​كوكتەمگى ەگىس ءوندىرىسى قارىز اقشاسى تاراتىلدى

  كوكتەمگى ەگىس ءوندىرىسى قارىز اقشاسى اۋىل-قىستاقتى گۇلدەندىرۋگە دەم بەردى

  ءوز ءٴتىلشىمىز قۇرمانگۇل جەڭسبەك قىزى، ەرىكتى ٴتىلشىلەر ريزا، ازامات حابارلايدى. 2-ايدىڭ 22-كۇنى التاي قالاسى قىزىلتاس قالاشىعى ساياتەرەك قىستاعىنىڭ تۇرعىنى پەي شۋجياڭ تىلشىگە بىلاي دەدى: ”شاعاننان كەيىن كوكتەمگى ەگىس دايىندىعى باستالادى، سوندىقتان كوكتەمگى ەگىس ءوندىرىسى قارىز اقشاسىن ءوتىنىش ەتتىم، قاجەتتى راسىمياتتاردى بانكە قىزمەتكەرلەرىنىڭ تۇسىندىرۋى بويىنشا وتەپ بولدىم، اقشا تەز ارادا كارتچكاما سالىناتىن بولادى“.

  قازىر، التاي ايماعىنداعى قالىڭ ەگىنشى-مالشىلار كوكتەمگى ەگىس جۇمىسىنا دايىندالۋدا، بيىل ايماقتىڭ ءار اۋدان، قالالارىنداعى اۋىل-قىستاق ساۋدا بانكەلەرى مەن اۋىل-قىستاق امانات-قارىز سەلبەستىك كووپەراتيۆتەرى ”اۋىل شارۋاشىلىعىنا، اۋىل-قىستاققا، ديقاندارعا“ فينانستىق قىزمەت كورسەتۋدى جاقسارتىپ، كوكتەمگى ەگىس دايىندىعىنا 2 ميلليارد 927 ميلليون 700 مىڭ يۋان قارىز اقشا تاراتىپ، اۋىل-قىستاقتى گۇلدەندىرۋدى فينانستىق جاقتان دەمەۋدى مەجەلەپ وتىر.

  ٴءتىلشىنىڭ ۇعىسۋىنا قاراعاندا، بىرنەشە كۇننەن بەرى، ءٴار اۋدانداعى ) قالا) اۋىل-قىستاق ساۋدا بانكەلەرى مەن اۋىل-قىستاق امانات-قارىز سەلبەستىك كووپەراتيۆتەرىندە كوكتەمگى ەگىس ءوندىرىسى قارىز اقشاسىن الۋعا كەلگەن ەگىنشى-مالشىلاردىڭ اياعى ۇزىلمەگەن. بۋىرشىن اۋدانى تەرەكتى اۋىلى تەرەكتى قىستاعىنىڭ تۇرعىنى ەكپىن تۇقىم، حيميالىق تىڭايتقىش سياقتىلاردى ەرتەرەك ساتىپ الۋ ءٴۇشىن، اۋىل-قىستاق امانات-قارىز سەلبەستىك كووپەراتيۆىنەن كوكتەمگى ەگىس ءوندىرىسى قارىز اقشاسىن ءوتىنىش ەتتى. ”كوكتەمگى ەگىسكە قاجەتتى قارجىنى ٴالىپ كوڭىلىم ورنىعىپ قالدى“،-دەدى ەكپىن.

  قىستاق پارتيا ياچەيكالارى دا ەگىنشى-مالشىلاردىڭ قاجەتىن ۇعىسىپ، كوكتەمگى ەگىس ءوندىرىسى قارىز اقشاسىن بىتىرۋلەرىنە دەر كەزىندە كومەكتەسىپ، كوكتەمگى ەگىس دايىندىعىنا دەم بەردى. التاي قالاسى قىزىلتاس قالاشىعى مايكول قىستاعى پارتيا ياچەيكاسىنىڭ شۋجيى ليۋ يانيۇڭ ءٴار جىلى قىستاق تۇرعىندارىن ەرتىپ كەلىپ، ولاردىڭ قاجەتتى قارىز اقشا الۋىنا كەپىلدىك ەتەدى. ول تەبىرەنە بىلاي دەدى: ”قازىر كوكتەمگى ەگىس ءوندىرىسى قارىز اقشاسىن ءبىتىرۋ وتە قولايلى بولدى، قىزمەتكەرلەردىڭ پوزيتسياسى دا جاقسى، ءبىتىرۋ بارىسىن سابىرلىلىقپەن ٴتۇسىندىرىپ بەرەدى“.

