ەكىنشى 100 جىلدىق كۇرەس نىساناسىنا قاراي ەرلىكپەن العا تارتامىز

− باس شۋجي شي جينپيڭنىڭ كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىنداعى سويلەگەن ماڭىزدى ءسوزى رايونىمىزداعى كادرلار مەن بۇقارا اراسىندا كۇشتى اڭىس قوزعادى

 انار بۇلت / شينجياڭ گازەتىنىڭ تىلشىلەرى

  باس شۋجي شي جينپيڭ كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىندا بىلاي دەپ اتاپ كورسەتتى: ”وتكەنگە قايىرىلا قاراساق، ءبىز جۇڭحۋا ۇلتىن نەشە مىڭ جىل ازاپتاپ كەلگەن مۇلدەم كەدەيلىك ماسەلەسىن شەشۋدە ۇلى تاريحي سيپاتتى تابىسقا قول جەتكىزىپ، ادامزاتتىڭ كەدەيلىكتى ازايتۋ تاريحىنداعى كەرەمەتتى جاراتتىق. بولاشاققا كوز جىبەرسەك، ءبىز جاپپاي سوتسياليستىك وسىزاماندانعان مەملەكەت قۇرۋ تاريحي ۇلى مۇراتى ءۇشىن كۇرەسۋدەمىز“. باس شۋجي شي جينپيڭنىڭ ماڭىزدى ءسوزى رۋحتى سەرپىلتىپ، سەنىمدى بەكەمدەپ، قايراتتى تاسقىنداتتى، رايونىمىزداعى ءار ۇلت كادر - بۇقاراسى پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، سەنىمدى، بەكىمدى بەكەمدەپ، ماڭگى سالعىرتسىمايتىن رۋحاني بەت - بەينەمەن، العان بەتىنەن قايتپايتىن كۇرەسكەرلىك بەينەمەن، شىنايى يگەرىپ، ناقتى ءىس ىستەپ، باس الماي ىستەپ، ەكىنشى 100 جىلدىق كۇرەس نىساناسىنا قاراي ەرلىكپەن العا ىلگەرىلەيتىندىكتەرىن ءبىلدىردى!

كەدەيلىكتەن ارىلتۋدىڭ نەگىزىن اناعۇرلىم بەكەمدەدى

  باس شۋجي شي جينپيڭ بىلاي دەپ باسا دارىپتەدى: ءبىز كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ قىزمەتتەرىن شىنايى جاقسى ىستەپ، كەدەيلىكتەن ارىلتۋدىڭ نەگىزىن اناعۇرلىم بەكەمدەپ، ونىمدىلىگىن اناعۇرلىم باياندى ەتۋىمىز كەرەك.

  وسى بىرنەشە جىلدا كەلپىن اۋدانى ەرەكشە بايلىق قاينارىنا سۇيەنىپ ەرەكشە كاسىپ سالاسىن دامىتىپ، ”كاسىپورىن + سەلبەستىك كووپەراتيۆى + شارۋا وتباسى“ فورماسىمەن چامعۇر ەگۋدى شوعىرلاندىردى، ولشەمدەندىردى. كاسىپ سالاسى تىزبەگىنىڭ ۇزدىكسىز ۇزارۋىنا ىلەسە، چامعۇر ”كەدەيلىكتەن ارىلتاتىن بايلىق كوكونىسىنە“ اينالدى. كەلپىن اۋدانى اچالى قالاشىعى گەزلىك قىستاعىنداعى اباباكىر ايۇپ قاتارلى قىستاق تۇرعىندارى چامعۇر ەگىپ كىرىستەرىن ارتتىرۋ سەنىمىنەن اينىمادى: ”مەن كەلپىن چامعۇرى، ۇن، نان، قوي ەتى، ورىك قاتارلى كاسىپ سالالارىنىڭ بارعان سايىن ۇلعايىپ، كوپشىلىككە ءتىپتى دە كوپ كىرىس اكەلۋىن ءۇمىت ەتەمىن“.

