ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن ەرلىكپەن العا تارتامىز

ايماقتاعى ءار ۇلت كادرلارى مەن بۇقاراسى كەدەيلىكتەن ارىلتۋدان قامال الۋ جونىندەگى مەملەكەتتىك قورتىندىلاۋ،ماداقتاۋ -سيلاۋ جينالىسىن كوردى، تىڭدادى

  التاي گازەتىنىڭ جالپىلىق اقپارات قۇرالدارى ءتىلشىسى حۋ جۇنشيۋ، ۇسىنىس ەتىلگەن ءتىلشى حۋ جينلياڭ، ەرىكتى تىلشىلەر يۇي بو، ياڭ شۋساي، دوۋ چين حابارلايدى. 2-ايدىڭ 25-كۇنى، كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ- سيلاۋ جينالىسى بەيجيڭدە اشىلدى. باس شۋجي شي جينپيڭ كەدەيلىكتەن ارىلتۋدان قامال الۋدىڭ مەملەكەتتىك ۇلگىسى داڭقتى اتاعىن العاندارعا سيلىق تاراتتى ءارى ماڭىزدى ءسوز سويلەدى. سول كۇنى ايماعىمىزداعى ءار ۇلت كادرلارى مەن بۇقاراسى تەلەۆيزور، توراپ قاتارلىلاردان پايدالانىپ جينالىستىڭ تىكە تارالىمىن كوردى، تىڭدادى. كوپشىلىك بىلاي دەدى: كەدەيلىكتەن ارىلتۋدان قامال الۋدىڭ تابىستارى بۇكىل دۇنيە ءجۇزىن جالت قاراتتى، ءبىز مۇندا، پارتيانىڭ پارمەندى باسشىلىعىنا، جۇڭحۋا ۇلتىنىڭ ءوز كۇشىنە سۇيەنىپ ءومىر ءسۇرۋ، قاجىرلىلىقپەن كۇرەس جاساۋداي رۋحاني قاسيەتىنە، بۇكىل پارتيانىڭ، ەلىمىزدەگى ءار ۇلت حالقىنىڭ ىنتىماقتاسا كۇرەس جۇرگىزۋىنە سۇيەندىك، مىنە، بۇل جۇڭحۋا حالقىنىڭ ۇلى ماقتانىشى، جۇڭگو كوممۋنيستىك پارتياسىنىڭ ۇلى ماقتانىشى، جۇڭحۋا ۇلتىنىڭ ۇلى ماقتانىشى.

  ءداۋىر قاھارماندى سومدايدى، ۇلىلىق قاراپايىمدىلىقتان كەلەدى. كەدەيلىكتەن ارىلتۋدان قامال الۋ قىزمەتى بارىسىندا ايماعىمىزداعى سان مىڭداعان كەدەيلەردى سۇيەمەلدەۋ كادرلارى نەگىزگى ساتىدا ۇلەس قوسىپ، جاپا-ماشاقاتپەن قىزمەت ىستەپ، حالىقتى ىنتىماقتاستىرا باستاپ، كەدەيلەردى سۇيەمەلدەۋ، وركەندەتۋدى كولەمدى، جوسپارلى، ۇيىمدى تۇردە ورىستەتىپ، بۇرىن بولىپ كورمەگەن ۇلى تابىستارعا قول جەتكىزدى. ايماقتىق كەدەيلەردى سۇيەمەلدەۋ-وركەندەتۋ كەڭسەسى پارتگرۋپپاسىنىڭ شۋجيى ۋاڭ جياڭتاۋ بىلاي دەدى: بيىلدان باستاپ كۇشتى شوعىرلاندىرا وتىرىپ كەدەيلىكتەن ارىلتۋدان قامال الۋدى اۋىل-قىستاقتى جاپپاي گۇلدەندىرۋگە قاراي ويىستىرىپ، كەدەيلىكتەن ارىلتۋدان قامال الۋداعى ادىستەر ارقىلى اۋىل-قىستاقتى گۇلدەندىرۋدى ىلگەرىلەتىپ، اۋىل-قىستاقتى گۇلدەندىرۋ ادىستەرى ارقىلى كەدەيلىكتەن ارىلتۋدان قامال الۋ تابىستارىن بەكەمدەپ، كەدەيلىكتەن ارىلتۋدان قامال الۋدىڭ تابىستارىن اۋىل-قىستاقتى گۇلدەندىرۋمەن ءونىمدى ۇشتاستىرىپ، جاڭا ءداۋىر جۇكتەگەن داڭقتى مىندەتتى ويداعىداي ورىنداپ، پارتيا قۇرىلعاندىعىنىڭ 100 جىلدىعىن تاماشا ناتيجەمەن قارسى الامىز.

