قونىستانۋعا قولايلى، ساياحاتقا جايلى، قىستاعى كوركەم، تۇرعىندارى باي

  قىزىلقايىڭ قىستاعى:

  قونىستانۋعا قولايلى، ساياحاتقا جايلى، قىستاعى كوركەم، تۇرعىندارى باي

  انار بۇلت / شينجياڭ گازەتىنىڭ ءتىلشىسى

   جاڭ تيڭ، ەرىكتى ءتىلشى ۋاڭ سۇڭ

  1 - ايدىڭ 1 - كۇنى تاڭەرتەڭ ەرتە بۋىرشىن اۋدانى شۇڭقىر قالاشىعى قىزىلقايىڭ قىستاعىنىڭ تۇرعىنى ەسبولات دالەيقان ماقتالى شاپانىن كيە سالىپ، قىستاق تۇرعىندار كوميتەتىنىڭ اۋلاسىنا قاراي اسىعىس جۇرە جونەلدى. ەندى بىرنەشە كۇننەن كەيىن بۋىرشىن اۋداننىڭ 5 - كەزەكتى قىراۋ مەرەكەسىنىڭ شىمىلدىعى شۇڭقىر قالاشىعىندا اشىلادى، وسى بىرنەشە كۇندە قىستاق ”ەكى كوميتەتى“ مەن حۇڭيەلين سالت - سانا وتباسىلىق قولونەر ساياحات قوعامى وتباسىلىق قولونەر وتباسىلارى مەن پارتيا مۇشەلەرى ۇلگى كورسەتۋ وتباسىلارىن جيىپ الدىن الا دايارلىق جۇمىستارىن ويداعىداي ىستەدى.

  جۋىق جىلداردان بەرى قىزىلقايىڭ قىستاعى تابيعي بايلىق باسىمدىعىنا سۇيەنىپ، پارتيا ياچەيكاسىنىڭ ۇلگى كورسەتۋ، باستاماشى بولۋ رولىن تولىق ساۋلەلەندىرىپ، ”پارتيا ياچەيكاسى + قوعام + پارتيا مۇشەلەرى + تيجارات وتباسى“ دامۋ ۇلگىسىن ورناتىپ، ساياحات كاسىبىن زور كۇشپەن دامىتىپ، ەكولوگيالىق وركەنيەتتى دوڭگەلەك داۋلەتتى قىستاق قۇرىلىسىن ىلگەرىلەتىپ، قىستاقتىڭ بارلىق جەرىندە شاتتىق كۇلكىسى ەستى.

  كۇش توپتاپ، ساياحات ارقىلى بايۋ جولىمەن ءجۇردى

  قىستاققا ءبىر تاۋ جولىمەن عانا بارۋعا بولاتىن، تام ۇيدە، تاس ۇيدە تۇراتىن، ەگىندى تاۋعا ەگەتىن، بۇل قىزىلقايىڭ قىستاعى تۇرعىندارىنىڭ ءوز كەزىندەگى ءوندىرىس، تۇرمىسىنىڭ ناقتى بەينەسى ەدى.

  بۇل كۇندەرى قىستاق تۇرعىندارىنىڭ بارلىعى تاۋ ەتەگىنە كوشىپ ءتۇسىپ، قۇرىلعىلارى تولىق بەيقۇت ۇيگە كوشىپ كىرىپ، وزگەشە ۇلگىدەگى حالىقتىق تۇسەلحانالاردى، وتباسىلىق شەبەرحانالاردى سالدى، تۇرمىس بارعان سايىن جاقسارا ءتۇستى.

  قىزىلقايىڭ قىستاعىندا مۇنداي وراسان زور وزگەرىس قالاي تۋىلدى؟ ”مۇنداعى ەڭ شەشۋشى ءتۇيىن ۇيىمنىڭ قۋاتتى بولۋىندا ەدى“. قىستاق پارتيا ياچەيكاسىنىڭ شۋجيى ەرلىك زيابان بىلاي دەدى: جۋىق جىلداردان بەرى بۋىرشىن اۋدانى تەكسەرۋ - باعالاۋ جانە جاۋاپكەرشىلىگىن تەكتەۋ ادىستەرىن شىعارۋ ارقىلى پارتيانىڭ بارلىق قىزمەتىن ياچەيكاعا دەيىن ىلگەرىلەتىپ، نەگىزگى ساتىنىڭ ۇيىمدىق قابىلەتىن كۇش سالا جوعارىلاتىپ، اۋىل - قىستاقتى گۇلدەندىرۋگە ۇيىمدىق كەپىلدىك ازىرلەدى.