  جۇڭگو كوممۋنيستىك پارتياسى شىڭگىل اۋدانى اقدالا قالاشىق كوميتەتى كەدەيلىكتەن ارىلتۋدان قامال الۋداعى مەملەكەتتىك وزات كوللەكتيۆ داڭق اتاعىنا يە بولدى، بۇل ءار ۇلت كادر - بۇقاراسىنىڭ كاسىپ سالاسىن دامىتۋ قىزعىندىلىعىن ءتىپتى دە ارتتىرا ءتۇستى. شىڭگىل اۋدانى اقدالا قالاشىق پارتكومىنىڭ شۋجيى ليۋ شيانجۇي مىنانى ءبىلدىردى: ناتيجە وتكەنگە ءتان، شىنايى ىستەپ بولاشاقتا جەڭىسكە جەتەيىك. قورىتىندىلاۋ، ماداقتاۋ - سايلاۋ جينالىسىن باستاما ەتىپ، تاپسىرمانى، اۋەلگى ماقساتتى باستان - اياق ەستە بەرىك ساقتاپ، العىس ايتىپ، كۇرەسىپ، بورىش ارقالاپ، ەسەك، شىرعاناق، شەكىلدەۋىك سياقتى ەرەكشە كاسىپ سالاسىن كۇش سالا دامىتىپ، قونىس جاڭالاپ كەدەيلەردى سۇيەمەلدەۋدىڭ ”سوڭعى جۇمىستارىن“ كۇش سالا ويداعىداي ىستەپ، كەدەيلىكتەن ارىلتۋدىڭ ونىمدىلىگىن ويداعىداي بەكەمدەپ، اۋىل شارۋاشىلىعىنىڭ جوعارى ساپالى، جوعارى ءونىمدى بولۋىن، اۋىل - قىستاقتىڭ قونىسقا قولايلى، كاسىپكە ىڭعايلى بولۋىن، شارۋالاردىڭ باي - باقۋاتتى بولۋىن جەبەيمىز.

جاڭا تۇرمىستىڭ، جاڭا كۇرەستىڭ باستاماسى

  باس شۋجي شي جينپيڭ بىلاي دەپ اتاپ كورسەتتى: كەدەيلىكتەن ارىلتۋ، كەدەيلىك قالپاعىن الۋ سوڭعى كومبە ەمەس، قايتا جاڭا تۇرمىستىڭ، جاڭا كۇرەستىڭ باستاماسى.

  ”تاۋدان ءتۇسىپ، جاڭا قونىسقا كوشتىك، تۇرمىسىمىز قالالىقتارعا ۇقسادى، كوپشىلىك شىن جۇرەگىنەن كوممۋنيستىك پارتياعا العىس ايتتى“، - دەدى قاعىلىق اۋدانى اقتاش قالاشىعى ۋالۋال قىستاعىنىڭ تۇرعىنى ءبۇمارام وبۇل. اقتاش قالاشىق پارتكومىنىڭ ورىنباسار شۋجيى چيان گوبياۋ بىلاي دەدى: باس شۋجي شي جينپيڭنىڭ ماڭىزدى ءسوزى كوپشىلىكتىڭ بولاشاقتاعى دامۋعا دەگەن سەنىمىن ەسەلەپ ارتتىردى. اقتاش قالاشىعى الەۋمەتتىك اۋماق بويىنشا باسقارۋ فورماسىن جولعا قويىپ، قوجالىق، دەلدال سياقتى 3 - جاقتىڭ قىزمەت وتەۋىن ەنگىزىپ، تاۋدان ەتەككە تۇسكەن 3063 وتباسى بۇقاراسىنىڭ كوركەم تۇرمىس جولىندا ەكپىندەي ىلگەرىلەۋىنە دەم بەردى.

  وسى جىلداردا لوپ اۋدانى توپىراق ءۇي ءداۋىرىن تۇبەگەيلى اياقتاتىپ، بۇكىل اۋدانداعى 60 مىڭنان استام شارۋا وتباسى كەڭ، جارىق كەرپىش - بەتون قۇرىلىمدى ۇيلەرگە كوشىپ كىردى. لوپ اۋداندىق تۇرعىن ءۇي جانە قۇرىلىس مەكەمەسى پارتكومىنىڭ شۋجيى، مەكەمە باستىعى حى شياۋچياڭ بىلاي دەدى: ”كەدەيلىكتەن ارىلتۋدان قامال الۋ اسا ەرەسەن ماشاقاتتى شايقاس. مەن ءوزىمنىڭ وسى ۇلى شايقاسقا قاتىناسقانىمدى ەرەكشە ماقتانىش سەزىنەمىن، بۇدان بىلاي ءبىز كوشەتىن بۇقارانى ءتۇرلى ارنامەن كاسىپتەندىرۋدى جەبەۋگە جەتەكتەپ، ولاردىڭ ىستەيتىن جۇمىسى، تاباتىن اقشاسى بولۋىنا، كوشىپ شىعا الۋىنا، تۇراقتاپ قونىستانۋعا، بايي الۋىنا شىنايى مۇمكىندىك جاساپ، كەدەيلىكتەن ارىلتۋدىڭ جەتىستىكتەرىنىڭ بەكەمدەلۋىنە، اۋىل - قىستاقتى گۇلدەندىرۋمەن شىنايى ۇشتاستىرۋعا شىنايى كەپىلدىك ەتەمىز“.

