ۋاكىل شۇي تاۋ: اۆتوكولىك قايدا بارسا، لەي فىڭ رۋحى سوندا جەتتى

  انار بۇلت/ شينجياڭ گازەتىنىڭ ءتىلشىسى جاۋ جىيۇن 2 - ايدىڭ 27 - كۇنى ۇرىمجىدەن حابارلايدى. ”كوپتەگەن بۇقارا مەملەكەتتىك حالىق قۇرىلتايى ۋاكىلىنىڭ قاسىمىزدا جۇرگەنىن، شىنىندا، ويلاماعان ەكەنبىز دەستى“. مەملەكەتتىك حالىق قۇرىلتايىنىڭ ۋاكىلى، قۇتىبي اۋدانى لەي فىڭ اۆتوكولىك اترەتىنىڭ باستىعى شۇي تاۋدىڭ حالىق تىلەگىن تىڭداۋ، جيناۋداي تابيعي ارتىقشىلىعى بار − ويتكەنى ونىڭ كىرە اۆتوكولىگىنە وتىراتىن سابىلىسقان جولاۋشىلار وزدەرىنىڭ مۇڭ - مۇقتاجىن، قۋانىشىن، قيىنشىلىعىن جانە ارمان - تىلەگىن وسى حالىق قۇرىلتايى ۋاكىلىمەن بولىسەدى.

  مەملەكەتتىك حالىق قۇرىلتايى ۋاكىلى بولعاننان بەرى شۇي تاۋ ۇنەمى ەگىن، مال شارۋاشىلىعى وڭىرلەرىنە بارىپ، ەگىنشى - مالشىلاردىڭ ءوندىرىس، تۇرمىس جاعدايىن يەلەدى، سونداي - اق كوپ رەت سوت مەكەمەسى، پروكۋراتۋرا، شيپاحانا سياقتىلارعا بارىپ، بۇقارانى مازالاعان، ۋايىمداتقان ىستەردى باسى - قاسىندا ۇعىستى.

  ”لەي فىڭ اۆتوكولىك اترەتى ارقىلى اناعۇرلىم كوپ مەيىر جەتكىزىپ، بۇقارا ماڭىنداعى جان اشىر ۋاكىل، مەيىرىمدى ۋاكىل بولۋعا قۇلشىنامىن“، شۇي تاۋ وسىلاي ايتىپ قانا قويماي، وسىلاي ىستەدى. ول لەي فىڭ اۆتوكولىك اترەتىن جۇمىلدىرىپ، سونداي - اق مەيىر جەتكىزۋ كاسىپورنى، مەيىرىمدى قايراتكەرلەر ارقىلى اۆتوكولىككە ورناتىلعان بليۋتەز ارقىلى اقپارات، زاڭ بىلىمدەرى، ىندەتتەن ساقتانۋ - تىزگىندەۋگە كوڭىل بولەتىن ءىس سياقتىلاردى توقتاۋسىز قويىپ، پارتيانىڭ ساياساتىن، زاڭ ەرەجەلەردى جانە ەڭ جاڭا اۋقىمدى ءار ۇلت بۇقاراسىنا دەر كەزىندە جەتكىزدى. بىلتىر جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، شۇي تاۋ ءوزى تۇرعان الەۋمەتتىك اۋماقتىڭ ەرىكتى قىزمەت وتەۋىنە قاتىناسۋعا تىزىمدەلىپ، ەمدەۋ قىزمەتكەرلەرىن اكەلۋ - اپارۋ، عيمارات زالىن زارارسىزداندىرۋ، ۇيدە اۋاشالانعان بۇقاراعا ءدارى - دارمەك جەتكىزۋ، كوكونىس جەتكىزۋ، قوقىر - قوقسىق توگۋ جۇمىستارىن ىستەدى...

  13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندە شۇي تاۋ تاپسىرعان ەرىكتى قىزمەت وتەۋ ساپاسىن اناعۇرلىم جوعارىلاتۋ جونىندەگى ۇسىنىسى ونىڭ ىندەتتەن ساقتانۋ - تىزگىندەۋ بويىنشا ەرىكتى قىزمەت وتەۋگە ات سالىسقان كەزىندەگى تولعانىسىنان تۋىنداعان.

  ”ەرىكتى قىزمەت وتەۋدە ءار ءتۇرلى قوعامدىق بايلىقتى تولىق جۇمىلدىرىپ جانە ودان ءونىمدى پايدالانىپ قوعامعا قىزمەت وتەپ، جۇرتشىلىقتىڭ كوپ ءتۇرلى، كوپ ساتىلى سۇرانىسىن قاناعاتتاندىرۋ كەرەك“. شۇي تاۋ مىنانى ۇسىنىس ەتتى: ۇكىمەت تاراۋلارى وسى رەتكى ىندەتتەن ساقتانۋ - تىزگىندەۋ بويىنشا ەرىكتى قىزمەت وتەۋدى وراي ەتىپ، ەرىكتى قىزمەت وتەۋدى باعالاۋ مەحانيزمىن جانە شابىتتاندىرۋ مەحانيزمىن كەمەلدەندىرىپ، جەكەلەردىڭ ارحيۆىنە ەرىكتى قىزمەت وتەۋ احۋالىن قوسىپ، وزات تيپتەردىڭ ۇلگىلىك رولىن ساۋلەلەندىرىپ، جۇرتشىلىقتىڭ ەرىكتى قىزمەت وتەۋگە قاتىناسۋ بەلسەندىلىگىن جوعارىلاتۋى كەرەك.

  ”بيىل مەن مەيىر ارقىلى رولدى مىقتاپ ۇستاپ، لەي فىڭ اۆتوكولىك اترەتىن بۇقاراعا مەيىر جەتكىزەتىن ۇگىت اۆتوكولىگى ەتىپ، ارەكەتىم ارقىلى ءتىپتى كوپ ادامدى پارتيانىڭ سوزىنە قۇلاق اسۋعا، پارتياعا العىس ايتۋعا، پارتياعا ىلەسۋگە ۇندەيمىن جانە جەتەكتەيمىن“، - دەدى شۇي تاۋ.

جاۋاپتى رەداكتور: ەسبول قاجىكەرىم ۇلى