  2021- جىلعى كوكتەمگى ەگىس وندىرىسىنە كومەكتەسۋ قىزمەتىن جاقسى ىستەۋ ءٴۇشىن، التاي اۋىل-قىستاق ساۋدا بانكەسى مەن اۋىل-قىستاق امانات-قارىز سەلبەستىك كووپەراتيۆى دەر كەزىندە امانات-قارىز قىزمەتكەرلەرىن جىبەرىپ، اۋىل ( قالاشىق ،(قىستاقتارمەن بىرلەسىپ، ديقان وتباسىلارىن ارالاپ، ديقانداردىڭ پىكىرىنە قۇلاق اسىپ، قارجى قاجەتىن ۇعىسىپ، اۋىل شارۋاشىلىعىن بار كۇشپەن قولداپ، كوكتەمگى ەگىس ءوندىرىسى قارىز اقشاسىنىڭ جاسىل ارناسى مەن « اۋىل شارۋاشىلىعىنا قارىز اقشا بەرۋ » تەكشەسىندە ءٴوزى ءبىتىرۋ ارناسىن اشىپ، قارىز اقشانىڭ ءدال ۋاعىندا تاراتىلۋىنا كەپىلدىك ەتتى.

  التاي اۋىل-قىستاق ساۋدا بانكەسى پارتكومىنىڭ مۇشەسى، ورىنباسار بانكە باستىعى ۋاڭ ۋيبو بىلاي دەدى: ”ءٴبىز كوكتەمگى ەگىس دايىندىعى قارىز اقشاسىنىڭ جاسىل ارناسىن اشىپ، ساپالى، وركەنيەتتى قىزمەت كورسەتۋدى كۇشەيتىپ، كوكتەمگى ەگىس ءوندىرىسى قارىز اقشاسىنىڭ ارناۋلى مىنبەسىن قۇرىپ، تيجارات ۋاقىتىن ۇزارتىپ، قاتىستى راسمياتتاردى قاراپايىمداستىرىپ، اۋىل شارۋاشىلىعىنا قارىز اقشا بەرۋ تەكشەسىندە قاتىستى ماتەريالدارىن تولتىرىپ، ءٴوزى ءبىتىرۋ ارناسىن اشىپ، كوكتەمگى ەگىس دايىندىعى قارجىسىنىڭ سۇرانىسىن” تەز قابىلداپ، تەز تەكسەرىپ بەكىتىپ، تەز تاراتىپ،“ ديقانداردىڭ قارىز اقشاسىنىڭ دەر كەزىندە تياناقتانۋىنا كەپىلدىك ەتەمىز.“

  ۇعىسۋعا قاراعاندا، التاي ايماعىنداعى شينجياڭ اۋىل شارۋاشىلىق امانات-قارىز كووپەراتيۆىنە قاراستى 67جۇيە تورابى كوكتەمگى ەگىس ءوندىرىسى دايىندىعى ٴءۇشىن 2 ميلليارد 927 ميلليون 700 مىڭ يۋان قارىز اقشا تاراتادى ەكەن. قازىرگە دەيىن، 16مىڭ 734 ەگىنشى-مالشىعا كوكتەمگى ەگىس دايىندىعى ءۇشىن ٴ1 ميلليارد 421ميلليون 590 مىڭ يۋان قارىز اقشا تاراتقان.

  اۋدارعان: جانار قاناپيا قىزى

جاۋاپتى رەداكتور: ەسبول قاجىكەرىم ۇلى