وتكەلدىڭ ەكونوميكالىق ومىرشەڭدىك قۋاتىن جانداندىرامىز

  شەگارادان ءوتۋدىڭ كومەسكى كۇشىن ساۋلەلەندىرىپ ، وتكەلدىڭ ەكونوميكالىق ومىرشەڭدىك قۋاتىن جانداندىرامىز

  - شىڭگىل تايگەشكەن وتكەلى كوميتەتى پارتكومنىڭ شۋجيى شۇي چيڭمەن سۇقپات

  التاي گازەتىنىڭ جالپىلىق اقپارات قۇرالدارى ءتىلشىسى حۋ جۇنشيۋ حابارلايدى.

  ايماقتىق پارتكومنىڭ كەڭەيتىلگەن ماجىلىسىندە بىلاي دەپ اتاپ كورسەتىلدى: وتكەل ەكونوميكالىق بەلدەۋىن بەلسەنە جاراتىپ، ەل ءىشى-سىرتىنا اشىق ۇستاۋ جاڭا جاعدايىن قالىپتاستىرۋدى جەدەلدەتىپ، ”ارنا رولىن“ ”وتكەل ەكونوميكاسىنا“ قاراي بۇرىلىس جاساۋدى ىلگەرىلەتۋ كەرەك. تاياۋدا، ءتىلشى قايتكەندە شەكارادان ءوتۋدىڭ كومەسكى قۋاتىن ساۋلەلەندىرىپ، وتكەلدىڭ ەكونوميكالىق ومىرشەڭدىك كۇشىن جانداندىرۋ جونىندە شىڭگىل اۋدانى تايكەشكەن وتكەلى پارتكومىنىڭ شۋجيى شۇي چيڭعا تىلشىلىك ىستەدى.

  ءتىلشى: تايكەشكەن وتكەلىنىڭ ”13-بەسجىلدىق“ كەزىندە قانداي كورنەكتى ناتيجەلەرگە قول جەتكىزگەندىگىنە ايالداي كەتسەڭىز.

  شۇي چيڭ: ورنىقتىلىق ــ العى شارت، دامۋ ــ نىسانا. ءبىز ”13-بەسجىلدىق“ كەزىندە قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ورنىقتىلىق قىزمەتىن ويداعىداي ىستەۋمەن بىرگە، تايكەشكەن وتكەلىنىڭ وزگەشە رايون ورنى ابزالدىلىعىن تياناق ەتىپ، ىرىقتىلىقپەن مىندەت ارقالاپ، جىگەردى جاني العا ۇمتىلىپ، وتكەل قىزمەتكەرلەرىنىڭ جاپالى ىستەۋ، ناقتى ىستەۋدەي تاماشا ستيلىن تولىق ساۋلەلەندىردىك، زاڭعا قايشى شەكارادان شىعۋ-كىرۋدە ”بىردە-ءبىرى كىرە الماۋ، بىردە-ءبىرى شىعا الماۋعا“ كەپىلدىك ەتىپ، وتكەلدى اشىق ۇستاۋدى كەڭەيتۋدە تىڭ جاڭالىققا قول جەتكىزدىك. 5 جىلدان بەرى، وتكەلدەگى ءارقايسى تەكسەرۋ ورىندارىنىڭ ورتاق قۇلشىنىسىندا، تايكەشكەن شەكارا حالقىنىڭ ساۋدا بازارى ىسكە قوسىلىپ، جۇڭگو، موڭعۇليا تايكەشكەن ـ بۇلعىن حالىقارالىق قاتىناس-تاسىمال اۆتوبۋزى قاتىناپ، تايكەشكەن ەت تۇرلەرى ارناۋلى وتكەلى اشىلدى. وتكەلدىڭ فۋنكتسيالىق رايون قۇرىلىسىن ۇزدىكسىز كەمەلدەندىرۋ ارقىلى تايكەشكەن وتكەلىنىڭ ۋنيۆەرسال باسەكەلىك قۋاتى كورنەكتى كۇشەيدى. قازىر تايكەشكەن وتكەلى شينجياڭداعى موڭعۇلياعا اشىق ۇستالعان 4 وتكەلدىڭ ىشىندەگى كولەمى ەڭ ۇلكەن، قۇرىلعىسى ەڭ كەمەلدى، قاتىناسى ەڭ قولايلى، شەكارا ساۋداسى ەڭ جاندانعان وتكەلگە اينالدى.

