التايدا مىنا جول بولەكتەرىنىڭ قاتىناسى باسقارۋعا الىندى​

  التايدا مىنا جول بولەكتەرىنىڭ قاتىناسى باسقارۋعا الىندى

  ءوز ٴتىلشىمىز ۋىڭ شينيۇي حابارلايدى. ناشار اۋا رايىنىڭ ىقپالىنان، 2-ايدىڭ 25-كۇنى ساعات 15 تەن 20 مينۋت وتكەندە، التاي ايماقتىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى كوپتەگەن جول بولەكتەرىندە قاتىناستى باسقارۋ ءتۇزىمىن اتقاردى.

  التاي قالاسى: مەملەكەت تاس جولىنىڭ 217-لەنياسىنىڭ 28-45كيلومەتر بولەگىندە قارلى بوران سوعىپ، كورۋ دارەجەسى تومەندەپ، جولعا مۇز قاتۋ جايتتەرى پايدا بولىپ، حاۋپسىز كولىك قاتىناۋعا ىقپال جەتكىزدى. حالىق بۇقاراسىنىڭ ءومىرى مەن مال-مۇلكىنىڭ حاۋىپسىزدىگىنە كەپىلدىك ەتۋ ءۇشىن، التاي قالالىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى 2-ايدىڭ 25-كۇنى ساعات 15 تەن 50 مينۋت وتكەندە، مەملەكەت تاس جولىنىڭ 217-لەنياسىنىڭ التاي قالاسىنان بۋىرشىنعا دەيىنگى جول بولەگىندە قوس باعىتتى قاتىناستى باسقارۋ ءتۇزىمىن اتقاردى.

  بەيتۇن قالاشىعى: ناشار اۋا رايى بەيتۇننەن بۋىرشىنعا دەيىنگى جول بولەگىندە حاۋپسىز كولىك قاتىناۋعا ىقپال جەتكىزدى. 2-ايدىڭ 25-كۇنى ساعات 15 تەن 20 مينۋت وتكەندە، بەيتۇننەن بۋىرشىنعا دەيىنگى جول بولەگىندە قوس باعىتتى قاتىناس باسقارۋ ٴتۇزىمى اتقارىلدى.

  بۋىرشىن اۋدانى: ولكە جولى232-لەنياسىنىڭ 72 - 171 كيلومەتر بولەگىندە (بۋىرشىننان شۇڭقىرعا دەيىن)، G331 لەنياسىنىڭ 9176-9190 كيلومەتر بولەگىندە (بۋىرشىننان قاباعا دەيىن)، ولكە جولى 319-لەنياسىنىڭ 121 -86 كيلومەتر بولەگىندە (بۋىرشىننان بەيتۇن، جەمەنەيگە دەيىن)، مەملەكەت جولى 217-لەنياسىنىڭ 88 - 71 كيلومەتر بولەگىندە (بۋىرشىننان التايعا)، مەملەكەت 217-لەنياسىنىڭ 109 -140 كيلومەتر بولەگىندە (بۋىرشىننان ءۇرىمجى جول بولەگىنە دەيىن)، قاتىناستى باسقارۋ ٴتۇزىمى اتقارىلدى.

  قاناس: ءبىرىنشى،S 232 جەلىسىنىڭ 0 -72 كيلومەتر بولەگىندە (قاناستان قاناس قوعام حاۋىپسىزدىگى تەكسەرۋ پۋنكتىنە دەيىن)، S 232 جەلىسىنىڭ 43 -52 كيلومەتر بولەگىندە قالىڭ قار جاۋىپ، قارلى بوران سوعىپ، جول بەتىندەگى قاسات قاردىڭ قالىڭدىعى 15 سانتيمەتر بولىپ، كورۋ دارەجەسى 50 مەترگە جەتپەي قالدى. ەكىنشى، X852 جەلىسىنىڭ 0 -49.8 كيلومەتر بولەگىندە قوم قىستاعى مەن قوم ايرىق جولىنا دەيىن) قالىڭ قار جاۋىپ، قارلى بوران سوعىپ، جول بەتىندەگى قاسات قاردىڭ قالىڭدىعى 15 سانتيمەتر اينالاسىندا بولىپ، كورۋ دارەجەسى 50 مەترگە جەتپەي قالدى. ءۇشىنشى، G 219 لەنياسى 91 -125 كيلومەتر بولەگىندە (قاناستان اققاباعا دەيىنگى جول بولەگى) جول بەتىنە مۇز قاتىپ، قارلى بوران سوعىپ، كورۋ دارەجەسى تومەندەدى، جوعارىداعى جول بولەكتەرىندە كولىك قاتىناۋعا بولمايدى.

  بۋرىلتوعاي اۋدانى: G 3014 لەنياسى 399-463 كيلومەتر جول بولەگىندە، جول بەتى تايعاناق بولىپ، كورۋ دارەجەسى تومەندەپ، حاۋپسىز كولىك قاتىناۋعا ىقپال جەتكىزدى. قاراستى رايونداعى بۇقارانىڭ ءومىرى مەن مال-مۇلكىنىڭ حاۋىپسىزدىگىنە كەپىلدىك ەتۋ ءۇشىن، بۋرىلتوعاي اۋداندىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى 2-ايدىڭ 25-كۇنى ساعات 16 دان 20 مينۋت وتكەندە G 3014 جەلىسىنىڭ 399-463 كيلومەتر جول بولەگىندە قوس باعىتتى قاتىناستى باسقارۋ تۇزىمىن اتقاردى.

  جەمەنەي اۋدانى: ولكە جولى 319-لەنياسى جەمەنەيدەن بۋىرشىنعا دەيىنگى جول بولەگى؛ مەملەكەت جولى 219-لەنياسى جەمەنەيدەن قاباعا دەيىنگى جول بولەگى؛ ولكە جولى 319-لەنياسى جەمەنەيدەن 186تۋانعا دەيىنگى جول بولەكتەرى؛ جەمەنەي اۋدانىنان قيسانتۋعا دەيىنگى جول بولەكتەرىندە قوس باعىتتى قاتىناس باسقارۋ ٴتۇزىمى اتقارىلدى.

  قابا اۋدانى: G 331 لەنياسى 9202 كيلومەتر جول بولەگى (23 كيلومەترلىك تەكسەرۋ پۋنكتى) بۋىرشىنعا باراتىن جول بولەگىندە جول بەتىنە مۇز قاتقاندىقتان، قابا اۋداندىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى مەن بۋىرشىن اۋداندىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى قوس باعىتتى جول قاتىناسىن باسقارۋ ءتۇزىمىن اتقاردى.

  ناشار اۋارايى قاتىناسقا اۋىر دارەجەدە ىقپال جاسادى، شوفەر جولداستاردىڭ كولىكتى ابايلاپ ايداپ، حاۋىپسىزدىككە كوڭىل ٴبولۋىن ءۇمىت ەتەمىز.

  دايىنداعان: ءاننا اكىمقان قىزى

جاۋاپتى رەداكتور: ەسبول قاجىكەرىم ۇلى