جوعارى سي − قۇرمەت، اسقاق ماراپات

− كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىنان ءبىر كورىنىس

شينحۋا اگەنتتىگىنىڭ تىلشىلەرى زوۋ ۋي، جاڭ شياۋسۇڭ

  2 - ايدىڭ 25 - كۇنى تۇستەن بۇرىن، حالىق سارايى. ۇلكەن زالداعى جۇلدىزداي جايناعان شام نۇرى استىندا كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسى وتكىزىلىپ جاتىر.

  ايبىندى «وتان قاھارماندارىنا قۇرمەت» مۋزيكا اۋەنى ىشىندە باس شۋجي شي جينپيڭ كەدەيلىكتەن ارىلتۋدان قامال الۋدىڭ مەملەكەتتىك ۇلگىسى داڭق اتاعىنىڭ يەگەرلەرىنە ءبىر - بىردەن مەدال، كۋالىك، سيلىق تاقتا ۇسىندى.

  ”شيا سىن، جۇڭگو قوعامدىق عىلىمدار اكادەمياسى سىرتقى ىستەر مەكەمەسىنىڭ بۇرىنعى اعا زەرتتەرمەنى“.

  ەسىم جاريالانۋمەن قىزمەتكەرلەر دوڭگەلەكتى ورىندىققا وتىرعان، اق سامايلى شيا سىن قاريانى ءتوراعالار مىنبەسىنىڭ ءدال ورتاسىنا، باس شۋجي شي جينپيڭنىڭ جانىنا اكەلدى.

  جينالىس باستالۋدان ىلگەرى، شيا سىن جانە باسقا دا كەدەيلىكتەن ارىلتۋدان قامال الۋدىڭ مەملەكەتتىك ۇلگىسى داڭق اتاعىنىڭ يەگەرلەرى ۇسىنىس بويىنشا ءتوراعالار مىنبەسىنەن ورىن الدى. وسى ساتتە باس شۋجي شي جينپيڭ وسى 97 جاستاعى كەدەيلىكتەن ارىلتۋدان قامال الۋدىڭ مەملەكەتتىك ۇلگىسىنە سيلىق ۇسىندى.

  جوعارى سي - قۇرمەت، اسقاق ماراپات.

  بۇكىل الاڭنان كوتەرىلگەن دۋ قول شاپالاق ءۇنى ىشىندە باس شۋجي شي جينپيڭ ەڭكەيىپ، قاريانىڭ كەۋدەسىنە مەدالدى سالتاناتپەن تاعىپ، لەنتانى تۇزەپ قويدى، كوز جانارى جىلى مەيىرىمگە تولدى.

  شيا سىن قاريا اسەرلەنە دوڭگەلەكتى ورىندىعىنان تۇرماق بولىپ ەدى، باس شۋجي تاعى دا ەڭكەيىپ، قاريانىڭ يىعىنان كۇلىمسىرەي سيپاپ، ول كىسىگە الاڭسىز وتىرا بەرۋدى ءبىلدىرىپ، نارت قىزىل داڭق كۋالىگىن قولىنا ۇستاتتى ءارى ونىمەن بىرگە ەستەلىك سۋرەتكە ءتۇستى. باسىنان تالايدى كەشىرگەن قاريانىڭ جۇزىنەن تەبىرەنىس پەن شاتتىق لەبى ەستى. ول كۋالىكتى قولىنا ايالاي الىپ، مىنبە استىنداعىلارعا ءجيى - ءجيى قول بۇلعاپ ىززەت ءبىلدىردى.

  فوتو اپپاراتتاردىڭ سىرتىلداعان ءۇنى جيىلەي شىعىپ، وسى تاريحي ءساتتى ەستەلىككە الدى. دۋ قول شاپالاق ءۇنى ۇلكەن زالدا ۇزاققا دەيىن جاڭعىردى.

  14 جاسىندا توڭكەرىسكە قاتىناسىپ، 15 جاسىندا جۇڭگو كوممۋنيستىك پارتياسىنا مۇشە بولعان شيا سىن 1982 - جىلى زەينەتكە شىققاننان كەيىن دە كەدەي وڭىرلەردىڭ وقۋ - اعارتۋ ىستەرىن كوڭىل تورىندە ساقتاپ، ءوزى ۇنەمدەپ جيناعان 2 ميلليون 32 مىڭ يۋان اقشاسىن شانشي ولكەسى دانفىڭ اۋدانىنداعى، جياڭشي ولكەسى شاڭيوۋ اۋدانىنداعى كەدەي اۋىل - قىستاق مەكتەپتەرىنىڭ وقىتۋ شارت - جاعدايىن جاقسارتۋىنا پايدالانۋعا جىلۋعا اتادى، مۇنىڭ ىشىندە ءبىر ميلليون يۋان اقشامەن ”شيا سىن وقۋ جاردەماقى قورى“ قۇرىلىپ، قازىرگە دەيىن 182 كەدەي جوعارى مەكتەپ وقۋشىسىنىڭ ”داشۋە ارمانىن“ جۇزەگە اسىرۋىنا قارجىلاي كومەكتەستى.

  ءداۋىر قاھارماندى سومدايدى، ۇلىلىق قاراپايىمدىلىقتان كەلەدى. ايبىنى اسقاق كەدەيلىكتەن ارىلتۋدان قامال الۋ ۇلى كۇرەسىندە شيا سىن سياقتى ساياسيدا بەرىك، بەينەسى كورنەكتى، ۇلەسى زور، رۋحى جان تەبىرەنتەرلىك ءبىر توپ ۇزدىك تيپتەر اعالاپ العا شىقتى. پارتيانىڭ باسشىلىعىندا ولار بار ىنتا - پەيىلدەرىمەن ەڭبەك ەتىپ، قالتقىسىز ۇلەس قوسىپ، ميللياردتاعان حالىقپەن بىرگە كەدەيلىكتەن ارىلتۋدان قامال الۋداعى تاريحتان وشپەيتىن ءومىر كەرەمەتىن جاراتتى.

  باس شۋجي شي جينپيڭنىڭ تەرەڭ ىقىلاستى سوزدەرى جۇلدىزداي شامدار جايناعان دوعاشا توبەدە ۇزاق جاڭعىردى −

  ”بۇل جۇڭگو حالقىنىڭ ۇلى داڭقى، جۇڭگو كوممۋنيستىك پارتياسىنىڭ ۇلى داڭقى، جۇڭحۋا ۇلتىنىڭ ۇلى داڭقى!“

(شينحۋا اگەنتتىگىنىڭ 2 - ايدىڭ 25 - كۇنى بەيجيڭنەن بەرگەن حابارى)

جاۋاپتى رەداكتور: ءاننا اكىمقان قىزى