  كەدەيلىك قالپاعىن الىپ تاستاۋ سوڭعى كومبە ەمەس، قايتا كۇرەستىڭ تىڭ باستالۋ ءتۇيىنى. كەدەيلىكتەن ارىلتۋدان قامال الۋدىڭ جەڭىسىنە قول جەتكىزۋدىڭ سىرگە جيار جىلى — اۋىل-قىستاقتى گۇلدەندىرۋ ساپارىنىڭ جاپپاي باستالۋى. ايماقتىق اۋىل شارۋاشىلىعى، اۋىل-قىستاق مەكەمەسى پارتگرۋپپاسىنىڭ مۇشەسى، ورىنباسار مەكەمە باستىعى لۇي تاۋ بىلاي دەدى: ەرتەدەن بۇگىنگە دەيىن ەشقانداي ءبىر مەملەكەت وسىنشاما قىسقا ۋاقىتتا نەشە ءجۇز ميلليون ادامدى كەدەيلىكتەن ارىلىتقان ەمەس، بۇل جەڭىس جۇڭگوعا ءتان، بۇل ءبىزدىڭ ماقتانىشىمىز. بيىل ايماقتىق اۋىل شارۋاشىلىعى، اۋىل-قىستاق مەكەمەسىندەگى كادرلار دامىلسىز قىزمەت ىستەۋدەي جىگەرمەن، تەبىندى ىستەۋدەي ەرلىكپەن، ”سيىر، قوي، جىلقى، تۇيە، ءۇي قۇستارى، سۋ، جەم-ءشوپ، ءشوپ ءدارى، شىرىندى جەمىس، ءسۇت ونىمدەرى“ سىندى 10 ءىرى كاسىپتى توڭىرەكتەپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسى مەن اۋىل-قىستاق قۇرىلىسىن كۇشەيتىپ، اۋىل-قىستاقتى جاپپاي گۇلدەندىرەدى. اۋىل شارۋاشىلىعىن جوعارى ساپالى، ءونىمدى ەتۋدى، اۋىل-قىستاقتى قونىستانۋعا، كاسىپتەنۋگە جايلى ەتۋدى، ەگىنشىلەردى باي-باقىتتى ەتۋدى جەبەيدى.

  — كەدەيلىكتەن ارىلتۋدان قامال الۋدىڭ جاپپاي جەڭىسىنە قول جەتكىزۋدىڭ ارتىندا اۋىر جۇك ارقالاپ العا ىلگەرىلەيتىندەردىڭ قاراسى تابىلادى، ەلدى ەگىلتەتىن اڭگىمەلەر جۇرتتىڭ اۋزىنان تۇسپەيدى. باس شۋجي شي جينپيڭنىڭ ءار سويلەم ءسوزى جۇرت جۇرەگىن جىلىتتى، ءار سويلەم ءسوزى كۇش- قۋاتقا تولى. نەگىزگى ساتىداعى باسشى كادر بولعان مەنىڭ وتانىمىزعا دەگەن سەنىمىم مىعىم، جاڭا ساپار بارىسىندا ءار ۇلت ەگىنشى- مالشى بۇقاراسىنا كۇش سالا ويداعىداي قىزمەت وتەپ، ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن ەرلىكپەن العا تارتامىن،-دەدى كوكتوعاي اۋدانى دۇرە قالاشىعى پارتكومىنىڭ ورىنباسار شۋجيى لي شيۇڭ.

  اۋىل-قىستاق دوڭگەلەك داۋلەتكە جەتپەيىنشە جالپى بەتتىك دوڭگەلەك داۋلەتتى قوعامدى قۇرۋ مۇمكىن ەمەس. تاياۋ جىلداردان بەرى، التاي قالاسى قىزىلتاس قالاشىعى سارقامىس قىستاعىنداعى ارحيۆ تۇرعىزىلىپ كارتوچكالانعان 12 كەدەي وتباسىنداعى 23 جان سانى ”ۇعىسۋ، تيىمدىلىك جاساۋ، توعىستىرۋ“ قىزمەتى بويىنشا قىستاقتا تۇراتىن قىزمەت اترەتى مەن قىستاق ”ەكى كوميتەتى“ القاسىنىڭ كومەگىندە تۇگەلدەي كەدەيلىكتەن ارىلدى. التاي ايماقتىق راديو-تەلەۆيزيا ستانسياسىنىڭ ”ۇعىسۋ، تيىمدىلىك جاساۋ، توعىستىرۋ“ قىزمەتى بويىنشا سارقامىس قىستاعىندا تۇراتىن قىزمەت اترەتىنىڭ باستىعى، قىستاقتىڭ ءبىرىنشى شۋجيى جەڭىس قادىر ۇلى بىلاي دەدى: كەدەيلىكتەن ارىلتۋدان قامال الۋدا قول جەتكىزگەن تابىستار وڭايلىقتا قولعا كەلمەدى، ماداقتالىپ-سيلانعان وزات كوللەكتيۆتەر مەن جەكەلەردەن ۇيرەنەمىز. كەدەيلىكتەن ارىلتۋدان قامال الۋ نەگىزىن ۇزدىكسىز بەكەمدەپ، كەدەيلىكتەن ارىلتۋدان قامال الۋداعى تابىستاردى بەكەمدەپ، دانەكەرلەۋ تەحنيكاسى، ەگىن-مال شارۋاشىلىعى تەحنيكاسى قاتارلى تەحنيكالىق ونەرگە تاربيەلەۋ كۋرستارىن كۇش سالا ورىستەتىپ، كەدەيلىكتەن ارىلتۋدان قامال الۋدى اۋىل-قىستاقتى گۇلدەندىرۋمەن ءونىمدى ۇشتاستىرۋعا كۇش سالامىز.

جاۋاپتى رەداكتور: ءاننا اكىمقان قىزى