يۋانشياۋ مەرەكەسىندە شاتتىققا شومدى

  التاي گازەتىنىڭ جالپىلىق اقپارات قۇرالدارى پراكتيكانت جان يىنيىن حابارلايدى. ”شينجياڭدى مادەنيەتپەن نارلەندىرۋ“ ينجەنەرياسىن امالياتتا ايگىلەپ، ءداستۇرلى مادەنيەتتى ساۋلەلەندىرىپ، مادەنيەتتىڭ ساياحاتتىڭ دامۋىنا دەم بەرۋىن ىلگەرىلەتۋ ءۇشىن، يۋانشياۋ مەرەكەسى قارساڭىندا، ايماقتىق ادەبيەت-كوركەمونەرشىلەر بىرلەستىگى بۋرىلتوعاي اۋداندىق پارتكوم ۇگىت بولىمىمەن بىرلەسىپ ۇيىمداستىرعان بۋرىلتوعاي اۋداندىق راديو-تەلەۆيزيا، مادەنيەت-دەنەتاربيە، ساياحات مەكەمەسى، بۋرىلتوعاي اۋداندىق بينحاي ساياحاتقا قارجى قوسۋ شەكتى سەرىكتەستىگى ۇستىنە الىپ وتكىزگەن ”بۋرىلتوعايدى مادەنيەتپەن نارلەندىرۋ، يۋانشياۋ مەرەكەسىن قارسى الايىق“ قيمىلى بۋرىلتوعاي اۋداندىق ساياحات-مادەنيەت كاسىپ باقشاسى التىن سارى قاس تاسى كورمەسى ساتۋ ورتالىعىندا وتكىزىلدى.

  ۇعىسۋعا قاراعاندا، بۇل رەتكى قيمىل ىندەتتەن ساقتانۋ-تىزگىندەۋدىڭ ۇدايىلانعان شارالارىن قاتاڭ تياناقتاندىرۋ نەگىزىندە ايماقتىق حاتكەرلەر قوعامى، ايماقتىق اسەمونەرشىلەر قوعامى، بۋرىلتوعاي اۋداندىق حاتكەرلەر قوعامى قاتارلى كوركەمونەرشىلەردى ەرەكشە ۇسىنىس ەتكەن. كوپشىلىك قالام تەربەپ، جۇڭحۋانىڭ تاڭداۋلى ءداستۇرلى مادەنيەتىن ونان ارى ساۋلەلەندىرىپ، حاتكەرلىككە، سۋرەت سالۋ ونەرىنە مۇراگەرلىك ەتىپ، ءداۋىر كەلبەتىن ايگىلەدى. حاتكەرلىك، سۋرەت تۋىندىلارى كوپتەگەن بۇقارا مەن حاتكەرلىك، سۋرەت تۋىندىلارى اۋەسكەرلەرىن وزىنە باۋرادى. ايماقتىق حاتكەرلەر قوعامىنىڭ ۇنەمىلىك ىستەرگە جاۋاپتى القاسى ياڭ ياجۇن بۋرىلتوعايدى ”مادەنيەتپەن نارلەندىرىپ، سان سالا بىرگە گۇلدەنىپ-كوركەيەيىك“ دەگەن ءسوزدى جازعان سوڭ بىلاي دەدى: بۋرىلتوعاي اۋدانىنداعى ءار ۇلت حالىق بۇقاراسىنىڭ الاڭسىز، باقىتتى تۇرمىس كەشىرۋىن تىلەيمىن.

  ايماقتىق ادەبيەت-كوركەمونەرشىلەر بىرلەستىگى پارتگرۋپپاسىنىڭ شۋجيى جاڭ شينجۇن بىلاي دەدى: بۇل رەتكى قيمىلدا پارتيا 19-كەزەكتى ورتالىق كوميتەتى بەسىنشى جالپى ءماجىلىسىنىڭ، 3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ جانە ايماقتىق پارتكومنىڭ كەڭەيتىلگەن ءماجىلىسىنىڭ رۋحىن ءىس جۇزىندىك ارەكەتىمىزبەن ىشكەرىلەي دايەكتىلەندىرىپ، جۇڭحۋا ۇلتىنىڭ ءداستۇرلى مەرەكەسىندە جۇڭحۋا ۇلتىنىڭ ءداستۇرلى مادەنيەت، ادەبيەت-كوركەمونەر فورماسىمەن ءار ۇلت بۇقاراسىنا باي مازمۇندى رۋحاني مادەنيەت ونىمدەرىن تارتۋ ەتتىك. بۇدان بىلاي ايماقتىق ادەبيەت-كوركەمونەرشىلەر بىرلەستىگى بۇكىل ايماقتاعى كوركەمونەرشىلەرمەن بىرگە اناعۇرلىم كوپ سارا تۋىندىلار جاراتامىز.

