الاقاي، التايلىق قار شاڭعى سپورتشىلارى ۇزدىك ناتيجە جاراتتى

  التايلىق قار شاڭعى سپرتشىلارى تاعى دا ۇزدىك ناتيجە جاراتتى

  گازەتىمىزدىڭ جالپىلىق اقپارات قۇرالدارى ءتىلشىسى دۋ پىڭفي، پراكتيكانت جان يىنيىن حابارلايدى. جاقىندا، دەنەتاربيە سالاسىندا مەملەكەتتىك دالالىق قار شاڭعى شوعىرلى تاربيەلەۋ اترەتى شينجياڭ گرۋپپاسىنداعى التايلىق سپورتشى دىلنيگار يلحامجان مەن سامعار سەرىك ۇلىنىڭ جەكە-جەكە جاڭا عانا اياقتالعان حالىقارالىق قار شاڭعى بىرلەستىگى سولتۇستىك ەۆروپا جاستار دۇنيە جۇزىلىك قار شاڭعى جۇلدەگە تالاسۋ جارىسىندا جانە 2020-، 2021-جىلعى جارىس ماۋسىمى مەملەكەتتىك دالالىق قار شاڭعى چەمپيوندىعىنا تالاسۋ جارىسىندا ۇزدىك ناتيجەگە قول جەتكىزگەن قۋانىشتى حابارى تارالدى.

  ۇعىسۋعا قاراعاندا، دىلنيگار يلحامجان قازىر 20 جاستا، 2021-جىلدان باستاپ دالالىق قار شاڭعى سپورتىنا ات سالىسقاننان بەرى، ىلگەرىندى-كەيىندى ءار دارەجەلى ءتۇرلى جارىستاردا كوپ رەت ۇزدىك ناتيجەگە يە بولعان: 2019-جىلى 3-ايدىڭ 1-كۇنى، ”2019-جىلى شۋچۋاڭ توبى حالىقارالىق قار شاڭعى بىرلەستىگى جۇڭگو بەيجيڭ دالالىق قار شاڭعى ءنومىر توپتاۋ جارىسىنىڭ“ ايەلدەر ارناۋلى گرۋپپاسى جارىسىندا 2- دارەجەلى؛ 2020-جىلى 3-ايدىڭ 2-كۇنى 2019-، 2020-جىلعى جارىس ماۋسىمى دالالىق قار شاڭعى دۇنيە جۇزىلىك جاستاردىڭ جۇلدەگە تالاسۋ جارىسىندا ايەلدەردىڭ 5 كيلومەترلىك ءداستۇرلى نىسانىندا 5 ـ دارەجەلى؛ 2021-جىلى 2-ايدىڭ 12 -كۇنى حالىقارالىق قار شاڭعى بىرلەستىگى سولتۇستىك ەۆروپا جاستاردىڭ دۇنيە جۇزىلىك قار شاڭعى جۇلدەگە تالاسۋ جارىسىندا 6-دارەجەلى سيلىقتى ەنشىلەپ، ەلىمىز ىشىندەگى وسى نىساننان جارىسقا قاتىناسۋشىلار ىشىندەگى ەڭ جاقسى ناتيجەنى جاراتقان سپورتشى.

  سامعار سەرىك ۇلى 2020-، 2021-جىلعى جارىس ماۋسىمى مەملەكەتتىك دالالىق قار شاڭعى جۇلدەگە تالاسۋ جارىسىندا، شينجياڭ كومانداسىنا ۋاكىل رەتىندە ەرلەر U16 گرۋپپاسىنىڭ 3 كيلومەترلىك ورگە شىعۋ ءداستۇرلى تەحنيكالىق جارىسىندا، جالپىلىق قابىلەت گرۋپپاسى جارىسىندا 2 التىن مەدالعا، سونداي-اق ەرلەر U16 گرۋپپاسى 3 كيلومەترلىك ورگە شىعۋ ءداستۇرلى ەرىكتى تەحنيكالىق جارىسىندا، ەرلەر 15 كيلومەترلىك ەرىكتى تەحنيكالىق جارىسىندا، ءداستۇرلى تەحنيكالىق جارىستا، جالپىلىق قۋات جارىسىندا 4 كۇمىس مەدالعا يە بولدى. سامعار سەرىك ۇلى بىلاي دەدى: بۇدان كەيىنگى جاتتىعۋ بارىسىندا اناعۇرلىم قۇلشىنىپ، وتانىما، اتا مەكەنىمە داڭق اپەرەمىن.

  ايماقتىق مادەنيەت-دەنەتاربيە، راديو- تەلەۆيزيا جانە ساياحات مەكەمەسى دەنەتاربيە ءبولىمىنىڭ باستىعى ياڭ تيڭنىڭ تانىستىرۋىنا قاراعاندا، كوزالدا، بۇكىل ايماقتا جيىنى 100 جىلدام سىرعاناۋ سپورتشىسى، 30 اسقار تاۋ قار شاڭعى سپورتشىسى، 30 دالالىق قار شاڭعى سپورتشىسى بار. 2020-، 2021-جىلعى قىس ماۋسىمىندا ايماق ىلگەرىندى-كەيىندى جىلدام سىرعاناۋ، اسقار تاۋدا قار شاڭعى تەبۋ، دالالىق قار شاڭعى تەبۋ قىسقى لاگەر شوعىرلى جاتتىعۋ قيمىلىن ورىستەتىپ، مەملەكەتكە، اۆتونوميالى رايونعا ءبىر توپ ۇزدىك زاپاس دارىندى تاربيەلەپ بەرەدى.

  اۆتونوميالى رايوندىق دەنەتاربيە مەكەمەسى قىسقى سپورتتى باسقارۋ ورتالىعى دالالىق قار شاڭعى تەبۋ اترەتىنىڭ جاتتىقتىرۋشىسى يلامجان بىلاي دەدى: التايدىڭ وزگەشە قار-مۇز بايلىق ابزالدىلىعى مەن تاريحى ۇزاق قار شاڭعى تەبۋ مادەنيەتىنەن پايدالانىپ، قار-مۇز سپورتىن كۇش سالا دامىتىپ، ءبىر توپ ۇزدىك قار شاڭعى سپورتشىلارىن تاربيەلەپ، مەملەكەتكە كوپتەگەن ايگىلى سپورتشىلاردى جەتىلدىرىپ بەرەتىندىگىنە، بولاشاقتا وليمپيادا جينالىسىندا اناعۇرلىم كوپ شينجياڭدىق سپورتشىلاردىڭ بوي كورسەتەتىندىگىنە سەنەمىن.

جاۋاپتى رەداكتور: ەسبول قاجىكەرىم ۇلى