شىنايى ىستەپ ەلدى كوركەيتۋگە، شىنايى ىستەپ حالىققا تيىمدىلىك جەتكىزۋگە تاباندى بولدى

  ”اماليات مىنانى تولىق دالەلدەدى، ءبىر ۇلەس ورنالاستىرۋدا، توعىز ۇلەس تياناقتاندىرۋدا، شىنايى يگەرىپ، ناقتى ىستەۋ، بارىن سالا كىرىسۋ كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋدى، شايقاستى ويداعىداي جۇرگىزۋدى قامتاماسىز ەتتى“. باس شۋجي شي جينپيڭ كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىندا باسا دارىپتەپ بىلاي دەدى: ءبىز تەك شىنايى ىستەپ، ەلدى كوركەيتۋگە، شىنايى ىستەپ حالىققا تيىمدىلىك جەتكىزۋگە تاباندى بولعاندا عانا، ءسوز جوق، جاپپاي سوتسياليستىك وسىزاماندانعان مەملەكەت قۇرۋ ۇلى كارتيناسىن بىرتىندەپ جۇزەگە اسىرا الامىز!

  جۇڭگو حۋاديان توبى شەكتى سەرىكتەستىگىنىڭ ۇلىقشات اۋدانى بايقۇرۇت اۋىلى بايقۇرۇت قىستاعىندا تۇراتىن ءبىرىنشى شۋجيى تان شۋان مىنانى ءبىلدىردى: مال شارۋاشىلىق رايونىندا كاسىپ سالاسىن دامىتۋ ارناسىن ۇزدىكسىز كەڭەيتىپ، كاسىپ سالاسىنا قارجى قوسۋ تەبىنىن ارتتىرىپ، ”سۇڭليڭ مۋرىن“ ماركاسىمەن مال شارۋاشىلىعى كاسىبىنىڭ دامۋىنا جەتەكشىلىك ەتەمىز. سونىمەن ءبىر ۋاقىتتا باسقا سەلبەستىك كووپەراتيۆتەرمەن بىرلەسىپ وداق قۇرىپ، جەمىس ورمانى كاسىبى، اۋىل - قىستاق ساياحاتى جانە ۇستىرتتەگى بالىقشىلىق كاسىبى قاتارلىلاردى دامىتۋدى جەتەكتەپ، بايقۇرۇت قىستاعىنىڭ اۋىل - قىستاقتى گۇلدەندىرۋ جولىمەن ويداعىداي جۇرۋىنە مۇمكىندىك جاسايمىز.

  موري قازاق اۆتونوميالى اۋداندىق پارتكومنىڭ ورىنباسار شۋجيى، فۋجياننىڭ شينجياڭعا كومەكتەسەتىن جاڭجوۋ بولىمشە قولباسشىلىق شتابىنىڭ قولباسشىسى لين ليپىڭ مىنانى ءبىلدىردى: جاڭا باستامادا تۇرىپ، شينجياڭعا كومەكتەسەتىن قولباسشىلىق شتابى باس شۋجي شي جينپيڭنىڭ كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىندا سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، اۋىل - قىستاقتى گۇلدەندىرۋ قىزمەتى بارىسىندا جاڭا كاسىپ سالاسىن دامىتۋدى، جاڭا ۇستانىمعا مۇراگەرلىك ەتۋدى، جاڭا تەحنيكانى جەتكىزۋدى، جاڭاشا توعىسۋدى جەبەۋدى جالعاستىرىپ، جان - جاقتى سەلبەسىپ، بىرگە قۇرىپ، ىشتەسىپ، توعىسىپ، شينجياڭعا كومەكتەسۋ قىزمەتىنىڭ ونىمدىلىگىن جوعارىلاتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنا ۇلەس قوسامىز.

  (ءتىلشى جاڭ جىلي، قاتىسقان تىلشىلەر گى يوۋجۇن، حان چينيان، ءپاريزات ابدۇل، جاڭ تيڭ، جاڭ رۇيلين، ەرىكتى تىلشىلەر چىن ليڭ، جاڭ جيا، چىن ۋي)

جاۋاپتى رەداكتور: ەسبول قاجىكەرىم ۇلى