  شينجياڭداعى كەن ونىمدەرىن يمپورت ەتەتىن ماڭىزدى ارنا بولعاندىقتان، سوڭعى جىلداردان بەرى، تايكەشكەن وتكەلى قىرۋار كەن ونىمدەرىن يمپورت ەتۋ، مانەرلەۋ جاعىندا كوپ كۇش شىعارىپ ناقتى شارا قولداندى. وتكەل شەكاراسىنان ءوتۋ تارتىبىنە ۇزدىكسىز ىزدەنىس جاساۋ، ساپالاندىرۋ، قاراپايىمداستىرۋ ارقىلى قۇرىلعى شارت-جاعدايى شەكتەمەسىن جەڭىپ، شەكارادان ءوتۋدى قولايلىلاندىرىپ، شەكارادان ءوتۋدىڭ كومەسكى كۇشىن بارىنشا ساۋلەلەندىردى. 2019-جىلى وتكەل شەكارادان كىرگەن اۆتوكولىكتەردى كوپ ارنالاردا تەكسەرۋ، شەكارادان كىرگەن كولىكتەردى جيناقتاپ جوعارىعا مالىمدەۋ، شەكارانى ۇزىلىسسىز اشۋ قاتارلى شارالار ارقىلى شەكارادان ءوتۋ ونىمدىلىگى بارىنشا ارتىپ، شەكارادان كىرگەن اۆتوكولىكتەر بىلتىرعى 80 نەن 170 كە كوبەيدى، شەكارادان ءوتۋ ونىمدىلىگى ءبىر ەسەدەن اسىپ، تۇتاس جىلدا كوكىستى يمپورت ەتۋ تۇڭعىش رەت ميلليون توننالىق وتكەلدەن ءوتىپ، ءبىر ميلليون 244 مىڭ تونناعا جەتتى.

  2020 -جىلى تۇتقيىل تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا تايكەشكەن وتكەلى كوميتەتى قىسىمدى قوزعاۋشى كۇشكە اينالدىرىپ، وزگەرىسكە ىرىقتىلىقپەن عىلمي سايكەسىپ، شەكارادان ءوتۋدىڭ اتقارۋعا بولاتىن، جوعارى ءونىمدى، قولايلى تۇيىقتاپ باسقارۋ، تىزگىندەۋ شاراسىنا ىزدەنىس جاساپ، شەكارادان ءوتۋ ونىمدىلىگىنىڭ جوعارىلاۋىنا كەپىلدىك ەتتى. زات تاسىمال مولشەرى شينجياڭ تاس جول وتكەلى بويىنشا ماڭداي الدى ورىندى، جالپىلىق قاتارعا (تاس جول، تەمىر جول) تۇرعىزۋدا 3-ورىندى يەلەۋدەي تاريحتاعى ەڭ تاماشا ناتيجەگە قول جەتكىزدى. ”13-بەسجىلدىق“ كەزىندە وتكەلدەن يمپورت-ەكسپورت ەتىلگەن زاتتاردى جيناقتاعاندا 3 ميلليون 929 مىڭ 300 توننا بولىپ، ”12-بەسجىلدىق“ كەزىندەگىدەن %243.4 ارتىپ، يمپورت-ەكسپورت ساۋدا سوماسى 2 ميلليارد 593 ميلليون يۋان بولدى.

