مىنا بالىقتار قورعالاتىن حايۋاناتتار تىزىمدىگىنە ەنگىزىلدى

  التاي ايماعىندا 6 ءتۇردەگى بالىق مەملەكەتتىك 2-دارەجەلى قورعالاتىن حايۋاناتتار تىزىمدىگىنە ەنگىزىلدى

  مەملەكەت ءتۇيىندى قورعايتىن جابايى حايۋاناتتاردىڭ ەڭ جاڭا تىزىمدىگى شىعارىلدى

  ەرىكتى ءتىلشى جوۋبو حابارلايدى. مەملەكەتتىك كەڭەستىڭ بەكىتۋىمەن، 2-ايدىڭ 1-كۇنى رەتتەۋ جۇرگىزىلگەننەن كەيىنگى « مەملەكەتتىك ءتۇيىندى قورعالاتىن جابايى حايۋاناتتار تىزىمدىگى»رەسمي جاريالاندى. رەتتەلگەننەن كەيىنگى «تىزىمدىككە» 8 توپتاعى 980 ءتۇرلى جابايى حايۋانات ەنگىزىلدى، مۇنىڭ ىشىندە ،التاي ايماعىنداعى سۋدا تىرشىلىك ەتەتىن جابايى حايۋاناتتار : سيبيريا بەكىرەسى، كىشكەنە بەكىرە، ۇلكەن قىزىل بالىق، قاشاعان قىزىل بالىق، سولتۇستىك ۇيەك بالىعى، سولتۇستىك باعىلان بالىعى مەملەكەتتىڭ 2-دارەجەلى قورعالاتىن جابايى حايۋاناتتار تىزىمدىگىنە ەنگىزىلدى.

  سيبيريا بەكىرەسى

  كىشكەنە بەكىرە

  ۇلكەن قىزىل بالىق

  التاي ايماعىندا سۋدا تىرشىلىك ەتەتىن جابايى حايۋاناتتاردىڭ ءتۇرى توتەنشە مول، ايماق بويىنشا بالىق بايلىعى 35 ءتۇرلى بولىپ، بۇكىل اۆتونوميالى رايوننىڭ بالىق بايلىعى تۇرلەرىنىڭ 43.2 پايىزىن ۇستايدى، مۇنىڭ ىشىندە، 12 ءتۇرلى بالىق « شينجياڭ ۇيعۇر اۆتونوميالى رايونىنىڭ سۋدا تىرشىلىك ەتەتىن جابايى حايۋاناتتار تىزىمدىگىنە (وزگەرىس ەنگىزىلگەن نۇسقاسى) » ەنگىزىلگەن. 2021-جىلعى جاڭادان رەتتەلگەننەن كەيىنگى «تىزىمدىككە» التاي ايماعىنان «شينجياڭ ۇيعۇر اۆتونوميالى رايونىنىڭ سۋدا تىرشىلىك ەتەتىن جابايى حايۋاناتتار تىزىمدىگىنە (وزگەرىس ەنگىزىلگەن نۇسقاسى )» 6 ءتۇرلى ءتۇيىندى قورعالاتىن بالىق ءتۇرى ەنگىزىلدى.

  قاشاعان قىزىل بالىق

  سولتۇستىك ۇيەك بالىعى

  سولتۇستىك باعىلان بالىعى

  كەلەسى قادامدا، التاي ايماقتىق اۋىل شارۋاشىلىق جالپىلىق اكىمشىلىك زاڭ اتقارۋ بولىمشە اترەتى قورعاۋ تەبىنىن ونان ارى ارتتىرىپ ، التاي تاۋلى وڭىرىندەگى وزەندەردەگى تۇقىمى قۇرىپ بارا جاتقان سۋدا تىرشىلىك ەتەتىن جابايى حايۋاناتتاردى قورعاۋ قىزمەتىن كۇشەيتىپ، ءتۇر، توبى مەن تىرشىلىك ورتاسىنىڭ حاۋىپسىزدىگىنە كەپىلدىك ەتەدى. بالىق اۋلايتىن جانە سۋدى لاستايتىن ارەكەتتەردەن قاتاڭ ساقتانىپ، زاڭ اتقارۋدى باقىلاپ-باسقارۋدى كۇشەيتىپ، زاڭعا قايشى قىلمىستىق ارەكەتتەرگە قاتاڭ سوققى بەرىپ، جابايى حايۋاناتتاردى اۋلاپ جەۋگە جانە زاڭسىز ساۋدالاۋعا باتىل تيىم سالىپ ، قاتىستى بالىق تۇرلەرىن جاساندى جولمەن وسىرۋمەن زاڭدى شۇعىلدانعان ورىندارعا نەمەسە جەكەلەرگە جەتەكشىلىك ەتىپ، كومەكتەسىپ، زاڭدى ۇقىق-مۇددەسىن قورعايدى. سونىمەن بىرگە، ايماقتىڭ تابيعي سۋ ايدىندارىنان بالىق اۋلاۋعا تيىم سالىپ، كەڭ كولەمدى ۇگىت-تاربيە ورىستەتىپ، بۇقارانىڭ مەملەكەت، اۆتونوميالى رايون دارەجەلى ءتۇيىندى قورعالاتىن جابايى حايۋاناتتار جايلى تانىمىن جوعارلاتىپ، بۇقارانى زاڭعا قايشى ارەكەتتەردى سانالى تۇردە تەجەۋگە جۇمىلدىرىپ، ورتاق قورعايتىن تاماشا جاعداي قالىپتاستىرادى.

  اۋدارعان: جانار قاناپيا قىزى

جاۋاپتى رەداكتور: ەسبول قاجىكەرىم ۇلى