت قۇرۋ ايبىندى جوباسىن بىرتىندەپ رەالدىققا اينالدىرا الامىز!

  ”قوس 100 جىلدىقتىڭ“ تاريحي توعىسۋ تۇيىنىندە جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالدى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، تاجىريبەلەردى قورىتىندىلاۋعا، زاڭدىلىقتى يگەرۋگە شەبەر بولىپ، امالياتتا جاڭالىق اشۋ مەن نازاريادا جاڭالىق اشۋدى ۇزدىكسىز جۇرگىزىپ، قيىن - قىستاۋ جاعدايدى جەڭىپ، ەرلىكپەن العا ىلگەرىلەسەك، ءسوز جوق، جاڭا داۋىردەگى جاڭا ساپاردا جاڭا تاريحي ۇلى ءىستى تۇلعالاي الامىز.

  (شينحۋا اگەنتتىگىنىڭ 2 - ايدىڭ 26 - كۇنى بەيجيڭنەن بەرگەن حابارى)

جاۋاپتى رەداكتور: ەسبول قاجىكەرىم ۇلى