  ءتىلشى: بيىل تايكەشكەن وتكەلى كوميتەتى ايماقتىق پارتكومنىڭ كەڭەيتىلگەن ءماجىلىسى رۋحىن قالاي دايەكتىلەندىرەدى، تياناقتاندىرادى؟

  شۇي چيڭ: ايماقتىق پارتكومنىڭ كەڭەيتىلگەن ءماجىلىسى تايكەشكەن وتكەلىنىڭ 2021-جىلى كوكىس، تەمىر رۋداسىن يمپورت ەتۋدە ”ەكىنى قامتاماسىز ەتۋ، ۇشكە ۇمتىلۋداي“ نىسانا-مىندەتىن ورىنداۋدى ورتاعا قويدى. بۇل ءبىز جونىنەن العاندا ۇلكەن شابىت ءارى بىزگە دەگەن سەنىم مەن ءۇمىت. ايماقتىق پارتكومنىڭ كەڭەيتىلگەن ءماجىلىسى رۋحىن ويداعىداي تياناقتاندىرۋ ءۇشىن، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، يدەيانى اناعۇرلىم ازات ەتىپ، عىلمي جوبا جاساپ، ىندەتتەن دالمە-ءدال ساقتانىپ، وتكەلدىڭ A” اۆتوكولىك باسى،B تىركەمە“ تۇيىقتاپ باسقارۋ-تىزگىندەۋ شاراسىن ساپالاندىرىپ، شەكارادان ءوتۋ ونىمدىلىگىنە ىقپال جەتكىزەتىن ماسەلەنى شىنايى ويداعىداي شەشەمىز، وتكەلدە شەكارادان ءوتۋدىڭ كومەسكى قۋاتىن ۇزدىكسىز ساۋلەلەندىرىپ، وتكەلدەن 2 ميلليون توننا زات وتكىزۋدى بار كۇشپەن ورىنداپ، 3 ميلليون تونناعا جەتكىزۋگە كۇش سالامىز. سونىمەن بىرگە، تەكسەرۋ-زەتتەۋ تەبىنىن كۇشەيتىپ، شينجياڭ موڭكەم ەنەرگيا سەرىكتەستىگى قاتارلى وتكەل شەكارا ساۋداسىنداعى مانەرلەۋ، ءوندىرۋ كاسىپورىندارىنا ىشكەرىلەي بارىپ كاسىپورىننىڭ قيىنشىلىعىن شەشۋگە بەلسەنە كومەكتەسىپ، تاماشا تيجارات ساۋدا ورتاسىن شىنايى جاراتىپ، وتكەل ەكونوميكاسىنىڭ اقاۋسىز، ورنىقتى دامۋىن ىلگەرىلەتەمىز. وتكەل شەكارا ساۋداسىنىڭ دامۋىن بار كۇشپەن قولداپ، شەكارا حالقىنىڭ ساۋدا بازارى ساياساتىن ويداعىداي پايدالانىپ جانداندىرامىز، شەكارا حالقىنىڭ 1-، 2-دارەجەلى ساۋدا بازارى رولىن شىنايى ويداعىداي ساۋلەلەندىرەمىز، شەكارا حالقىن وتكەل شەكارا ساۋداسى ەكونوميكاسىنا ات سالىسىپ، كىرىسىن ارتتىرىپ، اۋقاتتانۋعا بەلسەنە جەتەلەيمىز.

  ايماقتىق پارتكوم مەن اكىمشىلىك مەكەمەسىنىڭ پارمەندى باسشىلىعىندا، وتكەلدەگى ءارقايسى تەكسەرۋ ورىندارىنىڭ ورتاق قۇلشىنىسىندا، تىڭعىلىقتى ستيل، پارمەندى شارا ارقىلى ايماقتىق پارتكومنىڭ شەشىمدەرى مەن ورنالاستىرۋلارىن، ءسوزسىز، ويداعىداي تياناقتاندىرىپ، تايكەشكەن وتكەلىنىڭ ”14-بەسجىلدىق“ باستاماسىن ويداعىداي باستايتىندىعىمىزعا كامىل سەنەمىز.

جاۋاپتى رەداكتور: ەسبول قاجىكەرىم ۇلى