پومپەو كوپە - كورنەۋ وتىرىك ايتپا

شينجياڭ اۋىل شارۋاشىلىعى داشۋەسى حايۋاناتتار عىلىمى شۋەيۋانىنىڭ پارتكوم شۋجيى، پروفەسسور ابىلەز وسمان

  تاياۋدا پومپەونىڭ ءبىزدىڭ تاماشا تۇرمىسىمىزدى بەتالدى داتتاپ، كۇيە جاققانىنا زىعىردانىم قاينادى، مەن ءوز كەشىرمەم جانە اسەرىم ارقىلى جۇرتقا پومپەونىڭ ەشقانداي تومەنگى شەگى جوق ەسەرسوق ەكەنىن ايتامىن.

  وسىندا تۋىپ، وسىندا وسكەن شينجياڭدىق رەتىندە، مەن شينجياڭ 1 - تامىز اۋىل شارۋاشىلىعى شۋەيۋانىنان مەكتەپ ءبىتىردىم ءارى مەكتەپتە قالىپ مال شارۋاشىلىعى ماماندىعى بويىنشا وقىتۋشى بولدىم. پارتيا مەن مەملەكەتتىڭ از ۇلتتاردى تاربيەلەۋ جوسپارىنىڭ ارقاسىندا ىشكى وڭىرلەردەگى جوعارى مەكتەپتەرگە بارىپ ءبىلىم اسىرۋ ورايىنا يە بولىپ، جەكە - جەكە شىعىس سولتۇستىك اۋىل شارۋاشىلىعى داشۋەسىنەن جانە جۇڭگو اۋىل شارۋاشىلىعى داشۋەسىنەن وقۋ تاۋىستىم ءارى ماگيسترلىق جانە دوكتورلىق عىلمي اتاققا يە بولدىم.

  2014 - جىلى اۋات اۋدانى بەشارىق قالاشىعى ۇستىڭگى قۇمايرىق قىستاعىنا بارىپ، ”ۇعىسۋ، تيىمدىلىك جاساۋ، توعىستىرۋ“ قيمىلى بويىنشا 2 جىل قىستاقتا تۇرۋ قىزمەتىن باستادىم. قىستاقتا تۇرعاننان كەيىن ءبىز قىستاق تۇرعىندارىنا قويدى عىلمي باعۋ تەحنيكاسىن جالپىلاستىرۋدان باستاپ ۇستاپ، قىستاقتاعى باعىمشىلىق بايلىعىن بىرىكتىرىپ، سويىس قوي تۇقىمىن ەنگىزىپ، سويىس قوي باعۋدان ۇلگى كورسەتۋ قىستاعىن قۇرۋدى جالپىلاستىردىق. 2 جىل قۇرۋ ارقىلى قىستاق تۇرعىندارىنىڭ ءار تۇياق قويدان كىرگىزەتىن كىرىسى 500 يۋاننان استى.

  كەدەيلىكتەن ارىلتۋدان قامال الۋ قىزمەتىندە، مەن وڭتۇستىك، سولتۇستىك شينجياڭدا 300دەن استام قىستاققا بارىپ، ءبىر مىڭنان استام بۇقارا وتباسىنا تەحنيكالىق جاقتان كومەكتەسىپ، سۇيەمەلدەپ، 13 قىستاقتىڭ كەدەيلىكتەن ارىلىپ، كەدەيلىك قالپاعىن الۋىنا كۇش قوستىم. قازىر اۋىل - قىستاقتىڭ بۇرىنعى توپىراق ۇيلەردىڭ ورنىن اق داۋالدى، قىزىل كەرپىشتى بەيقۇت ۇيلەردىڭ باسقاندىعىن، اسفالت جولداردىڭ ءاربىر وتباسىلارىنىڭ ەسىك الدارىنا دەيىن جاتقىزىلعاندىعىن؛ اۋىل - قىستاقتا وقۋ - اعارتۋ جۇمساق، قاتتى بولشەك ۇسىنىلىم سەرپىنىنىڭ ۇزدىكسىز ارتقاندىعىن، اسىرەسە، وڭتۇستىك شينجياڭ وڭىرلەرىندە 3 جىلدىق مەكتەپكە دەيىنگى تاربيە جانە 12 جىلدىق نەگىزدىك وقۋ - اعارتۋ جالپى بەتتىك قامتىلىپ، جاستار مەن ورەندەردىڭ ءادىل دە ساپالى وقۋ - اعارتۋدان يگىلىكتەنگەندىگىن؛ ەگىنشى - مالشىلار ناۋقاسىن ەمدەتسە ەسەپتەن كوتەرىلەتىندىگىن، ەگىن سالسا قوسىمشا قاراجات بەرىلەتىندىگىن، زەينەتكە شىقسا قامتاماسىز ەتىلەتىندىگىن كوردىم. بۇكىل شينجياڭنىڭ جەر - جەرىندە كەدەي وتباسىلارى كومەكتەسۋ - سۇيەمەلدەۋ كادرلارىنىڭ كومەگىندە كەدەيلىك قالپاعىن الىپ، ءبىر ونەر يگەرىپ، قالتالارى بارعان سايىن قامپايىپ، تۇرمىستارى ونان ارى باقىتتى بولا ءتۇستى.

  وسى شۇعىلالى تابىستار ءار ۇلت حالقىنىڭ ءبىر نيەتپەن ىنتىماقتاسىپ، بىرگە قۇلشىنا كۇرەسكەندىگىنىڭ جەمىسى، ءارقانداي بوگدە نيەتتى ادام بۇلدىرەمىن دەپ ويلاماسىن!

جاۋاپتى رەداكتور: ەسبول قاجىكەرىم ۇلى