  2016 - جىلى 5 - ايدا قىستاق ”ەكى كوميتەتى“ وتباسىلارىن ارالاۋ ارقىلى قىستاقتاعى پارتيا مۇشەلەرىمەن، بايلانىس جاساۋ وتباسىلارى باستىقتارىمەن، قىستاق تۇرعىندارى ۋاكىلدەرىمەن تالاي رەت اڭگىمە ءماجىلىسىن اشىپ، اۋدانداعى شارۋاشىلىق قۇرۋ، جەتىلدىرۋ بازاسىنداعى مامانداردى ۇسىنىس ەتىپ، ناقتى جەتەكشىلىك ەتتى. دامۋ ءتۇيىنى، ساياحات ورنىن تۇراقتاندىرۋ، قيمىل جوسپارلاۋ سياقتى جاقتاردا 5 جىلدىق دامۋ وي جەلىسىن جاسادى ءارى حۇڭيەلين سالت - سانا وتباسىلىق قولونەر ساياحات قوعامىن قۇردى.

  ۇيىم قۋاتتى بولسا، الۋان كاسىپ كوركەيەدى، قىستاق تۇرعىندارى باييدى. شۇڭقىر قالاشىعىنىڭ ۇزاق مادەنيەت نەگىزىنە، مول ساياحات بايلىعىنا سۇيەنگەن قىزىلقايىڭ قىستاعى ”ەكى كوميتەتى“ قىستاق تۇرعىندارىن باستاپ ساياحات كاسىبىن زور كۇشپەن دامىتىپ، كوپتەگەن قىستاق تۇرعىندارى ساياحات كاسىبىن سۇيەنىش ەتىپ بايۋ جولىنا ءتۇستى. ”قىستاق كادرلارى ۇنەمى بىزگە كومەكتەسىپ اۋلامىزدى تازالايدى، گۇل - اعاشتارىمىزدى ەگەدى، حالىقتىق تۇسەلحانالارىمىزدى رەتتەيدى، سونىڭ ناتيجەسىندە قىستاعىمىز كورىكتەنە ءتۇستى، قىستاققا كەلەتىن ساياحاتشىلار دا بارعان سايىن كوبەيدى“، - دەدى قىستاق تۇرعىنى راحات ءناسىپحان.

  4 جىلدىڭ الدىندا قىزىلقايىڭ قىستاعىنىڭ قىستاق كوللەكتيۆ كىرىسى 50 مىڭ يۋانعا جەتپەيتىن، 2020 - جىلى قىستاقتىڭ قىستاق كوللەكتيۆ ەكونوميكاسى 340 مىڭ يۋانعا، قىستاق تۇرعىندارىنىڭ جان باسىندىق تازا كىرىسى 16 مىڭ 300 يۋانعا جەتتى.

  تيپ ورناتىپ، ۇلگىلى باستاماشىلاردى ءدال تاڭدادى

  2020 - جىلى 12 - ايدىڭ 31 - كۇنى تاڭەرتەڭ ەرتە 13 - ءنومىرلى وتباسىلىق شەبەرحانانىڭ يەسى قارقىن تاۋدان وسى كۇنى 12 ساياحاتشىنىڭ تۇسكى اسىن دايىنداۋ تۋرالى ۇقتىرۋ تاپسىرىپ الدى، ءبىر جىلدىق قوناق كۇتۋ تاجىريبەسىنە يە قارقىننىڭ دايارلىق كورۋىنەن - اق ونىڭ ءوز جۇمىسىنا توسەلىپ كەتكەنى بايقالىپ تۇر.