  ءتىلشىنىڭ ۇعىسۋىنا قاراعاندا، وسى رەتكى قيمىلدا تۇمشالامالى شام ءىلىپ، جۇمباق شەشىپ، ولەڭ ايتۋ قيمىلىن ورىستەتكەن، ناق مايداندا قىزمەتكەرلەر دەن قويا دايىنداعان ءتۇرلى-ءتۇستى شىراقتار كوپتەگەن بۇقارانى بەلسەنە ات سالىسۋعا باۋرادى، كوڭىلدى، شات-شادىمان، جاراسىمدى مەرەكە ورتاسىندا جۇڭحۋا ۇلتىنىڭ ءداستۇرلى مەرەكەسى مەن جۇڭگونىڭ ءداستۇرلى ولەڭ-جىرى مادەنيەتىنىڭ قۇدىرەتىن سەزىندى.

  قالا تۇرعىندار يۋانشياۋ مەرەكەسىن قۇتتىقتادى

  يۋانشياۋ مەرەكەسىنىڭ كەلۋىن قارسى الۋ ءۇشىن، 2-ايدىڭ 26-كۇنى، التاي قالاسى ۋانچى ساۋدا الاڭى، التاي قالاسى شاشۋ جولى كوشە ءىس باسقارماسى قىران الەۋمەتتىك اۋماعىمەن سەلبەسىپ، باي مازمۇندى مەرەكەلىك قيمىلدار وتكىزدى، قالا تۇرعىندارى جۇمباق شەشۋ، زات باعاسىن تابۋ سياقتى ويىندار ارقىلى قىزىقتى ورتادا مەرەكەنى تويلادى.

  ۋانچى ساۋدا الاڭى مەن قىران الەۋمەتتىك اۋماعىنىڭ قىزمەتكەرلەرى تاڭيۋاندى دەن قويا دايىندادى، ودان قالا تۇرعىندارى تەگىن ءدام تاتۋىنا بولادى. قويۋ سۇيىسپەنشىلىك پەن مەرەكەلىك ىزگى تىلەك وسى شاعىن سورپاعا شوعىرلاندى.

  قيمىل بارىسىندا دومبىرامەن ءان سالىپ، ”التاي مەنىڭ مەكەنىم“ ءانىن ايتىپ، قارا جورعا بيلەدى، تارتىمدى دا ۇلتتىق ەرەكشەلىككە يە ادەبيەت ـ كوركەمونەر نومىرلەرى كورەرمەندەردىڭ قىزۋ قارسى الۋىنا بولەندى. زات باعاسىن تابۋ، تەپكىش تەبۋ، سيلىق الۋ سياقتى قىزىقتى ويىندار كوپتەگەن قالا تۇرعىندارىن بەلسەنە ات سالىسۋعا باۋرادى.

  جۇمباق شەشۋ رايونىندا قىزمەتكەرلەر دەن قويا دايىنداعان قىزىقتى شىراقتار قالا تۇرعىندارىن وزىنە باۋرادى، بۇل شىراقتارعا ءداستۇرلى ۇلتتىق سالت-سانا مادەنيەتى، عىلىم-مادەنيەت، حاۋىپسىزدىك بىلىمدەرى سياقتى مازمۇندار قامتىلعان. التاي قالاسىنىڭ تۇرعىنى حوۋ ليمين قۋانا بىلاي دەدى: ءداستۇرلى مەرەكە-مەيرامداردا جۇمباق شەشۋ قيمىلىنا قاتىناسقانىما ەرەكشە قۋانىشتامىن، كوپشىلىكتىڭ يۋانشياۋ مەرەكەسىن قۇتتىقتايمىن.

  — قىران الەۋمەتتىك اۋماعى پارتيا باس ياچەيكاسى پارتيا قۇرىلىسىنا جەتەكشىلىك ەتۋدەن جازباي، ۋانچى ساۋدا الاڭى پارتيا ياچەيكاسىمەن بىرلەسىپ، كوكتەم مەرەكەسىن قۇتتىقتاۋ قيمىلىن ورىستەتىپ، ساۋدا ورتاسى پارتيا قۇرىلىسى قىزمەتىن ويداعىداي يگەرۋ ارقىلى ساۋدا ورتاسىنىڭ اناعۇرلىم كۇشتى دامۋ ومىرشەڭدىك كۇشىن تاسقىنداتىپ، ەكونوميكانىڭ گۇلدەنىپ-كوركەيۋىن، دامۋىن ىلگەرىلەتتى،-دەدى قىران الەۋمەتتىك اۋماعى پارتيا باس ياچەيكاسىنىڭ شۋجيى ءماريا.

جاۋاپتى رەداكتور: ءاننا اكىمقان قىزى