  جىپ - جىلى ءۇي، ىپ - ىستىق اق شاي، ءيىسى مۇرىندى جارعان ءسۇرى ەت، ءدامى ءتىل ۇيىرەتىن بال باۋىرساق... قازاق ۇلتىنىڭ ءداستۇرلى ءدامدى تاعامدارى داستارقانعا قاز - قاتار ءتىزىلىپ، ءان مەن بيگە دە دايىندىق كورىلىپ قويىلدى، ”قوناقتار كەلسە عانا بولعانى“، - دەدى قارقىن جىمىڭ قاعىپ.

  حۇڭيەلين سالت - سانا وتباسىلىق قولونەر ساياحات قوعامىنداعى پارتيا مۇشەلەرى ۇلگى كورسەتۋ وتباسىنىڭ ءبىرى بولعان قارقىننىڭ ءبىر جىلدان بەرگى تابىسى تەك قالتاسىنداعى اقشاسى عانا ەمەس، ول سونىمەن بىرگە شارۋاشىلىق قۇرۋدان ماقتانىش سەزىمىن تاپتى. ”العاشىندا ەشتەڭەگە ەبىمىز جوق ەدى، قازىر كوڭىل ۇستا، قول ەپتى، ساۋدامىز بارعان سايىن كۇسەتتەنە ءتۇستى، مەنىڭ بايۋ سەنىمىم بارعان سايىن نىعايا ءتۇستى، مەن قىستاق تۇرعىندارىنا ويداعىداي باستاماشى بولىپ، تاماشا تۇرمىسقا بىرگە جەتەمىن“، قارقىننىڭ بولاشاققا دەگەن سەنىمى بەكەم.

  2019 - جىلدان بەرى قىزىلقايىڭ قىستاعى پارتيا ياچەيكاسى پارتيا مۇشەلەرى ۇلگى كورسەتۋ تيجارات جۇرگىزۋ وتباسىلارىن سارالاۋ، ساياحاتتىق شەبەرلىككە باۋلۋ سياقتى قيمىلداردى كەڭىنەن ورىستەتىپ، ءبىر پارتيا مۇشەسى وتباسى از دەگەندە 3 وتباسىن جەتەكتەۋ ءتاسىلى ارقىلى كىرىستەرىن بىرگە ارتتىرىپ، بايۋ جولىنا بىرگە ءتۇستى.

  بۇل كۇندەرى حۇڭيەلين سالت - سانا وتباسىلىق قولونەر ساياحات قوعامىندا 11 پارتيا مۇشەسى ۇلگى كورسەتۋ وتباسى بار، ولار تۇتاس قىستاقتاعى 37 ەگىنشى - مالشى وتباسىن قوعامعا كىرۋگە باستاپ، 44 حالىقتىق تۇسەلحانا ولشەمدى قوناق ءۇيىن اشىپ، ءبىر رەتتە 82 ساياحاتشىنى كۇتىپ الاتىن بولدى. اتالعان قوعام قۇرىلعاننان قازىرگە دەيىن جيىنى 26 مىڭ 300 ادام - رەتتەن استام قوناق كۇتىپ الىپ، ساياحاتتان 3 ميلليون يۋاننان استام كىرىس كىرگىزدى.

  ەكولوگيانى جەبەپ، ەڭ كوركەم دوڭگەلەك داۋلەتتى قىستاق قۇردى

  قىزىلقايىڭ قىستاعىندا قازىر بار 12 شارۋالار شاتتىعى ساياجايى 100دەن استام ادامدى ورنىقتى جۇمىستانۋعا باستاپ وتىر. ”ءبىزدىڭ ءۇيدىڭ شارۋالار شاتتىعى ساياجايىنان تاماق ىشتەتىندەر ءبىر اپتا بۇرىن تاپسىرىس بەرۋى كەرەك، 2020 - جىلى 80 مىڭ يۋاننان استام اقشا تاپتىم“، - دەدى قىستاق تۇرعىنى بەكەتحان وتارباي ءماز - مايرام بولىپ.

  2017 - جىلدان بەرى بۋىرشىن اۋدانى ەكولوگيالىق وركەنيەتتى دوڭگەلەك داۋلەتتى قىستاق قۇرىلىسىن زور كۇشپەن ىلگەرىلەتتى. قازىر قىزىلقايىڭ قىستاعى كۇرە جولىنىڭ قاتتىلانۋ سالىستىرماسى %100كە جەتتى؛ قۇبىر سۋىنىڭ وتباسىلارعا جەتۋ سالىستىرماسى %100 بولدى؛ قىستاق راديو، تەلەۆيزور، سىمسىز توراپ سيگنالىمەن جاپپاي قامتىلدى؛ ەگىنشى - مالشى وتباسىلارىندا تازالىق ءۇيىنىڭ جالپىلاسۋ سالستىرماسى %100 بولدى، قىستاقتىڭ بەت - بەينەسى شىت جاڭا تۇسكە ەندى.

  قىزىلقايىڭ قىستاعى سالت - سانانى جاڭالاۋدى وركەنيەتتى جاڭا قىستاق قۇرىلىسىنىڭ ماڭىزدى مازمۇنى ەتىپ، قىستاق قاعيداسى، تۇرعىندار شارتىمەن جانە ءنومىر جيناۋ ءتۇزىمى ارقىلى باسقارۋمەن ۇشتاستىرىپ، ”جاقسى كەلىن، جاقسى ەنە“، ”ەڭ كوركەم وتباسى“ سياقتى باعالاۋ قيمىلدارىن ورىستەتىپ، كوپ ءتۇرلى فورمالار ارقىلى وركەنيەتتى تيپتەردى ورناتتى. قىستاق پارتيا ياچەيكاسى مەن قىستاق تۇرعىندارىنىڭ ورتاق قۇلشىنۋىندا قىزىلقايىڭ قىستاعىندا ”ءۇي ءىشى وسىزاماندانعان، ءۇي سىرتى جاسىلدانعان، تازارعان، كورىكتەنگەن“ تاماشا بەت - بەينە جارىققا شىقتى.

  ەرلىك بىلاي دەدى: بيىل قىستاق ”ەكى كوميتەتى“ ورمان شارۋاشىلىعى مەن جەر بايلىعىن جانداندىرۋدى جوسپارلاپ، كورىكتى اۋىل - قىستاق قۇرىلىسى ارقىلى تاماشا ەكونوميكانى تۇلعالاۋعا مۇمكىندىك جاسايدى.

  جۋىق جىلداردان بەرى بۋىرشىن اۋدانىندا حۇڭيەلين حالىقتىق تۇسەلحانا، وتباسىلىق قولونەر قوعامى، ات شانا قوعامى، كامي قاۋىنىن مانەرلەۋ قوعامى سياقتى بايۋعا باستايتىن تيپتەر ارت - ارتىنان شىعىپ، 2000نان استام ەگىنشى - مالشى وتباسىن ساياحات كاسىبىنە قاتىناسۋعا باستاپ، 800دەن استام جۇمىستانۋ قىزمەت ورنىمەن قامدادى. ساياحاتتىڭ ارەدىك مەزگىلىندە بۇل اۋدان ”پارتيا مۇشەلەرى ءبىلىم جەتكىزۋ“ 5 شاعىن اتىرەتىن ۇيىمداستىرىپ قۇرىپ، قىستاققا (الەۋمەتتىك اۋماققا) بارىپ ”بايۋ جولى“ ۇگىت - لەكسياسىن جاسادى ءارى ساياحات تيجاراتىن باسقارۋ، كەستە قولونەرى، بال - باۋىرساق جاساۋ سياقتى جەرگىلىكتى ورىننىڭ ءىس جۇزىندىگىنە ساي كەلەتىن شەبەرلىك كۋرستارىن اشىپ، ەگىنشى - مالشىلاردى ءتۇرلى شەبەرلىككە باۋلۋعا قاتىناسۋعا جەتەكتەدى.

  ”بيىل بۋىرشىن اۋدانى”’پارتيا قۇرىلىسى +‘ باسىمدىعىن ۇزدىكسىز ساۋلەلەندىرىپ، كۇش توپتاپ، ەگىنشى - مالشىلاردى تۇتاس وڭىرلىك ساياحاتتى دامىتۋعا باستاپ، اۋىل - قىستاقتى گۇلدەندىرۋ جولىندا ارشىندى قادام تاستايدى“، - دەدى بۋىرشىن اۋداندىق پارتكوم ۇيىمداستىرۋ ءبولىمىنىڭ باستعى ۋاڭ مين.

جاۋاپتى رەداكتور: ءاننا اكىمقان قىزى